RSS
221. zk., 2012ko azaroaren 15a, osteguna
- Bestelako formatuak:
- PDF (164 KB - 2 orri.)
- EPUB (96 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA-SAN SEBASTIÁNGO LEHEN AUZIALDIKO 8 ZENBAKIKO EPAITEGIA
5051
EDIKTUA, oro har kontratuei buruz bideratutako 458/11 prozedura arruntaren ondoriozkoa.
JAKINARAZPEN-ZEDULA
Donostia-San Sebastiángo Lehen Auzialdiko 8 zenbakiko Epaitegian, Gipuzkoa eta Donostiako Aurrezki Kutxak eskatuta, 458/11 prozedura arrunta bideratu da, Maria Inmaculada Elorza Aguirreren aurka (gaia: kontratuak, oro har). Prozedura horretan epaia eman da; hona hemen idazpurua eta epaitza, kopiatuta:
247/12 EPAIA
Epailea: Eva Cerón Ripoll andrea.
Lekua: Donostia.
Eguna: bi mila eta hamabiko uztailaren hogeita laua.
Alderdi demandatzailea: Gipuzkoa eta Donostiako Aurrezki Kutxa.
Abokatua: Iñigo Lareki Arcos.
Prokuradorea: Santiago Tames Alonso.
Alderdi demandatua: Maria Inmaculada Elorza Aguirre.
Judizioaren gaia: kontratuak, oro har.
Nik, Eva Cerón Ripollek, Donostiako Lehen Auzialdiko 8 zenbakiko Epaitegiko (Familia) epaile magistratuak, ikusi ditut 458/11 judizio arruntaren autoak, zenbateko bat erreklamatzeko bideratutakoak, auzi-ihesean den María Inmaculada Elorza Aguirreren aurka. Auto horiek Santiago Tamés Alonso prokuradoreak sustatu ditu, Gipuzkoa eta Donostiako Aurrezki Kutxaren izenean eta ordez (aurrerantzean Kutxa), eta Íñigo Larreki Arcos jauna izan da letradua. Hona hemen
EPAITZA
Partez baiesten dut Santiago Tamés Alonso prokuradoreak –Gipuzkoa eta Donostiako Aurrezki Kutxaren izenean eta ordez (aurrerantzean Kutxa), eta Iñigo Lareki Arcos letraduak lagundurik– aurkeztutako demanda, auzi-ihesean den María Inmaculada Elorza Aguirreren aurkakoa. Horrenbestez, demandatua honako hauek ordaintzera kondenatzen dut: hamaika mila hirurehun eta laurogeita hamalau euro eta laurogeita hemezortzi zentimo (11.394,98), tronkoarenak; eta % 10,625ean hitzartutako interesak, 2010eko urtarrilaren 20tik, alegia, erreklamatutako zorpeko saldoei dagozkien mailegu-kontuak itxi ondorengo egunetik, zorra erabat ordaindu arte sortutakoak. Azkenik, demandatuari berariaz ezartzen zaizkio kostuak.
Aurkaratzeko modua: Gipuzkoako Probintzia Auzitegian apelazio-errekurtsoa aurkeztuta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 2812 0000 04 0458 11. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta nire epai honen bidez erabaki, agindu eta sinatzen dut.
Maria Inmaculada Elorza Aguirre demandatuari jakinarazpena behar bezala egiteko balio dezan ematen eta sinatzen dut idazki hau, Donostian, bi mila eta hamaikako uztailaren hogeita bostean.
IDAZKARIA.
