Euskal Herriko Agintaritzaren Aldizkaria

77. zk., 2017ko apirilaren 24a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

IRUNGO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2053

EDIKTUA, erantzukizun penalari, hamar urterakoari, kontratukoari eta kontratuz kanpokoari buruzko 307/2015 prozedura arruntaren ondoriozkoa.

Irungo Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 307/2015 prozedura arrunta.

Demandatzailea: Hondarribiko Amute kaleko 15 zenbakiko jabekide-erkidegoa.

Abokatua: Ramon Moritz Lopez Albizu.

Prokuradorea: Patricia Mercedes Azpiazu Arambarri.

Demandatua: Leire Juncal Menendez Pailos, Luis Antonio Beracoechea Fernandez de Troconiz, Residencial Kobentu Txiki, S.L.U eta Jon Gurrutxaga Oskotz.

Gaia: erantzukizun penala, hamar urterakoa, kontratukoa eta kontratuz kanpokoa.

Judizio horretan, epaia eman da 2017-01-04an. Hona hemen epaitza:

EPAITZA

Partez baiesten dut Hondarribiko Amute kaleko 15 zenbakiko jabekide-erkidegoaren ordezkaritzak Residencial Kobentu Txiki, S.L.U.eta Luis Antonio Beracoechea Fernández de Trocónizen aurka aurkeztutako demanda; horrenbestez,

Residencial Kobentu Txiki, S.L.U. (sustatzailea) eta Luis Antonio Beracoechea Fernández de Trocóniz (aparejadorea) kondenatzen ditut atzemandako eraikuntza-akatsak direla-eta behar diren obrak egitera edo obra horien kostuak (9.567,70 euro gehi BEZa) ordaintzera, baita ere ordaintzera auzibideko erreklamaziotik ebazpen honen egunera arteko legezko interesak eta ebazpen honen egunetik ordainketa guztiz egin arteko kopuru horren legezko interesa bi puntutan gehitua.

Ez da ematen kostuen gaineko kondenarik.

Ezesten dut Hondarribiko Amute kaleko 15 zenbakiko jabekide-erkidegoaren ordezkaritzak Jon Gurrutxaga Oskotzen aurka aurkeztutako demanda; horrenbestez,

Jon Gurrutxaga Oskotz (goi-arkitektoa eta obra-zuzendaria) absolbitzen dut, eta auzi-jartzaileari ezartzen dizkiot prozesuko kostuak.

Luis Antonio Beracoechea Fernandez de Troconiz eta Residencial Conbentu Txiki, S.L.U. demandatuen egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri dauka jakinarazten den ebazpenaren testu osoa, auzitegi honetako bulego judizialean.

Irun (Gipuzkoa), 2017ko martxoaren 15a.

JUSTIZIA ADMINISTRAZIOAREN LETRADUA.

Azterketa dokumentala