RSS
63. zk., 2017ko martxoaren 30a, osteguna
- Bestelako formatuak:
- PDF (206 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 14 ZENBAKIKO EPAITEGIA
1664
EDIKTUA, ezkontzaz kanpoko seme-alabentzako neurrietarako 2271/2014 prozeduraren ondoriozkoa.
JAKINARAZPEN-ZEDULA
Bilboko (Bizkaia) Lehen Auzialdiko 14 zenbakiko Epaitegian, ezkontzaz kanpoko seme-alabentzako neurriei buruzko 2271/2014 prozedura bideratu da, Maria del Carmen Rojas Sejas-ek eskatuta Marco Antonio Arratia Muriel-en aurka. Prozedura horren gainean epaia eman da. Hona hemen idazpurua eta epaitza:
663/2015 EPAIA
Bilbao, bi mila eta hamabosteko azaroaren hemeretzia.
Nik, María Elena Rodríguez Vadillo andreak, Bilboko eta haren barruti judizialeko Lehen Auzialdiko 14 zenbakiko Epaitegiko epailea naizen aldetik, ikusi ditut guraso eta seme-alaben arteko behin betiko neurriei buruz epaitegi honetan bideratutako autoak, M.ª del Carmen Rojas Sejas andreak eskatuta –Sandra Pérez Alba prokuradoreak ordezkatu du eta M.ª del Puerto Neira Sánchez letraduak defendatu–, Marco Antonio Arratia Muriel jaunaren aurka –auzi-iheslaria bera–. Fiskaltzak ere parte hartu du.
EPAITZA
Adingabearen eta bere guraso M.ª del Carmen Rojas Sejas eta Marco Antonio Arratia Murielen arteko harremanak arautzeko, honako neurri hauek hartzea erabakitzen dut:
– Adingabearen guraso-ahala M.ª del Carmen Rojas Sejas andreari bakarrik esleitzen zaio; guraso-ahalaren titulartasuna, berriz, bi gurasoena izango da.
– M.ª del Carmen Rojas Sejas amari esleitzen zaio, era berean, adingabearen zaintza eta jagoletza. Beraz, amarekin biziko da normalean, Bilboko helbide honetan: Villabaso bidea, 8 - 5. B.
– Aitaren eta alabaren artean ez da inolako bisita-erregimenik ezartzen.
– Adingabearen aldeko mantenu-pentsio bat ezartzen da, 150 eurokoa. Marco Antonio Arratia Muriel jaunak ordaindu beharko du, 12 hilabeteetan, hileroko lehen bost egunetan, horretarako izendatutako kontura diru-transferentzia eginez. Urte hasieran, pentsioa eguneratuko da, KPIren arabera.
Aparteko gastuak erdi bana ordainduko dituzte, eta, halakotzat hartuko dira sistema publikoak estaltzen ez dituen hezkuntza- eta osasun-gastuak. Ez dira aparteko gastutzat hartuko eskola-matrikulak, liburuak eta eskola-materiala.
Ez da kostuen gaineko erabakirik hartzen.
Jakinaraz bekie epai hau alderdiei, bai eta aditzera eman ere bere aurka apelazio-errekurtsoa aurkez daitekeela, Probintzia Auzitegiari zuzenduta. Errekurtsoa aurkezteko, idazkia aurkeztu behar da epaitegi honetan hogei egun balioduneko epean, jakinarazpena egin eta hurrengo egunetik aurrera.
Honela, epai honen bitartez, eman, agindu eta sinatzen dut nik, María Elena Rodríguez Vadillo andreak, Bilboko eta haren barruti judizialeko Lehen Auzialdiko 14 zenbakiko Epaitegiko epailea naizen aldetik.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradu naizenez, horren guztiaren fede ematen dut, Bilbon (Bizkaia), bi mila eta hamabosteko azaroaren hemeretzian.
Marco Antonio Arratia Muriel demandatuari behar bezalako jakinarazpena egiteko balio dezan, ematen eta sinatzen dut hau, Bilbon (Bizkaia), bi mila eta hamaseiko otsailaren hemezortzian.
IDAZKARIA.
