Euskal Herriko Agintaritzaren Aldizkaria

64. zk., 2015eko apirilaren 8a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

1577

EDIKTUA, ezkontzaz kanpoko seme-alabentzako neurrietarako 212/2014 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (212/2014).

Alderdi demandatzailea: Ixone Alonso Marquez.

Alderdi demandatua: Ruben Maria Gallo Gonzalez.

Gaia: epaia.

Judizio horretan ebazpena eman da eta honela dio hitzez hitz:

130/2015 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamabosteko martxoaren bia.

Alderdi demandatzailea: Ixone Alonso Marquez.

Abokatua: Heraclio Varona Uriarte.

Prokuradorea: Carlos Salgado Núñez.

Alderdi demandatua: Ruben Maria Gallo Gonzalez.

Alderdi parte-hartzailea: Fiskaltza.

Auzigaia: seme-alaba adingabearekiko neurri ekonomikoak eta pertsonalak hartzea.

EPAITZA

Baietsi egiten dut partez Salgado Nuñez prokuradoreak Ixone Alonso Marquezen izenean eta ordez aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Jose Ruben Maria Gallo Gonzalez aitaren aurka, eta Fiskaltza parte delarik; horrenbestez, XXXXX adingabeari dagokionez (2011ko irailaren 7an jaioa), honako neurri pertsonal eta mantenu-neurri hauek hartzea erabaki dut:

1.– XXXXXren zaintza eta jagoletza Ixone Alonso Marquez amari ematen zaizkio, bai eta guraso-ahala partekatuta baliatzea ere.

2.– Ruben Maria Galloren eta XXXX seme adingabearen artean, honako bisita-erregimen hau ezartzen da (baldin eta gurasoek hoberik adosten ez badute, semearen interesa aintzat hartuta, betiere): jagoletza ez duen gurasoa bi astebururik behin egon ahal izango da seme adingabearekin, gaua berarekin igarota; ostiraletik (19:00etatik) igandera arte (19:00etara arte). Aitak edo aitak izendatutako senide batek jaso eta utziko du adingabea amaren etxean.

3.– XXXXX semearen mantenu-pentsio gisa, Ruben Maria Gallo Gonzalezek edozein kontzepturengatik jasotzen dituen diru-sarrera garbien % 20 ordainduko du hilero. Zenbateko hori, gutxienez, 150 eurokoa izango da hilero. Zenbateko hori aurreratuta sartu beharko du Ixone Alonso Marquez amak adierazitako kontu batean, hilabete bakoitzaren lehenengo bost egunen barruan. Urtero eguneratuko da hileko gutxieneko zenbatekoa, betiere Estatistikako Institutu Nazionalak argitaratutako Kontsumo Prezioen Indizean izandako aldakuntzarekin bat etorriz.

4.– XXXXXX semearen ezohiko gastuak, halakorik bada, aitak eta amak ordainduko dituzte, erdibana, epai honen zuzenbideko bigarren oinarrian halako gastuei buruz xedatutakoa aintzat hartuta.

Ez da kosturik ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2015eko martxoaren 2a.

IDAZKARI JUDIZIALA.

Azterketa dokumentala