Euskal Herriko Agintaritzaren Aldizkaria

197. zk., 2015eko urriaren 16a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA, HIZKUNTZA POLITIKA ETA KULTURA SAILA

4360

EBAZPENA, 2015eko irailaren 18koa, Unibertsitate eta Ikerketako sailburuordearena, Oxfordeko Unibertsitateko St Antony's College-n ikertzaile bisitarientzat diru-laguntza bat esleitzen duena.

Hezkuntza, Hizkuntza Politika eta Kulturako sailburuaren 2015eko uztailaren 21eko Aginduaren bidez, Oxfordeko Unibertsitateko St Antony’s College delako zentruan ikertzaile bisitarientzat diru-laguntza bat emateko deia egin zen.

Eskatzaileen ebaluazioa bukatu ondoren, Aukeratze Batzordeak proposatuta eta Oxfordeko Unibertsitateko St Antony’s College-ko Gobernu Kontseiluaren adostasunarekin,

EBAZTEN DUT:

Lehenengoa.– Oxfordeko Unibertsitateko St Antony’s College-n ikertzaile bisitarientzat diru-laguntza bat esleitzea Estefanía Jiménez Iglesias andreari 2015-2016 ikasturterako.

Onuradunak 29.250 euroko diru-laguntza jasoko du 2015-2016 ikasturterako (urria-ekaina), eta honela desglosatuko da:

– Ikertzaile bisitariaren mantenu-gastuak ordaintzeko 24.750 euro: 2.750 euro hileko.

– 4.500 euro, ikertzaile bisitariak mintegi bat antolatu eta garatu dezan.

Halaber, 23.132 euroko dirulaguntza emango da St Antony’s College-k ematen duen laguntza material edo teknikorako (administrazio-laguntza, lan-espazio baten erabilpena, 12 «High Tables»era sartzea, «Combine Common Room» erabiltzea, hall-a erabiltzea). Izan ere, Eusko Jaurlaritzak St. Anthony’s Collegeri emango dio dirulaguntza hori, hitzartutako lankidetza-hitzarmenean xedatutakoaren arabera.

Halaber, onuradunek istripu eta osasun-laguntza asegurua izango dute. Interredunaren ezkontidea eta 25 urte baino gutxiagoko seme-alabak atzerrira badoaz onuradunarekin, honek eskatuz gero, aseguru hau luzatu ahal izango da eurentzat ere. Aseguru hau, antolamendu juridikoak edozein frogagirien bitartez onartutako izatezko bikoteentzat ere izango da.

Diru-laguntza ordaintzeko, honela jokatuko da:

a) St Antony's College-k hitzartutako hilerokoak ordainduko dizkio ikertzaileari. Lehen hilerokoa Oxford-era iristean ordainduko zaio.

b) Mintegiak antolatzeak eragindako gastuak ordainduko dizkio ikertzaileari St Antony’s College-k, aldez aurretik azalpen zehatza ikusi eta egiaztagiriak aurkeztu ondoren.

Bigarrena.– Uko egiten den kasuetarako edo diru-laguntza jasotzeko eskubidea galtzen den kasuetarako edo antzeko beste egoera batzuetarako ordezko hauek izendatzea:

1.– Annick Laruelle

2.– Josune López Rodríguez

3.– Miren Odriozola Gurruchaga

4.– Unai Villalba Eguiluz

Ebazpen honek ez du administrazio-bidea agortzen, eta beraren kontra. gorako errekurtsoa jarri ahal izango zaio Eusko Jaurlaritzako Hezkuntza, Hizkuntza Politika eta Kulturako sailburuari hilabeteko epean, Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2015eko irailaren 18a.

Unibertsitate eta Ikerketako sailburuordea,

ADOLFO MORAIS EZQUERRO.

Azterketa dokumentala