Euskal Herriko Agintaritzaren Aldizkaria

157. zk., 2017ko abuztuaren 18a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

4131

EDIKTUA, 340/2014 prozedura arruntaren ondoriozkoa.

JAKINARAZPEN-ZEDULA

Getxoko (Bizkaia) Lehen Auzialdiko 2 zenbakiko Epaitegian, judizio arrunteko 340/2014 prozedura bideratu da Jorge Marcelo Oscar Barbagallo Lencinaren aurka, FGA Capital Spain Establecimiento Financiero de Credito, S.A.k eskatuta. Prozedura horretan epaia eman da. Hona hemen idazpurua eta epaitza:

91/2016 EPAIA

Epailea: Alfonso Alvarez-Buylla Naharro.

Lekua: Getxo (Bizkaia).

Eguna: bi mila eta hamaseiko maiatzaren hogeita laua.

Alderdi demandatzailea: FGA Capital Spain Establecimiento Financiero de Crédito, S.A.

Abokatua: Miguel Remon Navarro.

Prokuradorea: Maria Teresa Bajo Auz.

Alderdi demandatua: Marcelo Oscar Barbagallo Lencina (rebelde).

Judizioaren gaia: kalteak erreklamatzea.

EPAITZA

Osorik baiesten dut Bajo Auz prokuradoreak FGA Capital Spain Establecimiento Financiero de Crédito, S.A. merkataritza-sozietatea ordezkatuz aurkeztutako demanda, Marcelo Oscar Barbagallo Lencinaren aurkakoa, auzi-iheslaria bera; hori dela eta, Barbagallo jauna kondenatzen dut demandatzaileari ordaintzera: hogeita bost mila zortziehun eta hirurogeita hamahiru euro eta berrogeita bat zentimo (25.873,41 euro) gehi legezko interesak, 2016ko apirilaren 11tik honakoak. Eragindako kostuak ere demandatuak ordaindu behar ditu.

Jakinaraz bekie alderdiei.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (Kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut Getxon (Bizkaian), bi mila eta hamaseiko martxoaren hogeita lauan.

Marcelo Oscar Barbagallo Lencina demandatuari behar bezalako jakinarazpena egiteko balio dezan, ematen eta sinatzen dut idazki hau, Getxon (Bizkaia), bi mila eta hamaseiko maiatzaren hogeita bostean.

IDAZKARIA.

Azterketa dokumentala