Euskal Herriko Agintaritzaren Aldizkaria

19. zk., 2012ko urtarrilaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

Herri-Kontuen Euskal Epaitegia

429

ERABAKIA, Herri-Kontuen Euskal Epaitegiaren Osokoak 2011ko ekainaren 23ko bilkuran hartua, «Euskal Autonomia Erkidegoaren Erakundeen Administrazioa. Erakunde Autonomo, Zuzenbide Pribatuko Ente Publiko eta Sozietate Publikoen Kontuak, 2008» txostena behin betiko onesten duena.

Herri-Kontuen Euskal Epaitegiaren Osokoak 2011ko ekainaren 23an egindako bilkuran

ERABAKI DU:

Behin betiko onestea «Euskal Autonomia Erkidegoaren Erakundeen Administrazioa. Erakunde Autonomo, Zuzenbide Pribatuko Ente Publiko eta Sozietate Publikoen Kontuak, 2008» txostena, Erabaki honen eranskin modura ageri dena.

HKEEren 1/1988 Legearen 13.2 artikuluak aurreikusten duena betez, txostenaren ondorioak dagozkion aldizkari ofizialetan argitaratzeko xedatzea.

Vitoria-Gasteiz, 2011ko ekainaren 23a.

HKEEren lehendakaria,

JOSÉ IGNACIO MARTÍNEZ CHURIAQUE.

HKEEren idazkari nagusia,

TERESA CRESPO DEL CAMPO.

ERANSKINA

EUSKAL AUTONOMIA ERKIDEGOAREN ERAKUNDEEN ADMINISTRAZIOA. ERAKUNDE AUTONOMO, ZUZENBIDE PRIBATUKO ENTE PUBLIKO ETA SOZIETATE PUBLIKOEN KONTUAK, 2008.

I.- Sarrera.

Herri-Kontuen Euskal Epaitegiaren 2009ko urteko lan programak Euskal Autonomia Erkidegoko (EAE) Erakunde Autonomo, Zuzenbide Pribatuko Ente Publiko eta Sozietate Publikoen 2008ko Kontuen fiskalizazioa barne hartzen du.

Azaroaren 11ko 1/1997 Legegintzazko Dekretuaren 7. artikuluak, Euskal Autonomia Erkidegoko Herri-ogasuntza Nagusiaren Antolarauei buruzko Legearen testu bategina onirizten duenak, Ondareari buruzko azaroaren 17ko 5/2006 Legearen Seigarren Azken Xedapenak emandako erredakzioan EAEren sektore publikoaren gaineko definizio berria barne hartzen du. Aldaketa horren ondoren, sektore publikoa honako hauek osatzen dute: EAEren administrazio orokorrak, erakundeen administrazioak (erakunde autonomo eta zuzenbide pribatuko ente publikoek), sozietate publikoek eta sektore publikoko fundazioek; baita legeak jasotako ezaugarriak betetzen dituzten partzuergoek.

Aurreko idatz-zatian esandakoak esan, ez da aldatu EAEren Aurrekontu Orokorrak eta dagokien likidazioa osatzen duten aurrekontuen zerrenda, Euskadiko Aurrekontu Erregimenari buruzko legezko xedapenen Testu Bateratua onesten duen irailaren 27ko 1/1994 Legegintzako Dekretuan xedatutakoaren arabera, eta honenbestez, hauetan barne hartu gabe jarraitzen dute EAEren sektore publikoa osatzen duten fundazioen eta partzuergoen aurrekontu eta kontuak.

Zuzenbide pribatuko ente publiko eta sozietate publikoak, zeinetan EAEren Administrazio Orokorraren partaidetza-ehunekoa kapital sozialaren % 50etik gorakoa den, 2008ko abenduaren 31n, hurrenez hurren, 6 eta 54 ziren, era honetara sailkatuak:

- SPRI Taldea: 29 sozietate.

- EEE Taldea Energiaren Euskal Erakundea eta 6 sozietate.

- EiTB taldea: Euskal Irrati Telebista entea eta 4 sozietate.

- Osakidetza taldea: Osakidetza-Euskal Osasun Zerbitzua entea eta sozietate bat.

- Eusko-Trenbideak taldea: 2 sozietate.

- Besterik: Zuzenbide pribatuko 3 ente publiko eta 12 sozietate.

2008ko ekitaldian zehar Etxebizitza Alokairuetarako Sozietate Publikoa, S.A.k eta Uraren Euskal agentzia zuzenbide pribatuko Ente Publikoak euren jarduerei ekin zieten.

Etxebizitza Alokairuetarako Sozietate Publikoa, S.A. 2007ko azaroaren 12an sortu zen eta 2008ko martxoaren 13an merkataritza erregistroan eman zuen izena; Euskadiko Etxebizitza eta Lurraren sozietatea, S.A.rekin (Visesa) 2008ko apirilaren 30ean jardueraren atal bat lagatzeko hitzarmen bat izenpetu ondoren ekin zion aribideari. Kontratu honen indarrez, sozietate berriak 2008ko maiatzaren 1etik aurrera bere gain hartu zituen «Bizigune Etxebizitza Hutsaren Programa eta Lehentasunez Eskuratzeko Eskubidean Bitartekotza, Kudeaketa eta Egikaritza Jarduerak» delakoaren jarduera guztiak.

Bestalde, Uraren Euskal Agentzia zuzenbide pribatuko Ente Publikoa Urei buruzko ekainaren 23ko 1/2006 Legeak sortu zuen eta 2008ko urtarrilaren 1ean ekin zion aribideari, abenduaren 18ko 233/2007 Dekretuan xedatutakoari jarraiki; honen indarrez, jarduerei hasiera ematea eta EAEren Administrazioaren baliabide pertsonal zein gauzazkoak erakundeari atxikitzeko baldintzak arautu ziren.

Administrazio Publikoetako Kontratuen Legearen testu bateratua onesten duen 2/2000 Legegintzazko Errege Dekretuak (APKLTB) eta Sektore Publikoaren Kontratuei buruzko urriaren 30eko 30/2007 Legearen zazpigarren Xedapen Osagarriak sozietate publikoak publizitate, lehia, diskriminazio eza eta tratu-berdintasuneko printzipioak betetzera meneratzen dituzte. Horrez gain, industria edo merkataritza izaera ez duten zuzenbide pribatuko sozietateak Legearen aginduei meneratuko zaizkie. Agindu horiek enpresen gaitasuna, publizitatea, lehiaketa prozedurak eta esleipen moldeak finkatzen dituzte obra, hornidura, aholkularitza eta laguntza eta zerbitzu kontratuei dagokienez 5.150 mila euro edo kopuru handiagoko obra kontratuak baldin badira, edota 206 mila eurokoak aipatutako bestelako zeinahi kontratu baldin bada.

Erakunde autonomoak aurreko ekitaldietan fiskalizatu ziren, arazo adierazgarririk batere azaleratu ez zela. Inguruabar hau eta barne kontrola Administrazio Orokorrak egitean duela aintzat hartuta, ez dugu 2008an berariazko fiskalizaziorik gauzatu.

Osakidetza-Osasunaren Euskal Zerbitzua enteak funts publikoen kudeaketa arloan indarren den legedia noraino betetzen duen aztertzeko azterketa mugatua egin dugu. Horretarako, Osakidetzan 2008ko ekitaldiko jardueren gaineko kontratazio adierazgarrienak eta Artekaritza Zerbitzuak mamitutako txostenak aztertu ditugu, zeinak Eusko Jaurlaritzaren Ekonomia Kontrolerako Bulegoaren Zuzendariaren izenean eta eskuordez diharduen. Hona hemen zein kontzepturi dagozkien horiek:

(Ikus .PDF)

Gainerako erakunde eta sozietate publikoei dagokienez, inbertsio, gastu eta/edo langileen kontratazio aipagarrienak izan dituztenak hautatu ditugu. Hautatutako erakunde eta sozietateetan eta jarduera adierazgarrienei dagokienez, legea bete izanaren azterketa mugatua gauzatu dugu.

Profesional independenteek jaulkitako erakunde eta sozietate publikoetako urteko kontuen auditoria txostenak Kontu Orokorrean jaso dira eta Herri Kontuen Euskal Epaitegiak ez ditu kontu horiek aztertu.

Ez dugu gastuaren eraginkortasun eta efizientziari buruzko azterketarik egin. Nolanahi dela ere, fiskalizazioan zehar sortu diren alderdi partzialak Txosten honetako III. idazpuruan daude jasoak.

Mamitutako lanaren ondorioak, segidako sozietateei dagokienez, bi ataletan aurkezten dira:

● Ejie, S.A.

● Osakidetza-Euskal Osasun Zerbitzua Entea.

● Energiaren Euskal Erakundea (EEE).

● Euskal Telebista, S.A. (ETB, S.A.).

● Eusko Trenbide Sarea Entea.

● Eusko Trenbideak, S.A.

● Ihobe, S.A.

● Itsasmendikoi, S.A.

● Neiker, S.A.

● Parke Teknologikoa, S.A.

● SPRI, S.A.

● Sprilur, S.A.

● Visesa.

● Uraren Euskal Agentzia (URA).

- Azterketa mugatuaren ondorioak.

- Barne kontrolerako sistemei eta kudeaketa prozedurei buruzko irizpenak.

II.- Azterketa mugatuaren ondorioak.

II.1.- Ondasun eta zerbitzuen erosketa.

Lehiaketaren argitalpen data aintzat hartuta, Herri Administrazioen Kontratuen Legearen Testu Bateratua (HAKLTB) onesten duen 2/2000 Legegintzazko Errege Dekretua edo urriaren 30eko Sektore Publikoaren Kontratuen 30/2007 Legea (SPKL) bete izana aztertu dugu.

Halaber, uraren, energiaren, garraioen eta telekomunikabideen kontratazio prozedurari buruzko abenduaren 30eko 48/1998 Legea bete izana berrikusi da; baita, urriaren 30eko 31/2007 Legea bete izana ere, uraren, energiaren, garraioen eta posta zerbitzuen sektoreetan kontratazio prozedurei buruzkoa.

II.1.1.- Ejie, S.A.

- 0,1 milioi euroko zenbatekoa egin duen espedientea bat (4 zk.), publizitate eta lehia printzipioak bete gabe esleitu da.

II.1.2.- Osakidetza-Euskal osasun zerbitzua entea.

2008an guztira 127,8 milioi euroan esleitutako 34 kontratazio espediente aztertu ditugu eta zera azaleratu da:

- Guztira 119,3 milioi euroko zenbatekoaren esleitutako 30 espedientetan ez dago erasota urteanitzeko krediturik badagoela egiaztatu denik (APKLTBren 11. artikulua edo SPKLren 30/2007 Legearen 93. artikulua); urteanitzeko gastuaren konpromisoarekin esleitutako guztiak dira horiek.

Osakidetzan Artekaritza Zerbitzuak kontratazio espedienterik gabe erositako hornigaien lagin bat aztertu du, eta kontratazioaren xedea zatikatuta duten hornigaien erosketak kontratu txiki gisa tramitatu direla detektatu du; ez da bete publizitate eta lehia printzipioa. Hauek dira aztertutako zenbatekoak eta sumatutako ez betetzeak:

(Ikus .PDF)

II.1.3.- Energiaren Euskal Erakundea.

- Espediente bat 1,1 milioi euroko zenbatekoarekin esleitu da (1 zk.), kontratuak prestatu eta esleitzeari buruzko APKLTBren aginduak bete gabe eta honenbestez, aipatutako kontratazioan buru egiten duten publizitate eta lehia printzipioak urratuz.

- Ez da justifikatu 0,7 milioi euroko espediente batean esleipen hartzailearen hautaketa (4. zk.), izan ere berdinketa gertatu baitzen eskaintzen balorazioan.

II.1.4.- ETB, S.A.

- Guztira 7,1 milioi euroko zenbatekoarekin esleitutako 8 espedienteri dagokienez ez da DOUEn lizitazio iragarkia argitaratu (1, 2, 3, 4, 5, 6, 7 eta 8 zk.).

- 6,2 milioi euroko zenbatekoarekin esleitutako 7 espedienteren pleguek (1, 2, 4, 5, 6, 7 eta 8 zk.) ez dituzte kontratuaren oinarrizko elementuak barne hartzen: Kasu hauetariko batean ere ez da kontratazioaren aurrekontu gehiengoa finkatzen; eta 0,4 milioi euro egin dituen batean (7. zk.), ez da lehiaketan zehaztutako epea ezartzen.

II.1.5.- Eusko Trenbideak, S.A.

- 0,5 milioi euroko zenbatekoa egin duen espedientea bat (7 zk.), zuzenean publizitate eta lehia printzipioak bete gabe esleitu da.

II.1.6.- Ihobe, S.A.

- Guztira 0,2 milioi euroko zenbatekoarekin esleitutako espediente bati dagokionez ez da DOUEn lizitazio iragarkia argitaratu (6 zk.).

II.1.7.- Itsasmendikoi, S.A.

- 0,9 milioi euroko zenbatekoa egin duten hiru espediente esleitu dira (1, 3 eta 5 zk.), publizitate eta lehia printzipioak bete gabe.

II.1.8.- Neiker, S.A.

- 0,3 milioi euroko zenbatekoarekin esleitutako espediente batean (4 zk.), esleipenaren txosten teknikoak ez ditu Baldintzen Pleguan finkatutako esleipen irizpide guztiak balioztatu eta 65 mila euroko lan osagarriak exekutatu dira, formalizatu ez direnak.

- Guztira 0,2 milioi euroko zenbatekoarekin esleitutako espediente batean (5 zk.) Baldintzen Pleguak ez du lizitazio prezioa finkatzen.

- Guztira 1,5 milioi euroko zenbatekoarekin esleitutako espediente batean (1 zk.) Baldintzen Pleguak ez du lizitazio prezioa finkatzen.

- Guztira 2,2 milioi euroko zenbatekoarekin esleitutako bi espedientetan (2 eta 3 zk.) kontratua betetzeko epea Baldintzen Pleguan ezarritako gehiengoaz gaindikoa da.

II.1.9.- Parke Teknologikoa, S.A.

- Guztira 10,7 milioi euroko zenbatekoarekin esleitutako bi espedienteri dagokienez ez da DOUEn lizitazio iragarkia argitaratu (1 eta 6 zk.).

- Guztira 3,1 milioi euroko zenbatekoa egin duten sei espediente (3, 4, 5, 7, 8 eta 9 zk.) publizitate eta lehia printzipioak bete gabe esleitu dira.

II.1.10.- SPRI, S.A.

- 0,8 milioi euroko zenbatekoa egin duten hiru espediente (3, 8 eta 9 zk.), publizitate eta lehia printzipioak bete gabe esleitu dira.

- Guztira 0,9 milioi euroko zenbatekoarekin esleitutako bi espedienteri dagokienez ez da DOUEn lizitazio iragarkia argitaratu (4 eta 5 zk.).

- Batzorde Teknikoak 0,5 milioi euroko zenbatekoarekin esleitu zen espediente baten Baldintza Orokorren Pleguan finkatutako baldintzak aldatu zituen (7 zk.).

II.1.11.- Sprilur, S.A.

- 0,2 milioi euroko zenbatekoa egin duten bi espediente (1 eta 4 zk.) publizitate eta lehia printzipioak bete gabe esleitu dira.

- Guztira 9,8 milioi euroko zenbatekoarekin esleitutako 2 espedienteri dagokienez ez da DOUEn lizitazio iragarkia argitaratu (2 eta 3 zk.).

II.1.12.- Visesa.

- Guztira 31,3 milioi euroko zenbatekoarekin esleitutako espediente bati dagokionez ez da DOUEn lizitazio iragarkia argitaratu (7 zk.). Bestalde, kontratua ez zaio Baldintzen Pleguan finkatutako esleipen irizpideen arabera ongien baloratutako eskaintzari esleitzen, baizik eta bigarren balorazio onena duenari; izan ere, Sozietatearen Administrazio Kontseiluaren iritzira, eta prezioaren irizpidea aintzat hartuta, ekonomikoki eskaintzarik egokiena litzatekeelako.

II.2.- Langileria.

II.2.1.- ETB, S.A.

- Ekitaldian zehar 5.082 aldibateko kontratu izenpetu dira 268 langilerekin. Ordea, aldi bateko langileria kontratatzeko erabilitako prozedurak (EiTB Taldearen web-orrian publizitatea eta lan poltsa egindako hautaketarako erabili den irizpidea erasota utzi gabe erabiltzeak), ez du bermatzen publizitate, merezimendu eta gaitasun printzipioak bete izana.

- 2008ko ekitaldian zehar izendapen libreko prozedura bitartez 7 lanpostu bete dira jada Sozietateko langile ziren pertsonekin, Sozietatearen zuzendaritzaren iritzira EiTB Ente Publikoaren 5/1982 sorrera Legearen 16.2.f artikuluak eskatutako profesionaltasun irizpideak erabiltzeari meneratzen zaizkionak. Ez dago langile horiek hautatzeko erabilitako irizpideen ebidentziarik, 5/1982 Legearen 16.2.f artikuluan xedatutako eskakizunak bete direla bermatzen dutenak (profesionaltasuna eta Kontseiluari aldez aurretik jakinaraztea), zuzendaritza eginkizunak gauzatu behar diren lanpostuetan.

II.2.2.- Eusko Trenbide Sarea Entea.

- Langile baten hasiera bateko aldi baterako kontratazioa gerora mugagabe bihurtu da, berdintasun, merezimendu eta gaitasun printzipioak betetzea bermatuko duen prozedurarik egin gabe.

- Aldibaterako langile baten kontratazioa publizitaterik gabe eta berdintasun, gaitasun eta merezimendu printzipioak bete gabe gauzatu da.

II.2.3.- Ihobe, S.A.

- 3 lanpostu finko betetzeko langileen hasiera bateko hautaketa publizitatearekin egin da, berariaz gaitutako enpresa baten bitartez. Enpresa horrek proposatutako izangaien arteko azken aukeraketa ez dago justifikatua. Jokamolde honek ez du berdintasun, gaitasun eta merezimendu printzipioak beteko direnik bermatzen.

- Aldibaterako langile baten kontratazioa publizitaterik gabe eta berdintasun, gaitasun eta merezimendu printzipioak bete gabe gauzatu da.

II.2.4.- Neiker, S.A.

- Aldi baterako 14 langileren kontratazioa lehiaketa-oposaketa bitartez (11 kasutan) eta lan poltsa bitartez (3 kasutan) gauzatu da. Deialdiak Sozietatearen web orrian iragarri ziren. Aribide honek ez du berdintasun printzipioa bete izana bermatzen.

III.- Barne kontrolerako sistemei eta kudeaketa prozedurei buruzko irizpenak.

Atal honek jasotzen dituen akatsek ez du eragin nabarmenik kontabilitatea, langileriaren kudeaketa eta kontratazioa arautzen dituzten printzipioak betetzean.

III.1.- Osakidetza-euskal osasun zerbitzua entea.

III.1.1.- Kontularitzako Kudeaketa.

Rappelek eragindako diru sarrerak

2008ko urte amaieran 0,5 milioi euroko balioespena erregistratu da, farmazialari produktuei dagokiena. Nahiz abenduaren 21eko 11/2004 Izapideak eskudiruzko rappelen prozedura arautu zuen, oraindik ere ez dago kobratu beharreko zenbatekoen gaineko behar hainbateko kontrolik, dirutan zein salgaietan, erosketagatiko rappel kontzeptuan, batik bat sendagaien hornidura kontratuetan.

SAP kudeaketa sisteman mota horretako sarrerak erregistratzeko prozesu bat barne hartu behar da, behar bezalako jarraipena, kontrola eta kontabilitate erregistroa egitea ahalbidetuko duena.

III.1.2.- Ibilgetua.

Abian dagoen ibilgetua.

Kontu honen saldoak, 70,1 milioi euro egiten dituenak, 25 milioi euroko erosketak barne hartzen ditu, idazpuru honetan urtebete baino lehenagotik kontabilizatuak daudenak. Zenbateko honetan barne hartzen dira jada instalatuak dauden, abian dauden edo hornitzailearen biltegietan dauden ondasunak, guztira 12,4 milioi eurokoak.

Horrelako egoerak urtero gertatzen dira eta aldian behingo kontrola eskatzen dute, bai eta ekitaldiaren itxierako analisia ere, mota horretako uneko aktiboei dagokien zenbatekoa bakarrik islatzeko.

III.1.3.- Izakinak.

Ondasun zerrendak.

Ekitaldiaren itxieran egin diren inbentarioetan munta txikiko aldeak ikusi dira zenbait biltegitan, bai periferikoetan, bai eta SAP sisteman sartutakoetan ere; huts hauek sarrerako eta irteerako mugimenduen erregistratze prozeduran akatsak daudela erakusten dute.

Biltegi periferikoak.

Biltegi horietako izakinak ez daude SAP sisteman sartuta, eta 3,2 milioi euro egiten dute, hau da, enteko izakin guztien % 9, gutxi gorabehera.

Produktuen errotazioa.

Ez dago irizpide finkaturik biltegietan gorde beharreko stock mailari dagokionez eta honenbestez, alde nabarmenak daude zentro, biltegi eta produktu mota ezberdinen artean, hobeto kontrolatuak daudenak produktu farmazeutikoen kasuan eta ez hainbeste gainerako produktuetan.

Biltegietako izakinetara emandako baliabideak efizienteago kudeatzeko eta biltegi periferikoak SAP sistemara modu progresiboan txertatzeko, gomendagarria litzateke Entearen zuzendaritzatik erakunde guztientzat oinarrizkoak diren gidalerroak ezartzea.

III.1.4.- Jasotzeko dauden ordainagirien hornitzaileak.

Kontu horren saldoak, 91,9 milioi euro egin dituenak, lehenagoko urteetatik datozen kontusailak barne hartzen ditu, horietako batzuk 5 urtetik gorako antzinatasuna eta kopuru txikikoak direnak eta beste batzuk, berriz, 1 eta 5 urte bitarteko eta 5,8 milioi eurokoak.

Nahiz 2005eko abenduaren 1eko 5 zk.ko instrukzioak arautzen duen eta itxierako instrukzioak hilabeteko antzinatasuna baino handiagoa duten fakturen arrazoizkotasunik eza adierazten duen, egoera horiek bere horretan jarraitzen dute, kontularitzako itxieran zorroztasun eza erakusten dutenak.

III.1.5.- Kontularitzako Itxiera.

2008ko abenduaren 31n azaleratutako doiketa eta birsailkapenak, kontularitzan erregistratu ez direnak, 2,6 milioi euroko sarrera osagarri garbia egiten dute eta horietatik 2,5 milioi euro Langileria finkoaren Garapen Profesionalaren kontzeptuan egindako gehiegizko zuzkidurari dagozkio, batik bat langileria ez sanitarioari dagokiona.

Laneko erreklamazioengatiko zuzkiduren kalkuluari dagokionez, dotazio-irizpide homogeneorik ez dagoela eta zentroetako eta aholkularitza juridikoko langileen sailen arteko komunikazioa eskasa dela ikusi da, ekitaldi itxieran indarreko espedienteen egoera erregistratu ahal izateko.

Beharrezkoa da irizpide bateratuak eta kuantifikatu beharreko datuak eskura izatea, hartara denboraz eta formaz itxierako kontularitza saldoak balioetsi ahal izateko; hori dela eta, kontularitzako itxiera hori egin ahal izateko beharrezko diren datuak eskuratzeko prozedura normalizatua finkatzea gomendatzen dugu.

III.1.6.- Administrazioko Kontratazioa.

2008an guztira 127,8 milioi euroan esleitutako 34 kontratazio espediente aztertu ditugu. Hona hemen azaleratu diren akatsik adierazgarrienak:

- Guztira 75,1 milioi euroko zenbatekoarekin esleitutako 19 espedientetan ez dago erasota Pleguen gaineko txosten juridikorik (APKLTBren 49. artikulua edo 30/2007 SPKLren 99.6 artikulua).

- 54,7 milioi euro egin dituzten 17 espedientetan, pleguak ez ditu kontratazio atalak izenpetu (Kontratuen Erregelamendua, 71. artikulua).

- Guztira 26,6 milioiko zenbatekoarekin esleitutako 12 espedientetan ez da espedientean justifikatzen esleipen irizpideen hautaketa (30/2007 SPKLren 93.4 artikulua).

- Guztira 50,9 milioi euroko zenbatekoarekin esleitutako 9 espedientetan ez da kontratatzeko debekurik ez duelako aitorpen erantzulerik aurkezten (APKLTBren 79.2 artikulua edo 30/2007 SPKLren 130. artikulua).

- Guztira 48,7 milioi euroan esleitutako 12 espedientetan, behar hainbateko justifikaziorik gabe hainbat irizpide eta azpi-irizpide balioztatu dira esleipen txostenean (APKLTBko 86. artikulua edo 30/2007 SPKLren 134. artikulua).

- Guztira 29,2 milioi euroko zenbatekoarekin esleitutako 6 espedientetan, esleipen txostenak pleguan aurreikusi gabeko azpi-irizpideak balioztatzen ditu eta 15,6 milioi euroko zenbatekoarekin esleitutako beste 4tan, aurreikusiak dauden baina Pleguan aldez aurretik neurtu gabeko azpi-irizpideak balioztatzen dira. (APKLTBren 86. artikulua edo SPKLren 134. artikulua).

- Guztira 4,1 milioi euroko zenbatekoarekin esleitutako 5 espedientetan, txosten teknikoak ez du irizpideei balio judizioen bidez emandako balorazioa justifikatzen.

- Guztira 9,2 milioi euroko zenbatekoarekin esleitutako 8 espedientetan, ez da aitorpen erantzulea aurkezten hasiera batean egiaztatutako inguruabarren bariazio ezari buruz (30/2007 SPKLren 130.3 artikulua) eta beste 4tan, 9,4 milioi euroko zenbatekoarekin esleitutakoetan, ez da obligazio sozial eta zergazkoak bete izana egiaztatzen (APKLTBren 79. artikulua edo 30/2007 SPKLren 135.4 artikulua).

- Kateter periferiko laburrak, zain barruko infusio ekipoak eta odola ateratzeko ekipoak hornitzeko espedientea 3 milioi euroan esleitu zen eta ez da justifikatzen behin-betiko bermea jartzetik salbuestea (30/2007 SPKLren 83.1 artikulua) eta behin-behineko esleipenaren ebazpena epez kanpo gauzatu zen (30/2007 SPKLren 145.2 artikulua).

Berebat, bi esleipen hartzaileen kontratuak aldatu ziren, interes publiko eta/edo ustekabeko kausak arrazoitu gabe, pleguan aurreikusi gabe zeudenak eta horietako batean, gainera, aldatutako elementua berariaz kanporatu zen lizitazio fasean, aurkezpen-baldintzak betetzen ez zituelako (30/2007 SPKLren 202 artikulua).Beste aldaketan ez da justifikatzen beheratutako prezioa eta aldez aurretik eskainitako hobekuntza parekatzea eta horrek kontratuaren prezio osoa igotzea eragin dezake.

