Euskal Herriko Agintaritzaren Aldizkaria

219. zk., 2013ko azaroaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

5016

EDIKTUA, ezkontzaz kanpoko seme-alabentzako neurriei buruz bideratutako 269/13 prozeduraren ondoriozkoa.

Bilboko Lehen Auzialdiko 6 zenbakiko Epaitegia.

Judizioa: 269/13, ezkontzaz kanpoko seme-alabentzako neurriak.

Alderdi demandatzailea: Laura Gonzalez Garcia.

Alderdi demandatua: Nuno Andre Bastos Rocha eta Nuno Andre Bastos Rocha.

Guraso eta seme-alaben arteko harremanei buruzko neurriak.

Aipatutako judizioan, ebazpena eman da; hona hemen testua:

398/13 EPAIA

Epailea: Alicia Sánchez Sánchez.

Lekua: Bilbao (Bizkaia).

Data: bi mila eta hamahiruko urriaren hamabosta.

Alderdi demandatzailea: Laura Gonzalez Garcia.

Abokatua: Maria Aranzazu Villarroel Durantez.

Prokuradorea: Susana Sanchez Hidalgo.

Alderdi demandatua: Nuno Andre Bastos Rocha eta Nuno Andre Bastos Rocha.

Abokatua.

Prokuradorea.

Judizioko gaia: familia-eskubidea eta bestelakoak.

EPAITZA

Baietsi egiten dut Susana Sánchez Hidalgo prokuradoreak Laura González Garcíaren izenean eta ordezkaritzan aurkeztutako demanda, auzi-ihesean den Nuno Andre Bastos Rocha aitaren aurkakoa. Bizkaiko Probintzia Fiskaltza ere parte da. Demanda seme adingabearekiko neurri pertsonalak eta mantenu-neurriak hartzeko aurkeztu zen. Horrenbestez, XXXXX seme adingabearekiko neurri pertsonal eta mantenu-neurri hauek hartzea erabaki dut.

1.– Adingabearen zaintza eta jagoletza Laura González García amari ematen zaio, eta guraso-ahala, aldiz, guraso biena izango da.

2.– Nuno Andre Bastos Rochak hilean 300 euro ordainduko du adingabearen mantenu-pentsio gisa. Zenbateko hori hileko lehen boste egunetan ordainu beharko du jagoletza duen gurasoak horretarako izendatzen duen banku-kontuan; zenbateko hori urtero eguneratuko da estatistikako institutu nazionalak edo berau ordezten duen erakundeak ezarritako kontsumoko prezioen indizearen aldaketen arabera.

3.– Adingabearen ezohiko gastuak bi gurasoek erdibana ordainduko dituzte.

4.– Nuno Andre Bastos Rocha eta XXXXX adingabearen artean, ez da inongo bisita-erregimenik ezartzen.

Ez da kosturik ezartzen.

Ebazpen honen aurka, apelazio-errekurtsoa aurkez daiteke. Errekurtsoa prestatzeko, idazkia aurkeztu behar da epaitegi honetan, bost egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: apelatutako ebazpena, errekurritzeko nahia eta zein erabaki inpugnatzen diren (Prozedura Zibilaren 1/2000 Legearen 457.2 eta 774 artikuluak).

Eta epai honen bidez, erabaki, agindu eta sinatzen dut.

EPAILEA.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut, Bilbon (Bizkaia), bi mila eta hamahiruko urriaren hamabostean.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2013ko urriaren 15a.

IDAZKARI JUDIZIALA.

Azterketa dokumentala