Euskal Herriko Agintaritzaren Aldizkaria

196. zk., 2017ko urriaren 13a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

4926

IRAGARKIA, Osakidetza-Euskal osasun zerbitzuarena, «Gorlizko Ospitaleko oheen eta garabien mantentze-zerbitzua kontratatzeko» espedientearen lizitaziorako prozedura irekiari buruzkoa.

1.– Erakunde esleitzailea: datu orokorrak eta informazioa eskuratzeko datuak.

a) Erakundea: Osakidetza-Euskal osasun zerbitzua, Osasun Sailari atxikitako ente publikoa, Zuzendaritza Nagusia, Araba kalea, 45 – 01006 Vitoria-Gasteiz (Araba). Posta elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia – Erosketa, Obra eta Zerbitzu Estrategikoen Zuzendariordetza.

c) Dokumentazioa eta informazioa lortzea: Zuzendaritza Nagusia, Araba kalea, 45, 01006 Vitoria-Gasteiz (Araba).

d) Espediente zenbakia: G/201/20/1/1422/O571/0000/082017.

2.– Kontratuaren xedea.

a) Mota: zerbitzuak.

b) Azalpena: Gorlizko Ospitaleko oheen eta garabien mantentze-zerbitzua kontratatzea.

c) Loteak eta kopurua: ez.

d) Gauzatu eta entregatzeko lekua: Gorlizko Ospitalea.

e) Gauzatu eta entregatzeko epea: 4 urte.

f) Luzatzeko aukera: bai, 2 urtetik 1.

g) Esparru akordioa ezartzea (bidezkoa denean): ez.

h) CPV (nomenklatura erreferentzia): 50850000-8.

3.– Izapideak eta prozedura.

a) Izapidetzea: arrunta.

b) Prozedura: irekia.

c) Esleitzeko irizpideak: klausula administratibo partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: % 49:

c.1.1.– Zerbitzua kudeatzeko proiektua: 42 puntu.

c.1.2.– Kalitate-planaren proposamena: 2 puntu.

c.1.3.– Baliabide materialen planaren proposamena: 5 puntu.

c.2.– Formulatan oinarritutako irizpideak: % 51:

c.2.1.– Prezioaren irizpidea: 51 puntu.

4.– Kontratuaren balio zenbatetsia: 204.000,00 euro, BEZik gabe. 246.840,00 euro, BEZa barne (hasierako kontratua + 2 urteko luzapen 1).

5.– Lizitaziorako oinarrizko aurrekontua: 136.000,00 euro, BEZik gabe. 164.560,00 euro BEZa barne.

6.– Eskatutako bermeak: behin betiko bermea: esleipenaren zenbatekoaren % 5.

7.– Kontratistaren berariazko betebeharrak.

a) Sailkapena: ez dagokio.

b) Bestelako ekonomiako eta finantzako kaudimenak eta kaudimen tekniko edo profesionala Espainiako enpresentzat, Europar Batasuneko Estatu kideetako atzerriko enpresentzat eta Europar Batasuneko kide ez diren Estatuetako atzerriko enpresentzat.

b.1.– Ekonomiako eta finantzako kaudimena:

b.1.1.– Betekizunak: enpresa lizitatzaileek urteko negozio-bolumen bat akreditatu beharko dute, bukatutako azken hiru urteotako negozio-bolumenari dagokionez; gutxienez kontratuaren batez besteko urteko balioa halako bat eta erdi izango beharko da.

b.1.2.– Agiriak edo/eta ziurtagiriak: urteko negozio-bolumena (zenbatekoa) onartutako eta Merkataritzaren Erregistroan jasotako urteko kontuen bidez egiaztatuko da, enpresaburua erregistro horretan inskribatuta balego eta, horrela ez balitz, inskribatuta egon behar den erregistro ofizialetan jasotakoen bidez. Merkataritzako Erregistroan inskribatuta ez dauden enpresari indibidualek beren inbentarioen eta urteko kontu legeztatuen liburuekin egiaztatuko dute beren urteko bolumena.

b.2.– Kaudimen teknikoa edo profesionala:

b.2.1.– Betekizunak: enpresa lizitatzaileek azken 5 urteetan kontratuaren xede direnen antzekoak diren edo pareko ezaugarriak dituzten zerbitzuak egin izana ziurtatu beharko dute, eta urteko zenbateko metatua urtekotutako lizitazioko oinarrizko aurrekontuaren zenbatekoa % 70 edo handiagoa izan beharko da (BEZik gabe).

b.2.2.– Agiriak edo/eta ziurtagiriak: interesdunak azken bost urteotan egindako lanen zerrenda, kontratuaren xede den helburuaren izaera berekoak edo antzekoak direnak. Bertan, horien zenbatekoa, datak eta hartzaile publikoak edo pribatuak adierazi beharko dituzte. Hartzailea sektore publikoko erakundea denean, organo eskudunak jaulkitako edo ontzat emandako ziurtagiri bidez kreditatu beharko dira egindako zerbitzuak; hartzailea subjektu pribatu bat denean, berorrek emandako ziurtagiriaren bitartez, eta, halakorik ezean, enpresaburuaren adierazpen baten bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko urriak 30, 13:00etan.

b) Aurkezteko era: klausula administratibo partikularren pleguan eskatutakoa.

c) Aurkezteko lekua: ikusi 1.a puntua.

d) Prozedura mugatua izanez gero, eskaintzak aurkezteko deia egingo zaien enpresen kopurua: ez dagokio.

e) Aldaerak onartzea: ez.

f) Lizitatzaileak zenbat denboran mantendu beharko duen eskaintza: 2 hilabetez, proposamen ekonomikoak irekitzen direnetik aurrera.

9.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko azaroaren 3a, 12:45ean.

b) Aplikatzeko formulak kalkulatzea eskatzen duten irizpideen gutun-azala irekitzea: Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko azaroaren 17a, 12:45ean.

10.– Publizitate gastuak: esleipendunaren kontura (466,14 euro).

11.– Iragarkia «Europa Batasunaren Aldizkari Ofizialera» bidali den eguna (halakorik bada): ez dagokio.

12.– Bestelako informazioa: pleguetan, hala badagokio, deialdiari buruzko informazioa aurkitzeko edo pleguak jasotzeko atari informatikoa edo web orria: www.osakidetza.euskadi.net

Vitoria-Gasteiz, 2017ko irailaren 18a.

Kontratazio Mahaiko presidentearen ordezkoa,

ENEKO ZARRAOA GARMENDIA.

Azterketa dokumentala