Euskal Herriko Agintaritzaren Aldizkaria

115. zk., 2017ko ekainaren 19a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BERGARAKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA

3070

EDIKTUA, ezkontzaz kanpoko seme-alabentzako neurrietarako 378/2016 prozeduraren ondoriozkoa.

Bergarako Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriak (378/2016).

Demandatzailea: Mariem Alien Mohamed.

Abokatua: Amaia Zabaleta Irazabalbeitia.

Prokuradorea: Jose Alberto Amilibia Mugica.

Demandatua: Saleh Sulman Malainin.

Gaia: Gaia: ezkontzaz kanpoko seme-alabentzako neurriak.

Judizio horretan, epaia eman da 2017-05-22an. Hona hemen epaitza:

«EPAITZA

Osorik baiesten dut José Alberto Amilibia Múgica prokuradoreak, Mariem Alien Mohamed andrearen izenean eta ordezkaritzan, Saleh Sulman Malainin jaunaren aurka jarritako demanda, eta, horrenbestez, honako neurri hauek hartzea erabaki dut:

1.– Bi gurasoek batera izango dute adingabekoen gaineko guraso-ahalaren titulartasuna, baina Mariem Alien Mohamed ama bakarrik baliatuko da horretaz; guraso-ahalari dagozkion erabakiak eta erantzukizunak amak hartuko ditu eta adingabeen zaintza eta jagoletza berari esleitzen zaizkio.

2.– Familiako etxebizitzaren erabilera seme-alabei eta amari esleitzen zaizkie, amak izango baitu adingabeen zaintza eta jagoletza.

3.– Aitak adingabeen mantenu-pentsioa ordaindu beharko dio amari, 75 euro seme-alaba bakoitzeko, 150 euro guztira. Pentsioa aurretiaz ordaindu beharko du, hilabete bakoitzeko lehenengo bost egunen barruan, amak izendatzen duen kontuan; zenbateko hori urtero eguneratuko da, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizearen arabera.

4.– Adingabeen ezohiko gastuak gurasoek ordainduko dituzte, erdibana, tiketa edo faktura aurkeztu ondoren; gastu horietan ez dira sartzen honako gastu hauek: eskolako matrikula, eskolako liburuak eta materiala edo arropa, horiek gastu arruntak baitira.

5.– Ez da bidezkoa bisita-erregimenik ezartzea aitaren alde.

Neurri hauek ulertu behar dira aitak leku ezezagunean egoten uzteari kalterik egin gabe; kasu horretan, neurriok berrikusi ahalko dira, betiere neurriak aldatzeko prozedura erabiliz.

Guztia ere, prozesuko kostuak berariaz ezarri gabe.

Jakinaraz bekie ebazpen hau Fiskaltzari eta alderdiei, eta ohartarazi haren aurka apelazio-errekurtsoa aurkez daitekeela, Probintzia Auzitegiari zuzenduta. Errekurtsoa aurkezteko, idazkia aurkeztu behar da epaitegi honetan hogei egun balioduneko epean, jakinarazpena egin eta hurrengo egunetik aurrera.

Eta nire epai honen bidez eman, agindu eta sinatzen dut. Epai honen lekukotza egin beharko da autoei eransteko.

Saleh Sulman Malainin demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Bergara (Gipuzkoa), 2017ko maiatzaren 23a.

JUSTIZIA ADMINISTRAZIOAREN LETRADUA.

Azterketa dokumentala