Euskal Herriko Agintaritzaren Aldizkaria

200. zk., 2017ko urriaren 19a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 2 ZENBAKIKO EPAITEGIA

5014

EDIKTUA, jabaria deklaratzeko egintzari buruzko 563/2016 prozedura arruntaren ondoriozkoa.

JAKINARAZPEN-ZEDULA

Barakaldoko Lehen Auzialdiko 2 zenbakiko Epaitegian (Bizkaia) bideratutako 563/2016 prozedura arruntean, a, Jose Luis Maria Medrano Cintasek eskatua eta Josefa Arias Ferreroren aurkakoa, epaia eman da, zeinaren idazpurua eta epaitza honako hauek baitira:

178/2017 EPAIA

Epailea: Daniel Calderon Gomez.

Lekua: Barakaldo (Bizkaia).

Eguna: bi mila eta hamazazpiko irailaren bata.

Alderdi demandatzailea: Jose Luis Maria Medrano Cintas.

Abokatua: Antonio Cabezuelo Henares.

Prokuradorea: Maria Teresa Lapresa Villandlego.

Alderdi demandatua: Josefa Arias Ferrero.

Abokatua.

Prokuradorea.

Judizioaren xedea: jabaria deklaratzeko egintza.

Barakaldoko 2 zenbakiko epaitegiko epaile Daniel Calderón Gómezek ikusi ditu 563/2016 zenbakiarekin erregistratutako judizio arruntaren autoak, deklarazio-egintza erreal bati buruzkoak. Auto horiek José Luis Medrano Cintasek eskatuta bideratu dira (Teresa Lapresa izan da prokuradorea eta Antonio Cabezuelo letradua), Josefa Arias Ferreroren aurka, zeina auzi-ihesean baitago.

EPAITZA

Osorik baiesten dut epaitegietako prokuradore Teresa Lapresak aurkeztutako demanda, José Luis Medrano Cintasen izenean eta hura ordezkatuz aurkeztua, Josefa Arias Ferreroren aurkakoa; horrenbestez, deklaratzen dut José Luis Medrano Cintase dela higiezin hauen jabe bakarra: etxebizitza bat (Santurtziko Jabetza Erregistroan 27900. finka gisa inskribatua –1112. liburukia, 456. liburua, 186. orria– eta Cristóbal de Murrieta 32, 3-H, Santzurtzi helbidekoa); finka bat (Santurtziko Jabetza Erregistroan 27820/9. finka gisa inskribatua –1116. liburukia, 460. liburua, 111. orria–; finka hori 27820 finka baten 8/306 parte zatiezina da, garaje gisa erabiltzen den 1. elementuko 55. eta 56. garaje-partzelen erabilera esklusiborako dena; elementu horretan Santurtziko Cristóbal de Murrieta etorbideko 32ko eraikineko sotoak eta lokalak daude, bai eta adierazi gabeko beste batzuk ere Santurtziko Juan José de la Quintana kalekoak. Hori dela eta, finka horien erregistro-inskripzioak zuzendu beharko dira, eta José Luis Medrano Cintasen titulartasun esklusiboa jaso. Halaber, Josefa Arias Ferrero kondenatzen dut deklarazio horiek jaso eta onartzera.

Josefa Arias Ferrerok ordaindu beharko ditu kostuak.

Epaia irmoa denean, bidal bekizkie behar diren aginduak Santurtziko Jabetza Erregistrora, finka horiek inskripzioa alda dezan eta José Luis Medrano Cintasen titulartasun esklusiboa jaso dezan.

Jakinaraz bekie epai hau alderdiei.

Eta Josefa Arias Ferrero demandatuari behar bezalako jakinarazpena egiteko balio dezan, ematen eta sinatzen dut hau, Barakaldon (Bizkaia), bi mila eta hamazazpiko irailaren hogeita zoztzian.

JUSTIZIA ADMINISTRAZIOAREN LETRADUA.

Azterketa dokumentala