Osakidetzaren Artekaritza Zerbitzuak 522 espedienteko lagina aztertu du, Entearen 30 zerbitzu erakundeetatik 22k esleitutakoak, 210 milioi euroko zenbatekoarekin. Hona hemen azaleratu diren akatsik adierazgarrienak.

Lizitazio Fasea.

- Guztira 22,2 milioi euroan esleitutako 5 espedientetan, APKLk kontratuaren xedearekin loturarik ez duten esleipen irizpideak barne hartzen ditu, lehiatzaileen kaudimen tekniko edo profesionala esaterako (SPKLren 134.1 artikulua).

- Guztira 25,5 milioi euroko zenbatekoarekin esleitutako 20 espedientetan (horietatik 7 espediente, 18,7 milioi euro egiten dutenak Zerbitzu Nagusietakoak dira) inongo justifikaziorik gabe Pleguan bermea aurkeztetik salbuesten da (SPKLren 83.1 artikulua) eta beste 12tan, 11,9 milioi eurokoetan, berme epea betetzetik justifikatu gabe salbuesten da (SPKLren 205.3 artikulua).

- Guztira 21,1 milioi euroko zenbatekoarekin esleitutako 34 espedientetan, ez dago erasota proiektuaren eta horren exekuzioaren baterako kontratazioaren justifikazioa (SPKLren 83.1 artikulua).

- Guztira 55,3 milioi euroko zenbatekoarekin esleitutako 47 espedientetan, Pleguak ez daude juridikoki berariaz informatuak (SPKLren 99.6 artikulua).

- Basurtoko Ospitalearen espediente 1ean, 14,3 milioi euroko zenbatekoarekin esleitutakoan, espedientea horretarako eskumenik ez zuen atalak onetsi zuen eta Barrualdeko Eskualdeko beste batean, 3,7 milioi euroko zenbatekoarekin esleitu zenean, horretarako eskumena duen atalaren onespena falta da (SPKLren 94.1 artikulua).

- Prozedura negoziatu bitartez 1,1 milioi euroko zenbatekoarekin esleitutako 8 espedientetan, ez da hautatutako prozedura justifikatzen (SPKLren 93.4 artikulua).

- Guztira 75,6 milioi euroko zenbatekoarekin esleitutako 101 espedientetan, ez dira hautatutako esleipen irizpideak justifikatzen (SPKLren 93.4 artikulua).

- Guztira 12,4 milioi euroko zenbatekoarekin esleitutako 18 espedientetan ez dago erasota kontratatzailearen profilean argitaratu denik; 25,1 milioi euroan esleitutako 23 espedientetan, iragarkiak ez ditu adierazten ez esleipen irizpideak, ez horien balio-neurria ere (SPKLren 134.5 artikulua) eta 9,5 milioi euroko zenbatekoarekin esleitutako 7tan, ez ditu adierazten ez baldintzak, ez aldakietako elementuak ere (SPKLren 131.2 artikulua).

- Guztira 25,5 milioi euroko zenbatekoarekin esleitutako 18 espedientetan berariaz gaitutako Batzordearen ebaluazioa falta da eta milioi 1 euroko zenbatekoarekin esleitutako 4tan, Batzordea gaizki osatua dago (SPKLren 134.2 artikulua).

- 8,7 milioi euroko zenbatekoarekin esleitutako 13 espedientetan, txosten teknikoan oker barne hartzen da prezioaren irizpidea (SPKLren 144.1 artikulua).

Esleipen fasea.

- 12,7 milioi eurotan esleitutako 33 kontratutan ez da nahikoa arrazoitu proposatutako esleipena (SPKLren 137. artikulua). Hauetatik 5 espediente, 6 milioi eurokoak Zerbitzu Nagusietakoak dira.

- Guztira 13,6 milioi euroko 24 espedientetan, Aldizkari ofizialean edo kontratatzailearen profilean behin-behineko esleipenaren argitalpena falta da (SPKLren 135.3 artikulua).

- Lehiatzaileei ez zaie behin-behineko esleipenaren berri eman 10 espedientetan, 5,7 milioi euroan esleitutakoak; ez eta 30,6 milioi euroko zenbatekoarekin esleitutako 22 espedienteren behin-betiko esleipenaren berri ere (SPKLren 135.3 eta 137.1 artikulua).

- Guztira 2,1 milioi euroko zenbatekoarekin esleitutako 4 espedientetan Pleguaz besteko irizpideak erabiltzen dira (SPKLren 134. artikulua).

- Guztira 7,3 milioi euroko zenbatekoarekin esleitutako 22 espedientetan irekiera datatik aurreikusitako legezko epea gainditzen da (SPKLren 145. artikulua).

- Guztira 45,6 milioi euroko zenbatekoarekin esleitutako 43 espedientetan ez dira proposamenak segida beherakorrean sailkatzen (SPKLren 135.1 artikulua).

Dokumentazioa.

- Lizitazio fasean eta egiaztagiri bitartez egiaztatzeko fasean, guztira 9,3 milioi euroko zenbatekoarekin esleitutako 9 espedientetan, ez dago kontratatzeko debekurik ez duelako kontratatzailearen aitorpen erantzulerik; ez eta, 46 milioi euroko zenbatekoarekin esleitutako 38 espedienteren esleipen fasean ere (SPKLren 130.3. artikulua). Halaber, guztira 6,8 milioi euroko zenbatekoarekin esleitutako 16 luzapen espedientetan ez dago aitorpen hori jasoa (SPKLren 79.2 artikulua).

- Hasierako 22 espedientetan eta luzapenezko 13tan, hurrenez hurren 10,1 eta 2,9 milioi euroko zenbatekoarekin esleitutakoetan, ez da zerga obligazioak bete izana egiaztatu eta hasierako 12 espedientetan eta luzapenezko 9tan, hurrenez hurren 10,2 eta 2,6 milioi euroko zenbatekoarekin esleitutakoetan, ez da gizarte obligazioak betetzea egiaztatzen (SPKLren 135.4 eta APKLTBren 79.2 artikulua).

- Donostiako Ospitalean aztertutako 12 espedienteetan, 1,7 milioi euroko zenbatekoarekin esleitutakoetan, izenpea eskuordetzan ematea praktikan eskumenak eskuordetzan ematea da eta honenbestez, Aldizkari Ofizialean argitaratu behar zatekeen, 30/1992 Legearen 13. artikuluan aurreikusitakoari jarraiki. Alderdi hau jarduneko kontratazio atalak espediente horietan onetsitako jarduera guztiei dagokie.

Luzapenak.

- Negoziatutako 16 espedientetan, guztira 5,1 milioi euroko zenbatekoarekin esleitutakoetan, ez dago egiaztatuta hasierako inguruabarrek bere horretan dirautela (APKLTBren 75. artikulua).

- Guztira 3,1 milioi euroko zenbatekoarekin esleitutako 15 espedientetan, luzapen kopuruak Pleguetan ezarritakoa gainditzen du (APKLTBren 94. artikulua).

- Kontratuak aldatzeko 9 espedientetan, 2,3 milioi euroan esleitutakoetan, behin-betiko bermea falta da, ez da behar hainbatekoa eta/edo garaiz kanpo dago (APKLTBren 36, 41, 42, 54. artikulua).

- Kontratuak aldatzeko 4 espedientetan, 7,2 milioi euroan esleitutakoetan, adostutako igoerak Gobernu Kontseiluaren Erabaki bitartez gehienera onetsitakoa gainditzen du.

Osakidetzan Artekaritza Zerbitzuak 9 erakundetan 46 kontratazio espedienteen exekuzio fasea aztertu du ondoko xehapenaren arabera:

(Ikus .PDF)

hona hemen azaleratu diren akatsik adierazgarrienak.

Obra espedienteak.

- Aztertu diren 14 espedienteetatik 11tan, guztira 27,4 milioi euroko zenbatekoarekin esleitutakoak, horretarako eskumena duen organoak ez du Segurtasun eta Osasun Plana onetsi eta horietako 4tan, milioi bat euro egin dutenak, kontratatzaileak ez du aurkeztu ere egin. Honez gain, 0,5 milioi euroko 3 espedientetan ez dago erasota aipatutako plana Zuzendariak edo obra koordinatzaileak onetsi duenik (1627/1997 EDren 7. artikulua).

- Urteanitzeko gastua duten 2 espedientetan, 16,6 milioi euroan esleitutakoetan eta 8,5 milioi euroko beste 4tan ez dago erasota Lanerako Programa aurkeztu denik edo osagabea da. 1,1 milioi euroko zenbatekoa duen espediente batean, lanerako programaren berrikuspena falta da, urtekoen berregokitzea gertatu denean (APKLEOren 144.1 artikulua eta 96.3 artikulua).

- Guztira 0,6 milioi euroan esleitutako 3 espedientetan, ez da ageri Zuinketaren egiaztapen akta eta 0,02 mila euroan esleitutako batean, denboraz kanpo egin zen (SPKLren 212. artikulua).

- Guztira 1,4 milioi euro egin duten 6 espedientetan ez dago jasota azken egiaztagiria eta horietako 4tan, 0,7 milioi eurokoetan, ez dira hilerokoak (SPKLren 215.1 artikulua).

- 23,8 milioi euroan esleitutako 4 espedientetan, ziurtagiri partzialei eta azken ziurtagiriari dagozkien ordainagirietan ez da ageri Kontratazio Organoaren adostasuna (SPKLren 215.1 artikulua).

- 1,9 milioi euroan esleitutako 2 espedientetan ez da obra egiaztagirietan esleipen koefizientea ezarri (SPKLren 215.1 artikulua).

- 5,8 milioi euroko zenbatekoa egiten duen espediente 1ean konturako ordainketak egin dira material-bilketa kontzeptuan, horretarako eskumena duen organoak baimendu gabe, gainera, bildutako materialen hasierako kostuaren % 75 baino handiagoak izan dira (APKLEOren 155.1 eta 3 artikulua).

- Guztira 16,6 milioi euroan esleitutako 2 espedientetan, esleipen zenbatekoa % 60an gainditzen duten -AKPPen arabera baimendutako gehiena- erabateko edo zatizko azpikontratazioak gauzatu dira (SPKLren 210. artikulua).

- 0,7 milioi euroan esleitutako 4 espedientetan ez dago erasota obraren Harrera akta egin denik (SPKLren 210. artikulua) eta horietako 2tan ezarritako exekuzio epea gainditu da (SPKLren 218.1 artikulua).

- Urteanitzeko gastua duten 3 espedientetan, 2,5 milioi euro egin dutenetan, ez dira beharrezko urteanitzen doiketak gauzatu aurreikusitakoarekiko exekuzio epean aldaketak egin izanaren ondorioz (APKLEOren 96.1 artikulua).

Laguntza teknikoa emateko espedienteak.

- Aztertu ditugun 2 espedientetan, 5,1 milioi euroko esleipen zenbatekoa dutenak, oinarrizko proiektuak osagabeak dira, ez da exekuzio proiektua jaso eta atzerapena izan da aurreikusitako exekuzio epean (SPKLren 205.1 artikulua); halaber, Pleguaren arabera kontratua zuzen exekutatu dela erasotzea falta da (SPKLren 203.2 artikulua).

- 1,3 mila euroko zenbatekoarekin esleitutako espediente batean ez dago lanen harrera-aktarik (SPKLren 205.2 artikulua).

Hornidura espedienteak.

- 8,4 milioi euroan esleitutako 44 espedientetan ez dago erasota ondasunen Harrera akta egin denik (SPKLren 205.2 artikulua); 3 milioi euroko 7 kontratutan, identifikatu gabeko pertsonak izenpetu du (SPKLren 268 artikulua); 4 kontratutan, 0,5 milioi egin dutenetan, osagabea da; 0,2 milioi euroko kontratu bat ondasunak eman aurrekoa da eta 0,1 milioi euroko kontratu bat esleipena gauzatu aurrekoa (SPKLren 196 artikulua).

- 5,6 milioi euroko zenbatekoarekin esleitutako 9 kontratutan finkatutako emakida partziala egiteko epea urratu da; horietatik 4 kontratutan, milioi bat euro egin dutenetan, ez dira entregatutako ondasunak zehaztu eta 4,3 milioi euroko beste 2tan ez dago erasota emate partzialaren dokumentazio egiaztagarria (SPKLren 268.1 artikulua).

- 5,7 milioi euroan esleitutako 8 kontratutan, emakida modu okerrean hornitzailearen biltegietan gauzatu da, Administrazioak hori jasotzeko ezintasuna justifikatu gabe dagoela; are gehiago, inbertsioaren destinoko zentroan egin beharreko instalakuntzak izaki (SPKLren 268 artikulua).

- Guztira 12,5 milioi euroko zenbatekoarekin esleitutako 52 kontratutan ez da bete kontratatutako exekuzio epea eta 0,5 milioi euroko zenbatekoarekin esleitutako 11tan, harrera legez ezarritako epearen ostean gauzatu da (SPKLren 205 artikulua).

- Guztira milioi bat euroko zenbatekoarekin esleitutako 8 kontratutan, kontratazio atalak onetsitako kontratuaren likidazioa falta da (SPKLren 205.4 artikulua).

- Erakunde zentralak gauzatutako 3 kontratutan, urteanitzeko gastua dutenak eta 5,2 milioi euroko zenbatekoarekin esleituak, ez dira beharrezko urteanitzen doiketak gauzatu exekuzio epean aldaketak egin izanaren ondorioz (APKLTBren 96.1 artikulua).

- Erakunde zentralak gauzatutako 27 kontratutan, guztira 9,6 milioi euroko zenbatekoarekin esleitutakoetan, kontularitzan zorpetu aurretik erregistratu da eta 0,3 milioi euroko zenbatekoarekin esleitutako 11 kontratutan, 2008ko ekitaldiari 2009ko ekitaldikoak diren emakidak egotzi zaizkio.

III.1.7.- Langileen Gastuak.

Hauek dira Osakidetzako Artekaritza Zerbitzuak jaulkitako txostenen arabera hutsik adierazgarrienak:

Ordainketak.

Zuzendariak.

16 erakunderi dagozkien 63 lanpostu aztertu ditugu eta ikusi dugu 11 kasutan hirurtekoak jaso direla horiek gauzatu ziren jatorrizko kidego edo mailak errespetatu gabe edo hirurtekoak jasotzeko eskubidea egiaztatuko duen dokumentazioa falta da; berebat, kasu 1ean ordaindutako kopurua ez da zuzena.

Gainera, 3 kasutan ordaindutako ordainsariak justifikatuko dituzten norberaren inguruabarrak euskarrituko dituen dokumentazioa falta da.

Hiru zentrotako goi zuzendaritzako zuzendarien 3 kontratu ez zaizkio otsailaren 23ko 130/1999 Dekretuan ezarritakoari egokitzen, Erakunde Publiko eta Sozietate Publikoetako zuzendarien estatutu pertsonala arautzen duena.

Langileria finko, bitarteko eta behin-behinekoa.

966 langile finkoren eta bitartekoren ordainsariak aztertu dira, 16 erakunderi dagozkionak, guztira 14.487 langileren artean. Horietan ez da barne hartu, garrantzitsuenen artean, Galdakaoko Ospitalea.

Hona hemen Erakunde Zentralean, Zumarragako Ospitalean, Santa Marina Ospitalean, Arabako Eskualdean, Bizkaiko Ospitalez kanpoko Osasun Mentalean eta Basurtoko Ospitalean nagusiki azaleratu diren hutsik esanguratsuenak:

- Lanpostua behin-betiko betetzeko 7 izendapenetan, bitartekotasunez edo behin-behinean betetzeko 27tan eta zerbitzu eginkizunetarako 10etan, ez dago erasota erabili den prozedurak berdintasun eta publizitate printzipioak bermatzen dituenik.

- Erakunde Zentralaren 11 izendapenetan, behin-behinekoak edo luzapenekoak, egin beharreko zerbitzuen identifikazioa eta horien izaera falta da eta ez da justifikatzen LOSEren 26.5 artikuluan aurreikusitakoei dagozkienik; honenbestez, ez da horien objektibotasuna bermatzen.

- Bitarteko 27 izendapenetan, horietatik 18 Zumarragako Ospitaleari dagozkiola, ez da bete Erakunde Zentralari balizko izangaien zerrenda eskatzeko betekizuna; prozedura hori 2004ko urtarrilaren 26ko administrazio-kontseiluan onetsi zen. Bestalde, Gurutzetako Ospitalean beste 12 kontratu horretarako eskumenik ez zuen atalak gauzatu ditu, ez baita EHAAn argitara eman eskumen-uztea.

- Sei espedientetan behin-behineko izendapenetarako ezarritako 6 hilabeteko epemuga gainditu da; 33 espedientetan, zerbitzu eginkizunetarako ezarritako 2 urtekoa, 59 espedientetan maila jasoagoko egitekoetarako urtebetekoa eta 5 espedientetan, aldi baterako barne sustapenen urtebeteko epea.

- 14 espedientetan ez dago enplegu loturaren edo aitortutako kategoriaren dokumentazio justifikagarririk; 8 espedientetan titulazio akademikoarenik eta 9 espedientetan, izendapenaren agiri egiaztagarririk.

- Erakunde Zentralean 18 lanpostu korporatiboen ordainsariak ez datoz bat abenduaren 16ko 235/2007 Dekretu bitartez Gobernu Kontseiluak zehaztutakoarekin; dekretu horrek 2007-2009 aldirako Osakidetzaren baldintza ekonomikoen erabakia onesten du.

- 32 kasutan ez dago erasota osagarri pertsonalak kobratzeko ebazpen, titulazio edo justifikazioa egiaztatuko duen dokumentaziorik.

- Transplanteko 2 kasutan produktibitatea kobratzeko egiaztatze-agiririk ez dago, koordinazio karguak baitira; ez eta, Itxaron zerrenda eta larunbatetakoan ere, hurrenez hurren, 13 eta 10 kasutan; izan ere, ez baitago jarduera mota hau definitzen duten alderdi hauen zehaztasunik (Langileria, prozesu kopurua, gaixo kopurua, kostua, e.a.).

- Modu desegokian erabili da autokontzertazio kontzeptua, lanaldia luzatzeko eta adostutako lanaldi kontzeptuak ordaintzeko; baita, Programatutako Aparteko Jarduerarako aurreikusitakoen artean barne hartu gabeko beste zerbitzu batzuk ordaintzeko ere.

- Antzinatasunari dagokionez, 70 kasu detektatu dira sortutako zenbatekoaren kuantifikatzeari dagozkionak, bai hirurtekoak zenbatzean izandako erroreengatik, soldata taulekin bat ez datozelako, edo, kronologikoki sortutakoaren ordez, dagokiona gaur egungo taldeari ordaintzeagatik, 57/2005 Dekretuko 92. artikuluak eta EFPLren 81.3 artikuluak agintzen duten moduan. Beste 5 kasutan ez legokioke antzinatasun osagarria ordaintzea eta 4tan ez da ageri kontzeptu hori eskuratzeko eskubidea euskarrituko duen dokumentaziorik.

- Erakunde Zentralean 11 kasutan zerbitzu arrazoiengatiko kalte-ordainak jaso dira, azterketa zaintzeagatik laguntza kontzeptuan, deialdian aurreikusi gabe zegoela. Halaber, karrera profesionalerako aurrerakin kontzeptuan Zumarragako Ospitalean 14 kasutan ordainketak modu desegokian egin dira, 248/2007 Dekretuan, 11.4 artikuluan, aurreikusitako nahitaezko deialdia ebatzi gabe; dekretu honek kategoria ez sanitarioen garapen profesionala arautzen du.

- Aldi baterako osagarriei dagozkien erregelamendu berariazkoak badiren arren, hala nola, mediku zaintzak, maila jasoagoko egitekoak, txandak, gaueko txandak, jaiegunak eta kokalekua, eta abar, oro har, arauak hausten jarraitzen da, egiaz gauzatutako zerbitzuak egiaztatzen ez direlako eta zerbitzu horiek ez dituelako organo eskudunak onartzen.

Plantilla funtzionalak.

Zerbitzu antolamenduek 2006ko abenduan onetsitako Plantilla Funtzionalek ez dituzte lanpostu funtzional bera betetzen duen efektibo bakoitzaren derrigortasun datak barne hartzen eta horrek martxoaren 18ko 67/2003 Dekretuaren 20. artikuluan aurreikusitakoa urratzen du.

Aztertutako 16 zentrotatik 10etan, aztergai izan dugun hilabeteko Plantilla Funtzionaletako 16 talderen efektibo kopuruak Administrazio Kontseiluak Egitura-Plantilla modura baimendutako gehiengoa gainditzen zuen, nahiz horietako gehienetan ez den zentroaren efektibo kopurua guztira gainditzen.

Administrazio Kontseiluak finkatutako muga ez gainditzeko beharrezko aldaketak izapidetu behar dira; horrela agintzen du Osakidetzaren lanpostu funtzionalak arautzen dituzten uztailaren 19ko 186/2005 Dekretuaren 10. artikuluak.

Araba Eskualdeko plantilla funtzionalean nominan jasoak dauden 14 lanpostu funtzional ez direla jaso ikusi dugu eta Erakunde Zentraleko beste bi kasutan, izendapena ez dator bat Plantilla funtzionaleko inongo lanposturekin.

Araba Eskualdean eta Arabako Ospitale Psikiatrikoan, nominako kontzeptuak ez zaizkie plantilla funtzionaletan jasotzen direnei egokitzen. Erakunde Zentraleko 16 kasutan eta Donostia Ospitaleko beste 2tan, nominaren araberako lanpostu funtzionala ez dator bat izendapenekoarekin.

III.1.8.- Kontratu txiki modura izapidetutako inbertsioak eta haien kontabilitate kontrola.

Osakidetzako Artekaritza Zerbitzuak kontratu txiki gisa izapidetu diren ibilgetuen 8,3 milioi euroko erosketak aztertu ditu eta horietatik 2,2 milioi euroko zenbatekoa egin duten ondasunak (% 26), modu desegokian kontratatu dira, kontratazioaren xedea zatikatuz.

Kopuru aldetik, ez betetze nagusiak Donostiako, Basurtuko eta Gurutzetako Ospitaleetan egin dira, hurrenez hurren, % 38, % 65 eta % 29 egin dutenak. Ehunekoetan Barrualdeko Eskualdea, Zamudioko Ospitalea eta Arabako Ospitale Psikiatrikoa gailentzen dira, hurrenez hurren % 85, % 71 eta % 68arekin. Batik bat honako ibilgetuko kontuetan gertatu dira: Erabilera klinikoko makineria, Eraikinak eta bestelako eraikuntzak, helburu sozialak eta neurri txikiagoan, erabilera klinikoa ez duten altzariak.

Berdinak diren produktuen erosketa zenbatekoak aztertu behar dira eta erosketa bateratua lizitatu.

Zuzendaritza Nagusiaren 3/2003 aginduan (2003ko ekainaren 13koa) zehaztutakoari jarraiki, kontratu txiki gisa izapidetutako inbertsioetako kontabilitate kontrolari dagokionez, oraindik ere erroreak gertatzen dira kontabilitatearen sailkapenean. Gehien gertatzen den errorea ondasunaren izaera aintzat hartuta okerreko kontuan kontabilizatzea da (0,9 milioi euro), bakarka esanguratsuak ez diren ondasunak multzo modura hartu eta kontabilizatzea (0,4 milioi euro), kontu orokorrei dagozkien ondasunak, bakarkako ondasun modura kontabilizatzea (0,1 milioi euro) eta gastu kontu-sailak aktibatzea (0,1 milioi euro).

Enteko Zuzendaritza Nagusiak hobeto zehaztu behar ditu gaur egun erakundeek interpreta ditzaketen alderdiak, enteko ibilgetua osatzen duten ondasunen erregistroan homogeneotasuna lortze aldera.

III.2.- Bestelako Ente eta Sozietate Publikoak.

III.2.1.- Orokorra.

2008ko abenduaren 31n, Euskal Autonomia Erkidegoko Administrazio Publikoak % 50etik beherako partaidetzak zituen 64 merkataritza sozietateren sozietate-kapitalean parte hartzen zuen eta honenbestez, ekitaldiko aurrekontuen likidazio ondorioetarako ez ziren EAEren sozietate publikotzat hartu.

Sozietate horietako 40an (Euskal Autonomia Erkidegoa, aldundiak, udalak, eta abar), partaidetza publikoa guztira sozietate-kapitalaren % 50era iristen zen edo gainditzen zuen.

Hona hemen xehetasunak, taldeka:

(Ikus .PDF)

Partaidetza horiek gero eta garrantzitsuagoak direnez, aurrekontu orokorren likidazioari dagokion informazioan, gutxienez, ikuskaritza txostena, oroitidazkia eta sozietate horietako kudeaketa txostena bildu beharko lirateke.

III.2.1.1.- Goi Zuzendaritzako kontratuak.

Otsailaren 23ko 130/1999 Dekretuak, sozietate publikoetako zuzendarien estatutu pertsonala arautzen duenak, bere aplikazio eremuan biltzen ditu dagokion dekretu bidez hala kalifikatuak dauden langileak. 130/1999 Dekretuko 4. artikuluan xedatutakoaren arabera, zuzendari horiek sozietate publikoetara lotuak egongo dira, izatekotan, goi zuzendaritzari dagokion kontratu berezi baten bidez.

Visesa sozietateak 2008an zuzendari bat kontratatu du merezimendu eta gaitasun printzipioak beteko direla bermatuko duen prozedurarik gabe.

URA erakunde publikoak Goi Zuzendaritzako kontratuak egin dizkie Erakundearen Zuzendaritza Nagusiaren mende, antolakuntza-unitate baten zuzendaritza euren gain hartu duten Arloko lau Zuzendariei. Uraren Euskal Agentziaren estatutuak onesten dituen abenduaren 18ko 240/2007 Dekretuaren 7.4 artikuluak goi kargudun izaera aitortzen dio Zuzendari Nagusiari; ez, ordea, Arloko Zuzendariei (8. artikulua). Horren ondorioz, urratu egiten da aipatutako arautegia eta baita otsailaren 23ko 130/1999 Dekretuaren 3. eta 4. artikuluak ere, zuzenbide pribatuko erakunde publikoetako eta sozietate publikoetako zuzendarien estatutu pertsonala arautzen duena.

III.2.1.2.- Langileria hautatzea.

Hainbat kasutan kanpo aholkulariengana jo da langileak kontratatzeko hautagaiak aukeratzen laguntzeko. Sozietateek hautaketa egiten duenari lanpostua betetzeko eskaera egin duten guztien eta sozietateko lanpostuetara iristeko urratsen txosten zehaztua eskatu behar diote. Nolanahi dela ere, erasota utzi behar da xehetasun osoz zeintzuk diren hautatutako izangai lanpostua betetzeko egokiena izatea eragin duten merezimenduak.

III.2.1.3.- Eskaintzen balorazioa.

