Euskal Herriko Agintaritzaren Aldizkaria

129. zk., 2016ko uztailaren 7a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 14 ZENBAKIKO EPAITEGIA

3028

EDIKTUA, ezkontzaz kanpoko seme-alabentzako neurrietarako 2050/2015 prozeduraren ondoriozkoa.

Bilboko Lehen Auzialdiko 14 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (2050/2015).

Demandatzailea: Abdou Aziz.

Abokatua: Jose Luis Hormaechea Fernandez.

Prokuradorea: Enrique Alfonso Masip.

Demandatua: Diodio Loum.

Gaia: ezkontzaz kanpoko seme-alabentzako neurriak.

Judizio horretan, epaia eman da 2016-04-07an. Hona hemen epaitza:

209/2016 EPAIA

Epailea: Leyre Pérez Rodríguez.

Lekua: Bilbao (Bizkaia).

Eguna: bi mila eta hamaseiko apirilaren zazpia.

Alderdi demandatzailea: Abdou Aziz.

Abokatua: Jose Luis Gil Fernandez.

Prokuradorea: Enrique Alfonso Masip.

Alderdi demandatua: Diodio Loum.

Abokatua.

Prokuradorea.

Judizioaren gaia: more uxorio elkarbizitza etetea.

EPAITZA

Partez baiesten dut Enrique Alfonso Masip epaitegietako prokuradoreak Abdou Aziz Baren izenean eta ordezkaritzan jarritako demanda, Diodio Loum auzi-iheslariaren aurkakoa. Horrenbestez, erabaki dut honako neurri hauek hartzea haien XXXXX seme adingabeari dagokionez:

1.– Baimena ematen diot Ba jaunari bien seme adingabearen gaineko guraso-ahala modu esklusiboan erabiltzeko; dena den, guraso-ahalaren titulartasuna biena izango da.

2.– Ba jaunari ematen dizkiot seme adingabearen zaintza eta jagoletza, eta ez diot ezartzen bisita- edo egonaldi-erregimenik amari.

3.– Loum andreak mantenu-pentsio bat ordaindu beharko du seme adingabearentzako, 100 euro hilean; Ba jaunak horretarako izendatutako kontu-korrontean sartu beharko du diru hori, hileko lehen bost egunetan. Diru-zenbateko hori urtero eguneratuko da, KPIaren arabera.

4.– Seme adingabearen ezohiko gastuak bi gurasoek ordainduko dituzte, erdibana.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ........... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, bai eta doako laguntza juridikorako eskubidea aitortua dutenak ere.

Honela, epai honen bitartez, eman, agindu eta sinatzen dut nik, Leyre Pérez Rodríguezek, Bilboko eta bere barruti judizialeko Lehen Auzialdiko eta Instrukzioko 14 zenbakiko Epaitegiko epailea naizen aldetik.

Diodio Loum demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Bilbao (Bizkaia), 2016ko apirilaren 7a.

JUSTIZIA ADMINISTRAZIOAREN LETRADUA.

Azterketa dokumentala