RSS
199. zk., 2017ko urriaren 18a, asteazkena
- Bestelako formatuak:
- PDF (208 KB - 1 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OGASUN ETA EKONOMIA SAILA
4981
AGINDUA, 2017ko urriaren 10ekoa, Ekonomia eta Ogasuneko sailburuarena, Euskadiko Ekonomia Arduralaritzako Epaitegiko idazkari titularra kargutik kentzeko eta berria izendatzeko dena.
Euskadiko Ekonomia Arduralaritzako Epaitegiak du Euskadiko Ekonomia Arduralaritzako Epaitegiaren sortze eta antolatzeari buruzko urtarrilaren 24ko 14/1983 Dekretuaren 2.1 artikuluan aipatzen diren egintzen aurka aurkeztutako errekurtso eta erreklamazio ekonomiko-administratiboak ebazteko eskumena, Euskal Autonomia Erkidegoari dagokionez.
Dekretu horren 4.b artikuluan xedatzen denez, Euskadiko Ekonomia Arduralaritzako Epaitegia hiru kidek osatuko dute, eta haietako bat izango da «b) Sail berari atxikitako kargu edo tekniko goren bat, Zuzenbidean lizentziaduna dena, Idazkaritza bere gain izango duela».
Dekretu bereko xedapen iragankor bakarrean xedatzen denez, Ekonomia eta Ogasuneko sailburuak du Euskadiko Ekonomia Arduralaritzako Epaitegiko idazkari titularra izendatzeko eskumena, agindu bidez gauzatuko duena.
Bestalde, Lehendakariaren azaroaren 26ko 24/2016 Dekretuak Ogasun eta Ekonomia Sailari ematen dio zergen kudeaketaren eta erreklamazio ekonomiko-administratiboen funtzioa. Dekretu horren bidez, Euskal Autonomia Erkidegoko Administrazioko Sailak sortu, ezabatu eta aldatzen dira eta haien egitekoak eta jardun-arloak finkatzen.
Dekretu horretan ezarritakoa betetzeko, eta indarrean diren legezko xedapenek ematen dizkidaten ahalmenez baliatuaz honako hau
EBAZTEN DUT:
1. artikulua.– Kargutik kentzea.
M.ª Loreto Abaigar Echegoyen andrea Euskadiko Ekonomia Arduralaritzako Epaitegiko idazkari titularreko kargutik kentzea.
2. artikulua.– Izendatzea.
Gerardo Zubeldia Albizu jauna Euskadiko Ekonomia Arduralaritzako Epaitegiko idazkari titular izendatzea.
3. artikulua.– Ondorio administratiboak.
Dekretu honek argitaratzen den egunean bertan izango ditu ondorio administratiboak.
Vitoria-Gasteiz, 2017ko urriaren 10a.
Ogasun eta Ekonomiako sailburua,
PEDRO MARÍA AZPIAZU URIARTE.
