RSS
231. zk., 2013ko abenduaren 4a, asteazkena
- Bestelako formatuak:
- PDF (186 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
TOLOSAKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
5294
EDIKTUA, ezkontzaz kanpoko seme-alabentzako neurrietarako 261/12 prozeduraren ondoriozkoa.
JAKINARAZPEN-ZEDULA
Tolosako Lehen Auzialdiko 1 zenbakiko Epaitegian (Gipuzkoa), ezkontzaz kanpoko seme alabentzako neurrietarako 261/12 prozedura bideratu da, Rhizlane Zouitine-k eskatuta, Tarik Amoumi-ren aurka. Prozedura horretan, epaia eman da, zeinen idazpurua eta epaitza honako hauek baitira:
74/13 EPAIA
Epailea: Helena Antona Suena andrea.
Lekua: Tolosa (Gipuzkoa).
Eguna: bi mila eta hamahiruko maiatzaren hogeita bederatzia.
Alderdi demandatzailea: Rhizlane Zouitine.
Abokatua: Jose Ignacio Gomez Murguialday.
Prokuradorea: Maria Pilar Galarza Elola.
Alderdi demandatua: Tarik Amoumi, auzi-ihesi dabilena.
Judizioaren gaia: guraso eta seme-alaben arteko neurriak ezartzeko demanda.
Nik, Helena Antona Suena andreak, Tolosako Lehen Auzialdiko 1 zenbakiko Epaitegiko epaileak, ikusi egin dut MHC 261/2012 prozedura, Rhizlane Zouitine andreak eskatuta –Pilar Galarza Elola prokuradoreak ordezkatu du, eta José Ignacio Gómez Murguialday letraduak defendatu–, Tarik Amoumi jaunaren aurka. Demandatuari zitazioa egin zaio, bulego judizial honetako iragarki oholean argitaratutako ediktuen bidez. Ministerio Fiskalak ere parte hartu du judizioan. Hona hemen prozedura horretan emandako epaia:
Baietsi egiten dut guraso eta seme-alaben arteko neurriak hartzeko eskaria, Rhizlane Zouitine andreak egindakoa Tarik Amoumi jaunaren aurka. Hori dela eta, honako neurri hauek hartzen ditut:
a) Seme-alaba adingabeen zaintza eta jagoletza amari esleitzen zaizkio, eta guraso-ahala guraso biek partekatuko dute.
b) Adingabekoarentzako mantenu-pentsio gisa, hilean Tarik Amoumi demandatuak bere diru sarreren % 30 ordaindu beharko du, eta gutxienez, 100 euro seme-alaba bakoitzeko. Kopuru hori urtero eguneratuko da, INEk edo haren ordezko erakundeak argitaratutako KPIaren aldakuntzen arabera. Diru-zenbateko hori hilabeteko lehenengo 5 egunetan ordaindu beharko da, Gipuzkoako Kutxaren kontu honetan: 2101 0072 73 0128030764.
c) Gurasoek erdibana ordainduko dituzte seme-alaba adingabekoen ohiz kanpoko gastuak. Halakotzat joko dira mediku–, farmazia–, optika–, odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa prozesuaren indargarri eta lagungarri seme-alabek jaso behar dituzten eskolak.
Gastu horiei dagokienez, bi gurasoek, ados jarrita, erabakiko dute zer premia dauden edo gastu horiek egin behar ote diren, bien seme-alaben interesa kontuan harturik. Ados jarri ezean, epailearen esku utziko dute erabakia, bai ezohiko gastua egin behar ote den erabaki baino lehen, bai egin ondoren.
Gainerako gastuak –premiazkoak izan barik, aisialdiak edo eskolak sortuak badira eta guraso biek adostasunez erabakitakoak ez badira– egitea erabaki duenak berak ordaindu beharko ditu, gasturik egin bada behintzat.
d) Ez da ezartzen bisita-erregimenik adingabekoaren eta zaintza ez duen gurasoaren artean.
Kostuei dagokienez berriz, ez da berariazko erabakirik hartzen.
Bidal bedi ebazpen honen lekukotza auto nagusietara.
Ebazpen hau irmoa da, eta, bere aurka, ez dago errekurtsorik aurkezterik (PZLb, 773.3 artikulua).
Epaileak ebatzi eta sinatu egiten du. Fede ematen dut.
Eta Tarik Amoumi demandatuari behar bezalako jakinarazpena egiteko balio dezan ematen eta sinatzen dut ediktu hau, Tolosan (Gipuzkoa), bi mila eta hamahiruko ekainaren batean.
IDAZKARIA.
