RSS
31. zk., 2013ko otsailaren 13a, asteazkena
- Bestelako formatuak:
- PDF (169 KB - 3 orri.)
- EPUB (98 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
845
EDIKTUA, ezkontzaz kanpoko seme-alabentzako neurrien gainean bideratu den 507/12 prozeduraren ondoriozkoa.
JAKINARAZPEN-ZEDULA
Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabenganako neurrietarako 507/12 prozedura bideratu da, more uxorio elkarbizitza eteteari buruzkoa, Laura Manzanares Garcia andreak eskatuta eta Eusebio Echevarria Garcia jaunaren aurka. Prozedura horretan epaia eman da. Hona hemen idazpurua eta epaitza, hitzez hitz:
566/12 EPAIA
Epailea: Francisco Javier Osa Fernandez jauna.
Lekua: Bilbao (Bizkaia).
Eguna: bi mila eta hamabiko abenduaren hogeita zortzia.
Alderdi demandatzailea: Laura Manzanares Garcia.
Abokatua: Alberto Jimeno Legarda.
Prokuradorea: Maitane Crespo Atin.
Alderdi demandatua: Eusebio Echevarria Garcia.
Abokatua.
Prokuradorea.
Judizioaren gaia: seme-alaba adingabeentzako neurriak.
EPAITZA
Baietsi egiten dut Laura Manzanares García andreak aurkeztutako demanda, auzi-ihesean den Eusebio Echevarria García jaunaren aurkakoa, eta, horrenbestez, adingabeko alabei dagokienez, honako neurri hauek hartzea erabaki dut:
1.– Adingabeko alaben zaintza eta jagoletza amari esleitzen zaizkio.
2.– Alabekiko guraso-ahala biek baliatuko dute, eta konpromisoa hartzen dute haiei eragin diezaieketen muntako erabakiak adostasunez hartzeko; adostasunik ez bada epaileak erabakiko ditu, salbu eta presa dela-eta beste ezkontideari kontsulta egitea ezinezkoa denean, esate baterako, osasunari dagozkionak: ospitaleratzea, ebakuntza kirurgikoa eta antzekoak; betiere albait arinen egin beharrekoak badira. Kasu horietan, alabak berekin dituen gurasoari egokituko zaio erabakia hartzea.
Guraso-ahalaren arloan, guraso bien adostasunarekin hartu beharreko erabakiak dira honako hauek: ohizko bizilekuari doakion udalerriz beste batera aldatzea adingabekoen bizilekua, halaber atzerria aldatzea, salbu eta oporretako bidaiak; ikastetxea aukeratzea eta ikastetxez aldatzea; eskolaz kanpoko edo osagarriak diren aktibitateak erabakitzea; urgentziazkoak izan barik iraupen handiko diren egintza medikoak, bai eta arlo psikologikokoak ere; garrantzizko ekintza erlijiosoak eta sozialak, esate baterako, Lehen Jaun Hartzea. Jagoletza ez duen gurasoak badu eskubiderik alabek eskolan duten bilakaeraz informazioa jasotzeko, eta, halaber, eskolako tutoretza-ekintzetan parte hartzekoa, eta bai, alaben osasunari dagokionez, osasun egoeraz eta tratamenduaz informazioa jasotzeko ere.
3.– Aitak alabekin egonaldiak egin eta komunikazioak izan ahal izango ditu, guraso biek adosten duten moduan, eta gutxieneko bisita-erregimen hau ezartzen da:
a) Bi astebururik behin, larunbateko 11:00etatik igandeko 19:00ak arte. Alabak amaren etxean jaso eta utzi beharko ditu aitak.
b) Gabonetan eta Aste Santuan, eskolako oporren erdia, alaben eskola-egutegiraren arabera. Ados jarri ezean, Ados jarri ezean, amak urte bakoitiak eta aitak bikoitiak aukeratu beharko dituzte. Alabak amaren etxean jaso eta utzi beharko ditu aitak.
c) Udako oporraldietako uztaila eta abuztua. Ados jarri ezean, amak urte bakoitiak eta aitak bikoitiak aukeratu beharko dituzte.
Alabekin egoteko aldien banaketa adingabeen eta beren gurasoen beharren eta obligazioen arabera egingo da.
4.– Alabentzako mantenu-pentsio modura, une bakoitzean lanaren, subsidioaren edo langabezia-prestazioaren edo edozein gizarte-laguntzaren bidez jasotzen dituen diru-sarreren % 30 ordainduko dio aitak amari, eta beti 300 euro hilero, gutxienez (150 euro alaba bakoitzeko). Pentsioa aurretiaz ordaindu beharko du aitak, hilabete bakoitzeko lehenengo bost egunen barruan, amak horretarako izendatzen duen bankuko kontu batean. Pentsioaren gutxieneko zenbatekoa urtero eguneratuko da, Estatistika Institutu Nazionalak edo haren ordezko erakundeak Estatu osoarentzat argitaratutako KPIren arabera, horretarako aurreko hamabi hilabeteak oinarritzat hartuta. Ezarritakoa bete ezean, legezko neurriak hartuko dira.
5.– Gurasoek erdibana ordainduko dituzte alaba adingabekoen ohiz kanpoko gastuak. Halakotzat joko dira mediku-, farmazia-, optika-, odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa-prozesuaren indargarri eta lagungarri alabek jaso behar dituzten eskola-orduak. Gainerako gastuak –premiazkoak ez badira, aisialdiak edo eskolak sortuak badira eta guraso biek erabakitakoak ez badira– egitea erabaki duenak ordaindu beharko ditu, gasturik egin bada behintzat. Nolanahi ere, bi gurasoek adostasunez hartutako erabakia izan bada, erdibana ordainduko dituzte.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dio alaba adingabeek dituzten aparteko premien berri, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean erantzunik ez badago, gastua onartuta dagoela ulertuko da.
Halako jakinarazpenak behar bezala jasota geratzeko moduan egingo dira.
Prozedura hau izapidetzerakoan sortutako prozesu-kostuak ez zaizkio inori ezartzen.
Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 4709. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Eusebio Echevarria Garcia demandatuari behar bezalako jakinarazpena egiteko balio dezan ematen eta sinatzen dut hau, Bilbon (Bizkaia), bi mila eta hamahiruko urtarrilaren zazpian.
IDAZKARIA.
