Euskal Herriko Agintaritzaren Aldizkaria

195. zk., 2013ko urriaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4331

EDIKTUA, ezkontzaz kanpoko seme-alabentzako neurrietarako 106/12 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 106/12, ezkontzaz kanpoko seme-alabentzako neurriak.

Alderdi demandatzailea: L.D.C.

Alderdi demandatua: Umaru Balde.

Gaia: guraso eta seme-alabentzako neurriak.

Aipatutako judizioan, ebazpena eman da; hona hemen testua hitzez hitz:

444/13 EPAIA

Epailea: Maria Jesus Gomez Soria andrea.

Lekua: Barakaldo (Bizkaia).

Data: bi mila eta hamahiruko ekainaren hogeita seia.

Alderdi demandatzailea: L.D.C.

Abokatua: Ainhoa Uriarte Arciniega.

Prokuradorea: Jesus Maria Martinez Rivero.

Alderdi demandatua: Umaru Balde.

Abokatua.

Prokuradorea.

Judizioko gaia: guraso eta seme-alaben arteko eta elikagaien gaineko neurriak.

Nik, María Jesús Gómez Soria andreak, Barakaldoko (Bizkaia) Lehen Auzialdiko 5 zenbakiko Epaitegiko (Familia) epaile magistratua naizen aldetik, ikusi ditut guraso eta seme-alaben arteko neurriei buruzko 106/12 autoak, L.D.C. delakoak –letratuak lagunduta eta prokuradoreak ordezkatuta– aurkeztutako demanda dela-eta bideratutakoak. Auzi-ihesean den Umaru Balde-ren aurka jarri da aipatu demanda. Fiskaltzak ere hartu du parte.

EPAITZA

Baietsi egiten dut L.D.C. delakoaren ordezkaritzak aurkeztutako demanda, Umaru Balde-ren aurkakoa; eta seme-alaba komunei dagokienez honako erabaki hauek hartzen ditut:

– Amari esleitzen zaio bien seme-alaba komunen zaintza eta jagoletza. Guraso-ahala, berriz, bi gurasoek edukiko dute, nahiz eta amak bakarrik baliatuko duen, aitaren bizilekua ezezaguna baita.

– Seme-alaba komunen aldeko elikadura-pentsioa finkatzen da, zeinaren arabera 200 euro sartu beharko baitira, hil bakoitzeko lehenengo bost egunen barruan, amak izendatzen duen kontuan. Pentsioa urtero eguneratu beharko da, INEk edo horren ordezko erakundeak argitaratutako KPIren arabera.

Guraso biek erdibana ordainduko dituzte bien seme-alaba komunek sortzen dituzten aparteko gastuak.

Ez da kosturik ezartzen.

Aurkaratzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: ). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu beharko da kontsignazioa (BJLOko 15. xg.).

Errekurtsoa jartzeko gordailua egitetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Epaitegiko idazkari naizenez, guzti horren fede ematen dut Barakaldon (Bizkaia), bi mila eta hamahiruko ekainaren hogeita seian.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Barakaldon (Bizkaia), bi mila eta hamahiruko uztailaren hamarrean.

IDAZKARI JUDIZIALA.

Azterketa dokumentala