154. zk., 2016ko abuztuaren 16a, asteartea
- Bestelako formatuak:
- PDF (191 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
SEGURTASUN SAILA
3579
IRAGARKIA, zeinaren bidez jakinarazten baita Segurtasun Saileko Administrazio eta Zerbitzuetako sailburuordearen 2016ko uztailaren 13ko Ebazpena. Ebazpen horrek iragartzen du Giza Baliabideen zuzendariaren 2016ko uztailaren 12ko Ebazpena zer egunetan jarriko den Segurtasun Saileko eta Polizia eta Larrialdietako Euskal Akademiako iragarki-oholetan. Aipatutako ebazpenaren bidez, Eusko Jaurlaritzako Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen behin-behineko zerrendak onartzen dira.
Giza Baliabideen zuzendariaren 2016ko uztailaren 12ko Ebazpenean ezarritakoaren arabera, zeinaren bidez Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen behin-behineko zerrendak onartzen baitira, honako hau
EBAZTEN DUT:
Lehenengoa.– Jakinaraztea 2016ko irailaren 6an Giza Baliabideen zuzendariaren 2016ko uztailaren 12ko Ebazpena jarriko dela Segurtasun Saileko eta Polizia eta Larrialdietako Euskal Akademiako iragarki-oholetan. Aipatutako ebazpenaren bidez, Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen behin-behineko zerrendak onartzen dira.
Bigarrena.– Ebazpen honek ez dio amaierarik ematen administrazio-bideari, eta, honen aurka, interesdunek gora jotzeko errekurtsoa jarri ahalko dute Segurtasuneko sailburuaren aurrean, hilabeteko epean, iragarkia Euskal Herriko Agintaritzaren Aldizkarian argitaratzen denetik aurrera zenbatzen hasita, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 107. eta 114. artikuluetan xedatutakoari jarraikiz.
Vitoria-Gasteiz, 2016ko uztailaren 13a.
Administrazio eta Zerbitzuetako sailburuordea,
JOSEBA IÑAKI GURTUBAI ARTETXE.