RSS
210. zk., 2016ko azaroaren 7a, astelehena
- Bestelako formatuak:
- PDF (264 KB - 3 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
OSASUN SAILA
4687
IRAGARKIA, zeinaren bidez jakinarazten baita Osasun Saileko Arabako lurralde-ordezkariak 09/2016 zehapen-prozeduran hartutako ebazpena.
Bar La Iguana (Hedegile kalea 94, behea, Vitoria-Gasteiz) establezimenduaren titularra den Saturnino Perea Rodríguez jaunari ezin izan diogu ohiko moduan jakinarazi dagokion ebazpena. Horregatik, iragarki hau argitaratzen da.
Iragarkiaren bidez jakinarazten da osasun-arloko arau-hauste arin bat (tabakoa) egiteagatik irekitako zehapen-espedientean ebazpena eman dela, 2016ko irailaren 27an, zeinaren bidez 1.001 euroko isuna ezarri baitzaio.
Legezko ohartarazpenak:
– Ebazpen honek ez dio administrazio-bideari amaiera ematen, eta gora jotzeko errekurtsoa jarri ahal zaio Osasuneko sailburuordeari. Gora jotzeko errekurtsoa jar daiteke aipatutako sailburuordearen edo Osasun Saileko lurralde-ordezkariaren aurrean, ebazpena jakinarazi eta biharamunean hasita hilabeteko epean, hala xedatzen baitute Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 114. artikuluak eta hurrengoek, urtarrilaren 13ko 4/1999 Legearen bidez emandako idazketa berriarekin bat. Era berean, egoki iritzitako beste edozein errekurtso ere aurkeztu ahal izango du. Epe horretan, espedientea aztertu ahal izango da Osasun Sailaren Arabako Lurralde Ordezkaritzan (Olagibel kalea 38, Gasteiz).
Ohartarazten da zehapenaren zenbatekoa honako epe honetan ordaindu beharko dela: ebazpena hilaren 1etik 15era bitartean egiten bada irmo, egun horretatik hurrengo hilaren 5. egunera bitartean egin beharko da ordainketa, eta, egun hori balioduna ez bada, hurrengo egun baliodunera bitartean. Ebazpena hilaren 16tik hileko azken egunera bitartean egiten bada irmo, irmo egiten den egun horretatik hurrengo hilaren 20ra bitartean, edo, egun hori balioduna ez bada, hurrengo egun baliodunera arte. Ebazpena irmo izango da gora jotzeko errekurtsoa jartzeko hilabeteko epea igaro eta errekurtsorik jarri ez bada, edo, benetan errekurtsoa jarri bada, interesdunak ezestearen jakinarazpena jasotzen duen egunetik aurrera, hala badagokio.
Ordainketa honako banku-erakundean eta kontu korrontean egingo da, espediente-zenbakia aipatuz:
Caja Laboral-Euskadiko Kutxa – Kontu-zk.: IBAN ES31/3035/0056/40/0560900123. Arabako Lurralde Ordezkaritza.
Errekurtsoa aurkezteko epea igaro ondoren, isuna borondatezko epean ordaintzen ez bada, premiamendu bidez ordainaraziko da, indarrean diren xedapenetan ezarritakoarekin bat etorriaz, betiere, eta dagozkion errekarguak aplikatuko zaizkio.
Euskal Herriko Agintaritzaren Aldizkarian eta Estatuko Aldizkari Ofizialean argitaratuz ematen da ebazpenaren berri, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 59.5 artikuluan aurreikusitakoari jarraituz.
Jakinarazpen honek dies a quo ondorioak izango ditu, epe-zenbaketari dagokionez, Estatuko Aldizkari Ofizialean argitaratzen denetik aurrera.
Vitoria-Gasteiz, 2016ko urriaren 24a.
Osasun Saileko Arabako lurralde-ordezkaria,
ARTURO LÓPEZ RUIZ.
