RSS
102. zk., 2013ko maiatzaren 29a, asteazkena
- Bestelako formatuak:
- PDF (179 KB - 2 orri.)
- EPUB (98 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI ADMINISTRAZIO ETA JUSTIZIA SAILA
2489
12/2013 EBAZPENA, maiatzaren 21ekoa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinen bidez, Itourbask-Turismo Bulegoen Euskal Sareari atxikitako informazio turistikoko zerbitzuak emateko, toki-erakundeekin sinatzekoa den hitzarmen-ereduaren bigarren aldaketa argitaratzen baita, Itourbask-Turismo Bulegoen Euskal Sarea sortzeko 2003ko azaroaren 18ko 279/2003 Dekretuaren babesean.
Jaurlaritzaren Kontseiluak 2003ko azaroaren 18an egindako bileran onartu zuen Itourbask-Turismo Bulegoen Euskal Sareari atxikitako informazio turistikoko zerbitzuak emateko toki-erakundeekin sinatzekoa den lankidetza-hitzarmen eredua, Itourbask-Turismo Bulegoen Euskal Sarea sortzeko 2003ko azaroaren 18ko 279/2003 Dekretuaren babesean (2003ko abenduaren 9ko EHAA, 240. zk.); onarpen hori Jaurlaritzaren Idazkaritzako eta Legebiltzarrarekiko Harremanetarako zuzendariaren azaroaren 26ko 20/2003 Ebazpenaren bidez gauzatu zen.
Ondoren, Jaurlaritzaren Kontseiluak 2004ko ekainaren 22ko bileran erabaki zuen lankidetza-hitzarmenaren ereduaren laugarren klausula aldatzea.
2013ko martxoaren 14an, Jaurlaritzaren Kontseiluak erabaki zuen bigarren aldaketa bat egitea; aldaketa horrek hitzarmen-ereduaren laugarren eta seigarren klausulei eragiten die.
Ondorioz, eta hori behar bezala iragar dadin, hau
EBAZTEN DUT:
Artikulu bakarra.– Itourbask-Turismo Bulegoen Euskal Sarean barne hartutako informazio turistikoko zerbitzuak emateko toki-erakundeekin sinatzeko lankidetza-hitzarmeneko ereduaren laugarren eta seigarren klausulen aldaketa argitaratzea, Itourbask-Turismo Bulegoen Euskal Sarea sortzeko 2003ko azaroaren 18ko 279/2003 Dekretuaren babesean. Honela idatzita gelditzen dira:
«Laugarrena.– Finantzaketa.
Hitzarmen honen 3. klausularen 1.d) idatzi-zatian xedatutakoaren arabera, Garapen Ekonomiko eta Lehiakortasun Sailak urteko ----------- euroko ekarpena egingo du gehienez, edo, lankidetza urtebete baino gutxiagokoa denean, lan egindako aldiari dagokion parte proportzionala, betiere hauen arabera: informazio turistikoko bulegoaren izaera iraunkorra/aldi baterakoa, ordutegiak, erantzundako kontsulta bolumena eta gastu osoa. Ekarpen hori hitzartutako jarduerak burutzeak ekarritako gastuak ordaintzeko izango da.
Ekarpen horren ordainketa bi alditan egingo da (aldi bakoitzean %50), eta hitzarmena sinatzen denetik, edo, hala behar bada, luzapena gertatzen denetik igarotako seihilekoka egingo da; aurretik, hitzarmen honen hirugarren klausularen 2.f) idatzi-zatian aipatzen den igarotako seihilekoaren memoria eta gastuen justifikazioa aurkeztu beharko du toki-erakundeak».
«Seigarrena.– Hitzarmenaren indarraldia.
Hitzarmen hau, sinatzen den egunean sartuko da indarrean, eta urte bereko abenduaren 31 arte iraungo du; alderdiren batek berariazko salaketarik egin ezean hitzarmenaren indarraldiaren azken hiru hilabeteetan, besterik gabe luzatuko da ondorengo urteko aurrekontu-ekitaldietan, betiere kreditu egokia eta nahikoa badago ekitaldi bakoitzerako Euskal Autonomia Erkidegoko Aurrekontu Orokorretan. Kasu horretan, Garapen Ekonomiko eta Lehiakortasun Sailaren ekarpen ekonomikoa ez da aldatuko».
Vitoria-Gasteiz, 2013ko maiatzaren 21a.
Jaurlaritzaren Idazkaritzako eta Legebiltzarrarekiko Harremanetarako zuzendaria,
SANTIAGO LARRAZABAL BASAÑEZ.