Ondasun eta zerbitzuen kontratazioan, pleguek eskaintzak balio-neurtzeko oinarri izango diren irizpideak finkatu behar dituzte; baita horien balio-neurketa ere, esleipenean objektibotasuna bermatzeko.

Zenbait sozietatek ez dituzte eskaintzak balio-neurtzeko irizpide objektibo eta neurtuak aldez aurretik finkatzen eta kontratuaren xedearekin loturarik ez duten irizpideak erabiltzen dituzte (subjektiboak). Beste zenbaitetan, nahiz pleguek esleipenerako abiaburu diren irizpideak finkatzen dituzten, hauek ez daude aurrez balio-neurtuak.

Honekiko hutsak erakusten dituzten sozietateak honako hauek dira:

(Ikus .PDF)

III.2.1.4.- Mandatuak.

Visesa sozietate publikoak Eusko Jaurlaritzak egindako mandatuak jasotzen ditu eraikuntza-lanak egiteko; Jaurlaritzak sozietatearen kapital sozialean % 67ko partaidetza du. SPKLk aplikazio esparruz kanpo uzten ditu Administrazio Publiko batek «berezko bitarteko» izaera duen erakunde bati agintzen dizkion kontratuak (4.1.n artikulua) eta izaera hori izan dezan sozietateen kapitala oso-osorik jabetza publikokoa izatea eskatzen du (24.6 artikulua).

Gogoan hartuta, Visesaren kapital sozialean partaide diren gainerakoak bazkide pribatuak direla (Aurrezki Kutxak) ondorioztatu behar dugu ez direla betetzen Administrazio nagusiaren eta Visesaren artean «berezko bitartekoei mandatuak» egiteko ezarritako betekizunak; honenbestez, agindutako mandatuek SPKLn ezarritakoa urratzen dute.

III.2.2.- Ejie, S.A.

III.2.2.1.- Kontratazioa.

- Milioi bat euroko zenbatekoarekin esleitutako espediente batean (7 zk.) Baldintzen Pleguan barne hartutako esleipen irizpideak orokorrak dira eta ez dituzte esleipen txostenean balioztatzen diren azpi-irizpideak zehazten.

- SPKLri meneratua dagoen espediente baten behin-behineko esleipena ez da egiten; espediente hori 0.9 milioi euroko zenbatekoarekin (1 zk.) esleitu zen eta lehiatzaileei jakinarazi eta aldizkari ofizial batean edo kontratatzailearen profilean argitaratu behar da; gainera, behin-betiko esleipena ez da ez DOUEn, ez Kontratariaren Profilean argitaratu.

III.2.2.2.- Langileria.

- Sozietateak langileak kontratatzen ditu «Baliabideak lagatzeagatiko azpikontratazioa» moldepean, laguntza teknikoa emateko kontratu modura. Kontrol egokirik egin ezean, jokamolde honek egiturazko beharrizanen estaldura babes lezake dagokion langile kontrataziora jo gabe. 2008ko ekitaldian kontratatutako zenbatekoa 52 milioi eurokoa izan da; kopuru honek sozietateak duen langile gastuen aurrekontua bera gainditzen du (11 milioi euro).

Langile beharrizanen azterketa eta ondoko jarraipen eta kontrola gauzatu behar da, plantillaren dagokion egokitzapena egiteko.

III.2.3.- Energiaren Euskal Erakundea.

II.2.3.1.- Kontratazioa.

- Guztira 2,5 milioi euroko zenbatekoarekin esleitutako 5 espedienteren Kontratazio Mahaiaren Akta ez dago jasoa (3, 4, 5 eta 7 zk.).

- Guztira 0,5 milioi euroko zenbatekoarekin esleitutako 2 espedientetan ez da esleipendunaren dokumentazioa eskatu, Baldintzen Pleguan agindutakoa (5 eta 6 zk.).

- Guztira 0,3 milioi euroko zenbatekoarekin esleitutako espediente batean (6 zk.) ez da exekuzio epea finkatu.

III.2.4.- ETB, S.A.

III.2.4.1.- Kontratazioa.

- SPKLri meneratuak dauden 5 espedienteren behin-behineko esleipena ez da egiten (1, 2, 3, 5 eta 8 zk.); espediente horiek 5,6 milioi euroko zenbatekoarekin esleitu ziren eta lehiatzaileei jakinarazi eta aldizkari ofizial batean edo kontratatzailearen profilean argitaratu behar dira; gainera, behin-betiko esleipena ez da ez DOUEn, ez Kontratariaren Profilean argitaratu.

- Guztira 0,5 milioi euroko zenbatekoarekin esleitutako espediente baten esleipen hartzailearen dokumentazioa ez da eskatzen.

- Guztira 2,8 milioi euroko zenbatekoarekin esleitutako bi espedientetan (1 eta 4 zk.) Baldintzen Pleguan barne hartutako esleipen irizpideak orokorrak dira eta ez dituzte esleipen txostenean balioztatzen diren azpi-irizpideak zehazten.

III.2.4.2.- Langileria.

- Ez dago prozedura arauturik burutzako lanpostuak baloratu eta ordaintzeko.

- Erantzukizun bereziko osagarriak, finkagarria ez denak, langile bati egotzitako egitekoak betetzetik eratorritako erantzukizun edo konfiantzazko inguruabar bereziak ordaintzen ditu, hitzarmenean araututako kategorietako baten berezko egitekoen aribidea izan gabe, langile horri bere kategoriaren arabera dagozkionak gainditzen dituena. Ez dago hori emateko prozedurarik. 2008ko urtean 31 pertsonak jaso dute guztira 79 mila euroko zenbatekoarekin.

III.2.5.- Eusko Trenbide Sarea Entea.

III.2.5.1.- Kontratazioa.

- Guztira 0,1 milioi euroko zenbatekoarekin esleitutako bi espedientetan (8 zk.) Baldintzen Pleguan barne hartutako esleipen irizpideak orokorrak dira eta ez dituzte esleipen txostenean balioztatzen diren azpi-irizpideak zehazten.

III.2.5.2.- Langileria.

- Aldi baterako 6 lanpostu betetzeko langileen hasiera bateko hautaketa publizitatearekin egin da, berariaz gaitutako enpresa baten bitartez. Enpresa horrek proposatutako izangaien arteko azken hautaketa ez dago arrazoitua, ez baitago kontratatu den hautagaiaren azken hautaketa justifikatuko duen balorazio-txostenik.

III.2.6.- Eusko Trenbideak, S.A.

III.2.6.1.- Kontratazioa.

- Baldintzen Pleguan barne hartutako esleipen irizpideak orokorrak dira eta ez dituzte 3 espedienteren esleipen txostenean balioztatzen diren azpi-irizpideak zehazten. Espediente horiek 130,8 milioi euroko zenbatekoarekin esleitu dira (1, 4 eta 6 zk.).

III.2.6.2.- Beste batzuk.

2001eko apirilaren 27an Sozietateak Iruña Okan Veleiako indusketa arkeologikoaren kontzesioa duen sozietatearekin kultur-lankidetza-hitzarmena izenpetu zuen eta honenbestez, kultura egitasmo honen finantzaketan partaide da. Hitzarmena 10 urtetarako izenpetu zen eta guztira 3,7 milioi euroko zenbatekoarekin. Epaitegi honek jaulkitako txostenean, erakunde eta sozietate publikoen 2001eko kontuei buruzkoan, esaten zen ez zegoela justifikatua jarduera honek zerbitzu publikoarekin zuen lotura, ET, SAri baitagokio egiteko hori betetzea.

2008ko ekitaldian, kontzesioa zuen sozietateak ordainketak eten ditu kultur-egitasmoaren porrota ezagutu ondoren. ET-SAk 2008ko abenduaren 31ra arte guztira ordaindutako zenbatekoak 2,2 milioi euro egin ditu.

III.2.7.- Ihobe, S.A.

III.2.7.1.- Kontratazioa.

- Milioi bat euroko zenbatekoarekin esleitutako espediente batean (2 zk.) Baldintzen Pleguan barne hartutako esleipen irizpideak orokorrak dira eta ez dituzte esleipen txostenean balioztatzen diren azpi-irizpideak zehazten.

- 0,2 milioi euroko zenbatekoarekin esleitutako espediente baten Baldintzen Pleguan ez dira eskaintzak balioztatzeko azpi-irizpideak balio-neurtzen (6 zk.).

- Balorazio txostenean ez dira behar hainbat justifikatzen 0,06 milioi euroko zenbatekoarekin esleitutako espediente baten eskaintzen alderdi teknikoaren balorazioak (5 zk.).

III.2.7.2.- Langileria.

- Aldi baterako lanpostua betetzeko langileen hasiera bateko hautaketa publizitatearekin egin da, berariaz gaitutako enpresa baten bitartez. Enpresa horrek proposatutako izangaien arteko azken aukeraketa ez dago justifikatua.

III.2.8.- Itsasmendikoi, S.A.

III.2.8.1.- Kontratazioa.

- Guztira 0,8 milioi euroko zenbatekoarekin esleitutako 2 espedienteren esleipen hartzailearen dokumentazioa ez da eskatzen (1 eta 3 zk.).

III.2.9.- SPRI, S.A.

III.2.9.1.- Kontratazioa.

- Guztira 0,9 milioi euroko zenbatekoarekin esleitutako 2 espedienteren esleipen hartzailearen dokumentazioa ez da eskatzen (4 eta 9 zk.).

- SPKLri meneratua dagoen espediente batean, behin-behineko esleipena ez da egiten; espediente hori 0,6 milioi euroko zenbatekoarekin (5 zk.) esleitu zen eta lehiatzaileei jakinarazi eta aldizkari ofizial batean edo kontratatzailearen profilean argitaratu behar da. Gainera, behin-betiko esleipena ez da ez DOUEn, ez Kontratatzailearen Profilean argitara eman.

III.2.10.- Sprilur, S.A.

III.2.10.1.- Kontratazioa.

- 7,2 milioi euroko zenbatekoarekin esleitutako espediente batean (2 zk.) Baldintzen Pleguan barne hartutako esleipen irizpideak orokorrak dira eta ez dituzte esleipen txostenean balioztatzen diren azpi-irizpideak zehazten.

III.2.11.- Visesa.

III.2.11.1.- Kontratazioa.

Guztira 0,9 milioi euroan esleitutako espediente batean (3 zk.), behin-betiko esleipena ez da ez DOUEn argitaratu.

III.2.11.2.- Langileria.

- Enpresa honen web orrian egindako publizitate bitartez aldi baterako bi langile enpresa espezializatu baten bidez kontratatu dira. Deialdia iragartzeko erabilitako baliabideak ez du berdintasun printzipioa bete izana bermatzen.

III.2.12.- Uraren Euskal Agentzia (URA).

III.2.12.1.- Langileria.

- Aldi baterako bi lanpostu betetzeko langileen hasierako hautapena IVAPen bitartez gauzatu da. Proposatutako hautagaien arteko azken hautaketa ez da arrazoitu.

IV.- Urteko Kontuak.

2008ko ekitaldiaren urteko kontuak azaroaren 16ko 1514/2007 Errege Dekretu bitartez onetsitako Kontabilitate Plan Orokorra ezarrita formulatu diren lehenengoak dira; honenbestez, sozietateek kontularitzako arau berrietarako aldaketa aipatutako Errege Dekretuaren edukiari jarraiki gauzatu dute.

Sozietateek 2008ko urtarrilaren 1a hartu dute aldaketa eguntzat eta honenbestez, urteko kontu hauetan ez dugu alderaketazko zifrarik emanen.

IV.1.- Osakidetza-Euskal Osasun Zerbitzua Entea.

Hasierako urteko kontu modura aurkeztuko ditugu, alderaketazko zifrarik jaso gabe, Kontabilitate Plan Orokorra onesten duen 1514/2007 Errege Dekretuaren xedapen iragankor laugarrenari jarraiki.

(Ikus .PDF)

(Ikus .PDF)

(Ikus .PDF)

Hona hemen zerbitzu erakundeen urteko kontuak; horiek txertatzetik eskuratzen dira Osakidetza-Osasunaren Euskal Zerbitzua Erakundearen kontuak:

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

IV.2.- Bestelako Ente eta Sozietate Publikoak.

IV.2.1.- EAE-ren enpresako sektore publikoaren erantsitako kontuak.

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

IV.2.2.- Beste ente eta sozietate batzuen urteko kontuak 2008-ko abenduaren 31-n aztertuak.

IV.2.2.1.- 2008-ko ekitaldi itxierako balantzea.

(Ikus .PDF)

(Ikus .PDF)

(Ikus .PDF)

IV.2.2.2.- 2008-12-31-n Amaitutako ekitaldiari dagokion galera eta irabazien kontua.

(Ikus .PDF)

(Ikus .PDF)

(Ikus .PDF)

IV.2.2.3.- 2008-12-31-n amaitutako ekitaldiari dagokion ondare garbian aldaketen egoera.

A) 2008-12-31-n amaitutako ekitaldiari dagokion aitortutako sarrera eta gastuen egoera.

(Ikus .PDF)

(Ikus .PDF)

(Ikus .PDF)

B).- 2008-12-31-n amaitutako ekitaldiari dagokion ondare garbian aldaketen egoera guztira.

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

IV.2.2.4.- 2008-12-31-n amaitutako ekitaldiari dagokion eskudiruzko fluxuen egoera.

(Ikus .PDF)

(Ikus .PDF)

(Ikus .PDF)

Zuzenbide pribatuko Ente Publikoek ETA Sozietate Publikoek-Osakidetza salbuetsita - aurkeztu dituzten alegazioak.

(****) Pertsona fisikoen eta juridikoen izenak eta identifikagarri gerta daitezkeen datuak ezabatu dira.

I.- Sarrera.

Euskal Autonomia Erkidegoko Administrazio Orokorraren fiskalizazioaren 2008ko ekitaldiko emaitzei erantzute aldera, aipatu gaiari buruz kudeaketa-organo bakoitzak egoki iritzitako eta Kontrol Ekonomikoko Bulegoak zentralizatutako alegazioak nahiz justifikazioak bildu dira txosten honetan.

Zuzenbide pribatuko Erakunde Publikoek eta Sozietate publikoek egindako alegazioak.

II.- Ikuskatze mugatuaren ondorioak.

II.1.- Ondasun eta zerbitzuak eskuratzea.

II.1.1.- Ejie, S.A.

- Publizitate- eta lehia-printzipioak errespetatu gabe esleitu da 0,1 milioi euroko espediente bat.

Garai hartan, EJIE enpresaren barne-kontratazio prozeduraren 6.2. bertsioa zen indarrean, eta harekin bat etorriz egin zen hizpide dugun kontratua. Enpresaren barne-prozedura horrekin bat etorriz, hiru eskaintzetara mugatu zen kontratazio-prozedura. Halaxe zehaztu da, bederen, txosten teknikoan. Hortaz, hiru hornitzaileren eskaintzak izan ziren lehian.

II.1.4.- ETB, S.A.

- Kontratuko oinarrizko hainbat elementu ez dira bete 6,2 milioi eurotan esleitutako 7 espedientetan (1., 2., 4., 5., 6., 7. eta 8. espedienteetan): kontratazioaren gehienezko aurrekonturik ez da ezarri espediente horietako bakar batean ere ez; eta 0,4 milioi euroko beste batean (hots, 7.ean), ez da zehaztu lizitazioan finkatutako epea.

Ikuskapen-urtera arte, ez genuen kontratazioaren gehienezko aurrekontua argitaratu beharrik kontratatzeko gure prozeduretan; 2010eko urtarrilaren 1eko argibide tekniko berrietan ezarri baitzen behar hori.

7. espedientearen epeari dagokionez, ekipamendua entregatzeko gehienezko eperik ezarri ez bazen ere, baldintza teknikoen agiriko «5.- eskaintzaren agiri teknikoak eta ekonomikoak» izeneko atalean eskatu ziren hornidura-epeak; baldintza juridikoen agiriko «10.- esleipen-irizpideak» izeneko atalean, aldiz, balioespen-irizpide gisa ageri da epea.

II.1.5.- Eusko Trenbideak-Ferrocarriles Vascos, S.A.

- 0,5 milioi euroko espediente bat (7. espedientea) zuzenean esleitu da, publizitate- eta lehia-printzipioak errespetatu gabe.

(****), ordezko piezen eta osagaien hornitzaileari, esleitu zitzaion 2006-2007 urteetan autobusen balazten ordezko piezen kontratua. Kontratuaren luzapena formalizatu ez bazen ere, 2008ko ekitaldian era guztietako ordezko piezak fakturatzen jarraitu ziren. 2008-06-17an, berriz, «Hainbat konponketa mekaniko» egiteko zerbitzua esleitu zen 26.400 eurotan. Irregulartasun hori konpontzeko, autobusen ordezko piezak hornitzeko lehiaketa mugatua ireki zen 2009ko ekitaldian. 2012ra arteko iraupena izango du kontratu horrek.

II.1.8.- Neiker, S.A.

- Baldintza agirian zehaztutako esleipen-irizpide guztiak ez dira balioetsi 0,3 milioi eurotan esleitutako 4. espedienteko esleipen-txosten teknikoan. Horrez gain, formalizatu ez diren lan osagarriak egin dira 65 mila eurotan.

Kontratu hori esleitzeko, enpresa esleipendunaren eskaintzan segurtasun- eta osasun-azterlana nahiz obraren kalitatea kontrolatzeko programa sartzea oinarrizkotzat jo zuen Neiker enpresaren Kontratazio Mahaiak.

Baldintza-agiriko esleipen-irizpideen balioespena aktan jaso ez bazen ere, esleipen-irizpide horiek kontuan izan zituen Kontratazio Mahaiak eskaintzak aztertzeko bileran.

Gaur egun, ordea, kontratu bakoitzari buruz ondoko bi datu hauek ematen ditu Neiker enpresaren kontratazio-arloak esleipen-proposamen txostenetan: Kontratazio Mahaiaren bileretan egindako balioespena; eta esleipen-irizpide bakoitzari emandako puntuen kopurua.

- 0,2 milioi eurotan esleitutako 5. espedienteko baldintza-agirian ez da lizitazio-preziorik ezarri.

Baldintza-agiria egitean, ez zegoen lizitazio-oinarritzat har zitekeen aurrekonturik. Hortaz, eskaintzen alderdi ekonomikoa balioesteko, enpresa bakoitzaren aurrekontuak aztertu ziren.

Gaur egun, ordea, lizitazioaren oinarri ekonomikoari buruzko atala dakarte Neiker enpresak egindako baldintza agiri guztiek.

- 1,5 milioi eurotan esleitutako 1. espedienteko baldintza-agirian ez da gauzatze-eperik ezarri.

Baldintza-agiria idaztean, ezin izan zen proiektua gauzatzeko epea zehaztu. Kontratua esleitu eta berehala, hala ere, obrak gauzatzeko egutegia formalizatu zen.

- 2,2 milioi eurotan esleitutako 2. eta 3. espedienteetan, baldintza-agirian ezarritako gehienezko epea baino handiagoa da kontratua gauzatzeko epea.

Obrak egoki gauzatu ahal izateko, hasiera batean aurreikusitako eta baldintza-agirian jasotako epeak ezin zitezkeela bete adierazi zuen Kontratazio Mahaiak kontratu horiek esleitzeko asmoz egindako bileran.

Gaur egun, esleitutako espedienteetako eskaintzek baldintza-agirietako irizpide guztietara egoki daitezela eskatzen da izapidetutako espediente guztietan.

II.1.9.- Parque Tecnológico, S.A.

- Publizitate- eta lehia-printzipioak errespetatu gabe esleitu dira 3,1 milioi euroko sei espediente (3., 4., 5., 7., 8. eta 9. espedienteak).

a) 3., 4., 5., 7., 8. eta 9. espedienteak (publizitate- eta lehia-printzipioak ez dira bete).

Kontratuen multzo hori, bidenabar, bi azpitaldetan bana dezakegu: (i) 3., 4., 5. eta 7. espedienteek Derioko Teknologikoa Parkeko 502 Eraikina egitearekin lotura dute; (ii) 8. eta 9. espedienteek, aldiz, ez dute loturarik eraikuntza horrekin.

(i) 3., 4., 5. eta 7. espedienteak.

Arestian aipatu bezala, espediente horiek guztiek 502 eraikina egiteko prozesuarekin dute lotura. Zehazki:

- 3. espedientea: 502 Eraikinaren barruko aldea eraikitzeko obrak, Zamakoa S.A. enpresak gauzatutakoak.

- 4. espedientea: 502 Eraikinaren aurreko aldea egiteko obrak, Fachadas Singulares Abarre S.A. enpresak gauzatutakoak.

- 5. espedientea: 502 Eraikinaren hiritartze-obrak, Excavaciones Cantábricas S.A. enpresak gauzatutakoak.

- Eta 7. espedientea: 502 Eraikina egiteko obren zaintza, P3 Seguridad Integral SM enpresaren eskutik.

Lau enpresa horiek azpikontratatu zituen, hasiera batean, 502 Eraikina egiteko obren esleipendun nagusiak, Urazca Construcciones S.A. enpresak. Azken horrek Teknologia Parkearekin kontratua egin zuen 2006ko irailaren 1ean.

Jakina den moduan, urte bete baino gehiagoz obrak gauzatzen aritu ondoren, Urazca Construcciones S.A. enpresak hartzekodunen lehiaketa deitu zuen. Horren ondorioz, azpikontratisten ordainketak eten zituen, bai eta 502 Eraikina egiteko obrak ere.

Hura egin ondoren, enpresa bezeroek eraikineko zenbait espazio alokairuan hartzeko konpromiso irmoa hartua zuten. Hortaz, Eraikina egiteko lanak etenda, hura garaiz egiteko beharrezkoak ziren baliabide egokiak jarri behar zituen Teknologia Parkeak.

Horrez gain, kontratista nagusiak, Urazca Construcciones S.A. enpresak, hartzekodunen lehiaketari ekitearen ondorioz, Kode Zibilaren 1597. artikuluan aurreikusitako ekintza zuzena gauzatu zuten azpikontratistek sustatzailearen aurrean. Hau da, kontratista nagusiak azpikontratistei zor zizkien zenbatekoak eskatu zizkieten azpikontratistek Teknologia Parkeari.

Teknologia Parkeak, bere aldetik, HAKLTBko 114. artikulua -kontratu publikoak lagatzeari buruzkoa- aplikatu zuen. Hau da, kontratista nagusiarekin egindako kontratuaren ondorioz sortutako eskubideak eta betebeharrak laga zitzaizkien azpikontratistei. Horretarako, bidenabar, banakako kontratuak sinatu ziren azpikontratista bakoitzarekin. Hori egitea posible izan zen kontratuaren zenbatekoaren % 20 gauzatuta zelako eta Administrazioarekin kontratatzeko gaitasuna zutelako azpikontratista guztiek.

Erabaki hori hartu izanagatik, ezarritako helburu guztiak bete ahal izan dira: 502 Eraikina egiten amaitu da atzerapen handirik gabe; eta 2009. urteko lehen hiruhilekoan jarri dira bezeroen esku alokairuan zeuden lokalak.

(ii) 9. espedientea.

- 2008an Teknologia Parkean Gabonetako apaingarriak jartzeko kontratua, berriz, 40.000 eurotakoa izan zen. Haren zenbatekoa txikia zenez, instalazio elektrikoak, mekanikoak eta hidraulikoak zaintzeko kontratuaren esleipendunarekin egin zen kontratua 2007ko abenduaren 31n.

Kontratua diru-kopuru txikikoa izanagatik, ez zen beharrezkoa izan lizitazioa egitea, are, zuzenean eslei zitekeen.

Ondorioz, publizitate-- eta lehiaketa-printzipioak ez dira hautsi.

II.1.10.- SPRI, S.A.

- Publizitate- eta lehia-printzipioak errespetatu gabe esleitu dira 0,8 milioi euroko hiru espediente (3., 8. eta 9. espedienteak).

i) 3. espedientea: telefono bidezko harrera eta back office zerbitzuak kontratatzea zuen xede, 104.000 eurotan.

Kontratua 2008ko apirilaren aurretik formalizatu zenez, soilik ondoko printzipio hauek dira aplikagarri: berdintasuna, lehia, bazterketarik eza eta tratu-berdintasuna.

SPKLa indarrean sartu aurretik SPRIk erabilitako kontratatzeko prozedurari jarraitu zitzaion espediente horretan. Aipatutako prozedura hori ondoko honetan zetzan: kontratu-mota bakoitzeko iragarki orokorrak argitaratzea EHAAn (publizitatea bermatzeko); eta hainbat eskaintza eskatzea (lehia bermatzeko).

Ii) 8. espedientea: Innova Programarentzako ikus-entzunezko materialak sortzeko zerbitzuak kontratatzea, 127.000 eurotan.

Aurreko kasuaren parekoa dugu hau ere: 2008ko apirilaren 30 baino lehen hasi zen hizpide dugun kontratuaren lizitazioa (2008ko martxoan, zehazki). Hori dela eta, berdintasun, lehia, bazterkeriarik eza eta tratu-berdintasunaren printzipioak soilik bete behar dira.

Kasu horretan, EHAAn iragarki orokorra argitaratzeaz gain (publizitatea bermatzeko), sona handiko hiru hornitzaileri dei egin zitzaien beren eskaintzak aurkez zitzaten (Vilau Media, Orio Produkzioak eta Pausoka enpresei). Aurkeztutako eskaintzak azterturik, Vilau Media enpresari esleitu zitzaion kontratua, guztietan eskaintzarik merkeena egin baitzuen.

- Hala behar lukeen arren, 0,9 milioi eurotan esleitutako 2 espedienteren (4. eta 5. espedienteen) lizitazioari buruzko iragarkiak ez dira EBEOn argitaratu.

Iii) 4. espedientea: IT Txartela eskuratzeko probetan laguntza eskaintzeko eta horiek kontrolatzeko zerbitzua eskaintzeari buruzkoa.

Txostenaren arabera, 104.000 euroko balioa izan zuten kontratu horri loturik eskainitako zerbitzuek. Egiazki, elkarren independente eta elkarren segidako hainbat kontratu egin ziren. Kontratu bakoitza eskaera bati zegokion, horien zenbatekoa txikia izan zen, eta ez zen posible zenbateko txiki horiek batzea zenbateko handi bakar bat lortzeko.

Beharra sortu ahala gauzatu ziren eskaerak, izan ere, IT Txartelaren eraginez espediente ugari sortu ziren, eta horiek ebatzi ziren herritarrek eskaerak egin ahala. Horrek erakusten du kontratuaren xedea ez zela zatitu.

2008. urtean, EBEOn derrigor argitaratu behar ziren erregulazio harmonizatupeko zerbitzu-kontratuetatik 206.000 eurotik gorakoek. Beraz, goian aipatutako espediente horiek guztiak 104.000 euroko kontratu bakar batean batuta ere, ez litzateke derrigorrezkoa izango EBEOn lehiaketa argitaratzea.

