Euskal Herriko Agintaritzaren Aldizkaria

42. zk., 2014ko martxoaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO EPAITEGIA

1049

EDIKTUA, 1182/13 jabetza horizontalari buruzko judizio monitorioaren ondoriozkoa (kontratuak, oro har).

Vitoria-Gasteizko Lehen Auzialdiko 3 zenbakiko Epaitegia.

Judizio monitorioa, jabetza horizontalari buruzkoa. 1182/13.

Demandatzailea: Vitoria-Gasteizko Antonio Machado kaleko 22ko jabekideen erkidegoa.

Abokatua: Eva Maria Vicho Lopez.

Prokuradorea: Izquierdo.

Demandatua: Alfredo Urrutia.

Gaia: jabetza horizontalari buruzko prozedura monitorioa.

Aipatutako judizioan, 76/14 Dekretua eman da 2014-02-07an. Hauxe diote xedapenek:

XEDAPEN-ZATIA

1.– Vitoria-Gasteizko Antonio Machado kaleko 22ko jabekideen erkidegoak Alfredo Urrutia jaunaren aurka sustatutako prozedura monitorioa amaitutzat jotzen da. Kuotengatik erkidegoari zor dion 567,23 euroko diru-zenbatekoa erreklamatzen zaio demandatuari.

2.– Halaber, zorduna kondenatzen da abokatuaren lansariak eta prokuradorearen eskubideak ordaintzera, PZLb-ko 394. artikuluaren hirugarren paragrafoan ezarritako mugak kontuan hartuz, betiere.

3.– Gasteizko Antonio Machado kaleko 22ko jabekideen erkidegoari helaraz bekio, hala behar bada, betearazpena agintzea premia dezan, eta ohartarazi abokatuaren eta prokuradorearen esku-hartzea nahitaezkoa izango dela, eskatutako zenbatekoa 2.000 euro baino gehiagokoa bada.

Epaileari ezagutarazten diot ebazpen hau.

Aurkaratzeko modua: berrikusteko errekurtsoa aurkeztuta. Horretarako, jakinarazpena egin eta biharamunetik bost egun balioduneko epean aurkeztu beharko da idazkia bulego judizialean, eta, bertan, errekurtso-egilearen ustez zein arau-hauste egin den adieraziko da; eskakizun horiek bete ezean, aurkaratzea ez da onartuko (PZL, 454.bis artikulua).

Errekurtsoa aurkezteak ez du ekarriko errekurritutako ebazpena etetea (PZLb, 454.bis artikulua).

Errekurtsoa jarri ahal izateko, 25 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (0030 0011 0000 01 1182 13) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 01-Berrikuspena). Diru-kopuru hori kontsignan utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Hala agintzen eta sinatzen dut.

Alfredo Urrutia demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka demandatu auzi-iheslariak apelazio-errekurtsoa aurkez dezake.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Vitoria-Gasteiz, 2014ko otsailaren 7a.

IDAZKARI JUDIZIALA.

Azterketa dokumentala