Euskal Herriko Agintaritzaren Aldizkaria

19. zk., 2017ko urtarrilaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

522

IRAGARKIA, Osakidetza-Euskal osasun zerbitzuarena, «Osakidetzako II. Euskara Planaren tarteko ebaluazioa» kontratatzearekin lotutako espedientearen lizitazio-prozedura irekiari buruzkoa.

1.– Erakunde esleitzailea. Datu orokorrak eta informazioa lortzeko datuak:

a) Erakundea: Osakidetza-Euskal osasun zerbitzua, Osasun Sailari atxikitako ente publikoa, Erakunde Zentrala, Araba kalea 45, 01006 Vitoria-Gasteiz (Araba). Helbide elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia – Erosketa, Obra eta Zerbitzu Estrategikoen Zuzendariordetza.

c) Informazioa eta dokumentuak eskuratzea. Zuzendaritza Nagusia, Araba kalea 45, 01006 Vitoria-Gasteiz (Araba).

d) Espedientearen zenbakia: G/211/20/1/0060/O001/0000/012017.

2.– Kontratuaren xedea.

a) Mota: zerbitzuak.

b) Deskribapena: Osakidetzako II. Euskara Planaren tarteko ebaluazioa.

c) Loteka eta kopuruka banatzea: ez.

d) Gauzatzeko/entregatzeko lekua: Osakidetza ente publikoa.

e) Gauzatzeko/entregatzeko epea: 7 hilabete.

f) Luzatzeko aukera: ez.

g) Esparru-akordio bat ezartzea (beharrezkoa balitz): ez.

h) CPV (nomenklatura erreferentzia): 79000000-4.

3.– Izapidetzea eta prozedura.

a) Izapideak: arrunta.

b) Prozedura: irekia.

c) Esleitzeko irizpideak: klausula administratibo partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: % 60.

c.1.1.– Ebaluatu beharreko arloen eta elementuen, eta haien ebaluazio-sistemaren, puntuazioaren eta ponderazioaren proposamena: 14 puntu.

c.1.2.– Ebaluazio kuantitatibo eta kualitatiborako behar diren datuak, informazioa eta ebidentziak jasotzeko sistemaren proposamena: 14 puntu.

c.1.3.– Ebaluazio-prozesu osoaren kronograma: 8 puntu.

c.1.4.– Giza baliabideak: kide bakoitzak euskara planen diseinuan, inplementazioan eta ebaluazioan dituen baliabide eskuragarriak, prestakuntza eta gaitasuna; ebaluatzaileen atazen banaketa eta horiek abiaraztea: 14 puntu.

c.1.5.– Koordinazioa Osakidetzako Euskara Zerbitzu Korporatiboarekin: 5 puntu.

c.1.6.– Ebaluazio-txostenaren eredua: 5 puntu.

c.2.– Formulatan oinarritutako irizpideak: % 40.

c.2.2.– Prezioa: 40 puntu.

4.– Kontratuaren gutxi gorabeherako balioa: 68.000,00 euro (BEZik gabe).

5.– Lizitaziorako oinarrizko aurrekontua: 68.000,00 euro (BEZik gabe).

6.– Eskatutako bermeak: behin betiko bermea: esleipenaren zenbatekoaren % 5.

7.– Kontratistaren betebeharrak.

a) Sailkapena: ez.

b) Ekonomia- eta eta finantza-kaudimena eta kaudimen teknikoa edo profesionala Espainiako enpresetarako, Europar Batasuneko Estatu kideetako atzerriko enpresetarako eta Europar Batasuneko kide ez diren Estatuetako atzerriko enpresetarako.

b.1.– Ekonomia- eta finantza-kaudimena:

b.1.1.– Eskakizuna/k: enpresa lizitatzaileek urteko negozio-bolumen zehatz bat egiaztatu beharko dute; azkeneko amaitutako hiru ekitaldietako negozio-bolumen handieneko urtearekin alderatuz, lizitaziorako oinarrizko aurrekontuaren berdina izango da gutxienez (BEZik gabe).

