Euskal Herriko Agintaritzaren Aldizkaria

36. zk., 2012ko otsailaren 20a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Industria, Berrikuntza, Merkataritza eta Turismo Saila

799

IRAGARKIA, 2012ko urtarrilaren 12koa, Industria, Berrikuntza, Merkataritza eta Turismo Sailaren Bizkaiko lurralde-ordezkariarena; honen bidez, jendaurrean jartzen da instalazio elektriko baten espedientea (administrazio-baimenaren eskaera, egikaritzapen-proiektuaren onarpena, onura publikoko deklarazioa eta ingurumen-inpaktuko deklarazioa).

Hauxe da instalazio elektrikoa: 132 kV-ko tentsio nominaleko linea elektrikoa, (ZB), Gatika-Lemoiz lineako Armintza TAko sarrera-irteera, Lemoiz udalerrian.

Abenduaren 3ko 282/2002 Dekretuaren 10. artikuluan (2002-12-23ko EHAA) eta abenduaren 1eko 1955/2000 Errege Dekretuaren 144. artikuluan (2008-12-27ko BOE) aurreikusitako ondorioetarako, eta testu beraren Azken Xedapenen arteko Lehenengoan, Nahitaezko Desjabetzeari buruzko 1957ko apirilaren 26ko Legearen Erregelamenduko 17. artikuluan, Sektore Elektrikoari buruzko azaroaren 27ko 54/1997 Legearen 53. artikuluan, eta Proiektuen Ingurumen Inpaktuaren Ebaluazioari buruzko Legearen testu bategina onartzen duen urtarrilaren 11ko 1/2008 Legegintzako Errege Dekretuaren 9. artikuluan xedatutakoari jarraiki (2008-01-26ko BOE), Euskadiko Ingurumena Babesteko otsailaren 27ko (1998-03-27ko BOE) 3/1998 Legean aurreikusitakoari dagokionez, jendaurrean jartzen da honako instalazio hau, eskatzailea Red Electrica de España SAU delarik:

Erreferentzia: L-7.726 ASS/SM

Kokapena: Lemoiz udalerrian.

Aurrekontua: 110.260,70 euro.

Helburua: Energia elektrikoaren horniduraren kalitatea eta segurtasuna hobetzea.

Airetiko linea elektrikoaren ezaugarri nagusiak:

Tentsio nominala: 132 kV

Garraiatu beharreko gehieneko potentzia: 132 MVA.

Zirkuitu bikoitza hexagono-antolaerarekin, eroale 1 fase bakoitzeko (LA 280 HAWK, 281,4 mm2-ko sekziokoa) eta 2 eroale lurrerako eta zuntz optikorako.

Jatorria: Gatika-Lemoiz 132 kV-ko lineako 24. zenbakiko euskarria.

Amaiera: Armintza TA.

Luzera osoa: 264 metro.

Administrazio-baimena, egikaritzapen-proiektuaren onarpena, onura publikoko deklarazioa eta ingurumen-inpaktuko deklarazioa eskatzen dira.

Hori guztia argitara ematen da guztiak eta, bereziki, lurren jabeak eta proiektuak eraginpean hartutako gainerako titularrak jakinaren gainean egon daitezen (haien zerrenda iragarki honen amaieran txertatu da), proiektua eta ingurumen-inpaktuari buruzko azterlana lurralde-bulego honetan (Concha Jenerala kalea 23, 5, Bilbao) edo kasuari dagokion Udalean azter dadin, eta bidezkotzat hartzen diren erreklamazioak bi aletan aurkez daitezen. Horretarako epea hilabetekoa izango da, iragarki hau argitaratu eta biharamunetik hasita.

Bilbao, 2012ko urtarrilaren 12a.

Lurralde-ordezkaria,

AINTZANE IZAGUIRRE ETXEBERRIA.

(Ikus .PDF)