Iv) 5. espedientea: Txostenaren arabera, espediente horren barruan sartzen dira Euskadin ekonomia azkartzeko hitzarmenari buruzko informazio-kanpainaren bigarren fasearen berri hainbat hedabideetan (prentsan, irratian eta telebistan) emateko zerbitzuen kontratua; 612.000 euro, guztira.

Behin ere, hainbat kontratutako kontu-sailak behar ez bezala gehitu zaizkio bata besteari. Izan ere, publizitate-kanpainak hari bakarra eduki arren, euskarri batean ala bestean iragarkia jartzea (egunkarietan, irratian ala telebistan) ez baita teknikoki gauza bera. Adibidez, egunkarietan iragarkiak jartzeak ez du zerikusirik horiek telebistaren edo interneten bidez jendarteratzearekin. Zerbitzua bat ala beste izan, baldintza desberdinak eskatu behar zitzaizkien lizitatzaileei eta, ondorioz, hiru lehiaketa desberdin antolatu behar izan ziren.

Baliabideak kudeatzen dituzten enpresak txikiak dira eta, horregatik, enpresa horietako gutxi ari daitezke era guztietako euskarritan. Hortaz, lizitazio bakarra egin beharrean hiru lizitazio egiteari esker, askoz enpresa gehiagok hartu ahal izan dute parte lehiaketan. Hau da, hedabide guztietarako kontratu bakarra lizitatuz gero, hedabideen kudeaketan aritzen diren enpresa handiek baino ezin izango zuten parte hartu lehiaketan. Aitzitik, hiru kontratu lizitatzean, hedabide bakar batean espezializatutako enpresa txiki askok har zezaketen parte.

Labur esanda, hiru lizitazioak elkarren desberdin dira. Horregatik, ezin zaio kontratu baten zenbatekoa besteari gehitu eta 612.000 egin. Aitzitik, kontratuen zenbatekoak banaka hartu behar dira kontuan. Eta hiruetako batek ere ez ditu gainditzen SPKLn ezarritako 206.000 euroak; hortaz, ezin dira hartu erregulazio harmonizatupeko kontratutzat hartu, eta, ondorioz, ez dago horiek EBEOn argitaratu beharrik.

- 0,5 milioi eurotan esleitutako 7. espedientearen Baldintza Orokorren Agirian ezarritako baldintzak aldatu zituen Batzorde Teknikoak.

Prozedura negoziatuaren bidez esleitutako kontratuari buruz ari da. Zehazki, Metaposta sistema diseinatzeko, eratzeko, eta hura martxan jartzeko zerbitzuak 531.000 eurotan kontratatzeko izapidetutako espedienteari buruz.

Txostenean, baldintza-agiriko baldintzak aldatu egin direla esaten denean, espedientea izapidetzean izandako bi aldaketa hauei buruz ari da: (i) batetik, onartu egin zen hasiera batean lehiaketara banaka aurkeztu ziren hainbat enpresek aldi baterako enpresa-elkarte osatuz partea hartzea: eta (ii), bestetik, aldaerak onartu egin ziren nahiz eta, hasiera batean, baldintza-agirian horiek onartuta ez egon.

Esan gabe doa prozedura negoziatuaren ezaugarrietako bat haren malgutasuna dela. Prozedura irekiaren eta mugatuaren bidez, esaterako, atxikitze-kontratua egin ohi da. Prozedura negoziatuan, ordea, baldintza-agirian zehaztutako kontratuaren alderdi teknikoak eta ekonomikoak negoziatzeko fasea dago. Negoziazioaren ondotik, eskaintzarik onena egin duen enpresaburuari esleitzen zaio kontratua.

Malgutasun horren eraginez, baldintza-agirietan hasiera batez ezarritako baldintzetako asko alda daitezke negoziazioak iraun bitartean (esate baterako, ondasunaren edo zerbitzuaren ezaugarri teknikoetatik eskaintzan jasotako horiek).

Aztergai dugun kasuan, ordea, egin aurretik proposatu zitzaizkien lizitatzaileei ustezko bi aldaketak (aldi baterako elkartutako enpresak onartzea eta aldaerak onartzea). Lizitatzaile guztiek onartu zituzten proposatutako aldaketa horiek, lizitatzaileetatik batek ere ez baitzuen alegaziorik egin eta, are gutxiago, horien aurka egin.

Negoziazio-prozesuaren bilakaera zela-eta, aldaketa horiek egitea egokitzat jo zen ondoko arrazoi hauengatik: aldi baterako enpresa-elkarteak onartzearen bidez, hasiera batean aurkeztutako eskaintzak sendotu egin ziren; aldaerak onartzea, ordea, SPRIren beharrak asetzeko modurik onena izan zen. Arestian adierazi bezala, edonola ere, lizitatzaileek berariaz onartu zituzten hizpide ditugun bi aldaketa horiek.

II.1.11.- Sprilur, S.A.

- Publizitate- eta lehia-printzipioak errespetatu gabe esleitu dira 0,2 milioi euroko bi espediente (1. eta 4. espedienteak).

Ondoko bi espediente hauei buruz ari da: Larramendiko Kalitatearen Kontrolerako Laborategia (Bergara) eta Elorrioko nahiz Portugaleteko argiteriari buruzko ingeniaritza proiektua eta hura konpontzeko proiektua.

Kalitate Kontrolari dagokionez, esan beharra dago kontratu mota horri aplikatzen zaion prozedura bereziaren barruan dela mintzagai dugun kontratua. Prozedura horren bidez, hirigintza-obren kontratuaren zenbatekoaren % 1 ematen du hirigintza-obren esleipendunak. Emaitza bat ala beste izan, gatazkak sor ditzake jabetzaren eta obra nagusien kontratistaren artean Kalitate Kontrolak. Hori dela eta, hirigintza-obren obra zuzendaritzak kontratua esleitzea litzateke onena.

Aztergai dugun kasuan, zehazki, 3 eskaintza eskatu zituen IKAUR enpresak eta, eskainitako baldintzen arabera, SERINKO kontratatzea proposatu zuen. Sprilur enpresak, bere aldetik, SPKLa indarrean sartu aurretik onartu zuen IKAURen proposamena. Horrenbestez, hainbat lizitatzaile aritu ziren lehian.

Bestetik, Elorrioko eta Portugaleteko argiteriari buruzko ingeniaritza-proiektuari eta argiteri hori konpontzeko proiektua 61.000 euroko proiektu bakar batean bildu ditu HKEEk. Hala eta guztiz ere, hainbat kontratu dira, udalerri eta data desberdinetan egindakoak. Horregatik ez dugu egokitzat jotzen bi kontratu horiek bakar batean biltzea.

Hortaz, banaka harturik, kontratuak zuzenean egin daitezke -Sprilur S.A. enpresaren Kontratatzeko Barne Arauen arabera, betiere-, horietako batek ere ez baitu gainditzen zuzenean kontratatzeko muga.

II.1.12.- Visesa.

- Hala behar lukeen arren, 0,9 milioi eurotan esleitutako 7. espedientearen lizitazioari buruzko iragarkia ez da EBEOn argitaratu. Horrez gain, baldintza-agirian ezarritako esleipen-irizpideen arabera eskaintzak sailkaturik, kontratua ez zaio esleitu balioespenik onena lortu duen eskaintzari, baizik eta eskaintzarik onenetan bigarrenari, prezioa kontuan harturik, eskaintzarik merkeena izan baita Sozietatearen Administrazio Batzordearen iritziz.

Aztertutako kontratazio espedienteetatik, HKEEk ondoko ondorio hauek atera ditu:

A.- Espedientea: A.1. A-29 (babes ofizialeko 336 etxebizitza) eta B-53 (babes ofizialeko 20 etxebizitza) obrak Gasteizko Zabalgana auzoan. Zenbatekoa: 31.287.000 euro.

B.- Hala behar lukeen arren, 31,3 milioi eurotan esleitutako espedientearen lizitazioari buruzko iragarkia ez da EBEOn argitaratu. Horrez gain, baldintza-agirian ezarritako esleipen-irizpideen arabera eskaintzak sailkaturik, kontratua ez zaio esleitu balioespenik onena lortu duen eskaintzari, baizik eta eskaintzarik onenetan bigarrenari, prezioa kontuan harturik, eskaintzarik merkeena izan baita Sozietatearen Administrazio Batzordearen iritziz.

C.- Eragozpen horiei buruz bi ohar:

A.1. A-29 (babes ofizialeko 336 etxebizitza) eta B-53 (babes ofizialeko 20 etxebizitza) obrak Gasteizko Zabalgana auzoan. Zenbatekoa: 31.287.000 euro.

Eskaintzarik merkeenari kontratua esleitu izanari dagokionez, ondoko hau ezarri zen hizpide dugun lizitazioa arautzen zuen baldintza-agirian:

C) Hainbat Alderdi Negoziatzeko Fasea. VISESAk alderatu eta zehaztu egingo ditu aurreko atalean punturik gehien lortu dituzten hiru enpresen eskaintzak, eskaintzen alderdi hauei erreparatuta: a) Eskaintza ekonomikoa; b) Une garrantzitsuak hasi eta bukatzeko epeak, eta Kontratistari ezin egotz dakizkiokeen atzerapenengatik epeak berreskuratzeko pizgarriak aplikatzeko epeak; c) Eskainitako hobekuntzak eta alderdi eraikitzaileak; eta d) Proiektuari egindako zuzenketak.

Negoziazioak baliagarriak izango dira adostutako kalitateari, epeei eta prezioari buruz obra gauzatu bitartean suerta daitezkeen zalantzak uxatzeko eta aldaketarik egon ez dadila bermatzeko. Ez da onartuko, inola ere ez, eskaintzaren baldintzak errotik aldatzea. Eskaintzaren baldintzak errotik aldatu direla joko da, hain zuzen ere, hasierako prezioa baino % 5 baino handiagoa bada aldez aurretik adostutako prezioa. Irizpide hori aplikatuko zaie, baita ere, proposatutako epearen gain egindako murrizketei.

Aldez aurretiko hitzarmenak egoki balioetsi eta ordenan jarriko dira, hasi kontratua egoki betetzeko onenetik eta buka okerrenean. Ondoren, esleipen-proposamenari buruzko txostena egingo da eta hura Visesaren Administrazio Kontseiluari bidaliko zaio.

II.15.- Esleipena.

Esleipen-proposamenari buruzko txostena aztertu ondoren, Visesaren Administrazio Kontseiluak erabakiko du hiru enpresa finalistetatik zeinek egin duen, oro har, eskaintzarik onena, eta hari esleituko dio kontratua.

Enpresek ondoko puntu hauek lortu zituzten:

(Ikus .PDF)

Baldintza-agirian ezarritako irizpideez bestelakorik ez da aplikatu. Aitzitik, baldintza-agirian ezarritako aurreikuspen bat aplikatzearen bidez esleitu da kontratua.

II.2.- Langileak.

II.2.1.- ETB, S.A.

- Ekitaldian, aldi baterako 5.082 kontratu egin dira 268 langilerekin. Berdintasun, merezimendu eta gaitasun printzipioak ez dira bermatu aldi baterako langileak kontratatzeko prozeduran (EITB Taldearen web-orrian iragarkia jarri da eta lan-poltsa erabili da, langileak hautatzeko zer irizpide erabili diren zehaztu gabe).

Aukeraketa-prozesuak web-orrian argitaratzeari dagokionez, gaur egun ez dugu inolako zalantzarik hizpide dugun plataforma hori guztiz baliagarria dela edozein informazio zabaltzeko, herritarrek edozein lekutan ikus baitezakete eta beste hedabide batzuk baino pertsona gehiagotara iris baitaiteke. Epaimahaiak defendatutako idatzizko beste hedabideetan -aldizkarietan- jendarteratutakoa ez bezala, web-orrian argitaratutakoa mundu osoan irakur daiteke, eguneko 24 ordutan. Gure ustez, HKEEk defendatutako irizpideak ez du berariazko lege-euskarririk eta «publizitate-irizpidean» oinarritzen da. Interneten argitaratuta, herritar guztiek erraz ezagut dezakete Erakunde Publikoari nahiz haren sozietateei buruzko informazioa. Gaur egun, herritar orok irakur dezake interneten argitaratutakoa; idatzizko aldizkarietan argitaratutakoa baino erraztasun handiagoz. Aldizkariak Euskal Autonomia Erkidegoan baino ez dira banatzen; eitb.com Interneteko atarian argitaratutako iragarkiak, ordea, mundu osoan irakur daitezke. Horren erakusle, interneteko gure atariak urtero izaten dituen EAEko nahiz munduko beste bazterretako milaka sarrerak.

Bestetik, lan-poltsaren erabilerari dagokionez, ikuskaritzan adierazi bezala, prozedura horietan azaldutako irizpideak oinarri harturik, hautagaiak balioetsi eta lau taldetan banatu ziren. Azpitalde horietako bakoitzaren barruan, gaitasun artistiko eta mediatikoekin lotura duten irizpide horietatik EITBk zehaztutakoen arabera kontratatzen dira hautagaiak, nagusiki, irrati eta telebistako programak produzitzeko. Beste kontu bat da, gero, Erakunde Publikoak idatziz ez jasotzea zer irizpide erabili duen kontratua egiteko.

Hala eta guztiz ere, lan-poltsaren sistema berria jarri da martxan 2010eko eta 2011ko ekitaldietan. Balioetsita egoteaz gain, erabilitako irizpideei buruzko argibideak ematen ditu sistema berri horrek. Hura, gainera, gauzatutako edo gauzatze bidean diren irrati eta telebistako lan-eskaintza publikoen jarraipena da.

- Sozietatearen Zuzendaritzak uste du EITB Erakunde Publikoa sortzeko 5/1982 Legeko 16.2.f artikuluan ezarritako profesionaltasun irizpideak aplikatzearen bidez esleitu behar liratekeela izendapen askearen bidez 2008an betetako 7 lanpostu. Ez da argibiderik eman langile horiek aukeratzeko erabilitako irizpideei buruz. Hortaz, ezin berma daiteke 5/1982 Legeko 16.2.f artikuluan ezarritako eskakizunak zuzendaritzako postu horietan bete direnik (hots, profesionaltasuna eta Kontseilua aldez aurretik jakinaren gainean jartzea).

Izendapen askearen bidez kontratatutako langileei dagokienez:

Izendapen askeko lanpostu guztiak zuzendari nagusiak izendatu ditu eta Administrazio Kontseiluari jakinarazi zaizkio, Erakunde Publikoa Eratzeko Legean xedatutakoarekin bat eta egokitasun profesionalari buruzko irizpideak oinarri harturik. Izendatutako postuetan egokitasun profesionalaren irizpidea bete dela onartu du EITBko Administrazio Kontseiluak. Hori dela eta, horiek izendatzeko baldintzak bete direla deritzogu.

Zehazki, lehen aipatutako 7 postu horien egoera ondoko hau da:

(****) (Kirol Produkzioaren koordinatzailea), (****) (Albistegi Produkzioaren koordinatzailea), (****) (Multiplataformaren koordinatzailea) (****) (Ustiapen Teknikoaren arduraduna) eta (****) (Fluxuen Automatizazioaren koordinatzailea): 2008ko martxoaren 11ko bileran jakinarazi zitzaizkion izendapen horiek guztiak Administrazio Kontseiluari. Hala jaso da, bederen, agiri honi erantsitako aktan.

(****) (Dibulgaziozko Edukien Areako burua) eta (****) (Kultura Areako burua): 2008ko irailaren 23ko bileran jakinarazi zitzaizkion izendapen horiek guztiak Administrazio Kontseiluari. Hala jaso da, bederen, agiri honi erantsitako aktan.

HKEEren ordezkariei helarazitako akta horietan jaso bezala, Erakunde Publikoaren Administrazio Kontseiluari aldez aurretik jakinarazi zitzaizkion izendapenak. Horrenbestez, ez da onartzerik HKEEk oro har adierazitako hau: «Ez da argibiderik eman langile horiek aukeratzeko erabilitako irizpideei buruz. Hortaz, ezin berma daiteke 5/1982 Legeko 16.2.f artikuluan ezarritako eskakizunak zuzendaritzako postu horietan bete direnik (hots, profesionaltasuna eta Kontseilua aldez aurretik jakinaren gainean jartzea)». Kontseiluari aldez aurretik izendapen horien berri eman zitzaiola jaso da akta horietan. Horregatik guztiagatik, HKEEri eskatzen diogu Administrazio Kontseilua aldez aurretik jakinaren gainean jarri ez izanari buruzko adierazpena bere txostenetik ken dezala, baieztapen hori ez baita egia.

Bigarren baldintzari, hau da, profesionaltasun-irizpideari dagokionez, egiazki, izendatutako hautagaiaren lanbide-profila ez da jaso Erakunde Publikoaren Administrazio Kontseiluaren aktetan; Administrazio Kontseiluaren erabakiz, Kontseiluaren bileraren elementurik garrantzitsuenak soilik jasotzen baitira aktetan; hau da, Kontseiluak berak hartutako erabakiak, gehien bat. Hala eta guztiz ere, onartu egiten dugu proposatutako hautagaiaren lanbide-profila eta hura izendatzeko arrazoiak Administrazio Kontseiluko aktetan jasotzeari buruz HKEEk egindako eskaera. Dena den, zera adierazi nahi dugu: HKEEren baieztapena ez dagokio izendatutako hautagaien profesionaltasunik ezari, baizik eta erabilitako irizpideen argibiderik ezari, profesionaltasun-irizpidea bete den bermatzea galarazi baita.

II.2.2.- Euskal Trenbide Sarea Erakundea.

- Hasiera batean aldi baterako kontratatutako langileari kontratu mugagabea egin zaio, berdintasun-, merezimendu- eta gaitasun-printzipioak bete direla bermatzen duen prozedura erabili gabe.

Gainera, publizitaterik eta berdintasun-, merezimendu- nahiz gaitasun-printzipioak bete gabe egin zaio aldi baterako kontratua langile bati.

Euskal Trenbide Sarearen maiatzaren 21eko 6/2004 Legeko 18.2 artikuluan adierazitakoa betez, hau da, «(...) publizitatea erabilita eta berdintasun-, merezimendu- nahiz gaitasun-printzipioak betez (...)» kontratatu ziren Erakunde Publikoko langileak, Herri Kontuen Euskal Epaitegiaren txostenean aipatutako langilea barne.

Idatzizko hainbat hedabidetan argitaratu zen iragarkia. Haren bidez, kategoria zehatz bateko lanpostu bat betetzeko langileen beharra zegoela jakinarazi zen.

Iragarkian, bidenabar, lanposturako hautatutako pertsonaren eginkizun nagusiak azaldu ziren, bai eta lanposturako hautagaien profila zehaztu ere. Horrez gain, aukeratutako pertsona laneratzeko baldintzei buruz hauxe zekarren iragarkiak: «Enpresa sendo batean sartzeko aukera eskainiko da, lanbidean aurrera egiteko aukera ematen duen lanpostu batean. Soldata (...)».

Iragarkian adierazitakoaren arabera, aukeraketa prozesuaren bidez beteko den lanpostua betetzeko hautatutako pertsonak lanbidean aurrera egiteko aukera emango dion lanpostua izango du. Baldintza hori nekez bete daiteke iraupen mugatua duen kontratuaren bidez. Iragarkian, bidenabar, ez zen zehaztu kontratuak zer iraupen izango zuen.

Hasiera batean, aldi baterako lan-kontratuaren bidez bete zen hizpide dugun lanpostu hori. Hala eta guztiz ere, iragarkian adierazitako baldintzak oinarri harturik, aldi baterako hura lan-kontratu finko bihurtzea beharrezkotzat jo zen. Hori egitean, hala ere, ez dira hautsi ez langileak hautatzeko printzipioak -maiatzaren 21eko 6/2004 Legean zehaztutakoak- ez eta Euskal Autonomia Erkidegoko sektore publikoko langileak aukeratzeari buruz Funtzio Publikoaren Sailburuordetzak emandako zuzentarauak ere.

Arestian aipatutako guztiak erakusten du HKEEk aipatutako kontratu horrek publizitate-, berdintasun-, merezimendu- eta gaitasun- printzipioak bete dituela, bai eta Euskal Trenbide Sarearen Legeko 18.1 artikulua ere. Artikulu horretan adierazi da, batetik, laneko zuzenbidearen pean izango dela langileen kudeaketa eta, bestetik, hitzarmen kolektibo aplikagarrian ezarritako lan-baldintzak nahiz baldintza ekonomikoak izango dituztela langileok.

Hori guztia espedientean egiaztatu da, agiri bidez eta modu frogagarrian.

II.2.3.- Ihobe, S.A.

- Publizitatearekin eta enpresa espezializatu baten bitartez aukeratu dira, hasiera batez, 3 lanpostu finko betetzeko langileak. Enpresa horrek proposatutako hautagaietatik hiru aukeratu dira azkenean, arrazoirik eman gabe. Prozedura horren bidez, beraz, ez dira bermatu berdintasun-, merezimendu- eta gaitasun printzipioak.

Langileak aukeratzen espezializatutako kanpoko enpresa horrek Ihobe-k zehaztutako profila -honi erantsi dioguna- hartu zuen oinarri. Profil horretan, besteak beste, erakundearen kokalekua, puntuatutako ardura-areak eta beharrezko gaitasuna zehaztu ziren. Agiri hori oinarri harturik, aurkeztutako ehunetik gorako hautagaien artean lehen aukeraketa egin zuen enpresak, eta lanpostua betetzeko bost pertsona egokienei buruzko txostena aurkeztu zuen.

Ondoren, Kontratazio Mahaiak eratu ziren. Aztergai ditugun prozesuetan, esaterako, bost lagunez osaturik egon ziren. Horietan guztietan, gainera, Zuzendaritza Nagusiak parte hartu zuen.

Azken balioespenari buruzko sinatutako aktarik izan ez arren, kontuan hartu behar dugu, batetik, hautagaien lehen aukeraketa egin duen enpresa espezializatuaren lan profesionala eta, bestetik, definitutako profilean ezarritako irizpideak puntuatu dituen mahaia eratu dela. Horregatik, ezin daiteke baieztatu prozesuak «ez duela bermatzen berdintasun-, merezimendu-eta gaitasun-printzipioak bete izana».

2009ko ekainetik aurrera, gainera, zenbait hobekuntza egin dira egiaztagirietan eta, ondorioz, goian azaldutako prozedura hori zilegi da.

II.2.4.- Neiker, S.A.

- Aldi baterako 14 langile kontratatu dira; horietako 11 oposizio-lehiaketa bidez eta beste 3 lan-poltsaren bidez. Sozietatearen web-orrian argitaratu ziren deialdiak. Prozedura horrek ez du bermatzen berdintasun-printzipioa bete denik.

Aurreko urteetan izapidetutako kontratazio-espedienteetan adierazitakoari helduz, lan-eskaintzak web-orrian argitaratzearen bidez berdintasun-printzipioa bermatzen da.

Herri Kontuen Euskal Epaitegiarekin bildu ondoren, langileak kontratatzeko espedienteen publizitate-sistema aldatu da. Beraz, berdintasun-printzipioa bermatze aldera, ondoko hauetan argitaratu behar dira espediente horiek: Estatuko Enplegu Zerbitzu Publikoan (Trabaja sarean); Enpleguaren Euskal Zerbitzuan (lanbide.net atarian); eta NEIKERen kontratatzailearen profilean. Iragarkiok gutxienez 15 eguneko epearekin argitaratzen dira.

III.- Barne-kontroleko sistemei eta kudeaketa-prozedurei buruzko ohartarazpenak.

III.1.- Osakidetza erakundea.

III.2.- Beste erakunde eta sozietate publiko batzuk.

III.2.1.- Orokorrak.

III.2.1.1.- Goi Zuzendaritzaren kontratuak.

- Merezimendu- eta gaitasun-printzipioak betetzen direla bermatzeko prozedura aplikatu gabe kontratatu zuen zuzendaritzako taldekide bat Visesa enpresak 2008an.

HKEEk ohartarazi zigun merezimendu- eta gaitasun-printzipioak bermatzen dituen prozedurarik aplikatu gabe kontratatu genuela zuzendaritzako taldekide bat. Izendapen hura, jakitera, ondoko bi hauetan ezarritakoarekin bat etorriz egin zen: otsailaren 23ko 130/1999 Dekretuko 3. artikuluan adierazitakoarekin -Zuzenbide Pribatuko Erakunde Publikoetako eta Sozietate Publikoetako langileen estatutua arautzen duen artikuluarekin-; eta Sozietate Publikoaren Estatutuetan adierazitakoarekin -azaroaren 21eko 258/1989 Dekretuaren bidez onartutako Estatutuekin-. Horiez gain, bete dira, baita ere, otsailaren 6ko 29/1990 nahiz ekainaren 23ko 175/1992 Dekretuen bidez egindako zuzenketak. Azken horiek ezartzen dute, hain zuzen, Administrazio Kontseilua dela zuzendari nagusia eta gainerako zuzendariak izendatzeko eskumena duen organoa. Izendapen horren publizitateari dagokionez, ordea, Dekretu horiek ezartzen dute nahikoa dela izendapenaren eskritura publikoa egitearekin, betiere, hirugarrenen aurrean egin bada ordezkari-ahalordetzea. Hala bada, Administrazio Kontseiluaren akta, zuzendari nagusia izendatzeari buruzkoa, bidali beharko zaio sozietatearen Saileko Zerbitzu Zuzendaritzaren Aholkularitza Juridikoari, haren berri izan eta hura gorde dezan.

Zuzenbide Pribatuko Erakunde Publiko eta Sozietate Publikoetako zuzendaritza-taldekideen estatutu pertsonala arautzen duen otsailaren 23ko 130/1999 Dekretuaren aplikazio-eremuaren barruan legoke mintzagai ditugun kontratua. Horrenbestez, ezin eska daiteke Sozietateko zuzendari nagusia izendatzeko prozeduran berma daitezela gainerako lan-kontratuetan bete beharreko merezimendu-eta gaitasun-printzipioak -Enplegatu Publikoaren Estatutuko lehen xedapen gehigarrian eta Estatutu horren 52., 53., 54., 55. eta 59. artikuluetan adierazitakoaren arabera-.

Bestetik, Enplegatu Publikoaren Oinarrizko Estatutuari buruzko apirilaren 12ko 7/2007 Legeko 13. artikuluaren arabera, merezimendu- eta gaitasun-printzipioak, egokitasun irizpideak eta publizitatea nahiz lehia bermatzen duten prozedurak erabili behar dira Herri Administrazioetan -alegia, Administrazio bakoitzeko arau espezifikoetan Herri Administraziotzat jotako horietan- arituko diren zuzendaritzako taldekide profesionalak izendatzeko. Aipatu berri dugun Lege horren lehenengo xedapen gehigarrian adierazitakoa bazter, estatuko, autonomia-erkidegoetako eta tokian tokiko sektore publikoko erakundeei ezin zaie Lege horretako 13. artikulua aplikatu.