b.1.2.– Dokumentuak eta/edo egiaztagiriak: urteko negozio-bolumena (zenbatekoa) ziurtatzeko, Merkataritza Erregistroan jasotako eta onartutako urteko kontuak aurkeztu beharko dira, enpresaria erregistro horretan inskribatuta badago, eta bestela, kasuan kasu dagokion erregistro ofizialean jasotakoak aurkeztu beharko dira. Merkataritzako Erregistroan inskribatuta ez dauden enpresari indibidualek haien urteko negozio-bolumena egiaztatuko dute haien inbentarioen eta urteko kontuen liburuekin, Merkataritzako Erregistroak horiek legalizatu ondoren.

b.2.– Kaudimen teknikoa eta profesionala:

b.2.1.– Eskakizuna/k: enpresa lizitatzaileek kontratuaren xedeari dagokion mota edo izaera bereko hornidurak eman izana akreditatu beharko dute, azken 5 urteotan emandakoak, eta hornidura gehien emandako urtean metatutako urteko zenbatekoa lizitaziorako oinarrizko aurrekontuaren berdina handiagoa izan beharko da.

b.2.2.– Dokumentuak eta/edo egiaztagiriak: azken bost urtean gauzatu diren eta lizitazio-kontratu honetakoen berdinak edo antzekoak izan diren hornikuntza nagusien zerrenda, haien zenbatekoa, datak eta horien hartzailea publikoa edo pribatua izan den zehaztuz. Jasotzailea sektore publikoko erakunde bat bada, eskudun organoak bisatutako edo egiaztatutako agirien bitartez ziurtatu beharko dira egindako hornidurak; jasotzailea arlo pribatuko eroslea bada, horrek emandako ziurtagirien bidez, eta halakorik ez bada, enpresariaren deklarazioaren bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko otsailaren 14a, 13:00ak.

b) Aurkezteko modua: administrazio klausula partikularren pleguan eskatutakoa.

c) Aurkezteko lekua: ikusi 1.a puntua.

d) Eskaintzak aurkeztera gonbidatuko diren enpresen kopurua, gutxi gorabehera (prozedura mugatua): ez dagokio.

e) Aldaera onartzea: ez.

f) Eskaintzaileak eskaintzari eutsi behar dion epea: 2 hilabete, eskaintza ekonomikoaren gutun-azala irekitzen denetik zenbatzen hasita; hamabost egun baliodun gehiagoz luzatu ahal izango da epe hori, SPKLTBaren 152.3 artikuluak aipatzen dituen izapideak egin beharra badago (balio anormal edo neurrigabeak).

9.– Eskaintzak irekitzea.

a) Aplikatzeko balio-judizioa egitea eskatzen duten irizpideen gutun-azala irekitzea:

Erakundea: Zuzendaritza Nagusia.

Araba kalea 45, 01006 Vitoria-Gasteiz (Araba).

Eguna: 2017ko otsailaren 21a, 12:15a.

b) Aplikatzeko formulak kalkulatzea eskatzen duten irizpideen gutun-azala irekitzea:

Erakundea: Zuzendaritza Nagusia.

Araba kalea 45, 01006 Vitoria-Gasteiz (Araba).

Eguna: 2017ko martxoaren 1a, 12:45a.

10.– Publizitate gastuak: esleipendunak ordainduko ditu (461,52 euro).

11.– Iragarkia Europar Batasunaren Egunkari Ofizialera bidali den eguna (halakorik bada): ez dagokio.

12.– Beste informazio batzuk: pleguetan jasotzen dira. Deialdiari buruzko argibideak lortzeko edo pleguak eskuratzeko web orria: www.osakidetza.euskadi.eus

Vitoria-Gasteiz, 2017ko urtarrilaren 19a.

Kontratazio Mahaiko ordezko presidentea,

ENEKO ZARRAOA GARMENDIA.

Azterketa dokumentala