Euskal Herriko Agintaritzaren Aldizkaria

214. zk., 2016ko azaroaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

SEGURTASUN SAILA

4775

IRAGARKIA, Polizia eta Larrialdietako Euskal Akademian dauden fotokopiagailuak mantendu eta konpontzeko zerbitzuaren lizitazioari buruzkoa. Espedientea: 010/17.

1.– Erakunde esleitzailea.

a) Erakundea: Polizia eta Larrialdietako Euskal Akademia.

b) Espedientea izapidetzen duen bulegoa: Polizia eta Larrialdietako Euskal Akademiaren Araubide Juridiko, Kudeaketa Ekonomiko eta Gai Orokorretako Alorra.

c) Espediente-zenbakia: 010/17.

2.– Kontratuaren xedea.

a) Xedearen deskribapena: iragarki honen idazpuruan zehaztutakoa.

b) Loteak: bai, bi lote.

1. lotea: Toshiba markako fotokopiagailuak.

2. lotea: Konica Minolta markako fotokopiagailuak.

c) Gauzatzeko tokia: Polizia eta Larrialdietako Euskal Akademiaren egoitzak.

3.– Izapideak, prozedura eta esleitzeko era.

a) Izapideak: ohikoak.

b) Prozedura: irekia.

c) Esleitzeko era: esleitzeko zenbait irizpide.

4.– Lizitaziorako oinarrizko aurrekontua.

Zenbatekoa, guztira: ehun eta berrogei mila euro (140.000,00), BEZa barne.

5.– Bermeak.

Behin betikoa: esleipen-zenbatekoaren % 5, BEZa kanpo.

6.– Agiriak eta argibideak.

a) Erakundea: Polizia eta Larrialdietako Euskal Akademia.

b) Helbidea: N-104 errepidea, 356. km.

c) Herria eta posta-kodea: Arkauti 01192.

d) Telefonoa: 945 77 33 05.

e) Telefaxa: 945 28 23 62.

f) Helb. el.: contratacionappv@seg.euskadi.eus

g) Agiriak eta argibideak jasotzeko azken eguna: 2016ko abenduaren 2a.

7.– Kontratistaren berariazko betekizunak:

Enpresa lizitatzaileek kaudimen ekonomikoa eta finantzarioa eta kaudimen teknikoa edo profesionala aurkeztu beharko dituzte. Kaudimen ekonomikoa eta finantzarioa egiaztatzeko, urteko negozio-bolumen hau eskatzen da fotokopiagailuak mantendu eta konpontzeko esparruan: amaitutako azken hiru urteetan, negozio-bolumenik handiena lortu duen urtean, bolumen horrek gutxienez kontratuaren balio zenbatetsia bider 1,5 izan beharko du, eskaintza aurkezten duen loteari edo loteei dagokienez.

Kaudimen teknikoa egiaztatzeko, fotokopiagailuak mantendu eta konpontzeko lanetan esperientzia izatea eskatzen da. Hori egiaztatzeko, karatulan adierazitako bideak erabili behar dira.

8.– Parte hartzeko eskabideak edo eskaintzak aurkeztea.

a) Aurkezteko azken eguna: 2016ko abenduaren 2a.

b) Aurkeztu beharreko agiriak: bi gutun-azal aurkeztu behar dira («A» eta «B»), administrazio-klausula zehatzen pleguan zehaztutako edukia dutela, eskura emanda edo administrazio-klausula zehatzen pleguan zehaztutako eran.

c) Aurkezteko lekua:

1.– Entitatea: Polizia eta Larrialdietako Euskal Akademia.

2.– Helbidea: eskura aurkeztuko dira Polizia eta Larrialdietako Euskal Akademiaren egoitzan, N-104 errepidea, 356. km; edo postaz bidaliko dira, aipatutako onarpen-epean. Bidalketa posta-bulegoan zer egunetan egin zen justifikatu beharko da, eta kontratazio-organoari telefax edo posta elektroniko bidez iragarri beharko zaio eskaintza bidali zaiola. Eskakizun bi horiek betetzen ez badira, edo eskaintzak jasotzeko finkatutako epea eta ordua amaitu ondoren jasotzen bada eskaintza bidali izanaren jakinarazpena, eskaintza ez da onartuko. Nolanahi ere, jakinarazpenean adierazitako egunetik hamar egun igaro ondoren eskaintzak jaso ez badira, ez dira inola ere onartuko.

3.– Herria eta posta-kodea: Arkauti 01192.

d) Lizitatzaileak nahitaez zenbat denbora eutsi behar dion bere eskaintzari: 2 hilabete.

e) Aldaerak: ez da aldaerarik onartuko.

9.– Eskaintzak irekitzea.

9.1.– Eskaintza ekonomikoen gutun-azalak: eskaintza ekonomikoa eta formulak aplikatuz automatikoki baloratzen diren irizpideak:

a) Erakundea: Polizia eta Larrialdietako Euskal Akademia.

b) Helbidea: N-104 errepidea, 356. km.

c) Herria eta posta-kodea: Arkauti, 01192.

d) Eguna: 2016ko abenduaren 16a.

e) Ordua: 12:00ak.

10.– Bestelako argibideak:

Administrazio-argibideak: Polizia eta Larrialdietako Euskal Akademia.

Informazio teknikoa: Polizia eta Larrialdietako Euskal Akademia.

11.– Iragarkien gastuak: esleipendunak edo esleipendunek ordaindu beharko dituzte, esleipenaren zenbatekoaren proportzioan.

Vitoria-Gasteiz, 2016ko urriaren 28a.

Kontratazio Mahaiko lehendakaria,

FAUSTINO RANEDO GÓMEZ.

Azterketa dokumentala