- Goi-zuzendaritzako kontratuak egin dizkie URA Erakunde Publikoak arloko lau zuzendariei. Azken horiek Erakundeko zuzendari nagusiaren menpe daude eta antolakuntza-unitate baten zuzendaritzaz arduratzen dira. Ura Ur Agentziaren estatutuak onartzen dituen abenduaren 18ko 240/2007 Dekretuko 7.4 artikuluaren arabera, Agentziako zuzendari nagusia goi kargua da; 8. artikuluaren arabera, ordea,arloko zuzendariak ez dira goi kargu. Beraz, estatutuetan jasotakoa ez betetzeaz gain, hautsi dira, baita ere, Zuzenbide Pribatuko Erakunde Publikoetako eta Sozietate Publikoetako zuzendaritza-taldekideen estatutu pertsonala arautzen duen otsailaren 23ko 130/1999 Dekretuko 3. eta 4. artikuluak.

Hainbat ohar arloko zuzendariei buruz:

Egia da goi-zuzendaritzako 4 kontratu egin dituela, kontratu bat arloko zuzendari bakoitzeko. Arloko zuzendarien definizioa dakar 240/2007 Dekretuko 8. artikuluak. Zuzendaritzako taldekide profesionalei buruz Enplegatu Publikoaren Oinarrizko Estatutuaren 13. artikuluan adierazitakotik hartua dago definizio hori, bertan adierazitakoa bere arautegira ekarri baitu Ura Ur Agentziak.

Estatutuak idazterakoan nahiz zuzendariekin kontratuak sinatzerakoan, Administrazio Kontseilua zuzendaritza-taldekideak izendatzen ari zela argi zuen Erakunde Publikoak.

Halaxe jaso zen, bederen, 2011z aurretik sinatutako hiru kontratuetan, nahiz eta horrek nolabaiteko nahastea sortu arau aplikagarriak ezartzeko orduan.

Akats hura -hots, Enplegatu Publikoaren Oinarrizko Estatutuaren 13. artikuluari erreferentzia egitearena- konpondu egin da 2011ko otsailean sinatutako arloko zuzendarien azken kontratuan. horretan erreferentzia egiten zaio, berariaz, Sozietate Publikoetako zuzendaritza-taldekideen estatutu pertsonala arautzen duen otsailaren 23ko 130/1999 Dekretuari, haren aplikazio-eremuaren barruan baitaude Agentziako arloko zuzendariak eta, ondorioz, hura bete behar baitute.

Otsailaren 23ko 130/1999 Dekretuko 4. artikuluan adierazi bezala, goi zuzendaritzako kontratu berezia litzateke zuzenbide pribatuko erakunde publikoetako eta sozietate publikoetako zuzendaritza-taldekideen eta haien erakunde edo sozietateen arteko kontratuzko lotura. Kontratu hori, bidenabar, goi-zuzendaritzako lan-harreman berezia arautzen duen abuztuaren 1eko 1382/1985 Errege Dekretuaren araupean da.

130/1999 Dekretuko 3. artikuluak horretara behartu arren, ez da oraindik zehaztu zuzendaritza-taldekide zein diren, baina hori egiteko bidean gaude uneotan. Izan ere, 2011ko martxoaren 11ko bileran, Ura Ur Agentziaren Administrazio kontseiluak zehaztuko du zuzendaritza-taldekide zein diren. Ondoren, arloko zuzendarien egoera arautze aldera, dekretu bidez onetsi beharko du Gobernu Kontseiluak Administrazio Kontseiluaren erabakia.

III.2.1.3.- Eskaintzak balioestea.

1.- EJIE.

Haztatutako balioespen-irizpideak ezarri ohi ditu EJIE enpresa publikoak bere baldintza-agirietan. Hala ere, kontratuek zenbait berezitasun izan ditzakete eta, ondorioz, zenbait irizpide -hornitzailea kalifikatzearekin lotura dutenak, nagusiki- subjektibo gerta daitezke. Nolanahi ere, eskaintzak balioesteaz arduratzen den talde tekniko batek balioesten ditu aipatu berri ditugun zalantzazko irizpide horiek.

3.- ETB, S.A.

Ondoko espediente hauek izango ditugu aztergai:

4.- Zerbitzu informatikoak homologatzeko zerbitzuak.

5.- Erabiltzaile informatikoak artatzeko zerbitzuak.

2008an esleitu baziren ere, 2007 egin eta argitaratu ziren bi espediente horiek. 2007ko ikuskaritzan adierazi bezala, urte horretan egindako eta argitaratutako baldintza-agirietan ez ziren balioespen-irizpideak haztatu.

Gaur egun, ordea, espediente guzti-guztiek dakarte esleipen-irizpideen haztapena.

5.- ET-FV, S.A.

Eskaintza egiten dituzten enpresen gaitasun tekniko orokorra ezagutzeko aukera ematen badigu ere, Protrans sailkapen-sistemak ez du ematen bide metrikoko trenbide zerbitzu edo horniduretan duten esperientzia zehatzaren berri. Hori dela eta, aipatu erregistroan izena emanez gero ez da gaitasun teknikoaren egiaztagiririk aurkeztu beharrik, baina bide metrikoko trenbide-kontratuei buruzko egiaztagiriak bai aurkeztu behar direla, esleipen fasean balioesten baitira ondoren.

8.- Neiker, S.A.

Gaur egun, baldintza-agiriak idazteko unean, ondoko bi hauek aztertzen ditu Neiker enpresaren kontratazio arloak: jasotako irizpideak objektiboki balioets daitezkeela, eta irizpide horiek kontratuaren xedeari egokitzen zaizkiola.

9.- Parque Tecnológico, S.A.

Bere kontratuak irizpide objektiboei jarraituz eslei daitezela zaindu du beti Parque Tecnologiko enpresak. Irizpide horiek, hain zuzen, bermatzen dute hautagai guztiek tratu berdina izan dezatela eta prozedura gardena izan dadila.

Txostenean, ordea, ez da adierazi Parque Tecnológico enpresak erabilitako irizpideetatik zein hartu diren subjektibotzat eta zergatik. Ez da azaldu, ezta ere, zergatik uste den haztapena ez dela zuzena izan. Horren ondorioz, txosteneko egozpenaren aurrean defendatzea zaila egiten zaigu, egia esan.

Agian, esleipen-irizpideen barruan esperientzia eta beste alderdi batzuk balioesteari buruz ari da Txostena. Hala bada, adierazi beharra dago Parque Tecnológico enpresak lizitatutako kontratu guztietan ez dela esperientzia balioetsi. Lizitatzailearen kaudimen teknikoa, berriz, berariaz aztertzen da, kontratua betetzeko beharrezkoak diren baliabideen arabera. Kaudimen teknikoa, gainera, ez da hartzen lizitatzailearen eskaintza esleitzeko irizpidetzat. Are gehiago, kasuan kasuko zerbitzua gauzatzeko beharrezkoa den gaitasun teknikoa eta nahikoa baliabide material dituztela egiazta dezatela eskatzen die Parque Tecnológico enpresak lizitatzaileei, ez eskaintzak puntuatzeko, lehiaketan parte hartzeko baizik.

Baliteke, bestetik, kaudimen ekonomikoa balioesteko erabilitako irizpideei buruz aritzea txostena. Hala bada, adierazi beharra dago aldez aurretik definitutako hainbat ratio erabiltzen dituela Parque Tecnológico enpresak. Ratio horiek oinarri harturik, lizitazioko obra egin edo zerbitzua eskaintzeko lizitatzaileak nahikoa kaudimen duela egiaztatzen du Parque Tecnológico enpresak (negozio-bolumena, adibidez).

Azkenik, esan beharra dago prezioa dela Parque Tecnológico enpresaren esleipen-irizpide nagusia. Alderdi horrek, guztiz objektiboa eta puntuatzen erraza izanagatik, hautagaiak berdintasunez tratatuko direla ea prozedura gardena izango dela bermatzen du.

10.- SPRI, S.A.

Hona hemen 2008ko ekitaldian SPRI enpresak erabilitako irizpideen ezaugarriak:

- Baldintza-agirietan jasota daude. Horrek erakusten du lizitazioa egin aurretik ezarrita zeudela eta guztiek izan zezaketela haien berri.

- Objektiboak dira. Hala ere, ez dira halabeharrez ebaluatu behar matematikako formula bat aplikatzearen bidez. Izan ere, SPKLk bereizi ditu batetik, balio-iritzien bidez puntuatu beharreko esleipen-irizpideak (kalitate teknikoa, esaterako) eta, bestetik, formula matematikoak aplikatzearen bidez balioets daitezkeenak (prezioa edo epea, adibidez). Horixe SPKLren berrikuntzetako bat.

Jakina, lehenengo multzo horretako irizpideak balio-iritzien bidez puntuatzeak ez du esan nahi subjektiboak direnik, baliorik ez dutenik edota, are, kontratuaren objektuarekin loturarik ez dutenik. Aitzitik, SPKLak zehaztasun handiz arautu ditu balio-irizpideak eta, ondorioz, guztiz onargarriak eta baliozkoak dira.

Beraz, baldintza-agirietan esleipen-irizpide matematikoen lekuan balio-iritzien bidez puntua daitezkeen esleipen-irizpideak ezarri izanak (adibidez: eskaintza baten kalitatea edota lan bat egiteko proposatu den programazioa balioesteko) ez du esan nahi -Txostenean ohartarazi bezala- SPRI enpresaren irizpideek ez dutela loturarik kontratuaren objektuarekin, baizik eta, sinple-sinpleki, irizpide horiek ezin daitezkeela formula matematiko bat aplikatzearen bidez balioetsi.

11.- Sprilur S.A.

Adierazi behar da Sprilur enpresak zuzen haztatzen eta baloratzen dituela eskaintzak; eskaintza horiek ahalik eta modu objektiboenean aztertzen dira, dagozkien baldintza-agirietan argi eta garbi zehazten den bezala. Zehazki, aipatzekoa da Administrazio Klausulen Agirietan jaso bezala, eskaintza eta gauzatze-epea balioesteaz gain, obrara atxikitako giza baliabideak nahiz baliabide materialak eta kontratuaren helburuaren esparruko gaitasuna eta eskarmentua ere balioesten direla eta arau batzuen araberako puntuazioa ematen dela, jasotako eskaintzak ahalik eta zilegitasunik handienez balioesteko. Hortaz, argi eta garbi baiezta daiteke haztapen bat eta aztertutako puntu-esleipena ezartzen direla.

12.- Visesa.

Eskaintzak ebaluatzeko irizpide objektibo eta haztatuak aldez aurretik ezarri gabe egin du kontraturen bat VISESAk; kontratuaren xedearekin loturarik ez duten irizpideak erabiliz (irizpide subjektiboak).

A.1. A-29 (babes ofizialeko 336 etxebizitza) eta B-53 (babes ofizialeko 20 etxebizitza) obrak Gasteizko Zabalgana auzoan. Zenbatekoa: 31.287.000 euro.

Ondoko esleipen-irizpide hauek ezarri ziren baldintza-agirian, garrantzirik handienekotik hasi eta txikienekoan buka:

- Eskaintza ekonomikoa.

- Historiala.

- Eskaintzaren zorroztasuna.

- Metatze eta banaketagatiko arriskuak ezabatzea.

- Proposatutako hobekuntzak.

- Erradikazioa.

- Kalitatea bermatzea.

- Ingurumenaren kudeaketa.

Hala ere, esleipen-txostenean jaso bezala, aldez aurretiko fase batean balioetsi zen mintzagai dugun irizpide subjektibo hori. Hura erabiltzeak, gainera, ez zuen eraginik izan azken emaitzaren gain, lehiaketan parte hartutako lizitatzaile guztiak iritsi baitziren negoziazio-fasera.

Azkenik, azpimarratu beharra dago Sektore Publikoko Kontratuen Legera egokitu dituela Visesa enpresak kontratatzeko bere prozedurak 2008tik. Horrez gain, aipatutako lege hori indarrean sartu zenetik, SPKLan ezarritakoa betez gauzatzen dira Visesak deitutako lizitazioak.

III.2.2.- Ejie, S.A.

III.2.2.1.- Kontratazioa.

- Hauxe adierazi da: Milioi bat eurotan esleitutako espediente baten baldintza-agiriko esleipen-irizpideak generikoak dira eta, espediente horretan ere, ez da zehaztu esleipen-txostenean zer azpi-irizpide balioetsi den.

Horrez gain, 0,9 milioi eurotan esleitutako eta SPKLaren eraginpean den espedientea ez da behin-behinekoz esleitu. Lizitatzaileei jakinarazteaz gain, aldizkari ofizial batean edo Kontratatzailearen Profilean argitaratu beharra dago behin-behineko esleipen hori. Behin betiko esleipena, ordea, ez da argitaratu ez EBEOn ez eta Kontratatzailearen Profilean ere.

SPKLan adierazitakoa betetzeko asmoz, kontratatzeko barne-arau berriak lantzen ziharduen EJIE enpresak aztergai dugun kontratazio hori esleitzeko unean. Kontratatzeko barne-arau berriak 2008ko abenduko Administrazio Kontseiluan behin-behinekoz onetsi ziren; eta 2009ko martxoko Administrazio Kontseiluan berretsi. Horrez gain, goian aipatutako esleipena egin zeneko garai hartan, garapen bidean zen Kontratatzailearen Profila eta, horregatik, ezin izan zen behin betiko esleipena argitaratu.

III.2.2.2.- Langileak.

- «Baliabideak lagatzeagatiko azpikontratazioa» modalitatean laguntza teknikoko kontratua egin die Sozietateak hainbat langileri. Kontrolpean egon ezean, jokamolde horrek aukera eman dezake langileak kontratatu gabe egiturazko beharrak estaltzeko. Modalitate horretako kontratuak 52 milioi euro izan ziren 2008ko ekitaldian; langile-gastuetarako aurrekontua (11 milioi euro) baino gehiago. Beraz, langileen beharrak aztertu, zaindu eta kontrolatu behar dira, egoki diren langileak kontratatzeko.

I.- Hitzaurrea.

Lehenik eta behin, esan beharra dago, azalpen gisa, etengabeko bilakaera teknologikoa eta espezializazioa bilatzen duen prozesu bikoitzean murgilduta dagoela informatikaren eta telekomunikazioen sektorea azken urteotan.

Prozesu bikoitz horren ondorioz, zerbitzuak azpikontratatu behar izan dituzte sektoreko enpresa publiko nahiz pribatuek, gero eta espezializatuagoak eta konplexuagoak diren zerbitzuen eskaerari erantzun ahal izateko.

Beraz, ez gara ari, inola ere ez, baliabideak lagatzeagatiko azpikontratazioaz; zerbitzuak kontratatzeaz baizik.

Ildo horretan, EAEko Herri Administrazioari zerbitzu informatikoak ematen dizkio EJIEk eta arlo horretako beharrizanak asko handitu dira azken urteotan, bai bolumenari bai espezializazio mailari dagokionez; horrez gain, merkatuaren joerei jarraitu die, eta zerbitzuak azpikontratatzen hasi da. Bestetik, kontrataturiko zerbitzuak -hala laguntza teknikoa nola aplikazioen garapena- EJIEko langileek kudeatzen, gainbegiratzen eta kontrolatzen dituztenez, beharrizan horiek eraginkortasunez aseko dira.

II.- Kanpoko enpresei kontratatutako zerbitzuak.

Herri Kontuen Euskal Epaitegiaren Txostenaren arabera, 52 milioi euroren besteko azpikontratuak egin ziren 2008an.

Hala eta guztiz ere, kontuan izan behar dugu aholkularitza espezializatuaren arloko hainbat proiektu sartzen direla zenbateko horren barruan; hain espezializatua izan ere, non era horretako zerbitzuak kontratatzera behartzen duten. Aholkularitza-zerbitzu horien funtsezko jakintza, gainera, enpresa multinazional gutxi batzuen edo informatikako enpresa oso berezituen esku baino ez dago. Hizpide ditugun zerbitzuengatiko kontratuak 4 milioi euro inguru izan ziren.

III.- Laguntza teknikoa Arautegi eta kontratuen esparrua.

60/1982 Dekretuan eta 35/1997 Dekretuan jasotako baldintzetan eskaini zizkion informatika-zerbitzuak EJIEk EAEko Herri Administrazioari 2008an.

Zerbitzu horiek emateko, eta 35/1997 Dekretuko bigarren xedapen gehigarrian xedatutakoaren arabera, programa-kontratu bat sinatu zuen EAEko Administrazioak EJIErekin. Hartan, ekonomiaren, finantzen, kudeaketaren, eta helburuak nahiz emaitzak lortzearen aldetik EJIErekin duen harremana zehaztu zen. Halaber, eta 35/1997 Dekretuko bigarren xedapen gehigarrian orobat xedatutakoaren arabera, sail eta erakunde autonomoei Dekretu horretan esleitutako eduki informatikoko ataza guztiez arduratu ahalko da EJIE, erakundeok aginduta, betiere. Horretarako, egokiak diren hitzarmenak sinatu beharko ditu EJIEk haiekin.

Fiskalizatzen ari den epe horretan, 2008ko apirilaren 15eko «2008 programa-kontratua» zen indarrean. Laguntza tekniko profesionalaren zerbitzuari buruz ondoko hau zekarren programa-kontratu horren zazpigarren klausulak:

1.- Zerbitzu honek barne hartzen du sailek eta erakunde autonomoek plan nahiz proiektu informatikoak zehazteko, garatzeko, mantentzeko eta ezartzeko behar dituzten aholkularitza eta laguntza teknikoa. Zerbitzu horren bitartez, estandarrak betetzeaz eta aplikazioak behar bezala ezartzeaz arduratuko da EJIE.

2.- Zerbitzu hori behar bezala emateko, EJIEk beharrezkoak diren giza baliabideak esleituko dizkio sail, erakunde autonomo, erakunde edo sozietate publiko bakoitzari, haien beharren arabera eta denbora tarte jakin baterako, eta azpikontratatutako baliabideekin osatu ahalko ditu berezko baliabideak.

IV.- Sail eta erakunde autonomoek informazio eta telekomunikazio sistemen alorrean dituzten eskumenak.

Zioen azalpenean, 35/1997 Dekretuak honako hau adierazten du: «... kudeaketarako are autonomia handiagoa izan behar dute sailek eta erakunde autonomoek, erakunde horiei beren eskumenen barruan sartzen diren kontratazioak egiteko aukera emanda...; eta bigarren, arlo honetako eragileei esku eman behar zaie beren eskumenak garatzeko egokienak izan daitezkeen kudeaketa-moduen aukera egin dezaten, nahiz artez-eskuartean dituzten giza baliabide zein baliabide materialez baliatuz-, nahiz zeharka -administrazio instituzionalaren bidez eta dagozkion kontratazio eta erlazio mailako arauak aplikatuz-.»

Era berean, 35/1997 Dekretuko 7.1. artikuluan, informazioa eta telekomunikazioen arloan sailei eta erakunde autonomoei dagozkien eskumenen artean, ondoko hauek daude jasota:

a) «Informatika beharrizanak zehaztea, horiek ikertzea eta lehentasunak finkatzea».

b) «Informatika eta Telekomunikazio Planean eta hura garatzeko urteko programetan jasoko diren informatika eta telematika beharrizanak antolatzea xedetzat duten barne planak eta programak lantzea».

c) «Ogasun eta Herri Administrazio Sailaren laguntza teknikoarekin, sail edo sektore mailako informatika eta telematika proiektuei eta prozesuei dagozkien aplikazio informatikoak eta telekomunikazio zerbitzuak kudeatzea, zuzentzea eta mantentzea...».

f) «Sailetakoak bakar-bakarrik diren informatika eta telematika sistemetako zerbitzu berriak eta ikerketak sartzeko, garatzeko nahiz trukatzeko asmoz beste administrazioekin, erakundeekin, eta enpresa publiko edo pribatuekin akordio, hitzarmen eta lankidetza-neurriak egiteko proposamenak aurkeztea, Ogasun eta Herri Administrazio Sailaren lankidetza-laguntzaz».

7.2 artikuluan hau dago jasota: «Aurreko paragrafoan ematen diren eskumenen barruan dira kontratazio organoak eskumenok betetzeko egin behar dituen kontratazio administratiboak bideratzeko ahalmenak erabiltzea,...».

V.- Laguntza teknikoko zerbitzuaren ezaugarriak.

Ondorioz, sailei, erakunde autonomoei, erakundeei eta sozietate publikoei EJIEk ematen dien laguntza teknikoko zerbitzuak ondoko ezaugarri hauek ditu:

- Beren saileko eskumen esparruan zerbitzu horiek kontratatzeko autonomia duten sail, erakunde autonomo eta erakunde eta sozietate publikoek eskatuta ematen da zerbitzua, eta haiek zerbitzu horiek EJIEri edo beste erakunde publiko edo pribatu batzuei agin diezazkiekete.

- Sailen aldian aldiko beharrizanen arabera eta dagokion unean eman behar den zerbitzua da.

- Zerbitzuaren sorburu diren beharrizanak alda daitezke programa-kontratua indarrean izan bitartean.

- Sail, erakunde autonomoek eta sozietate publikoek ez diote EJIEri bermatzen zerbitzu horien eskatzen jarraituko dutenik.

- Hitzarmenaren bitartez gauzatutako garapenak ere aldian aldiko beharrizanen ondoriozkoak dira.

Goian aipaturiko ezaugarriak direla eta, beharrezkoa da EJIEk zerbitzu hori arintasun eta malgutasunez eman dezala eta kudeaketako eraginkortasunezko irizpideen araberakoa izan dadila. Hortaz, komeni da aldian aldiro sortzen diren beharrizan batzuei erantzuteko zenbait zerbitzu kanpora ateratzea; izan ere, zerbitzuaren eskaera bera nahiz haren bolumena aldatu daitezke, eta ez daude bermaturik.

Horregatik guztiagatik, fiskalizazio-txosteneko III.2.2.2 epigrafean jasotako kontratazioak era honetakoak izan daitezke:

- Langileen egiturazko beharrizanak ez, baizik eta aldian aldiko beharrizanak asetzeko asmoz kontratatu behar izan diren zerbitzuak.

- Edo, bestela ere, aholkularitza espezializatuaren arloko hainbat proiektu; hain espezializatuak non era aholkularitza berezituaren zerbitzuak kontratatzera behartzen duten. Aholkularitza-zerbitzu horien funtsezko jakintza, gainera, enpresa multinazional gutxi batzuen edo informatikako enpresa oso berezituen esku baino ez dago.

III.2.3.- Energiaren Euskal Erakundea.

II.2.3.1.- Kontratazioa.

- 2,5 milioi eurotan esleitutako 5 espedientetan (zehazki, 3., 4., 5. eta 7. espedienteetan) Kontratazio Mahaiaren akta ez da jaso.

Kontratazio gaietan aplika daitezkeen legeen arabera, ez da beharrezkoa Kontratazio Mahairik izatea.

- Baldintza-agirian ezarritakoetatik ez dira eskatu esleipendunari dagozkionak, 0,5 milioi eurotan esleitutako 5. eta 6. espedienteetan.

- Ez da ezarri 0,3 milioi eurotan esleitutako 6. espedientea gauzatzeko epea.

Kontratuan ez da berariaz adierazi gauzatze-epea zein den. Hala eta guztiz ere, baldintza-agiria nahiz esleipendunak proposatutako baliabideen planeamendua aztertzen baditugu -kontratuzko agiriak, biak ere- ondoriozta dezakegu kontratua sinatzen den egunean zenbatzen hasi eta 2008-12-31n bukatuko dela gauzatze-epea. Zehazki, esleipen-txostenaren XIII. atalean jasota dago egitate hori.

III.2.4.- ETB, S.A.

III.2.4.1.- Kontratazioa.

- Hauxe adierazi da Horrez gain, 5,6 milioi eurotan esleitutako eta SPKLaren eraginpean diren 5 espediente (1., 2., 3., 5., eta 8. espedienteak) ez dira behin-behinekoz esleitu. Lizitatzaileei jakinarazteaz gain, aldizkari ofizial batean edo Kontratatzailearen Profilean argitaratu behar dira behin-behineko esleipen horiek. Behin betiko esleipena, gainera, ez da argitaratu ez EBEOn ez eta Kontratatzailearen Profilean ere.

Euskal Telebista S.A. sozietatearen kontratatzeko arauekin bat esleitu zen kontratua, ikuskaritza egin zeneko garai hartan. Arau horiek, bidenabar, web-orriko Kontratatzailearen Profilean argitaratu ziren. Kontratua esleitu arren, baldintza-agirietan adierazitako agiriak aurkeztu behar ziren (abala / S&S / Ogasuna /...) kontratua formalizatu ahal izateko. Lizitatzaileei jakinarazi eta Kontratatzailearen Profilean argitaratu zen esleipen hura. Ondoren, 2010eko urtarrilaren 1eko arau berriak direla-eta, espedienteen behin-behineko eta behin betiko esleipenen agiriak Kontratatzailearen Profilean argitaratzen dira. Gaur egun, bidenabar, Kontratatzailearen Profilean daude argitaratuta arau berri horiek.

2008. urtean, gainera, EBEOn argitaratzeko behar hori ez zegoen jasota Euskal Telebista S.A. sozietatearen kontratatzeko arauetan. Orain, Kontratatzailearen Profilean argitaratutako 2010eko urtarrilaren 1eko arau berriak indarrean sartu ondoren, EBEOn argitaratzen ari dira hala behar duten espedienteak.

III.2.5.- Euskal Trenbide Sarea Erakundea.

III.2.5.2.- Langileak.

- Publizitatearekin eta enpresa espezializatu baten bitartez aukeratu dira, hasiera batez, aldi baterako 6 lanpostu betetzeko langileak. Enpresa horrek proposatutako langileetako sei hautatzearen arrazoiak ez dira eman, ez baitago kontratatutako hautagaia aukeratzeko arrazoiak azaltzen dituen balioespen-txostenik.

Publizitatearekin egin ziren langileak kontratatzeko 2008ko kanpo-deialdiak, aldizkarietan iragarkiak argitaratzearen bidez. Gainera, deialdi publikoan eskatzen ziren baldintzak betetzen zituzten hautagaiak aldez aurretik aukeratu zituen kanpoko aholkularitza-enpresa batek. Ondoren, erakundeko zuzendaritzak, merezimenduak eta gaitasuna azterturik, eta elkarrizketa pertsonalak eginez, aholkularitza-enpresak aukeratutako hautagaien artetik hartu zituen gero kontratatu ziren langileak.

III.2.6.- Eusko Trenbideak-Ferrocarriles Vascos, S.A.

III.2.6.1.- Kontratazioa.

- 130,8 milioi eurotan esleitutako 3 espedienteren (1., 4., eta 6. espedienteen) baldintza-agiriko esleipen-irizpideak generikoak dira eta, espediente horietan ere, esleipen-txostenean zer azpi-irizpide balioetsi den ez da zehaztu.

