Euskal Herriko Agintaritzaren Aldizkaria

58. zk., 2016ko martxoaren 29a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HAURRESKOLAK

1304

07/03-2016 ERABAKIA, 2016ko martxoaren 15ekoa, Haurreskolak Partzuergoko Zuzendaritza Batzordearena, zeinen bidez onartzen baitira Haurreskolak Partzuergoko langile hezitzaileen lanpostu-zerrendak.

Zuzendaritza Batzordearen 2016ko martxoaren 15eko erabakiarekin, Haurreskolak Partzuergoko langile hezitzaileen lanpostu-zerrenda finkatzeko prozesua garatzen da, egungo dotazioei egokitua.

Lanpostuen zerrendak entitateko barne-egiturak antolatzeko baliabideak dira eta momentuko egoerari egokitzeko behar diren aldaketak gauzatu behar dira.

Onartutako lanpostu-zerrendetan, lan-harremanen mendeko langile hezitzaileak ere ageri dira, Haurreskolak Partzuergoaren Estatutuetan eta Hitzarmen Kolektiboan egindako sailkapenaren arabera.

Erabaki horretan, berariaz jasotzen da lanpostu bakoitzaren izendapen zehatza; dotazio-kopurua; zer ikastetxeri dagoen atxikita; dedikazio-erregimena; zein talde, kidego edo eskalari, edo lan-kategoriari dagoen atxikita; eta zer betekizun eskatzen diren lanpostu horretan aritzeko, dagokion hizkuntza-eskakizuna barne.

Partzuergoaren Estatutuen 18. artikuluak Zuzendaritza Batzordeari ematen dizkion ahalmenei jarraiki, Zuzendaritza Batzordeak, honako hau

XEDATZEN DU:

Lehenengoa.– Haurreskolak Partzuergoko langile hezitzaileen lanpostu-zerrendaren aldaketak onartzea eta ondorioz, langile hezitzaileen behin betiko lanpostu-zerrenda onartzea. Erabaki honen eranskinean ageri dira.

Bigarrena.– Eranskinean ageri diren lanpostu guztietarako, titulazio akademiko hauek eskatzen dira: Irakasle-titulua, Haur Hezkuntzako Gradua, Haur Hezkuntzako espezializazioa edo baliokide diren titulazioak irailaren 30eko 1954/1994 Errege Dekretuaren arabera; Haur Hezkuntzako goi-teknikariaren titulua; haurtzaindegietako teknikari espezialistaren titulua edo baliokide diren titulazioak apirilaren 30eko 777/1998 Errege Dekretuaren arabera eta araudi espezifikoaren arabera.

Era berean, ezinbestekoa da Hezkuntzako 2. hizkuntza-eskakizuna, EGA edo baliokidea edukitzea (ikus apirilaren 3ko 47/2012 Dekretua, 2012ko apirilaren 16ko EHAA, 74. zk., eta azaroaren 9ko 297/2010 Dekretua, 201eko azaroaren 15eko EHAA, 219. zk.).

Hirugarrena.– Zerrendatutako lanpostuak hezitzaile kategoriari dagozkio, eta eranskinean zehaztutako Haurreskolak Partzuergoko lanpostu-zerrendetan ageri diren ikastetxeei atxikita daude, ondorio guztietarako.

Laugarrena.– Eranskineko lanpostu-zerrendako lanpostuen dedikazio-erregimena lanaldi osokoa da.

AZKEN XEDAPENETATIK LEHENENGOA

Haurreskolak Partzuergoko gerenteari ahalmena ematen zaio onartutako zerrendetako akatsak zuzentzeko, halakorik egonez gero.

AZKEN XEDAPENETATIK BIGARRENA

Erabaki hau Euskal Herriko Agintaritzaren Aldizkarian argitaratu eta hurrengo egunean sartuko da indarrean.

Eibar, 2016ko martxoaren 15a.

Haurreskolak Partzuergoko gerentea,

MAITE LARRAÑAGA ORBEA.

(Ikus .PDF)

Azterketa dokumentala