Euskal Herriko Agintaritzaren Aldizkaria

36. zk., 2012ko otsailaren 20a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

Bilboko Lehen Auzialdiko 1 Zenbakiko Epaitegia

790

EDIKTUA, 452/11 prozedura arruntaren ondoriozkoa.

Bilboko Lehen Auzialdiko 1 zenbakiko Epaitegia (Bizkaia).

Judizioa: 452/11 prozedura arrunta.

Demandatzailea: FGA Capital Spain Establecimiento Financiero de Crédito SA.

Abokatua: Jesus Javier Fernandez Castañeda.

Prokuradorea: Elsa Pacheco Gurpegui.

Demandatua: Juan Ignacio Gomez Moreno.

Gaia: judizio arrunta.

Judizio horretan epaia eman da. Hona hemen epaitza:

EPAITZA

Elsa Pacheco Gurpegui epaitegietako prokuradoreak FGA Capital Spain Establecimiento Financiero de Crédito SAren izenean eta ordez aurkeztutako demanda baiesten dut. Horrenbestez, Juan Ignacio Gomez Moreno hari 22.045,71 euro, hitzartutako interesa eta kostuak ordaintzera kondenatzen dut.

Aurka egiteko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua).

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ebazpen hau jakinarazi eta biharamunetik aurrera. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabakiren aurka egiten den (PZLb, 457.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua eratzeko, zenbateko hori zainpean jarri beharko da epaitegi honen Gordailuan eta Zainpean jartzeko Kontuan; kontu hori Banesto taldekoa da, eta 4705000000045211 zenbakia du; errekurtsoa aurkeztean egiaztatu egin beharko da zainpean jarritako diru-zenbatekoa (Botere Judizialaren Lege Organikoko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Epai hau eman, agindu eta sinatu egiten dut. Epaia alderdiei jakinaraziko zaie, legez ezarritako moduan.

Juan Ignacio Gomez Moreno demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera, eta epaitegiko iragarki-oholean jartzea.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Bilbao (Bizkaia), 2011ko urriaren 21a.

IDAZKARI JUDIZIALA.