Ohartarazpen horri buruz, adierazi beharra dago 48/1998 Legea dela, kasu honetan, aplikatu beharreko araua. Lege horren 24. artikuluak, zehazki, honela dio:

«Lehiaketan, oro har, proposamenik onena egiten duen lizitatzaileari esleituko zaio kontratua. Eskaintzarik onena zein den erabakitzeko, kontratu batetik bestera alda daitezkeen hainbat irizpide objektibo hartuko dira kontuan, hala nola eskuratzeko edo gauzatzeko epea, erabilera kostua, errentagarritasuna, kalitatea, ezaugarri estetiko eta funtzionalak, kalitate teknikoa, ingurumenaren aldetiko kalitatea, saldu ondoko zerbitzua eta laguntza teknikoa, ordezko piezen inguruko konpromisoa, hornitzeko segurtasuna eta prezioa, eta, hala dagokionean, prezioak berrikusteko formula. Kasu horretan, aplikatu asmo dituen esleitze irizpide guztiak ezagutaraziko ditu erakunde kontratatzaileak, klausulen agirian edo lehiaketarako iragarkian. Irizpide horiek, ahal dela, garrantzi handienekoetatik gutxienekoetara adieraziko dira».

Arau horrek ez dio derrigorrezkoa denik lehiaketa esleitzerakoan baloratu behar diren irizpideen haztapena baldintza-agirian adieraztea; nahikoa da horien definizioa jasotzea. Fiskalizatutako kontratuetan, esaterako, halaxe egin da.

III.2.6.2.- Beste batzuk.

- Iruña Okako Beleia arkeologia-indusketaren emakida duen sozietatearekin lankidetza kulturalerako hitzarmena izenpetu zuen Sozietateak 2001eko apirilaren 27an. Hitzarmen horren bidez, aipatutako kultura-proiektu hori finantzatzen laguntzen du Sozietateak. 10 urterako izenpetu zen hitzarmen hura, 3,7 milioi eurotan guztira. Epaitegi honek, bidenabar, 2001eko ekitaldiko erakunde publikoen kontuei buruzko txostena egin zuen. Txosten hartan ondorioztatu zen, hain zuzen, hitzarmen horrek ez duela loturarik ET-FV S.A. enpresak gauzatu beharreko zerbitzu publikoarekin.

2008ko ekitaldian, kultura-proiektu horrek porrot egin ondoren, ordaintzeari utzi dio sozietate emakidadunak. 2008ko abenduaren 31ra bitarte, 2,2 milioi euro ordaindu zituen guztira ET-FV S.A. enpresak.

Goian aipatutako lankidetza-hitzarmen hori izenpetu zenetik ordaindutako zenbateko guztiak berreskuratzeko asmoz, hainbat prozedura judizial -zigor-arlokoak nahiz arlo zibilekoak- jarri ditu EuskoTren-ek. Zigor-arloko prozedurak ezetsi egin dira; eta Arabako Abokatuen Elkargoan hasitako arbitraje-prozedura ebazteke da oraindik.

III.2.7.- Ihobe, S.A.

III.2.7.1.- Kontratazioa.

Ondoko hau adierazi da:

- Milioi bat eurotan esleitutako 2. espedientearen baldintza-agiriko esleipen-irizpideak generikoak dira eta, espediente horretan ere, ez da zehaztu esleipen-txostenean zer azpi-irizpide balioetsi den.

- 0,2 milioi eurotan esleitutako 6. espedientearen baldintza-agirian, ez dira haztatu eskaintzak balioesteko azpi-irizpideak.

- 0,06 milioi eurotan esleitutako 5. espedienteko balioespen-txostenean ez dira behar adina arrazoitu eskaintzen parte teknikoari buruzko balioespenak.

Sektore Publikoko Kontratuei buruzko urriaren 30eko 30/2007 Legea indarrean sartu zenetik (SPKL), Ihobek hainbat jarduera gauzatu ditu kontratatzeko bere prozedurek arauetan ezarritakoa ahalik eta ondoen bete dezaten.

Hori dela eta, 2008an, Ihoberen kontratatzeko baldintza-agiri berriak onartu zirenetik, lizitazioa egitean zehaztasun handiz definitzen eta haztatzen dira eskaintzak balioesteko irizpideak eta azpi-irizpideak. Ahal den neurrian, subjektibotasuna ezabatzen saiatzen da irizpide horiek ezartzean.

Hala eta guztiz ere, ezin ekidin daiteke ingurumenaren inguruko eduki teknikoa duten zenbait lan egiteko eskaintzak balioesteko orduan nolabaiteko subjektibotasuna izatea. Subjektibotasun horrek, nolanahi ere, ez du hausten Sozietate Publiko honen kontratazio-prozesuetako lehiakortasun-printzipioa.

Bestetik, kontabilitatea, langileen kudeaketa eta kontratazioa arautzen duten printzipioen gain aztertutako alderdiek eragin handirik ez dutela deritzo Epaitegiak, eta hark iritzitakoarekin bat gatoz.

III.2.9.- SPRI, S.A.

III.2.9.1.- Kontratazioa.

- 0,6 milioi eurotan esleitutako eta SPKLaren eraginpean den espedientea ez da behin-behinekoz esleitu. Behin-behineko esleipen hori, bidenabar, lizitatzaileei jakinarazi behar zaie eta aldizkari ofizial batean edo Kontratatzailearen Profilean argitaratu beharra dago. Horrez gain, behin betiko esleipena ez da argitaratu ez EBEOn ez eta Kontratatzailearen Profilean ere.

Oraingoan ere, Euskadin ekonomia azkartzeko hitzarmenari buruzko informazio-kanpainaren bigarren fasea hainbat hedabideren bidez ezagutzera emateko kontratuei buruz ari gara.

Aurreko beste atal batean azaldutako arrazoiengatik, hizpide dugun hau ez da arautze harmonizatupean arautu beharreko kontratu bat; arautze harmonizatupean ez dauden hiru kontratu desberdin baitira. Beraz, kontratu harmonizatuei buruz SPKLk araututakoak aplikatu behar ez denez, SPRIk ez du behin-behineko esleipenik egin beharrik, ez eta kontratuaren behin betiko esleipena EBEOn edo Kontratatzailearen bere Profilean argitaratu beharrik ere.

III.2.11.- Visesa.

III.2.11.2.- Langileak.

- Aldi baterako 2 langile kontratatu dira enpresa espezializatu baten bidez, eta iragarkia jarri da haren web-orrian. Deialdia iragartzeko bideak ez du berdintasun-printzipioa beteko denik bermatzen.

Lehiaketa ireki bidez kontratatu ziren langile horiek. Deialdia Selección y Formación enpresaren web-orrian argitaratu zenez, haren berri izateko aukera izan du era horretako deialdietan interesa duen pertsona orok. Enpresa horrek, gainera, bere web-orria ezagutzera emateko iragarkiak jartzen ditu igandero aldizkarietan. Hortaz, hartan iragarkia argitaratuta, berdintasun-printzipioa bermatzen dela deritzogu. Egia da, ordea, beste hedabide batzuetan ere iragarkiak jartzearen bidez hobe bermatuko litzatekeela berdintasunaren printzipioa.

Azkenik, kontratuaren izaera eta premia direla-eta, unean uneko nahiz premiazko beharrizanak ase eta berme guztiak eskaintzen dituzten kontratazio-moduen alde egiten da, beste era batetara ez bailitzateke posible izango beharrizan horiek garaiz ebaztea.

III.2.12.- Ura Ur Agentzia.

III.2.12.1.- Langileak.

- HAEEren bidez aukeratu dira, hasiera batez, aldi baterako 2 lanpostu betetzeko langileak. Ez dira azaldu zergatik aukeratu diren lanpostua beteko duten bi langileak.

III.2.12.1 Langileak idatz-zatiari dagokionez, aldi baterako bi lanpostuetarako hautagaietako bi aukeratzeko arrazoirik eman ez dela dionean, ondoko kasu honi buruz ari da:

Beste lanposturako -kontratazioko aholkulari juridiko lanposturako- zortzi hautagairen izenak eman zizkiguten Eusko Jaurlaritzaren lan-poltsetatik. Horien guztien artean, kontratazio-gaietan jantzia zen eta eskarmentua zuen bakarra hartu genuen. Baina, egia esan, hautagai hura eta ez besterik aukeratzeko arrazoiak biltzen dituen agiririk ez dugu.

Osakidetza-Osasunaren euskal zerbitzua Zuzenbide Pribatuko Ente Publikoak aurkeztu dituen alegazioak.

II.1.2.- Osakidetza-Euskal Osasun-Zerbitzua.

2008an esleitutako 34 kontratazio-espediente aztertu ditugu, 127,8 milioi euroko zenbatekoa osatzen zutenak, eta honako gai hauek nabarmendu ditugu:

- 30 espedientetan, 119,3 milioi euroko zenbatekoan esleitutakoetan, urte anitzeko gastuaren konpromisoz esleitutako guztietan, ez da jasota geratu urte anitzeko kredituaren egiaztapenik (HAKLTBren 11. artikulua, edo 30/2007 SPKLren 93. artikulua).

Osakidetzako Kontuhartzailetza Zerbitzuak kontratazio-espedienterik gabe eskuratutako horniduren lagin bat aztertu du, eta kontratazioaren xedea zatikatuta duten horniduren erosketak kontratu txiki gisa izapidetu direla ikusi du; beraz, ez da bete publizitate- eta lehia-printzipioa. Honako hauek dira aztertutako gastuak eta hautemandako ez-betetzeak:

(Ikus .PDF)

Farmazia-Produktuak.

Alegazioak.

1.- Lehenengoa.

1.1.- Honako hau jasotzen da Kontuhartzailetza Txostenaren I. eranskinean: 192.796 mila eurokoa da 2008an Osakidetzako zerbitzu-erakundeek S.A.Pen betetako erosketa-dokumentuen guztirako zenbatekoa (esparru-kontratuak, espedientedunak eta gabeak, eta zuzeneko eskaerak).

1.2.- Era berean, txostenak adierazten du 2008an sisteman betetako erosketa-dokumentuen (zuzeneko eskaerak) zenbatekoa 41.432 mila eurokoa dela (41.259 mila euro jasotako entregak hartzen baditugu kontuan), eta sendagaien zenbatekoa 24.000 euro baino gehiagokoa dela.

1.3.- Honako hau adierazten dute datu horiek: Osakidetzako zerbitzu-erakundeek 2008an sisteman betetako 24.000 euroko zenbatekoan egindako sendagaien zuzeneko eskaeren (kodeka) guztirako bolumena 2008an sisteman betetako erosketa-dokumentuen guztirako bolumenaren (192.796 mila euro) % 21,49koa da; % 21,40koa jasotako entregak hartzen baditugu kontuan.

2.- Bigarrena.

2.1.- Txosteneko «kontuan hartutako aldietan egindako eskaeren azterketa» atalean, egindako eskaeren bolumen handiena duten bost zerbitzu-erakundeak (Gurutzeta, Donostia, Galdakao, Txagorritxu eta Basurtu) soilik aztertzen ditu Kontuhartzailetzak, eta 100.000 euro baino gehiagoko sendagai-erosketak soilik. EF horien zuzeneko eskaeren bolumena 26.200 mila eurokoa izan dela adierazten du; horietatik 45 mila euro kontratu zentralizatu bidez egindako zuzeneko eskaerei dagozkienak dira, eta 26.155 mila euro kontratu zentralizaturik gabeko eskaerei dagozkienak.

2.2.- Gai horri dagokionez, beste alderdi interesagarri batzuk ere nabarmendu nahi ditugu:

2.2.1.- Osakidetza-E.O.Z-ren zerbitzu-erakunde guztiek 170.516 mila euroko eskaerak (zuzenak eta marko-kontratuaren aurkakoak) egin zituzten 2008an aztertzen ari garen (600000-999999) espezialitate farmazeutiko guztiei dagokienez.

2.2.2.- Aztertuko bost erakundeek 151.966 mila euroko eskaerak egin zituzten 2008an aztertzen ari garen (600000-999999) sendagai guztiei dagokienez.

2.2.3.- Kontuhartzailetzaren txostenaren arabera, 38.634 mila eurokoa da aztertutako bost zerbitzu-erakundeek (Gurutzeta, Donostia, Galdakao, Txagorritxu eta Basurtu) 2008an zehar sisteman betetako 24.000 euroko zenbatekoa osatzen duten sendagaiengatiko erosketa-dokumentuen (zuzeneko eskaerak) guztirako bolumena (38.480 mila eurokoa jasotako entregak hartzen baditugu kontuan).

2.2.4.- Datu horiei jarraiki, aztertutako bost zerbitzu-erakundeek (Gurutzeta, Donostia, Galdakao, Txagorritxu eta Basurtu) 2008an zehar sisteman betetako 24.000 euro baino gehiagoko zenbatekoa osatzen duten sendagaiengatiko erosketa-dokumentuen (zuzeneko eskaerak) guztirako bolumena bost erakunde horiek 2008an egindako eskaera guztien % 25,42koa da, % 25,32koa jasotako entregak hartzen baditugu kontuan; edo, beste hitz batzuetan esanda, aztertutako zerbitzu-erakundeek 2008an egindako eskaeren % 74,58 kontratu-euskarri egokiarekin egin da, eta, beraz, legearen babesarekin. Ehuneko hori % 74,68ra igotzen da jasotako entregak hartzen baditugu kontuan.

2.2.5.- Gainera, aztertzen den laginari dagokionez Kontuhartzailetzaren txostenak adierazten duen eran -100.000 euro baino gehiagoko erosketa-bolumena duten sendagaien kodea, aipatutako bost zerbitzu-erakundeentzat (Gurutzeta, Donostia, Galdakao, Txagorritxu eta Basurtu)-, lagin horren zuzeneko eskaeren zenbatekoa 26.200 mila eurokoa da; kontratu zentralizatu baten babesean egin da horien % 0,17 (45 mila euro). Beraz, 100.000 euro baino gehiagoko erosketa-bolumena duten sendagaientzat bost erakunde horiek 2008an sisteman egindako zuzeneko eskaeren guztirako bolumena bost erakunde horiek 2008an egindako eskaeren guztirako bolumenaren % 17,21ekoa da (151.966 mila euro).

2.2.6.- Lagin horrentzat kalkulatutako ehunekoak (eskaeren % 0,17 kontratu zentralizatu baten babesean, eta % 99,83 kontratu-babesik gabe) estrapolatzen baditugu aztertutako bost zerbitzu-erakundeek (Gurutzeta, Donostia, Galdakao, Txagorritxu eta Basurtu) 2008an zehar sisteman betetako 24.000 euro baino gehiagoko zenbatekoa osatzen duten sendagaiengatiko zuzeneko eskaeren guztirako bolumenera (I. eta II. eranskinei jarraiki, 38.634 mila euro, edo 38.480 mila euro jasotako entregak hartzen baditugu kontuan), ondorioztatzen da dagokion kontratu-babesik gabe egin dela bost erakunde horiek 2008an sisteman betetako eskaeren (151.966 mila euro) % 25,38 (38.568 mila euro), edo % 25,28 (38.480 mila euro) jasotako entregak hartzen baditugu kontuan.

Ondorioa: kontratu-euskarri egoki batekin egin da, eta, beraz, legeak babeste du, aztertutako bost erakundeek (Gurutzeta, Donostia, Galdakao, Txagorritxu eta Basurtu) 2008an zehar sendagaientzat (600000tik 99999ra) (151.966 mila euro) egindako eskaeren % 74,62 (% 74,72, jasotako entregak hartzen baditugu kontuan).

3.- Hirugarrena.

3.1.- Lagin horrentzat kalkulatutako ehunekoak estrapolatzen baditugu aztertutako bost zerbitzu-erakundeek (Gurutzeta, Donostia, Galdakao, Txagorritxu eta Basurtu) 2008an zehar sisteman betetako 24.000 euro baino gehiagoko zenbatekoa osatzen duten EFengatiko zuzeneko eskaeren guztirako bolumenera (Kontuhartzailetzaren txostenaren arabera, 41.432 mila euro, edo 41.259 mila euro jasotako entregak hartzen baditugu kontuan), eskaera horien zenbatekoa 41.362 mila eurora murrizten da (41.189 mila euro jasotako entregak hartzen baditugu kontuan). Beraz, zerbitzu-erakundeek 2008an zehar EFentzat (600000tik 999999ra) egindako eskarien (170.516) % 24,26 soilik egin da dagokion kontratu-euskarriarekin (% 24,16 jasotako entregak hartzen baditugu kontuan).

Ondorioa: kontratu-euskarri egoki batekin egin da zerbitzu-erakundeek 2008an zehar sendagaientzat (600000tik 99999ra) egindako eskaeren guztirako bolumenaren (170.516 mila euro) % 75,74 (% 75,84 jasotako entregak hartzen baditugu kontuan).

4.- Laugarrena.

4.1.- Laginarentzat kalkulatutako ehunekoak estrapolatzen baditugu Kontuhartzailetzak haren txostenean (I. eranskina) azaldutako datura, 2008an Osakidetzako zerbitzu-erakundeek S.A.Pen betetako erosketa-dokumentuen (esparru-kontratuak, espedientedunak eta gabeak, eta zuzeneko eskaerak) guztirako zenbatekoari buruzkora (192.796 mila euro), % 21,45era murrizten da zerbitzu-erakunde guztiek 2008an zehar 24.000 euro baino gehiagoko zenbatekoa osatzen duten sendagaiengatik sisteman egindako eskaeren ehunekoa (% 21,36 jasotako entregak hartzen baditugu kontuan).

Ondorioa: kontratu-euskarri egoki batekin egin da 2008an zehar Osakidetzako zerbitzu-erakundeek S.A.Pen betetako erosketa-dokumentuen (esparru-kontratuak, espedientedunak eta gabeak, eta zuzeneko eskaerak) guztirako bolumenaren (192.796 mila euro) % 78,55 (% 78,64 jasotako entregak hartzen baditugu kontuan).

5.- Bosgarrena.

5.1.- Kontuhartzailetzak haren txostenean (I. eranskina) emandako datuaren arabera, 2008ko espedientedun esparru-kontratuen zenbatekoa 136.900 mila eurokoa da, hau da, % 21,40ko igoera 2007ko datuarekin alderatuta (112.772 mila euro).

5.2.- 2008an zehar, espedientedun esparru-kontratuen zenbatekoa (136.900 mila euro), Osakidetzaren gastu farmazeutiko osoaren (173.301 mila euro) % 79koa izan zen; 2007an, berriz, % 72,94koa.

Ondorioa: 2008an zehar, eta aurreko urtearekin alderatuta, % 21,40 handiagotu da espedientedun esparru-kontratuen zenbatekoa, beraz, Osakidetzak gero eta sendagai gehiago erosten ditu kontratu-euskarriarekin.

Gainerako Produktuak:

Alegazioa.

Obren atalean, maiztasun handirik gabe egin diren konponketek eragin dituzte gastu guztiak; eraikineko egiturazko akatsak (itoginak, buxatutako erretenak, erortzeko arriskuan zeuden terrazak, etab.) konpontzeko egin behar izan dira. Zenbatekoak ez zuen baimendutako gehienezko zenbatekoa gainditzen.

Langile gehiago sartu zirela eta, espazioak birmoldatu behar izan zirelako erosi ziren altzariak. Langile gehiago sartu zirenez denbora laburrean, ezin izan zen aginduzko espedientera jo.

III.1.- Osakidetza-Euskal Osasun-Zerbitzua.

III.1.1.- Kontabilitate-Kudeaketa.

Rappelengatiko diru-sarrerak.

2008ko ekitaldia ixtean, 0,05 milioi euroko estimazio bat erregistratu da, produktu farmazeutikoei dagokiena. 11/2004 Jarraibideak, abenduaren 21ekoak, eskudiruzko rappelen prozedura arautu bazuen ere, ez dira behar beste kontrolatzen dirutan edo salgaietan, erosketengatiko rappelen kontzeptuan, kobratu beharreko zenbatekoak, sendagaien hornidurako kontratuetan batez ere.

Mota horretako diru-sarrerak automatikoki erregistratzeko prozesu bat sartu behar da «SAP» kudeaketa-sisteman, horien jarraipena, kontrola eta kontabilitate-erregistroa egin ahal izateko behar bezala.

Alegazioa.

Gaur egun, rappelen kontzeptuan sortutako zenbatekoen jarraipenari dagokionez, farmazia-sailetik egiten da, batez ere, zenbateko horren jarraipena.

III.1.2.- Ibilgetua.

Uneko ibilgetua.

Kontu horren saldoak, 70,1 milioi eurokoa denak, barne hartzen ditu epigrafe honen pean duela urtebete baino lehenago kontabilizatutako erosketak, 25 milioi euro baino gehiagokoak. Zenbateko horren barruan sartzen dira dagoeneko instalatuta, funtzionatzen edo hornitzailearen biltegietan dauden ondasunak, 12,4 milioi eurotan.

Egoera horiek, urtero errepikatzen direnak, aldizkako kontrol bat eskatzen dute, bai eta ekitaldi amaierako azterketa bat ere, uneko aktiboei dagozkien zenbatekoak soilik jaso ahal izateko.

Alegazioa.

Gaur egun prozesua hobetu da, Aurrekontuen Zuzendariordetzak indarrean dauden elementuen kontrola eta jarraipena gauzatzen baititu.

III.1.3.- Izakinak.

Inbentarioak.

Ekitaldiaren itxierako inbentarioetan, zenbait diferentzia, zenbateko txikikoak, hauteman dira biltegi batzuetan, bai periferikoetan, bai eta SAPen integratutakoetan ere. Sarrera- eta irteera-mugimenduak erregistratzeko prozedurak urritasunak dituela adierazten du horrek.

Biltegi periferikoak.

SAPen integratu gabeko biltegi horietako izakinen zenbatekoa 3,2 milioi eurokoa da, hau da, erakundearen guztirako izakinen % 9 gutxi gorabehera.

Produktuak txandakatzea.

Ez dago irizpide zehatzik biltegietan zer stock-maila eduki behar den azaltzen duenik. Desberdintasun handiak daude zentroen, biltegien eta produktu-moten artean. Hobeki kontrolatzen dira produktu farmazeutikoak; gainerako produktuak, berriz, ez oso ongi.

Biltegietako izakinetara zuzendutako baliabideak modu eraginkorragoan kudeatzeko, eta biltegi periferikoak SAP sisteman sartzen joateko pixkanaka, komenigarria litzateke erakundeko zuzendaritzak oinarrizko jarraibide batzuk ezartzea erakunde guztientzat.

Alegazioa.

Dagoeneko hasi gara pixkanaka biltegi periferikoak SAP sisteman sartzen eta kutxa bikoitzeko metodoa ezartzen.

III.1.4.- Jasotzeko Dauden Fakturen Hornitzaileak.

Kontu horren saldoak, 91,9 milioi eurokoak, aurreko urteetako partidak ere barne hartzen ditu, batzuk duela bost urte baino gehiagokoak, zenbateko txikia dutenak, eta beste batzuk duela urte bat eta bost urte artekoak, 5,8 milioi euroko zenbatekoan.

2005ko abenduaren 1eko 5. jarraibideak hori arautzen badu ere, eta hilabete bat baino gehiagoko fakturak edukitzeak zentzurik ez duela adierazten badu ere, horrelako egoerak sortzen dira oraindik ere; kontabilitate-itxieran urritasunak daudela adierazten du horrek.

Alegazioa.

Aldizka berrikusten da erregistro horien jatorria. Enpresa hornitzailea da arduradun nagusia, hark ematen duelako faktura, eta fakturarik gabe ezin delako erregistroa egin.

III.1.5.- Kontabilitate-Itxiera.

Kontabilitatean zenbatu gabeko eta 2008ko abenduaren 31n hautemandako doitzeek eta birsailkapenek 2,6 milioi euroko sarrera garbi gehigarria dakarte. Langile finkoen lanbide-garapenagatiko gehiegizko hornidurak eragin ditu horietatik 2,5 milioi euro, pertsonal ez-sanitarioaren esparruan batez ere.

Lan-erreklamazioek eragindako horniduren kalkuluari dagokionez, ez dago uniformetasunik hornidura-irizpidean, ez eta zentroetako langile-sailen eta aholkularitza juridikoko zerbitzuen arteko behar adinako koordinaziorik ere, ekitaldia ixtean indarrean dauden espedienteen egoera erregistratu ahal izateko.

Irizpide homogeneoak eta kuantifikatzeko datuak behar dira ekitaldi itxierako kontabilitate-saldoak modu egokian eta garaiz estimatu ahal izateko; beraz, kontabilitate-itxiera hori gauzatzeko behar diren datuak eskuratzeko prozedura normalizatu bat ezartzea gomendatzen da.

Alegazioa.

Adostu zen aholkularitza juridikoak eta langile-sailak 2009ko ekitaldia itxi baino lehenago egiaztatuko dutela aurrez garrantzitsutzat ezarriko diren zenbatekoak gainditzen dituzten auzien bat-etortzea.

III.1.6.- Administrazio-Kontratazioa.

2008an 127,8 milioi euroko zenbatekoan esleitutako 34 kontratazio-espediente aztertu ditu epaitegiak. Honako hauek dira hautemandako urritasun nabarmenenak:

- 19 espedientetan, 75,1 milioi euroko esleitutako zenbatekoa dutenetan, ez da jaso baldintza-agiriei buruzko txosten juridikoa (HAKLTBren 49. artikulua, edo 30/2007 SPKLren 99.6. artikulua).

Alegazioa.

Ez da derrigorrezkoa txosten juridiko bat sartzea espedientean baldintza-orriak onartzeko, aurrez jakinarazitako baldintza-orrien eredu baten arabera egin badira.

Eredu-txostena aurkezten da, 2008ko ekainaren 3koa. 1. DOK.

- 17 espedientetan, 54,7 milioi euroko zenbatekoa osatzen dutenetan, kontratazio-organoak ez ditu baldintza-orriak izenpetu (kontratuen araudiaren 71. artikulua).

Alegazioa.

Gastua eta espedientea onartzen dituen kontratazio-organoaren ebazpenak baldintza administratiboen eta oinarri teknikoen orria onartzea dakar gainera.

- 12 espedientetan, 26,6 milioi euroan esleitutakoetan, ez da arrazoitzen zergatik hautatu diren esleipen-irizpideak (30/2007 SPKLren 93.4. artikulua).

Alegazioa.

Oro har, espediente bakoitzerako ezarritako esleipen-irizpideek eta horien haztapenak lotura dute kontratatu behar den objektuarekin. Horiek ezartzearen xede nagusia da egoera bakoitzean administrazioarentzat ekonomikoki onuragarriena den eskaintza lortzea.

- 12 espedientetan, 48,7 milioi euroan esleitutakoetan, behar bezala arrazoitu gabeko esleipenerako irizpideak eta azpi-irizpideak balioesten dira (HAKLTBren 86. artikulua, edo 30/2007 SPKLren 134. artikulua).

