Euskal Herriko Agintaritzaren Aldizkaria

140. zk., 2017ko uztailaren 24a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

KULTURA ETA HIZKUNTZA POLITIKA SAILA

3749

IRAGARKIA, administrazioarekiko 1091/2017 auzi-errekurtso arruntean hirugarren interesdunak epatzeko dena.

Euskal Autonomia Erkidegoko Justizia Auzitegi Nagusiko Administrazioarekiko Auzien Salan, Asociación Comunicaciones y Eventos Dancek administrazioarekiko auzi-errekurtsoa aurkeztu du, zeina 1091/2017 prozedura arruntean bideratzen ari baita; auzi-errekurtso hori Kultura eta Hizkuntza Politika Sailaren 2017ko ekainaren 7ko Aginduaren aurka aurkeztu du. Agindu horrek ezezten du 2016ko uztailaren 19ko eskaeraren presuntziozko ezezpenaren aurka jarritako berraztertze-errekurtsoa. Eskaera hori, Euskal Autonomia Erkidegoan ikus-entzunezko irrati lizentziak emateko lehiaketaren deialdiari buruzkoa da.

Administrazioarekiko Auzien Jurisdikzioa arautzen duen uztailaren 13ko 29/1998 Legearen 49.artikuluan ezarritakoa betez, epatu egiten dira interesa izan dezaketen hirugarrenak, eta jakinarazi egiten zaie prozedura judizialean agertu eta pertsonatu daitezkeela, bederatzi eguneko epean, iragarki hau Estatuko Aldizkari Ofizialean argitaratu eta biharamunetik Aurrera.

Aipatutako administrazioarekiko auzi-errekurtsoaren interesdun posibleak ezezagunak direnez, iragarki hau argitaratzen da Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan ezarritakoa betez.

Jakinarazpen honek ondorioak izango ditu Estatuko Aldizkari Ofizialean argitaratu eta hurrengo egunetik aurrera.

Vitoria-Gasteiz, 2017ko uztailaren 13a.

Zerbitzu zuzendaria,

CARMELO ARCELUS MÚGICA.

Azterketa dokumentala