Euskal Herriko Agintaritzaren Aldizkaria

40. zk., 2017ko otsailaren 27a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

1043

EDIKTUA, ezkontzaz kanpoko seme-alabentzako neurrietarako 93/2016 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 93/2016 ezkontzaz kanpoko seme-alabentzako neurriak.

Alderdi demandatzailea: S.L.E.R.

Alderdi demandatua: Nelson Bonilla Banegas.

Gaia: ezkontzaz kanpoko seme-alabentzako neurriak.

Judizio horretan ebazpena eman da eta honela dio hitzez hitz:

89/2017 EPAIA

Epailea: Susana Diez Martinez de Lahidalga.

Lekua: Barakaldo (Bizkaia).

Eguna: bi mila eta hamazazpiko otsailaren zazpia.

Alderdi demandatzailea: S.L.E.R.

Abokatua: Belen Revelo Montero.

Prokuradorea: Paula Basterreche Arcocha.

Alderdi demandatua: Nelson Bonilla Banegas.

Abokatua.

Prokuradorea.

Judizioaren gaia: seme-alabei buruzko neurriak.

EPAITZA

Baiesten dut Basterreche Arcocha prokuradoreak S.L.E.R. Andrearen izenean eta hura ordezkatuz jarri duen demanda, Nelson Bonilla Banegas jaunaren aurka.

1.– Bonilla jauna kondenatzen dut 100 euro ordaintzera bere alabaren elikagai-pentsio modura, hura ekonomikoki independente izaten den arte. Zenbateko hori hark izendatzen duen kontuan sartu beharko du, aurreratuta, hil bakoitzaren lehenengo bost egunen barruan. Urtero eguneratuko da zenbateko hori, Estatistikako Institutu Nazionalak –edo horren ordezkoak– jarritako kontsumo-prezioen indizeak izan ditzan aldaketen arabera. Lehenengo eguneratzeak 2017ko urtarrilaren 1etik aurrera izango du eragina.

2.– Bonilla jauna kondenatzen dut suertatu daitezkeen ezohiko gastuen % 50 ordaintzera. Ezohiko gastutzat joko dira mediku-, farmazia-, optika- eta odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa-prozesuaren indargarri eta lagungarri jaso beharreko eskola-orduen aparteko gastuak.

3.– Kostuak ezartzen dira.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (4685 0000 00 0093 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Barakaldo (Bizkaia), 2017ko otsailaren 8a.

JUSTIZIA ADMINISTRAZIOAREN LETRADUA.

Azterketa dokumentala