Eusko Jaurlaritzaren Egoitza Elektronikoa

Euskadi.eus

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

74. zk., 2012ko apirilaren 16a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 2 ZENBAKIKO EPAITEGIA
1708

EDIKTUA, diru-zenbateko bat erreklamatzeko bideratutako 416/11 hitzezko judizioaren ondoriozkoa.

JAKINARAZPEN-ZEDULA

Funeraria La Auxiliadora, S.L.k eskatuta, Barakaldoko Lehen Auzialdiko 2 zenbakiko Epaitegian (Bizkaia), 416/2011 hitzezko judizioaren prozedura bideratu da Jose Abel González Garciaren aurka, diru-zenbateko bat erreklamatzeko. Prozedura horren gainean epaia eman da. Hona hemen idazpurua eta epaitza:

357/11 EPAIA
Epailea: Amaia del Cid Madariaga.
Lekua: Barakaldo (Bizkaia).
Eguna: bi mila eta hamaikako abenduaren hogeita zortzia.
Alderdi demandatzailea: Funeraria la Auxiliadora, S.L.
Abokatua.
Prokuradorea: Susana Canduela Alba.
Alderdi demandatua: Jose Abel González Garcia.
Abokatua.
Prokuradorea.

Judizioaren gaia: diru-zenbateko bat erreklamatzea.

EPAITZA

José Abel González Garcíaren aurka, Funeraria La Auxiliadora, S.L.k aurkeztutako demanda baietsi egiten dut; eta demandatzaileari 1.580,98 euro pagatzera kondenatzen dut demandatua.

Zenbateko horrek legezko interesa sortuko du 2010eko azaroaren 1etik ebazpen honen egunera arte, eta legezko interesa bi puntuz gehituta, egun horretatik guztia ordaintzen den arte.

Kostuak demandatuak ordaindu beharko ditu.

Eta epai honen bidez erabaki, agindu eta sinatzen dut.

Epai honen aurka ez dago errekurtsorik aurkezterik, betiere Prozeduraren Zibilaren Legeko 455.1 artikuluan eta Prozedurak arintzeko neurriei buruzko 37/2011 Legearen xedapen iragankorrean ezarritakoarekin bat etorriz.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaileak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut.

Eta Jose Abel González Garcia demandatuari behar bezala jakinarazteko eman eta sinatzen dut ediktu hau, Barakaldon (Bizkaia), bi mila eta hamabiko urtarrilaren hogeita hamarrean.

IDAZKARIA.


Azterketa dokumentala

Euskadi, auzolana