RSS
28. zk., 2014ko otsailaren 11, asteartea
- Bestelako formatuak:
- PDF (198 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 5 ZENBAKIKO EPAITEGIA
640
EDIKTUA, neurri pertsonalak eta mantenu-neurriak arautzeari buruzko 119/13 prozeduraren ondoriozkoa.
JAKINARAZPEN-ZEDULA
Barakaldoko (Bizkaia) Lehen Auzialdiko 5 zenbakiko Epaitegian 119/13ezkontzaz kanpoko seme-alabei buruzko neurriak hartzeko prozedura bideratu da Olivia Liseth Suarez Antezanak eskatuta, Luis Hernando Urioste Ostriaren aurka, guraso eta seme-alaben arteko neurriei buruz. Epaia eman da, eta honela diote idazpuruak eta epaitzak:
52/14 EPAIA
Epailea: Cristina López de la Fuente.
Lekua: Barakaldo (Bizkaia).
Eguna: bi mila eta hamalauko urtarrilaren hogeita zazpia.
Alderdi demandatzailea: Olivia Liseth Suarez Antezana.
Abokatua: Francisco de Borja Irizar Belandia.
Prokuradorea: Olatz Urresti Elosegui.
Alderdi demandatua: Luis Hernando Urioste Ostria.
Abokatua.
Prokuradorea.
Judizioaren gaia: neurri pertsonalak eta mantenu-neurriak arautzea.
EPAITZA
Baietsi egiten dut Olatz Urresti prokuradoreak Olivia Liseth Suarez Antezanaren izenean eta ordezkaritzan aurkeztutako demanda, Luis Hernando Urisote Ostriaren aurkakoa. Horrenbestez, neurri hauek erabaki ditut bien alabari dagokionean:
– XXXXXren zaintza eta jagoletza amari esleitzea, guraso-ahala bi gurasoek dutela.
– Bien alabaren aldeko mantenu-pentsioa finkatzen da, zeinaren arabera 250 euro sartu beharko baitira, hil bakoitzeko lehenengo bost egunen barruan, aurreratuta, amak izendatzen duen kontuan. Pentsio hori jagoletzarik gabeko gurasoak ordaindu beharko du. Pentsioa urtero eguneratu beharko da, INEk edo horren ordezko erakundeak argitaratutako KPIren arabera.
Guraso biek erdibana ordainduko dituzte bien alabak sortzen dituen aparteko gastuak.
Ez da kosturik ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Luis Hernando Urioste Ostria demandatuari behar bezalako jakinarazpena egiteko balio dezan ematen eta sinatzen dut idazki hau, Bilbon (Bizkaia), bi mila eta hamalauko urtarrilaren hogeita zazpian.
IDAZKARIA.
