Euskal Herriko Agintaritzaren Aldizkaria

195. zk., 2013ko urriaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 2 ZENBAKIKO EPAITEGIA

4334

EDIKTUA, ezkontzaz kanpoko seme-alabentzako neurrietarako 41/13 prozeduraren ondoriozkoa.

Tolosako Lehen Auzialdiko eta Instrukzioko 2 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriei buruz bideratutako 41/13 prozedura.

Demandatzailea: Selma Aparecida Ferreira.

Abokatua: Juan Jose Aizpun Aguirre.

Prokuradorea: Chimeno.

Demandatua: Juan Carlos Rodriguez Lagos.

Gaia: guraso eta seme-alaben arteko harremanak.

Judizio horretan epaia eman da. Hona hemen epaitza:

79/13 EPAIA

Epailea: Leyre Urretavizcaya Ardanaz.

Lekua: Tolosa (Gipuzkoa).

Data: bi mila eta hamahiruko uztailaren bederatzia.

Alderdi demandatzailea: Selma Aparecida Ferreira.

Abokatua: Juan Jose Aizpun Aguirre.

Prokuradorea: Maria del Carmen Chimeno Rodriguez.

Alderdi demandatua: Juan Carlos Rodriguez Lagos.

Abokatua.

Prokuradorea.

Judizioko gaia: guraso eta seme-alaben arteko harremanak arautzea.

EPAITZA

Partez baiesten dut epaitegietako prokuradore Carmen Chimeno Rodríguezek Selma Aparecida Ferreira-ren izenean eta ordez jarri duen demanda, auzi-ihesean den Juan Carlos Rodríguez Lagos-en aurkakoa. Eta honako erabaki hauek hartzen ditut:

1.– Alabarekiko guraso-ahala –titularitatea eta erabilera– bi gurasoek izango dute.

2.– XXXXXren zaintza eta jagoletza amari esleitzen zaizkio.

3.– Bisita-erregimena honakoa izango da: XXXXX adingabekoak bost urte egin arte, aitak eskubidea izango du bere alabarekin egoteko bi astebururik behin, zehazki, zapatuko 11:00etatik 18:00etara bitartean, eta igandeetan, 11:00etatik 18:00etara bitartean, eta adingabekoak gaua amaren etxean egingo du. Asteburuaren justu aurretik edo ondoren jaiegunik bada, egonaldi- eta bisita-eskubideaz baliatuaz adingabekoarekin dagoen gurasoaren asteburuari gehituko zaio, eta adingabekoak gaua amaren etxean egingo du. Alaba amaren etxean jaso eta utziko du. Alabak bost urte egin arte, Gabonetako, Aste Santuko eta udako opor-erregimena honako hau izango da (alabak betiere amaren etxean egingo du gaua). XXXXX adingabekoak bost urte egindakoan, alabaren konpainian bi astebururik behin egon ahal izango da aita, ostiraleko 19:00etatik igandeko 20:00etara bitartean. Gabonetako oporretan, aldia erdizka banatuko da, lehenengokoa eta bigarrenekoa txandakatuaz; lehenengokoan, oporretako lehen eguneko 11:00etatik abenduaren 30eko 20:00etara arteko aldia baliatuko da; eta bigarrenekoan, abenduaren 31ko 11:00etatik urtarrilaren 6ko 20:00etara artekoa. Pazkoko oporretan, aldia erdizka banatuko da, lehenengokoa eta bigarrenekoa txandakatuaz; lehenengokoan, Pazko Asteleheneko 11:00etatik Pazko Igandeko 20:00etara arteko aldia baliatuko da; eta bigarrenekoan, Pazko Asteleheneko 11:00etatik hurrengo igandeko 20:00etara artekoa. Udako oporretan, alabarekin uztaileko eta abuztuko bi hamabostalditan egoteko eskubidea izango du aitak; urte bikoitietan lehen hamabostaldiak egokitu zaizkio eta urte bakoitietan bigarren hamabostaldiak; eta lehen hamabostaldietako aldia hauxe izango da: lehenengo eguneko 11:00etatik 15. eguneko 20:30era; eta bigarren hamabostaldikoa, 16. eguneko 11:00etatik 31. eguneko 20:30era bitartean. Aita libreki komunikatu daiteke alabarekin, baldin eta deskantsualdiak eta eskolako eta eskolaz kanpoko jarduerak eta ordutegiak errespetatzen baditu. Adingabekoa amaren etxean hartu eta entregatu beharko da. Eta Pazkoko eta Gabonetako oporraldiei dagokienez, gurasoen arteko akordiorik ez bada, eskatzen da ezen urte bikoitien aukera aitari esleitzea, eta amari, urte bakoitiena.

4.– Aitak, hilean, 150 euroko pentsioa ordaindu beharko ditu; zenbateko hori eguneratu egingo da, Estatistikako Institutu Nazionalak –edo hura ordezkatzen duen beste legezko erakunde batek– onartutako KPIaren gehikuntzaren arabera. Hilabete bakoitzeko lehen bost egunen barruan sartu beharko du dirua, amak horretarako izendatzen duen kontuan. Pentsio horrek iraungo du XXXXX(e)k, behin adin nagusiko izanik, burujabetasun ekonomikoa lortzen duen arte.

5.– Ezohiko gastuak guraso biek ordainduko dituzte, erdibana. Ezohiko gastuak izango dira Gizarte Segurantzan edo aseguru pribatuetan sartzen ez diren gastu medikuak, testuliburuak, unibertsitate-matrikulak eta gurasoek hitzartzen dituzten eskolaz kanpoko jarduerak. Azken horiei dagokienez, gastua sortuko duten ekintza edo jarduera horiek aurrez jakinarazi beharko dira, eta halakorik ezean, baimen judiziala beharko da; kasu horretan, guraso-ahalaren atalean gurasoek hautatutako sistema erabiliko da jakinarazteko, eta hautatu ez badute, berriz, jakinarazpen hori mezu elektronikoz, edo –halakorik ezean– posta ziurtatuz egingo da.

Ez da kosturik ezarri behar.

Epai horren aurka apelazio-errekurtsoa jar daiteke.

Nire epai honen bidez, erabaki, agindu eta sinatu egiten dut.

Aurkaratzeko modua: Gipuzkoako Probintzia Auzitegian apelazio-errekurtsoa aurkeztuta (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua eratzeko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 22. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu beharko da kontsignazioa (BJLOko 15. xedapen gahigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Juan Carlos Rodriguez Lagos demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Interesdunak eskura du jakinarazten den ebazpenaren testu osoa, auzitegi honetako bulego judizialean.

Tolosa (Gipuzkoa), 2013ko irailaren 2a.

IDAZKARI JUDIZIALA.

Azterketa dokumentala