Euskal Herriko Agintaritzaren Aldizkaria

102. zk., 2017ko maiatzaren 31, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BERGARAKO LEHEN AUZIALDIKO ETA INSTRUKZIOKO 4 ZENBAKIKO ZUZENEKO LAGUNTZA EMATEKO UNITATE PROZESALA

2670

EDIKTUA, ezkontzaz kanpoko seme-alabentzako neurrietarako 345/2016 prozeduraren ondoriozkoa.

Bergarako Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.

Judizioa: 345/2016 ezkontzaz kanpoko seme-alabentzako neurriak.

Demandatzailea: Maria Emilia Flores Zeron.

Abokatua: Maria Luisa Garcia Nuñez.

Prokuradorea: José Alberto Amilibia Múgica.

Demandatua: Manuel Bonilla Moreno.

Gaia: guraso eta seme-alaben arteko neurriak.

Judizio horretan, epaia eman da 2017-05-05ean. Hona hemen epaitza:

Osorik baiesten dut José Alberto Amilibia Múgica prokuradoreak Maria Emilia Flores Zeronen izenean eta ordez aurkeztutako demanda, Manuel Bonilla Morenoren aurkakoa. Horrenbestez, neurri hauek hartzen ditut:

1.– XXXXX y XXXXX adingabeen guraso-ahalaren titulartasuna bi gurasoek batera izango dute, baina ama Maria Emilia Flores Zeronek bakarrik baliatuko du. Hartara, amak bere esku izango ditu guraso-ahalari dagozkion erabaki eta ardura guztiak, eta berak izango du, halaber, adingabeen zaintza eta jagoletza.

2.– Momentuz ez da ezartzen aitaren aldeko bisita-erregimenik, une honetan ezinezkoa baita halako neurririk gauzatzea.

3.– Momentuz ez da ezartzen inolako mantenu-pentsiorik, une honetan ezinezkoa baita halako neurririk gauzatzea.

Hala ere, demandatua non bizi den jakiterik balego, neurri horiek alda litezke dagokion prozeduraren bidez.

Guztia ere, prozesu-kostuak berariaz ezarri gabe.

Jakinaraz bekie epai hau Fiskaltzari eta alderdiei, eta ohartarazi ere haren aurka apelazio-errekurtsoa aurkez daitekeela, Probintzia Auzitegiari zuzenduta. Errekurtsoa aurkezteko, idazkia aurkeztu behar da epaitegi honetan, hogei eguneko epean, jakinarazpena egin eta hurrengo egunetik aurrera.

Epai honen ziurtagiria erantsi beharko zaie autoei eta, bestalde, epai honen bitartez ebatzi, agindu eta sinatu egiten dut.

Manuel Bonilla Moreno demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, demandatu auzi-iheslariak apelazio-errekurtsoa aurkez dezake.

Interesdunak eskuragarri du jakinarazten den ebazpenaren testu osoa, epaitegi honetako bulego judizialean.

Bergara (Gipuzkoa), 2017ko maiatzaren 9a.

JUSTIZIA ADMINISTRAZIOAREN LETRADUA.

Azterketa dokumentala