RSS
89. zk., 2015eko maiatzaren 15a, ostirala
- Bestelako formatuak:
- PDF (173 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
2125
EDIKTUA, 287/2014 adostasunik gabeko dibortzioaren ondoriozkoa.
JAKINARAZPEN ZEDULA
Aipatu prozeduran, epaia eman da. Hona hemen idazpurua eta xedapenak, hitzez hitz:
252/2015 EPAIA
Bilbao, bi mila eta hamabosteko apirilaren hogeita zazpia.
Nik, María Elena Rodríguez Vadillok, Bilboko Lehen Auzialdiko 6 zenbakiko Epaitegiko eta haren barruti judizialeko epaile naizen aldetik, ikusi ditut adostasunik gabeko dibortzioaren autoak, epaitegi honetan bideratu direnak, 287/2014 zenbakiarekin, M.ª Teresa Esteban Uriarte andreak eskatuta –Sheila Soto López de Letona prokuradoreak ordezkatuta eta Luzma Peña Izquierdo abokatuak defendatuta– auzi-ihesean den Carmelo Alonso Cuervoren aurka.
EPAITZA
M.ª Teresa Esteban Uriarteren –Sheila Soto López de Letona prokuradoreak ordezkatua– eta Carmelo Alonso Cuervoren arteko ezkontza deseginda dagoela deklaratzen dut, dibortzioa dela kausa, deklarazio horrek dituen legezko ondorio guztiekin.
Jakinaraz bekio ebazpen hau dagokion erregistro zibilari, erregistro-ondorioetarako.
Kostuak ez zaizkio berariaz inori ezartzen.
Jakinaraz bekie ebazpen hau alderdiei, eta ohartarazi irmoa dela dibortzio-deklarazioari dagokionez, baina ebazpenaren gainerako erabakien aurka apelazio-errekurtsoa aurkez dezaketela epaitegi honen aurrean, 20 eguneko epean, jakinarazpena egin eta biharamunetik aurrera zenbatzen hasita, betiere Prozedura Zibilaren Legearen 455. artikuluan eta hurrengoetan jasotako izapideei jarraituz. Errekurtsoa Bizkaiko Probintzia Auzitegiak ebatziko du.
Errekurtsoa aurkezteko, beharrezkoa izango da 50 euroko gordailua egitea epaitegi honek duen Gordailuan eta Zainpean jartzeko Kontuan, Botere Judizialari buruz indarrean dagoen Lege Organikoaren 15. xedapen gehigarrian jasotako modu eta eran, azaroaren 3ko 1/2009 Lege Organikoak lege horri emandako idazketan.
María Elena Rodríguez Vadillo andreak, Bilboko Lehen Auzialdiko 6 zenbakiko Epaitegiko eta haren barruti judizialeko epaileak, epai honen bidez erabaki, agindu eta sinatzen du.
Carmelo Alonso Cuervo non dagoen ez dakigunez, ediktu hau ematen dut jakinarazpen-zedularen balioa izan dezan.
Bilbao (Bizkaia), 2015eko apirilaren 28a.
IDAZKARIA.
