RSS
218. zk., 2014ko azaroaren 14a, ostirala
- Bestelako formatuak:
- PDF (188 KB - 1 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN ETA LEHIAKORTASUN SAILA
4870
AGINDUA, 2014ko urriaren 22koa, Ekonomiaren Garapen eta Lehiakortasuneko sailburuarena, zeinen bidez ebazten baitira «Joxe Mari Korta» sariak.
«Joxe Mari Korta» sariak arautzeko Industria, Berrikuntza, Merkataritza eta Turismoko sailburuaren 2009ko uztailaren 29ko Aginduaren 7. artikuluan xedatutakoaren arabera (2009ko abuztuaren 10eko EHAA, 151. zk.; Industria, Berrikuntza, Merkataritza eta Turismoko sailburuaren 2011ko apirilaren 20ko Aginduaren bidez aldatua); ikusirik 2014ko ekitaldirako deialdia iragartzeko Ekonomiaren Garapen eta Lehiakortasuneko sailburuaren 2014ko uztailaren 22ko Agindua (2014ko abuztuaren 29ko EHAA, 163. zk.), eta ezaguturik 2014ko uztailaren 23ko Aginduaren bidez hartarako izendatutako epaimahai kalifikatzaileak egindako esleipen-proposamenak, honako hau
EBAZTEN DUT:
Artikulu bakarra.– 1.– Epaimahaiak egindako proposamena ikusirik, honako hauei ematea 2014ko ekitaldiko «Joxe Mari Korta» sariak:
Teodoro Cid Chamorro jauna.
Xabier de Irala Estévez jauna.
Ricardo Garate Cruzelegui jauna.
Manuel Iraolagoitia jauna.
2.– Aipatu 2009ko uztailaren 29ko aginduaren bidez ezarritakoarekin bat jasoko dute onuradunek goraipemena, aipamena eta errekonozimendu publikoa, hartarako deitutako ekitaldian.
AZKEN XEDAPENA
Administrazio-bideari amaiera ematen dion agindu honen aurka, aukerako berraztertzeko errekurtsoa jarri ahal izango zaio Ekonomiaren Garapen eta Lehiakortasuneko sailburuari, agindua EHAAn argitaratu eta hurrengo egunetik aurrera, hilabeteko epean; edo, bestela, zuzenean administrazioarekiko auzi-errekurtsoa jar daiteke Administrazioarekiko Auzien Epaitegian, agindua EHAAn argitaratu eta hurrengo egunetik aurrera, bi hilabeteko epean.
Vitoria-Gasteiz, 2014ko urriaren 22a.
Ekonomiaren Garapen eta Lehiakortasuneko sailburua,
MARÍA ARANZAZU TAPIA OTAEGUI.