Alegazioa.

Oro har, behar bezala egiaztatuta eta arrazoituta dago alderdi tekniko bakoitzari emandako balioespena. Organo informatzaileak balioesten ditu alderdi teknikoak, egoera bakoitzean ezarritako esleipen-irizpideei jarraiki lizitatzaileek aurkeztutako dokumentazio teknikoa aztertu ondoren.

Oro har, eta espediente eztabaidagarrientzat emandako eta egindako esleipenen oinarritzat balio duten txosten teknikoak ikusi ondoren, iruditzen zaigu guztietan behar adina balioetsi direla, eta horietako bakoitzari emandako haztapenaren arabera, karatulei dagokien puntuan ezarritako esleipen-irizpide guztiak; beraz, esleipenaren oinarri den arrazoibidea «nahikoa» dela uste dugu.

- Sei espedientetan, 29,2 milioi euroan esleitutakoetan, baldintza-orrian aurreikusi gabeko azpi-irizpideak balioesten ditu esleipen-txostenak, eta beste lautan, 15,6 miloi euroan esleitutakoetan, baldintza-orrian aurreikusitako baina aurrez haztatu gabeko azpi-irizpideak balioesten dira. (HAKLTBren 86. artikulua edo SPKLren 134. artikulua).

Alegazioa.

Oro har, esan behar dugu dagozkien baldintza-orrian ezarritako irizpideekin lotutako azpi-irizpideak balioetsi direla txostenetan, eta horiek erabiltzeak ez duela esan nahi ezarritako esleipen-irizpideak bete ez direnik, eta ez duela diskriminaziorik eragin parte hartu duten lizitatzaileengan.

Askotan, amaierako puntuazioa emateko kontuan hartutako xehetasunak azaltzen dira, xehetasunez azaldu nahi delako zer alderdi hartu diren kontuan amaierako balioespena egiterakoan.

Asmoa ez zen azpi-irizpideak ezartzea, lizitatzaileen arteko puntuazio-desberdintasunak azaltzea baizik.

Aurrez esandakoa eragotzi gabe, gertakari hori KEBren txostenetan behin baino gehiagotan agertzen dela ikusita, administrazio honek neurri egokiak abiarazi ditu kontratuen lege berria (30/2007 Legea) indarrean sartu zenetik aurrera izapidetutako espedienteentzat, lizitazioan bertan aurrez ezarri gabeko azpi-irizpiderik ez erabiltzeko ahal den neurrian.

- Bost espedientetan, 4,1 milioi euroan esleitutakoetan, txosten teknikoak ez du arrazoitzen irizpideei iritzien bidez emandako balioespena.

Alegazioa.

Lehen ere esan dugun eran, oro har, behar bezala egiaztatuta eta arrazoituta dago alderdi tekniko bakoitzari emandako balioespena. Organo informatzaileak balioesten ditu alderdi teknikoak, egoera bakoitzean ezarritako esleipen-irizpideei jarraiki lizitatzaileek aurkeztutako dokumentazio teknikoa aztertu ondoren.

- Kateter periferiko laburrak, benabarneko infusiorako ekipamenduak eta erauzketa-ekipamenduak hornitzeko espedientean, hiru milioi euroan esleitutakoan, ez zen arrazoitu behin betiko bermea zergatik eman zen (30/2007 SPKLren 31. artikulua) eta behin-behineko esleipenerako ebazpena epez kanpo eman zen (30/2007 SPKLren145.2. artikulua).

Era berean, bi esleipendunen kontratuak aldatu ziren interes publikoko eta/edo aurreikusi gabeko arrazoiak azaldu gabe, eta baldintza-orrian aurreikusi gabe. Gainera, horietako batean, aldatutako elementua espresuki baztertua izan zen lizitazio-epean ez zituelako betetzen aurkezpen-baldintzak (30/2007 SPKLren 202. artikulua).Beste aldaketan, ez da arrazoitzen zergatik parekatzen diren beheratutako prezioa eta aurrez eskainitako hobekuntza, eta horrek kontratuaren guztirako prezioa handiagotzea ekar dezake.

Alegazioa.

Aztertzen ari garen espedientean ez da sailkapenik eskatzen, ez delako derrigorrezkoa. Horren ordez, kaudimen ekonomiko, finantzario eta tekniko egokia egiaztatzea eskatzen da.

Behin betiko bermea: ez da eskatzen, ondasun kontsumigarrien hornidurarako kontratu bat baita. Prezioa ordaindu baino lehenago jaso eta entregatu behar da hori, SPKLren 83.1. artikuluaren arabera.

Aldaketak:

Interes publikoko arrazoiei jarraiki, osasun-erakunde batek behar bezala funtziona dezan elementu berriak sartu behar dira, ospitale-jardueran sor daitezkeen beharrei erantzuteko.

a) Administrazio-baldintza berezien orriaren 28.1. puntuan, VII. atalean, azaltzen da kontratuak aldatu egin ahal izango direla interes publikoko eta/edo aurreikusi gabeko arrazoiak direla eta.

b) Vacuetteren kontratuko laugarren sortako aldaketak esleitutako oinarrizko eskaintzari egiten dio erreferentzia, eta ez lehenengo aldagaiari, hori lizitaziotik kendua izan baitzen ez zuelako eskaintzarik egin sorta horretarako lizitatutako bi artikuluentzat.

c) B. Braun Medicalen kontratuko bigarren sortaren aldaketa.Beheratutako prezioaren eta aurrez eskainitako hobekuntzaren parekatzea azaltzen da jarraian:

(Ikus .PDF)

B. Braunek 83,9 euro/100 unit. (BEZ gabe) prezioa eskaini zuen 1.280.600 unitaterentzat.Eskaintzaren zenbatekoa: 1.074.423,40 euro (BEZ gabe).

Bigarren sorta esleituz gero, enpresak 361.800 unitate emango zituen kargurik gabe - > Unitateak guztira: 1.642.400.

Eskainitako zenbatekoa zatitzen badugu guztirako unitate-kopuruarekin (doakoak barne), 0,6542 euroko (BEZ gabe) prezioa kalkulatzen dugu unitateko.

1.074.423,40 / 1.642.400 = 0,6541 euro/unit -> 65,41 euro /100 Unit (Prezioa BEZ gabe).

Beheratutako prezioa BEZ barne: 65,41 * 1,07 = 69,98 euro/100 unit (prezioa borobildu egin zen 70 euro/100unit-era).

Uste dut arrazoituta geratzen dela zergatik aukeratu dugun prezio-beherapena doako unitateen ordez (kontrolatzen askoz ere zailagoa da).

Kontratu-aldaketaren memorian, 1.280.628,17 euro (BEZ barne) 1.196.848,76 euro (BEZ gabe) kontratu-zenbatekoak aipatzen dira, bigarren sortaren lizitazioko aurrekontuari dagozkionak.

Amaierako gertakariak kateter periferiko laburrak, benabarneko infusiorako ekipamenduak eta erauzketa-ekipamenduak hornitzeko espedienterako:

a) Ez da jasota geratu urte anitzeko krediturik dagoenik.

Material suntsikorra hornitzeko kontratu bat denez, eta segidako traktukoa, ez da derrigorrezkoa urte anitzeko kreditua dagoela ziurtatzea.

Ildo horretatik, honako hau azaltzen du baldintza-orriko karatulako 9. puntuak:

SPKLren 26. artikuluan xedatutako ondorioetarako, Osakidetzak behar diren zuzkidurak dauzka kontratutik eratorritako gastuei aurre egiteko.

d) 20. e. i) artikuluko baldintzei buruzko ardurapeko aitorpena falta da.Ez da jaso zerga-betebeharrak eta betebehar sozialak bete direnik.

Osakidetzako Kontuhartzailetza Zerbitzuak 522 espedienteko lagin bat aztertu du; erakundeko 30 zerbitzu-erakundeetako 22k esleitu zituzten espedienteak 210 milioi euroko zenbatekoan. Honako hauek dira hautemandako urritasun nagusiak:

Lizitazio-fasea.

- Bost espedientetan, 22,2 milioi euroan emandakoetan, kontratu-xedearekin loturarik ez duten esleipen-irizpideak jasotzen ditu AKBOak, hala nola, lizitatzaileen kaudimen teknikoa edo profesionala (SPKLren 134.1. artikulua).

Aurreko atalean azaldutakoa errepikatzen dugu.

- 20 espedientetan, 25,5 milioi euroan esleitutakoetan (horietatik, 18,7 milioi euroan esleitutako zazpi zerbitzu zentraletakoak dira), baldintza-orrian bermea salbuesten da arrazoirik eman gabe (SPKLren 83.1. artikulua); eta 11,9 milioi euroan esleitutako beste 12tan, berme-epea salbuesten da arrazoirik eman gabe (SPKLren 205.3. artikulua).

Aurreko atalean azaldutakoa errepikatzen dugu.

- 34 espedientetan, 21,1 milioi euroan esleitutakoetan, ez da arrazoitu proiektuaren eta haren exekuzioaren baterako kontratazioa (SPKLren 108.1. artikulua).

Alegazioa.

Oro har, bai memorietan, bai eta baldintza teknikoen orrietan ere, nahikoa arrazoi azaltzen dira proiektuaren eta haren exekuzioaren kontratazio bateratua egiteko. Betiere, lana behar bezala gauzatzeko arrazoi teknikoekin eta segurtasunekoekin lotuta daude. Arrazoi horiek direla eta, obra gauzatzeko proiektuak lotura izan behar du enpresa kontratatzailearekin.

- 47 espediente, 55,3 milioi euroan esleitutakoak, ez daude juridikoki espresuki jakinarazita (SPKLren 99.6. artikulua).

Aurreko atalean azaldutakoa errepikatzen dugu.

- Zortzi espedientetan, prozedura negoziatu bidez 1,1 milioi euroan esleitutakoetan, ez da arrazoitzen zergatik hautatu den prozedura hori (SPKLren 93.4. artikulua).

Alegazioa.

Oro har, espediente bakoitzeko memorietan eta ebazpenetan arrazoitzen da zergatik aukeratu den egoera bakoitzean prozedura jakin bat.

- 101 espedientetan, 75,6 milioi euroan esleitutakoetan, ez da arrazoitzen zergatik hautatu diren esleipen-irizpideak (SPKLren 93.4. artikulua).

Aurreko atalean azaldutakoa errepikatzen dugu.

- 18 espedientetan, 25,5 milioi euroan esleitutakoetan, aditu-batzordearen amaierako ebaluazioa falta da, eta milioi bat euroan esleitutako lautan gaizki eratuta dago (SPKLren 134.2. artikulua).

Alegazioa.

Ez gatoz bat ondorio horrekin; izan ere, atal honetan jasotako balioespen-irizpideak kuantifikatzerakoan, kontuan hartzen da lehiaketaren xede diren ekipamenduek prestazio jakin batzuk betetzen dituzten edo ez. Edonola ere, iritzietan oinarritutako irizpideen araberako haztapenak ez du gainditzen % 50, ehuneko hori ezartzen baita aditu-batzorde bat behar izateko.

Esleipen-fasea.

- 33 espedientetan, 12,7 milioi euroan esleitutakoetan, ez da arrazoitzen zergatik proposatu den esleipen jakin bat (SPKLren 137. artikulua).Horien artetik, sei milioi euroan esleitutako bost espediente zerbitzu zentraletakoak dira.

Aurreko ataletan azaldutakoa errepikatzen dugu.

- 13, 6 milioi euroan esleitutako 24 espedientetan, behin behineko esleipena aldizkari ofizialean edo kontratatzailearen profilean argitaratzea falta da (SPKLren 135.3. artikulua).

Alegazioa.

Behin-behineko esleipena, izatekotan, kontratatzailearen profilean argitaratu behar da, baina ez da derrigorrezkoa aldizkari ofizialean argitaratzea, orokorrak diren kasu guztietan gertatzen den eran.

- Lizitatzaileei ez zaie jakinarazi behin-behineko esleipena 10 espedientetan, 5,7 milioi euroan esleitutakoetan, ez eta behin betiko esleipena ere 30,6 milioi euroan esleitutako 22 espedientetan (SPKLren 135.3. eta 137.1. artikulua).

Alegazioa.

Oro har, modu egokian eta garaiz jakinarazten dira esleipenak.

- Lau espedientetan, 2,1 milioi euroan esleitutakoetan, baldintza-orrian agertzen ez diren irizpideak erabiltzen dira (SPKLren 134. artikulua).

Aurreko ataletan azaldutakoa errepikatzen dugu.

- 22 espedientetan, 7,3 milioi euroan esleitutakoetan, aurreikusitako legezko data gainditzen da irekitze-datatik (SPKLren 145. artikulua).

Alegazioa.

Kasu horietan, kontratatu behar den xedea eta iritzietan oinarritutako irizpideak konplexuak direnez, ezin dira esleipenak egin 145. artikuluan xedatutako epeetan.

Dokumentazioa.

- Lizitazio-fasean eta ziurtagiri bidezko egiaztatzean, 9,3 milioi euroan esleitutako bederatzi espedientetan, ez da jaso kontratatzailearen ardurapeko adierazpenik kontratatzeko debekurik ez duela adierazten duenik, ez eta esleipen-fasean ere 46 milioi euroan esleitutako 38 espedientetan (SPKLren 130.3. artikulua).Era berean, 6,8 milioi euroan esleitutako 16 luzapen-espedientetan ere ez da horrelako adierazpenik jaso (HAKLTBren 79.2. artikulua).

- Hasierako 22 espedientetan eta luzapeneko 13tan, 10,1 eta 2,9 milioi euroan esleitutakoetan hurrenez hurren, ez da egiaztatu zerga-betebeharrak bete direnik; eta hasierako 12 espedientetan eta luzapeneko bederatzitan, 10,2 eta 2,6 milioi euroan esleitutakoetan hurrenez hurren, ez da egiaztatu betebehar sozialak bete direnik (SPKLren 135.4. artikulua eta HAKLTBren 79.2. artikulua).

Alegazioa.

Atal hauetarako KEBen txostenari alegatutakoa errepikatzen dugu.

- Aztertutako Donostiako Ospitaleko 12 espedientetan, 1,7 milioi euroan esleitutakoetan, agertzen den sinadura-eskuordetzea eskumen-ordetze bat da praktikan, eta, beraz, aldizkari ofizialean argitaratu izan behar litzateke, 3019/92 Legearen 13. artikuluari jarraiki. Espediente horietan lanean diharduen kontratazio-organoak onartutako jarduera guztiei eragiten die alderdi horrek.

Luzapenak.

- 16 espediente negoziatutan, 5,1 milioi euroan esleitutakoetan, hasierako baldintzak mantentzen direnaren ziurtagiria falta da (HAKLTBren 75. artikulua).

Alegazioa.

Memorietan nahikoa egiaztatzen da kasu bakoitzean prozeduraren hasierako arrazoia mantentzen dela.

- 15 espedientetan, 3,1 milioi euroko esleitutako zenbatekoa dutenetan, luzapen-kopuruak ezarritako gehienezkoa gainditzen du (HAKLTBren 94. artikulua).

Alegazioa.

Oro har, memorietan adierazten da kontratua gauzatzen jarraitu behar dela ospitaleen laguntza-beharrak asetzeko espediente berri bat esleitzen den arte.

- Lau aldaketa-espedientetan, 7,2 milioi euroan esleitutakoetan, adostutako gehikuntzak gobernu-kontseiluaren akordioak ezarritako gehienezkoa gainditzen du.

Alegazioa.

Gobernu-kontseiluaren akordioak, 2008ko kontratuentzat gehienezko gehikuntza baimentzen duenak, aurten indarrean egongo diren luzapen-kontratuei soilik egiten die erreferentzia, eta ez kontratu-aldaketei.

Osakidetzako Kontuhartzailetza Zerbitzuak 46 kontratazio-espedienteren exekuzio-faseak aztertu ditu bederatzi erakundetan. Jarraian azaltzen da banakapena:

(Ikus .PDF)

Honako hauek dira hautemandako urritasun nagusiak:

Obra-espedienteak.

- Organo eskumendunaren segurtasun- eta osasun-plana onartzea falta da aztertutako 14 espedienteetatik 11tan, 27,4 milioi euroan esleitutakoetan, eta horietako lautan, milioi bat euroan esleitutakoetan, kontratistak aurkeztu ere ez du egin. Gainera, 0,5 milioi euroan esleitutako hiru espedientetan ez da jasota geratu obraren zuzendariak edo koordinatzaileak plan hori onartu duenik (1627/1997 EDren 7. artikulua).

Alegazioa.

Eraikuntza-obren gutxieneko segurtasun- eta osasun-xedapenak ezartzen dituen urriaren 24ko 1627/1997 Errege Dekretuaren 7.2. artikuluak xedatzen du herri-administrazioen obretan obra esleitu duen herri-administrazioak onartu beharko duela segurtasun- eta osasun-plana, koordinatzailearen txostenarekin batera.

Beraz, agindu horrek ez du adierazten kontratazio-organoak onartu behar duenik segurtasun- eta osasun-plana. Gainera, gure ustez, egokiagoa da izapide hori dagokion obra-kontratuaren esleipendun den administrazioari atxikita dagoen proiektuak gainbegiratzeko bulegoak onartzea (daukan izaera dela eta).

- Urte anitzeko gastua duten bi espedientetan, 16,6 milioi euroko zenbatekoan esleitutakoetan, eta 8,5 milioi euroan esleitutako lautan, ez da jasota geratu lan-programa aurkeztu denik edo hori ez dago ondo osatuta, hurrenez hurren. 1,1 milioi euroan esleitutako espediente batean, lan-programa berrikustea falta da, urtekoak berregokitu direlako (HAKLAOren 144.1. eta 96.3. artikulua).

Alegazioa.

Araudiko 144.1. artikuluak xedatzen du kontratistak aurkeztu behar duela lan-programa Administrazio Baldintza Berezien Orriak hala aurreikusten badu, eta obra urtebetez baino gehiagoz exekutatuko dela aurreikusita badago. Ulertzen da bi baldintza horiek gertatu behar direla kontratistari lan-programa eskatzeko.

Puntu horri dagokionez, lehen azaldutako II.1.2. eta III.1.6. ataletan esandakoa errepikatzen dugu, lan-programa eta planinga (Gantten diagrama) aurkezteari dagokionez.

- Hiru espedientetan, 0,6 milioi euroko esleitutako zenbatekoa dutenetan, ez da jaso zuinketa egiaztatzeko aktarik, eta 0,02 milioi euroan esleitutako batean epez kanpo egin zen (SPKLren 212. artikulua).

Alegazioa.

Baieztapen horri dagokionez, esan behar dugu, oro har, obra-espediente guztietan jaso dela aurretiko zuinketa-akta.

Era beran, oro har, dagokion udal-baimena eskuratu ostean hasten dira obrak gauzatzen.

- Sei espedientetan, 1,4 milioi euroan esleitutakoetan, ez da jaso amaierako ziurtagiria, eta horietako lautan, 0,7 milioi euroan esleitutakoetan, ez dira hilerokoak (SPKLren 215.1. artikulua).

Alegazioa.

Arkitektura eta ingeniaritzako zuzendariordetzan, hasieran aurreikusitakoaren eta amaierako neurketaren artean desberdintasunak zeudenean soilik egiten ziren amaierako ziurtagiriak.

KEBren jarraibideak betetzeko, jarduteko modu hori zuzendu da, eta orain espediente guztietan ematen dira amaierako ziurtagiriak.

- 23,8 milioi euroan esleitutako lau espedientetan, ziurtagiri partzialei eta amaierako ziurtagiriei dagozkien fakturetan, ez da jasota geratu kontratazio-organoa ados dagoenik (SPKLren 215.1. artikulua).

Alegazioa

Adierazi nahi dugu ulertzen dugula baimena inplizituki ematen dela kontratazio-organoak faktura horiek ordaintzeko agindua ematen duenean.

- Bi espedientetan, 1,9 milioi euroan esleitutakoetan, ez da aplikatu esleipen-koefizientea obra-ziurtagirietan (SPKLren 215.1. artikulua).

Alegazioa.

Oro har, obra-kontratu guztietan aplikatzen da esleipenaren baja ziurtapenen ordainketan.

KEBek txosten batzuetan adierazi du aplikazioaren baja ez zela behar bezala gauzatzen, enpresa kontratatzaileak ez zuelako segurtasunaren eta osasunaren kapitulua kontuan hartzen haren eskaintzan, hori zero balioarekin exekutatzen eta ziurtatzen bazen ere.

- 5,8 milioi euroko zenbatekoan esleitutako espediente batean, konturako abonuak egin dira material-pilaketagatik organo eskumendunaren baimenik gabe, eta, gainera, pilatutako materialen hasierako kostuaren % 75 gainditu dute (HAKLAOren 155.1. eta 3. artikulua).

Alegazioa.

Horri dagokionez, guk ulertzen dugu kontratazio-erakundeak bilketa horiek ordaintzeko agindua ematen duenean baimen inplizitua ematen duela, eta, aseguramenduari dagokionez, espedientean jaso da eskatutako bermea (horien kopia aurkezten da).

- Bi espedientetan, 16,6 milioi euroan esleitutakoetan, guztirako azpikontratazioak edo partzialak gauzatu dira esleipenaren % 60 gainditzen dutenak; ehuneko hori da AKBOk ezartzen duen gehienezko ehunekoa (SPKLren 210. artikulua).

Alegazioa.

Kasu batzuetan, obra-kapitulu zehatzetan gainditzen da azpikontratazioen % 50eko muga, eta ez esleipenaren guztirakoan.

- Lau espedientetan, 0,7 milioi euroan esleitutakoetan, ez da jaso harpen-aktarik (SPKLren 205.2. artikulua), eta horietako bik ezarritako exekuzio-epea gainditu dute (SPKLren 218.1. artikulua).

Alegazioa.

Oro har, obrak kontratatzeko espediente guztietan jasotzen dira harpen-aktak, arkitektura eta ingeniaritzako zuzendariordetzako teknikoek ematen dituztenak, edo xede-zentroak lantzen dituenak. Dokumentu horiek jasotzen dute espediente-zenbakia, esleipendunaren izena, xedearen deskribapena eta esleitutako zenbatekoa.

Gainera, kontratatutako obraren faktura jaso (ezin da horrelakorik gertatu esleipendunak ematen ez badu) eta harpen-akta jaso ostean egiaztatzen dira fakturak.

- Urte anitzeko gastua duten hiru espedientetan, 2,5 milioi euroan esleitutakoetan, ez dira urtekoak egokitu, eta beharrezkoa zen hori egitea espedientearen exekuzioan aldaketak egon direlako aurreikusitakoari dagokionez (HAKLAOren 96.1. artikulua).

Alegazioa.

Urte anitzeko obretan soilik berregokitzen dira urtekoak. Urte bakoitzean egiaztatutako obraren arabera ordaintzen dira zuzendaritzaren ordainsariak.

Laguntza teknikoko espedienteak.

- Aztertutako bi espedienteetan, 5,1 milioi euroan esleitutakoetan, oinarrizko proiektuak osatu gabe daude, ez da exekuzio-proiekturik jaso eta aurreikusitako exekuzioa berandutu da (SPKLren 205.1. artikulua). Gainera, baldintza-orriaren arabera, kontratua behar bezala exekutatu denaren egiaztapena falta da (HAKLAOren 203.2. artikulua).

Alegazioa.

Oro har, laguntza teknikoa kontratatzeko espediente guztietan, harpen-akta ematen du kontratuaren hartzaileak. Espediente-zenbakia, esleipendunaren izena, xedearen deskribapena eta esleitutako zenbatekoa jasotzen ditu dokumentu horrek.

- Espediente batean, 1,3 milioi euroko zenbatekoan esleitutakoan, ez dago lanen harpen-aktarik (SPKLren 205.2. artikulua).

Alegazioa.

Oro har, laguntza teknikoa kontratatzeko espediente guztietan, harpen-akta ematen du kontratuaren hartzaileak. Espediente-zenbakia, esleipendunaren izena, xedearen deskribapena eta esleitutako zenbatekoa jasotzen ditu dokumentu horrek.

Gainera, egindako lanen faktura jaso (ezin da horrelakorik gertatu esleipendunak ematen ez badu) eta harpen-akta jaso ostean egiaztatzen dira fakturak.

Hornidura-espedienteak.

- 44 espedientetan, 8,4 milioi euroko zenbatekoan esleitutakoetan, ez dago ondasunen harpen-aktarik (SPKLren 205.2. artikulua); hiru milioi euroan esleitutako zazpitan, identifikatu gabeko pertsona batek izenpetzen du (SPKLren 268. artikulua); 0,5 milioi euroan emandako lautan osatu gabe dago; 0,2 milioi euroan emandako batean ondasunak eman aurrekoa da; eta 0,1 milioi euroan emandako batean esleipena baina lehenagokoa da (SPKLren 196. artikulua).

Alegazioa.

Oro har, hornidura-espediente guztietan, harpen-akta ematen du kontratuaren hartzaileak. Espediente-zenbakia, esleipendunaren izena, xedearen deskribapena eta esleitutako zenbatekoa jasotzen ditu dokumentu horrek.

Gainera, dokumentuko data transkribatzerakoan akatsik egin ez bada behintzat, ezinezkoa da harpen-data ondasunak eman aurrekoa izatea, eta are ezinezkoagoa esleipena baino lehenagokoa izatea.

- 5,6 milioi euroan esleitutako bederatzi kontratutan, ez da bete ezarritako entrega-epe partziala; horien artetik, milioi bat euroan emandako lautan ez da zehazten zer ondasun entregatu diren, eta 4,3 milioiz emandako bitan ez da jaso entrega partzialaren ziurtagiririk (SPKLren 268.1. artikulua).

Laguntza teknikoko kontratuentzat esandakoa errepikatzen dugu.

- Zortzi kontratutan, 5,7 milioi euroan emandakoetan, entrega hornitzailearen biltegietan egin da, modu okerrean, administrazioak entrega jasotzeko zer oztopo jarri dituen arrazoitu gabe, inbertsioaren xede-zentroan egin beharreko instalazioak izanda gainera (SPKLren 268. artikulua).

Alegazioa.

Kontratu misto horietan (ekipamendua instalazioarekin), zerbitzu nagusia ekipamendua hornitzea denez, hornitzailearen biltegietan jaso daiteke ekipamendua administrazioari hala komeni bazaio.

- Milioi bat euroan esleitutako zortzi kontratutan, kontratazio-organoak onartutako kontratuaren likidazioa falta da (SPKLren 205.4. artikulua).

Alegazioa.

Hornidura-kontratuei dagokienez, ulertzen da hornitzaileak egindako entrega bakarrari edo azkeneko entregari dagokion azken fakturaren ordainketak inplizituki barne hartzen duela likidazioa, bi alderdien adostasunarekin.

