85. zk., 2015eko maiatzaren 11, astelehena
- Bestelako formatuak:
- PDF (202 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA, HIZKUNTZA POLITIKA ETA KULTURA SAILA
2027
AGINDUA, 2015eko martxoaren 31koa, Hezkuntza, Hizkuntza Politika eta Kulturako sailburuarena, Leioako (Bizkaia) «Askartza Claret» Haur, Lehen eta Bigarren Hezkuntzako ikastetxe pribatuari Hezkuntza Bereziko gela egonkor bat ireki eta jardunean jartzeko baimena emateko dena.
Leioako (Bizkaia) «Askartza Claret» Haur, Lehen eta Bigarren Hezkuntzako ikastetxe pribatuaren erakunde titularraren ordezkariak Hezkuntza Bereziko gela egonkor bat ireki eta jardunean jartzea eskatzeko abiarazi duen espedientea aztertu da.
Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duten erakundeek horri buruzko txostena eman dute.
Arau hauek hartu dira oinarritzat: apirilaren 3ko 332/1992 Errege Dekretua (apirilaren 9ko BOE), ikastetxe pribatuetan unibertsitateaz kanpoko araubide orokorreko irakaskuntzak emateko baimenei buruzkoa; 1998ko uztailaren 30eko Agindua, beharrizan bereziak dituzten ikasleak eskolatzeko irizpideak ezartzeko, eta ikasle horiek behar dituzten baliabideak hezkuntza-sistemako maila guztietara helarazteko dena (abuztuaren 31ko EHAA), eta gai horretan aplikatu beharreko gainerako legeak. Horiek horrela, honako hau
EBAZTEN DUT:
1. artikulua.– Ondoren zehazten den ikastetxeari baimena ematen zaio, 2015-2016 ikasturtetik aurrera, Hezkuntza Bereziko gela egonkor bat ireki eta jardunean jartzeko:
Kode-zenbakia: 48005731.
Izen espezifikoa: «Askartza Claret».
Titularra: Misioneros Claretianos Hijos del Corazón de María.
Helbidea: Sarriena auzoa, 173.
Udalerria: Leioa.
Lurralde Historikoa: Bizkaia.
Baimena: Hezkuntza Bereziko gela egonkor bat ireki eta jardunean jartzea.
Ikastetxearen osaera:
– Haur Hezkuntzako 1. zikloa: 7 unitate bi urtetik hiru urtera bitarteko ikasleentzat, bakoitza 18 ikaspostuko edukierakoa.
– Haur Hezkuntzako 2. zikloa: 18 unitate, 450 ikaspostu.
– Lehen Hezkuntza: 36 unitate, 900 ikaspostu.
– Derrigorrezko Bigarren Hezkuntza: 26 unitate, 780 ikaspostu.
– Batxilergoa: «Zientziak » eta «Giza eta Gizarte Zientziak» modalitateak. Edukiera: 12 unitate, 420 ikaspostu.
– Hezkuntza Berezia:
● Hezkuntza Bereziko 3 gela ireki.
● Hezkuntza Bereziko gela egonkor 1.
2. artikulua.– Indarrean dagoen araudia betetzera behartuta dago ikastetxea, agindu honen bidez baimendutako unitateetako irakasleen titulazioari eta hizkuntza-eskakizunari dagokienez. Bestela, bidezkoa litzateke emandako baimena baliogabetzea.
3. artikulua.– Ikastetxeak martxoaren 17ko 314/2006 Errege Dekretuaren bidez onartutako Eraikuntzako Kode Teknikoa bete beharko du, bai eta indarreko legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Ikastetxeko titularrarena izango da baldintza horiek ez betetzearen erantzukizuna.
AZKEN XEDAPENETATIK LEHENENGOA
Agindu honetan dagoen baimen-emate honek ez du esan nahi hezkuntza-itunen araubidearen bitartez laguntzarik lortuko denik.
AZKEN XEDAPENETATIK BIGARRENA
Agindu honen kontra aukerako berraztertzeko errekurtsoa aurkez dakioke Hezkuntza, Hizkuntza Politika eta Kulturako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2015eko martxoaren 31.
Hezkuntza, Hizkuntza Politika eta Kulturako sailburua,
CRISTINA URIARTE TOLEDO.