Euskal Herriko Agintaritzaren Aldizkaria

127. zk., 2014ko uztailaren 7a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

3058

EDIKTUA, ezkontza-deuseztasun bati buruzko 128/14 prozeduraren ondoriozkoa.

JAKINARAZPEN-ZEDULA

.Ezkontza-deuseztasun bati buruzko 128/14 prozedura bideratu da Barakaldoko (Bizkaia) Lehen Auzialdiko 5 zenbakiko Epaitegian, Tamara Sanchez Menachok eskatuta, Mohamed Bouabdallah-ren aurka (gaia: ezkontza-deuseztasuna). Bada, epaia eman da, zeinaren idazpurua eta epaitza hauetxek baitira:

395/14 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Eguna: bi mila eta hamalauko ekainaren hamaika.

Alderdi demandatzailea: T. S. M.

Abokatua: Maria Braña Rubi.

Prokuradorea: Begoña López del Hoyo.

Alderdi demandatua: Mohamed Bouabdallah.

Abokatua.

Prokuradorea.

Judizioko gaia: ezkontza-deuseztasuna.

EPAITZA

Osorik ezesten denez T.S.M. andreak Mohammed Bouabdallah-ren aurka jarritako demanda, ez da deklaratu behar ezkontza-deuseztasunik.

Sortutako kostuak ez zaizkio inori berariaz ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ..... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Eta Mohamed Bouabdallah demandatuari behar bezala jakinarazteko, eman eta sinatzen dut ediktu hau, Barakaldon (Bizkaia), bi mila eta hamalauko ekainaren hemezortzian.

IDAZKARIA.

Azterketa dokumentala