Euskal Herriko Agintaritzaren Aldizkaria

196. zk., 2017ko urriaren 13a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

4898

EBAZPENA, 2017ko irailaren 29koa, Emakunde-Emakumearen Euskal Erakundeko zuzendariarena, 2017. urtean emakumeen eta gizonen berdintasunari buruzko ikerlanak egiteko hiru beketarako deialdiaren Hautaketa Batzordearen osaera aldatzen duena.

Emakunde-Emakumearen Euskal Erakundeko zuzendariaren 2017ko martxoaren 21eko Ebazpenaren 8. artikuluak Hautaketa Batzordearen osaera ezartzen du, aurkeztutako eskaerak aztertzeko eta ebaluatzeko. Ebazpen horrek 2017. urtean emakumeen eta gizonen berdintasunari buruzko ikerlanak egiteko hiru beketarako deialdia arautzen eta onartzen du.

Kontuan izanda gaur egun Emakunde-Emakumearen Euskal Erakundeko idazkaritza nagusiaren titularra beste bat dela, aldaketa hau derrigorrez egin behar da.

Horri jarraikiz, honako hau

EBAZTEN DUT:

Artikulu bakarra.– 8. artikuluaren aldaketa.

Emakunde-Emakumearen Euskal Erakundeko zuzendariaren 2017ko martxoaren 21eko Ebazpenaren 8. artikuluaren aldatzen da, eta presidentea Zuriñe Elordi Romero anderea, Emakundeko idazkari nagusia, izango da. Ebazpen horrek 2017. urtean emakumeen eta gizonen berdintasunari buruzko ikerlanak egiteko hiru beketarako deialdia arautzen eta onartzen du.

AZKEN XEDAPENETATIK LEHENENGOA

Ebazpen honek amaiera ematen dio administrazio-bideari, eta, beronen aurka, interesdunek berraztertzeko errekurtsoa aurkez diezaiokete Emakunde-Emakumearen Euskal Erakundeko zuzendariari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez dezakete zuzenean, dagokion Administrazioarekiko Auzien Epaitegian, hilabete biko epean, ebazpena EHAAn argitaratu eta biharamunetik aurrera.

AZKEN XEDAPENETATIK BIGARRENA

Ebazpen honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2017ko irailaren 29a.

Emakunde-Emakumearen Euskal Erakundeko zuzendaria,

MIREN IZASKUN LANDAIDA LARIZGOITIA.

Azterketa dokumentala