Euskal Herriko Agintaritzaren Aldizkaria

42. zk., 2017ko martxoaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

1107

EDIKTUA, 616/2016 prozedura arruntaren ondoriozkoa.

JAKINARAZPEN-ZEDULA

Vitoria-Gasteizko Lehen Auzialdiko 2 zenbakiko Epaitegian, 616/2016 judizio arruntaren prozedura bideratu da, Vitoria-Gasteizko Nieves Cano kaleko 6. zenbakiko jabekideen erkidegoak eskatuta, Luis Andino Rodriguez eta Maria Martioda Lengaranen jaraunspen jasogabearen aurka. Prozedura horren gainean epaia eman da. Hona hemen idazpurua eta epaitza, kopiatuta:

36/2017 EPAIA

Epailea: Francisco Javier Pablo Pablo.

Lekua: Vitoria-Gasteiz.

Eguna: bi mila eta hamazazpiko otsailaren bata.

Alderdi demandatzailea: Gasteizko Nieves Cano kaleko 6 zenbakiko jabekide-erkidegoa.

Abokatua: Monica Blanca Rico Mendiguren.

Prokuradorea: Soraya Martinez de Lizarduy Portillo.

Alderdi demandatua: Luis Andino Rodriguez eta Maria Martioda Lengaranen jaraunspen jasogabea.

Abokatua.

EPAITZA

Baiesten dut jabetza horizontalaren judizio arruntaren demanda, epaitegi honetan bideratua, zeina banaketa-txandaren arabera egokitu baitzaio. Judizioa Martínez de Lizarduy prokuradoreak eskatu zuen, Nieves Cano kaleko 6. zenbakiko jabekideen erkidegoaren ordezkaritzan, Rico letraduak lagunduta, Luis Andino Rodríguez eta María Martioda Lengaranen jaraunspen jasogabearen aurka, zeina auzi-ihesean baitago. Horrenbestez, Luis Andino Rodríguez eta María Martioda Lengaranen jaraunspen jasogabea kondenatzen dut erkidego demandatzaileari 1.E etxebizitzaren eranskin den 3. zenbakiko ganbarara sartzen uztera, atzeman den jarioa kentzeko behar diren konponketak egin ditzan.

Kostuak alderdi demandatuari ezartzen dizkiot.

Jakinaraz bekie ebazpen hau alderdiei.

Aurkaratzeko modua: Apelazio errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0010 0000 04 0616 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Vitoria-Gasteiz, 2017ko otsailaren 2a.

JUSTIZIA ADMINISTRAZIOAREN LETRADUA.

Azterketa dokumentala