Euskal Herriko Agintaritzaren Aldizkaria

129. zk., 2016ko uztailaren 7a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

EUSKAL HERRIKO UNIBERTSITATEA

3016

EBAZPENA, 2016ko ekainaren 28koa, Universidad de País Vasco / Euskal Herriko Unibertsitatearena, Carlota María Cuesta Romero andrea «Analisi Matematikoa» jakintza arloan ikertzaile doktore iraunkorra moduan kontratatzeko proposamena egiteko dena. Plaza horren deia 2016ko martxoaren 17ko Ebazpenaren bidez egin zen (2016ko apirilaren 15eko EHAA).

Errektorearen 2016ko martxoaren 17ko Ebazpenaren bitartez (2016ko apirilaren 15eko EHAA) batzorde bat osatu zen ebazpen horretan bertan deitutako ikertzaile doktore iraunkorra plazak hornitzeko lehiaketak epaitzeko. Batzorde horren proposamenari jarraitu zaio eta ezarrita dauden prozedura eta baldintzak bete dira honako hauekin bat etorriz: otsailaren 25eko 3/2004 Legea, Euskal Unibertsitate Sistemari buruzkoa; Hezkuntza, Unibertsitate eta Ikerketa Sailaren martxoaren 4ko 40/2008 Dekretua, UPV/EHUko irakasleen eta ikertzaileen araubideari buruzkoa; irakasle kontratatu iraunkorrak hautatu eta kontratatzeko prozedura, Euskal Herriko Unibertsitateko Gobernu Kontseiluak 2008ko maiatzaren 8an onartua eta Irakasleen errektoreordearen 2008ko ekainaren 23ko Ebazpenaren bidez argitaratua (uztailaren 15eko EHAA); deialdiko oinarriak; aplikagarri diren arau orokorrak; eta, aurreikusita ez dagoenerako, administrazio publikoan sartzeko araubide orokorra arautzen duten estatu mailako xedapenak. Hala, horiek guztiak kontuan hartuta,

Errektoreak ebatzi du Carlota María Cuesta Romero andrea (NAN: 52348144-Y) Euskal Herriko Unibertsitateko ikertzaile doktore iraunkorra moduan kontratatzeko proposamena egitea, Kodea: IDPTCL1 – D00127 – 1. Jakintza arloa: «Analisi Matematikoa». Saila: Matematika. Ikastegia: Zientzia eta Teknologia Fakultatea. Hizkuntz-eskakizuna: ez elebiduna. Arduraldia: osoa. Egin beharreko lanak: «Deribatu Partzialeko Ekuazioak».

Proposatutako lehiakideak 20 laneguneko epea izango du, ebazpena Euskal Herriko Agintaritzaren Aldizkarian argitaratzen den egunaren biharamunetik hasita, dagokion lan kontratuaren formalizazio guztiak gauzatzeko.

Ebazpen honek amaiera ematen dio administrazio-bideari, baina interesatuak berraztertze-errekurtsoa aurkez diezaioke Irakasle-ikertzaileen arloko errektoreordetzari, hilabeteko epean, edo, bestela, administrazioarekiko auzi errekurtsoa jar dezake zuzenean Bilboko Administrazioarekiko Auzietako Epaitegietan, bi hilabeteko epean. Epe biak ebazpena Euskal Herriko Agintaritzaren Aldizkarian argitaratu eta biharamunetik zenbatuko dira.

Leioa, 2016ko ekainaren 28a.

Errektorea.

Eginkizunak eskuordetuta (2013-01-30eko Ebazpena, 2013-02-13ko EHAA).

Irakasle-ikertzaileen arloko errektoreordea,

XABIER ETXANIZ ERLE.

Azterketa dokumentala