RSS
134. zk., 2017ko uztailaren 14a, ostirala
- Bestelako formatuak:
- PDF (192 KB - 2 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 5 ZENBAKIKO EPAITEGIA
3555
EDIKTUA, ezkontzaz kanpoko seme-alabentzako adostutako neurrien gainean bideratutako 650/2015 prozeduraren ondoriozkoa.
Barakaldoko Lehen Auzialdiko 5 zenbakiko Epaitegia (Familia).
Judizioa: 650/2015 ezkontzaz kanpoko seme-alabentzako neurriak, elkarren adostasunez hartuak.
Alderdi demandatzailea: O. de la H.B.
Alderdi demandatua: Angel Jimenez Jimenez.
Gaia: ezkontzaz kanpoko seme-alabentzako neurriak.
Aipatutako judizioan, ebazpena eman da. Hona hemen testua, hitzez hitz:
714/2015 EPAIA
Epailea: Ana Isabel Viaña Ranilla andrea.
Lekua: Barakaldo (Bizkaia).
Data: bi mila eta hamabosteko abenduaren hamaika.
Eskatzaileak: Osane de la Hoz Barruetabeña.
Abokatua: Jose Antonio Mardaras Camiruaga.
Prokuradorea: Llama Diaz de Cerio, M.ª Felicidad.
Judizioaren gaia: guraso eta seme-alabentzako neurriak hartzea.
EPAITZA
Baiesten dut Llama Diaz de Cerio prokuradoreak O. de la H.B.ren ordezkaritzan jarri duen demanda, eta, beraz, onartzen da beren seme adingabearen gaineko guraso-ahala, zaintza eta jagoletza, bisita-araubidea eta elikagaiei dagokienez alderdiek 2015eko irailaren 24an izenpetu zuten hitzarmen arautzailearen proposamena.
Ez da kosturik ezartzen.
Epai honen aurka Fiskaltzak soilik aurkeztu ahal izango du apelazio-errekurtsoa, betiere adingabeko seme-alaben alde egiteko.
Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Eta epai honen bidez erabaki, agindu eta sinatzen dut.
Demandatuaren gaur egungo helbidea edo bizilekua ezezaguna denez, Prozedura Zibilaren 1/2000 Legeko 156.4 eta 164. artikuluetan xedatutakoarekin bat etorriz, epaileak, Bulego Judizialeko iragarki-oholean ediktu hau argitaratzea ebatzi du, epaiaren jakinarazpen-eginbidea burutzeko.
Barakaldo (Bizkaia), 2017ko ekainaren 6a.
JUSTIZIA ADMINISTRAZIOAREN LETRADUA.
