Euskal Herriko Agintaritzaren Aldizkaria

248. zk., 2015eko abenduaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BALMASEDAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

5514

EDIKTUA, 353/2012 prozedura arruntaren ondoriozkoa.

Balmasedako Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 353/2012 prozedura arrunta.

Demandatzailea: David Santamaria Bilbao.

Abokatua: Francisco Moya Martinez.

Prokuradorea: Esther Larrea Esnal

Demandatua: Carlos Franco Gonz.alez, Construcciones Conlape, S.L. eta Construcciones y Reformas Dizar, S.L.

Gaia: judizio arrunta.

Judizio horretan, epaia eman da 2014-07-23an. Hona hemen epaitza:

EPAITZA

Partez baiesten dut Larrea Esnal prokuradoreak David Santamaría Bilbao-ren izenean eta ordez aurkeztu duten demanda, hauen aurkakoa: Carlos Franco González, Construcciones Conlape, S.L. eta Construcciones y Reformas Dizar, S.L. Ondorioz, Carlos Franco González eta Construcciones y Reformas Dizar, S.L. kondenatzen ditut modu solidarioan kalte-ordaina ematera David Santamaría Bilbao-ri, bere eraikinean jasan dituen kalte-galerengatik. Eman beharreko kalte-ordaina hau da: hamahiru mila berrehun eta hogeita bederatzi euro eta berrogeita hamasei zentimo (13229,56); kopuru horri legez ezarritako berandutze-interesak gehitu behar zaizkio 2012ko urriaren 17tik aurrera, betiere eragotzi gabe PZLren 576. artikuluan eta hurrengoetan jasotako legezko interesak aplikatzea.

Gainerako uzietan ezetsi egiten dut demanda, eta, beraz, Construcciones Conlapa, S.L. absolbitu egiten dut berari buruzko uzi guztietatik.

Jakinaraz bekie epai hau alderdiei.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).

Errekurtsoa jarri ahal izateko, 50 euroko gordailua jarri behar da, eta, hori egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Balmasedan (Bizkaia), bi mila eta hamalauko uztailaren hogeita hiruan.

Construcciones Conlape, S.L. eta Construcciones y Reformas Dizar, S.L. demandatuen egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Balmaseda (Bizkaia), 2015eko irailaren 16a.

IDAZKARI JUDIZIALA.

Azterketa dokumentala