Euskal Herriko Agintaritzaren Aldizkaria

210. zk., 2016ko azaroaren 7a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGU ETA GIZARTE POLITIKETAKO SAILA

4676

EBAZPENA, 2016ko urriaren 20koa, Laneko eta Gizarte Segurantzako zuzendariarena, zeinaren bidez agintzen baita Asociación de Empresas de Restauración en Colectividades de Euskadi (AERCE) elkartea desegiteko eta likidatzeko erabakia gordailutzea, eta horren berri ematen baita.

Ikusi da Lan eta Gizarte Segurantzako Zuzendaritza honetan hasitako espedientea, Asociación de Empresas de Restauración en Colectividades de Euskadi (AERCE) elkartea desegiteko eta likidatzeko erabakia gordailutzeari buruzkoa. Horrekin lotuta, ebazpena eman da, honako aurrekari hauek oinarri hartuta:

AURREKARIAK

Lehenengoa.– 2016ko otsailaren 24an, dokumentazioa aurkeztu da, zeinaren bidez eskatzen baita Asociación de Empresas de Restauración en Colectividades de Euskadi (AERCE) elkartea desegiteko eta likidatzeko erabakiaren ziurtagiria gordailutzeko.

Bigarrena.– 2016ko martxoaren 7an, errekerimendua egin zen, aurkitutako omisioak zuzentzeko. Errekerimendu hori 2016ko martxoaren 31n bete zen.

Hirugarrena.– Gordailutzeko aurkeztutako agiriak honako hauek dira: ezohiko batzar nagusiaren akta; 2016ko otsailaren 24an bazkideek egin zuten ezohiko batzar nagusiaren erabakiaren ziurtagiria, elkartea desegin eta likidatzeari buruzkoa; erabakitako likidazioaren amaiera egiaztatzen duen agiria; eta sinatzaileen nortasuna eta ordezkaritza egiaztatzen dituen agiria.

Laugarrena.– Haren jarduketaren lurralde-eremua, estatutuen 1. artikuluan xedatutakoaren arabera, Euskal Autonomia Erkidegoa da.

Egitate horiei zuzenbideko honako oinarri hauek aplikatu behar zaizkie:

ZUZENBIDEKO OINARRIAK

Lehenengoa.– Enplegu eta Gizarte Politiketako Sailaren egitura organiko eta funtzionala ezartzen duen apirilaren 9ko 191/2013 Dekretuaren 11.1.m) artikulutik datorkio Lan eta Gizarte Segurantzako Sailari sindikatuen eta enpresa-elkarteen estatutuen gordailutzea formalizatzeko eskumena.

Bigarrena.– Apirilaren 1eko 19/1977 Legean eta Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan jasota dago administrazio-prozedura honetan aplikagarri den funtsezko araudia.

Hirugarrena.– Gordailutzeko aurkeztutako dokumentazioa aztertuta, zuzenbidearen araberakoa dela egiaztatu da, eta, horrenbestez, bidezkoa da gordailutzeko onartzea Asociación de Empresas de Restauración en Colectividades de Euskadi (AERCE) elkartea desegin eta likidatzeko erabakia, bai eta horren berri ematea ere.

Aipaturiko oinarriak eta oro har aplikatzekoak diren xedapenak aztertu ondoren, honako hau

EBAZTEN DUT:

Lehenengoa.– Agintzea Asociación de Empresas de Restauración en Colectividades de Euskadi (AERCE) elkartea desegiteko eta likidatzeko erabakia gordailutzeko.

Bigarrena.– Agintzea gordailutze hori Euskal Herriko Agintaritzaren Aldizkarian argitaratzeko, Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuaren 10. artikuluan aurreikusitako baldintzetan.

Hirugarrena.– Eman den egunaren biharamunetik aurrera izango ditu ondorioak ebazpen honek.

Laugarrena.– Ebazpen honen berri eman bekie interesdunei, betiere Herri Administrazioen Administrazio Prozedura Erkideari buruzko urriaren 1eko 39/2015 Legearen 40. artikuluan ezarritako eran; halaber, jakinarazi behar zaie ebazpen hori aurkaratzeko aukera badagoela, Euskal Autonomia Erkidegoko Justizia Auzitegi Nagusiaren Lan Arloko Salan, Lan-arloko jurisdikzioa arautzen duen urriaren 10eko 36/2011 Legearen xedatutakoaren arabera.

Vitoria-Gasteiz, 2016ko urriaren 20a.

Laneko eta Gizarte Segurantzako zuzendaria,

JOSÉ JAVIER LOSANTOS OMAR.

Azterketa dokumentala