- Erakunde zentralaren hiru espedientetan, urte anitzeko gastua dutenetan eta 5,2 milioi euroan esleitu direnetan, ez dira urtekoak egokitu, eta beharrezkoa zen hori egitea exekuzio-erritmoan aldaketak egon direlako (HAKLAOren 96.1. artikulua).

Alegazioa.

Urtekoak doitzeko kreditu egokia eta nahikoa eduki behar da, eta esleipendunak entrega aurreratzeko konpromisoa hartu behar du.

- Erakunde zentralaren 27 kontratutan, 9,6 milioi euroan esleitutakoetan, sortzapena baino lehenagokoa da egozpena, eta 0,3 milioi euroan esleitutako 11tan, 2008ko ekitaldiari egotzi zaizkio 2009ko ekitaldiari dagozkion entregak.

Alegazioa.

2008ko ekitaldian gauzatu da kontabilitate-egozpena, exekuzio-epeari dagokionez kontratuan hartutako konpromisoak direla eta.

Edonola ere, ekipamendu horiek 2009ko ekitaldian entregatu eta/edo jaso dira arkitektura eta ingeniaritzako zuzendariordetzak eskaria egin zuelako -dagokion faktura jaso ostean- zentroek ekipamendua behin betiko jaso dutela egiazta zezaten, eta ziurtagiriek eskaera horri erantzuten diotelako. Ulertzen dugu dokumentuaren datak dokumentua egin zeneko data jasotzen duela, eta faktura egiaztatzeko balio duela.

III.1.7.- Langileek Eragindako Gastuak.

Ordainsariak.

1.- Antzinatasuna-Hirurtekoak (zuzendariei buruzko gertakariak, bai eta langile finkoei, bitarteko langileei eta behin-behineko langileei buruzkoak ere).

Oro har, honako hau azaltzen dugu gai horren inguruan:

Hirurtekoen balioari dagokionez, gogorarazi nahi dugu Autonomia Erkidegoko Administrazio Orokorrak ezarritako irizpide orokorra aplikatu izan duela Osakidetzak; hau da, aurreko titulazio-taldea baino maila altuagoko talde batera igarotzen bazen langile bat behin betiko, titulazio-talde berriari esleitutako zenbatekoan jasotzen zuen antzinatasun osoa.

Irizpide hori aldatu egin zuen Auzitegi Gorenaren administrazioarekiko auzien salaren 2006ko apirilaren 27ko Epaiak. 2008ko urtarrilaren 1ean sartu zen eraginetan epai hori, eta, beraz, berriz kalkulatu ziren langile guztien hirurtekoak, zuzendarienak barne. Hirurteko bakoitza burutzean langileak zer taldetan zeuden hartu zen kontuan hirurtekoak balioesteko, eta egin beharreko erregularizazioak egin ziren. Epai hori exekutatu aurretik, erakundeko langile guztiek administrazio publikoan gauzatutako lanaldiak berrikusi ziren, eta, ondoren, giza baliabideak kudeatzeko sisteman jaso.

2007ko bigarren seihilekoan zehar, emandako zerbitzuen datuak doitu ziren horiei zegozkien balioespenen arabera. Langileak aldi bakoitzean zer titulazio-taldetan egon ziren zehaztu zen, sistema informatikoan aldi horiek jaso ahal izateko, eta, horrela, hirurtekoen epemugak kalkulatzeko eta hirurtekoa betetzean zein taldetan sartu kalkulatzeko. Dagokion euskarrian ere eskuratu zen dokumentazioa, hala zegokionean.

Hori horrela, esan dezakegu, akatsik edo ez-egiterik ez badago, titulazio-talde bakoitzean burututako hirurtekoak horietako bakoitzari dagokion zenbatekoari jarraiki ordaindu zaizkiela interesdunei 2008ko urtarrilaren 1az geroztik, giza baliabideen kudeaketarako sisteman jasota dagoen dokumentazioaren arabera.

Hala eta guztiz ere, eta Osakidetzan langile ugari kudeatzen direla kontuan hartuta, akatsak egon daitezke; horrela bada, sisteman jasotako datuak egiaztatuko edo zuzenduko dira. Hautematen diren kasu zehatzak egiaztatuko ditugu, eta, hala badagokio, datuak zuzenduko.

2.- Zuzendariak.- Goi-zuzendaritzako kontratuak: 3 kasu.

Goi-zuzendaritzako kontratuak 1998 baino lehenagoko egoeretakoak dira, eta, bere garaian, mantendu egin ziren kontratua eragiten zuen erlazioa eten arte. Beraz, bukatu egingo diren hondar-egoerak dira, eta, horri dagokionez, esan behar dugu gaur egun bi zuzendarik soilik dutela goi-zuzendaritzako lan-kontratua erakunde publiko osoan.

Osakidetzako Zuzendaritza Nagusiaren ebazpenen bidez izendatzen dira zuzendariak, eta Euskal Herriko Agintaritzaren Aldizkarian argitaratzen da ebazpena. Izendapen horrek sorrarazten du zuzendarien administrazio-erlazioa haien postuetan.

3.- Langile finkoak eta bitarteko langileak.

Atal honetan, hasiera batean, kontuan hartuko ditugu Kontuen Epaitegiak aipatzen duen esku-hartzeari buruzko txostenei zerbitzu-erakunde bakoitzak bere garaian egindako alegazioak.

Oro har, honako ohar hauek azalduko ditugu:

Lanpostu-hornidurei eta izendapenei buruzko gaiak:

Osakidetzan, lan-eskaintza publikoen eta dagozkien deialdi publikoen bidez hornitzen dira behin betiko lanpostuak, eta zehatz-mehatz betetzen dira publizitate-, berdintasun-, merezimendu- eta gaitasun-printzipioak. Horren erakusgarri, 3 Lan Eskaintza Publiko (LEP) gauzatu ziren 2002an, eta, gaur egun, negoziazio-bidean dago beste LEP bat 2011. urterako.

Gainera, Osasuneko Mahai Sektorialaren baitan, akordioak adostu ditugu mugikortasunaren eta denbora bateko kontratazioaren alorrean, eta arlo horiek kontrolatzeko batzorde paritarioak sortu.

Bukatzeko, esan dezakegu aplikazio-arauak kontuan hartzen eta zehatz-mehatz betetzen ditugula Osakidetzako lanpostuak hornitzerakoan, bai behin betiko, edo bai zerbitzu-eginkizunetan edo aldi baterako barne-sustapenean, mugikortasun-prozesuen bidez, edo aldi baterako dagokion izendapenaren bidez, aldi baterako kontratazioaren akordioetan jasotako arauak kontuan hartuta. Gainera, jarduera hori sakonean kontrolatzen eta jarraitzen dute sindikatuek zentroetako eta erakunde zentraleko kontratazio-batzordeen bidez. Bestalde, egindako kontratazioei buruzko informazioa helarazten diogu hilero zentro bakoitzeko langile-batzordeari.

Bitarteko, behin-behineko eta ordezko langileak izendatzeko, kontuan hartzen da aipatutako akordio horiei jarraiki sortutako kontratazio-zerrendetako ordena; korporazioaren web-orriaren bidez argitaratzen eta hedatzen dira zerrenda horiek.

Hautapen-prozesuetan, ezinbesteko eskakizuna izan da beti lanpostu bakoitza lortzeko eduki beharreko titulazioa edukitzea, eta, ondorioz, eskakizun hori egiaztatu behar da, baita ere, kontratazio-zerrendetan sartzeko.

Horri dagokionez, Osakidetzan langileen alorrean ezarritako prozedurak direla eta, gero eta jarduera elektroniko gehiago egin behar da. Adibidez, «curriculum vitae» aplikazioak langile guztiei agirien mekanizazioa eta egiaztapena ahalbidetzen die, datu pertsonalak, prestakuntzako datuak eta curriculumeko datuak baliozkotzeko. Behin datuak baliozkotutakoan, egiazkotzat jotzen dira erakundeko zentro guztietan langileak hautatzeko eta lanpostuak hornitzeko prozesu guztietan. Hau da, datua baliozkotuta geratzen da sisteman, eta ez dauka zerbitzu-erakunde bakoitzean ireki daitezkeen langile-espedienteetan fisikoki artxibatuta egon beharrik.

Zerbitzuak betetzeko behar izango den besteko iraupena ezartzen zaie aldi baterako zein bitarteko izendapenei, bai eta zerbitzu-eginkizunei edo aldi baterako barne-sustapenei ere, indarrean dagoen legediari jarraiki.

Erakunde zentraleko korporazio-postuen ordainsariak; adierazten da korporazio-postuen ordainsariak ez direla jasotzen gobernu-kontseiluak 235/2007 Dekretuaren bidez onartutakoen artean.

Puntu horri dagokionez, adierazi nahi dugu organo eskumendunak onartu dituela korporazio-postu funtzionalen ordainsariak, Osakidetza/Euskal osasun-zerbitzuaren lanpostu funtzionalak arautzen dituen uztailaren 19ko 186/2005 Dekretuan ezarri baitira. Dekretu horren II. eranskinean jasotzen da I. eranskineko zerrendan jasotako postu funtzionalen parekatzea, bai eta horiek Osakidetzan indarrean dauden taulekin eta ordainsari-kategoriekin duten baliokidetasuna ere. Gainera, espresuki adierazten da Euskal Autonomia Erkidegoko Administrazio Orokorrean lan egiten duten langile funtzionarioen postuei dagozkien ordainsari-maila jakin batzuekin parekatzen direla postu horiek. Ondorioz, Osakidetzan postu horiei aplika dakiekeen egitura eta ordainsari-erregimena zehazterakoan, kontuan hartu ditugu aipatutako 186/2005 Dekretu horretan jasotako ordainsari-parekatzeen parametroak, hau da, gobernu-kontseiluak onartutako eta EHAAn dekretu-mailarekin argitaratutako araua bete dugu.

Korporazio-postu funtzionalen jatorriagatik eta horiei egozten zaizkien eginkizun eta betekizunengatik ezarri da dekretu horretan aipatutako ordainsari-parekatzea.

Behin postu horiei zer ordainsari aplika dakizkiekeen zehaztu denean, aurrez esandakoari jarraiki, urtero eguneratu ditugu, eta kontuan hartu ditugu Autonomia Erkidegoko Aurrekontu Orokorren legeak, horietan aipatutako ordainsari-gehitzeak garatzeko eta aplikatzeko gobernu-kontseiluak emandako akordioak eta Osakidetzako langileen lan-baldintzak arautzen dituen akordioa, horiei aplika dakiekeena.

Osagarri pertsonalak kobratzeko egiaztagiriak falta izatea.

Oro har, Osakidetzako langileen lan-baldintzak arautzeko akordio guztietan jasotako arauak aplikatzeko sortu dira osagarri pertsonalak. Izan ere, hainbat arrazoi direla eta, ordainsariak murriztu egin dira batzuetan lanpostuen baldintzak aldatu direlako eta abar. Horregatik, pertsona bakoitzak bere aldetik, aurreko ordainsariak mantentzeko aukera aurreikusi da. Osagarri pertsonalen bidez gauzatuko dugu hori. Lan-baldintzak arautzen dituen akordioan zehazten da espresuki horien tratamendua, bertan adierazten baita zer egoeratan eta nola mantenduko diren ordainsari-berme horiek.

Transplanteak produktibitatea, itxaron-zerrenda produktibitatea eta larunbatak produktibitatea.

Produktibitate aldagarriko osagarriak dira horiek, eta jarduerako xedeak zer neurritan bete diren hartzen da kontuan horiek ezartzerakoan.

Zentro bakoitzean, bai eta lan-karteldegietan ere hala dagokionean (denborak kudeatzeko sistema), jasotzen dira gauzatutako jarduerak eta horien kuantifikazioa, aplikagarri diren arauei jarraiki.

Autokontzertazio kontzeptua erabiltzea lanaldi-luzapenak ordaintzeko.

Itxaron-zerrenda produktibitate-osagarriari erantzuten dio autokontzertazioak, eta horren xedea da ordainsariak ematea zentroetan ezarritako jarduera-xedeak betetzen direnean. Horrela, itxaron-zerrendak murriztu nahi dira, behar den jarduera gauzatzeko barne-zerbitzuak kontratatuz ohiko lanalditik kanpo. Oro har, ohiz kanpoko zerbitzu programatuak dira, baina horrek ez du esan nahi egoera jakin batzuetan aurrez aurreikusi gabeko zerbitzurik egingo ez denik produktibitate-osagarri horren bidez ordaintzen den jardueran.

Antzinatasuna.

Antzinatasunari dagokionez, aurreko 1. puntuan azaldutakoa errepikatzen dugu.

Zerbitzuagatiko ordain-sariak, azterketa zaintzen laguntzeagatik deialdian aurreikusita egon gabe.

«Azterketa zaintzeagatiko ordain-saria» izeneko nomina-kontzeptuaren xedea da Osakidetzak zenbait prozeduratan deitutako azterketak zaintzen laguntzeagatik ordain-sariak ematea, izenak garbi adierazten duen eran. Honako arau hauetan oinarritzen da: zerbitzuen ondoriozko kalte-ordainei buruzko otsailaren 2ko 16/1993 Dekretuan eta aurreko dekretua aldatzen duen abenduaren 19ko 267/2000 Dekretuan.

Ikuskatutako espedienteetan kontzeptu hori ordaintzea bermatzen du 317/2008 Ebazpenak, 2008ko martxoaren 3koak; Osakidetzako Giza Baliabideen Zuzendaritzarena da, eta Giza Baliabideen Zuzendariordetzan artxibatuta dago, nomina-zerbitzuan, egindako ordainketaren jatorria egiaztatu ahal izateko edozein unetan. Hizkuntza-eskakizuna egiaztatzeko probei zegozkien hautaprobak zaintzen lagundu zuten Osakidetzako zenbait zerbitzu-erakunderi eragiten die Ebazpen horrek (1222/2007 Ebazpena, Osakidetzako zuzendari nagusiarena).

Ordainketa okerra lanbide-karreragatiko aurrerakinaren kontzeptuan.

Lanbide-garapenaren mailaren behin betiko onarpenaren kontura egiten da ordainketa aurrerakin gisa, dagokion deialdiaren ostean. Deialdia amaitutakoan, aurrerakin gisa jasotako zenbatekoak aztertzen dira baliozkotzearen edo, hala badagokio, zuzenketaren ordenan, eta lanbide-garapen mailaren behin betiko onarpenaren ebazpenera egokitzen.

Osagarri iragankorren prozedura, adibidez, jaiegunetako guardiena, txandakatzeena, gauekotasunarena, etab.

Izaera aldakorra duten ordainketa-kontzeptuei egiten die erreferentzia, eta adierazten da ez-betetze bat izan dela emandako zerbitzuak egiaztatzeko dokumentazioari eta organo eskumendunek onartzeari dagokionez. Esan behar dugu jarduera hori jasotzen dela Giza Baliabideen Kudeaketarako Sisteman integratuta dagoen karteldegian, eta bertan kudeatzen direla denborak. Karteldegi horretan, alde batetik, jardueraren datu teorikoa jasotzen da, hau da, programatuta dagoena, eta, bestetik, karteldegi erreal deritzonean, benetan gauzatutako jarduera eta gainerako gertakariak (absentziak eta bertaratzeak) jasotzen dira, nominan eragiten dutenak. Pentsatzekoa denez, zentro bakoitzak kudeatzen ditu karteldegietako aldaketak, jarduteko prozeduren eta barne-protokoloen barruan. Ondorioz, benetan gauzatutako jarduera ordaintzen da nominan.

Edonola ere, geuk ere uste dugu bide formal jakin batzuk zehaztu behar direla dagokion pertsonak baimenak emateko, eta ondoren jarduera nominan sartzeko, ordaindua izan dadin, baina ezin dugu ahaztu gai zaila dela. Hala eta guztiz ere, karteldegiak jarduera erreala jasotzen du, eta, beraz, irtenbide formal posibleek ez dute laguntza-zerbitzuaren kalitatea urritu behar, eta denborak kudeatzeko aipatutako tresnan oinarritu beharko dira.

4.- Plantilla funtzionalak.

Beti betetzen dira onartutako egiturazko plantillaren mugak; giza baliabideak kudeatzeko eta antolatzeko sisteman jasotzen dira plantilla funtzional horiek, eta pertsona bat izendatuz gero postu bat betetzeko (izendapenean adierazten da postua, eta izena eta kodea zehazten), postu horri dagozkion ordain-sariak esleitzen zaizkio. Ondorioz, betetako postuari dagozkion ordain-sariak jasotzen dira beti.

Mahaigaineratutako zerbitzu-beharren arabera, postuak birmoldatzeko espedientea izapidetzen da urtero; horri esker, beharretara egoki daitezke plantillak, langile-kopuru gehiengoa onartu ahal izateko ondoren.

Boto partikularra, Herri-Kontuen Euskal Epaitegiaren Kontseilari diren José M.ª Gorordo Bilbao, Begoña Marijuan Arcocha eta Eusebio Melero Beaskoetxea jaun-andreek «Euskal Autonomia Erkidegoaren Erakundeen Administrazioa: Erakunde Autonomo, Zuzenbide Pribatuko Ente Publiko Eta Sozietate Publikoen kontuak» fiskalizazio txostenari jarritakoa, behin-betiko 2011-ko ekainaren 23-ko osoko bilkuran onetsi zena.

HKEEren Osokoak, 2011ko ekainaren 23an egindako bilkuran, goiburuan adierazitako fiskalizazio txostena onesteko erabakia hartu du eta Kontseilari hauek bilkura hartan jakinarazi zuten legez, txosten horren edukiarekiko desadostasunen ondorioz gaurkoan boto partikular hau jaulkitzen dute, eta hori guztia, honako irizpen eta gertakari hauek oinarri hartuta:

Adierazpen honek Kontseilari hauen irizpidea du oinarri, Osoko bilkuran jada adierazitako hainbat zioren baturak osatutakoa; hona hemen horiek:

- Txostenean barne hartutako Erakundeek aurkeztu dituzten alegazioen azterketa eta analisia.

- Kode Zibilaren 3. artikuluak aipagai dituen arau juridikoen ezarpena, hitzez hitz zera dioena: «arauak hitzek testuinguruarekiko duten berezko adieraren arabera interpretatuko dira, aurrekari historiko eta legegintzazkoen arabera eta ezarri behar diren garaiko giza errealitatearen arabera, duten izaera eta helburuari formalki eutsiz».

- Zuzenbidearen printzipio orokorrak.

1.- HKEEren behin-behineko txostena Eusko Jaurlaritzaren Ekonomi Kontrolerako Bulego zuzendariari igorri zitzaion eta fiskalizazio-gai izan ziren erakundeei alegazioetarako iritsarazteko eskatu zitzaien, berariaz adieraziaz txostena erakundearen lehenagoko arduradunei bidali behar zitzaiela, baldin eta baleude. 2011ko urtarrilaren 24an aipatutako zuzendariak idatzi bat igorri zion HKEEren Idazkari Nagusiari; bertan adierazten zuen «txostena lehenagoko arduradunei igortzeko eskabideari dagokionez, Bulego honek jakinarazten dizu ez duela arduradun horiek lokalizatzeko informaziorik».

Premisa honekin HKEEk entzute eginbeharra formalki bete duela irizten dio. Nolanahi dela ere, Ekonomi Kontrolerako Bulego zuzendariak igorritako idatzia irakurrita, fiskalizazio-gai izan diren erakundeetako lehenagoko arduradunek ez dutela txostena jaso adierazten da eta honenbestez, egitez urratu egin da kontraesanaren printzipioa; horrek defentsa-gabezia eragin die lehenagoko arduradunei.

Egoera hau are kezkagarriagoa da Kontuen Epaitegitik aldez aurreko eginbideak sistematikoki abiarazten ari direla jakinda, edo justizia-auzitegietara azterketarako txostenak bidaltzen ari direnean, erakundeen arduradun zirenek horren berri batere izan gabe, salaketen hartzaile izan litezkeenean.

Herri-Kontuen Euskal Epaitegia sortzeko otsailaren 5eko 1/1988 Legeak 4. artikuluan zera dio: «Herri-Kontuen Euskal Epaitegiak egitekoak askatasunez eta araubide juridikoari meneratuta beteko ditu» eta lege bereko 13.1 artikuluak, 2. paragrafoan dio: «Txostenak mamitu aurretik, Herri-Kontuen Euskal Epaitegiak egindako fiskalizazioaren ondorioen berri fiskalizazio-gai izan diren pertsona edo erakundeei emango die, horretarako zehaztutako modu eta epeetan egoki iritzitako agiri edo justifikagiriak alegatu edo aurkez ditzaten».

Berebat, Euskal Herriko Autonomia Estatutuak adierazitako ordezko izaera baliatuta, Kontuen Epaitegiaren Funtzionamendurako 7/1988 Legeak, apirilaren 5ekoak (apirilaren 7ko BOE), otsailaren 5eko 1/1988 Legean jasotakoa osatzen du. Fiskalizazio prozeduren amaierari buruzko X. kapituluan, 44.1 artikuluan zera iragartzen da: «Idazpuru honek aipagai dituen fiskalizazio prozedurak, ... eta Epaitegiaren dagokion Sailak dagokion Txosten-proiektua idatzi aurre-aurrean, fiskalizazio-gai izan den sektore edo azpi-sektore publikoko arduradunei edo fiskalizatutako pertsona zein erakundeei gauzatutako egintzen berri emango zaie...

Entzute bera emango zaie fiskalizatutako azpi-sektorearen ordezkari izan zirenei edo, kasua balitz, sektore publikoko erakundearen legezko atal ordezkariaren titulartasuna izan zutenei, fiskalizazioak barne hartutako aldian zehar.

2.- Txostenaren Sarrerako atalak dioenari jarraiki, lanaren zabala Osakidetza-Osasunaren Euskal Zerbitzua Erakundeak diru publikoak kudeatzeko lanetan indarreko legeriaren betetze mailaren gaineko azterketa mugatua egitea da eta ez du auditoria finantzarioa barne hartzen. Txostenean akats modura kontularitzako alderdiak barne hartu dira (III.1.1, 2, 3, 4 eta 5 atalak); horiek kendu egin beharko lirateke, lanaren zabalean barne hartuak ez egoteagatik.

3.- Estatuko Administrazioaren Artekaritza Orokorrak (EAAO) 5.4.14 Auditoriako Arauan, lanaren egikaritzari buruzko arauei buruz diharduela, eta zehatzago, lan-paperei buruz, hauek sektore publikoko auditorietan duten egiteko bereziki garrantzitsua azpimarratzen du; eta argitzen du esanez EAAOk lanerako paperak baliatu beharko dituela estatuko sektore publikoan gauzatutako auditorien kalitate-kontrola gauzatu ahal izateko. Honela, bada, III.1.1, 2, 3, 4 eta 5. ataletan jasotako ondorioak Osakidetza Erakundeaz kanpoko auditoreek mamitutako txostenetatik eskuratutakoak izan dira eta HKEEk ez ditu txosten horien euskarri izan diren lan-paperak aztertu. Gainera, ezberdintasunak daude HKEEren Txostenean jasotako ondorioen eta kanpoko auditoreek egindako txostenetan ageri direnen artean. Horregatik guztiagatik, kendu egin beharko lirateke arestian aipatutako ataletan jasotako ondorioak.

Bestalde, Auditoriari buruzko Arau Teknikoa, barruko auditoriak egindako lanaren gaineko iritziari buruzkoa, 2002ko irailaren 26ko ICACen ebazpen bitartez onetsi zen; arau horren 17. artikuluak kanpoko auditoreak bere helburuetarako egoki dela egiaztatzeko barruko auditoriako berariazko lana baliatu asmo duenean ebaluatu eta egiaztaketak egiteko duen betebeharra azpimarratzen du eta gai hau 18, 19 eta 20. ataletan jorratzen du; honela, bada, horietarik azkenak dio «kanpoko auditoreak ebaluatu eta egiaztatu duen barruko auditoriako berariazko lanari buruzko ondorioak dokumentatu egingo ditu». Aurrekoari lotzen bagatzaizkio eta aintzat hartuta HKEEk ez duela Artekaritza Zerbitzuko Txostenak euskarritzen dituzten agirien gaineko inongo berrikusterik egin, ezabatu egin behar lirateke Txosten honetatik Artekaritza Zerbitzuaren txostenei egiten zaizkien aipamen guztiak.

4.- II.1 atalean eta hainbat erakunderen espedienteei dagokienez, publizitate eta lehia printzipioak gorde gabe esleitu direla esaten da. Kontseilari hauen iritzira, zehaztu egin behar litzateke zein kasutan gauzatu den esleipena aldez aurretik hainbat eskaintza egiteko eskatuta, eta zein eman diren argitara erakundearen web orrian.

5.- Hona hemen desadostasunezko punturik adierazgarrienak:

- Txostenean zera esaten da: «Guztira 119,3 milioi euroko zenbatekoaren esleitutako 30 espedientetan ez dago erasota urteanitzeko krediturik badagoela egiaztatu denik; urteanitzeko gastuaren konpromisoarekin esleitutako guztiak dira horiek. » II.1.2 atala, Osakidetza-Euskal Osasun Zerbitzua Entea).

Paperetan euskarritutako akatsa da ez dagoela erasota urteanitzeko krediturik dagoenik eta HKEEk ez duela egiaztatu kreditua onetsi den eta aurrekontu likidazioaren konpromiso-kredituen xehapenean barne hartu den. Kalitate kontrola egin zenean, espediente hauetariko hainbatek bazutela urteanitzeko krediturik egiaztatu zen.

Kontseilari hauen iritzira, egiaztatu egin behar zatekeen kontratu hauei zegozkien konpromiso kredituak onetsi ziren edo ez eta aurrekontu likidazioaren konpromiso-kredituen xehapenean barne hartuak zeuden edo ez.

- Txostenean zera adierazten da: «guztira 75,1 milioi euroko zenbatekoarekin esleitutako 19 espedientetan ez dago Pleguen gaineko txosten juridikorik (III.1.6, Osakidetza-Euskal Osasun Zerbitzua Entea). HKEEren fiskalizazioa euskarritzen duten lan-paperen arabera, pleguen gaineko txosten juridikoak ez dira espedientean artxibatzen, aparteko karpeta batean baizik. Honenbestez, txosten horiek Osakidetzara eskatu behar ziratekeen berrikusteko.

Nolanahi den ere eta Erakundeak alegatu duen moduan, eredu bati egokitutako pleguak dira, aldez aurretik txostena jaso dutenak.

- Txostenean zera esaten da: «54,7 milioi euro egin dituzten 17 espedientetan, pleguak ez ditu kontratazio atalak izenpetu (Kontratuen Erregelamendua, 71. artikulua)» (III.1.6 atala, Osakidetza-Euskal Osasun Zerbitzua Entea). Artikulu honek ez du obligazio hori jasotzen, HKEEren fiskalizazioaren euskarri diren lan-paperek erakusten duten moduan; bertan esaten da egitate hau ez dela inongo ez-betetzea eta edonola ere, Erakundeak berak alegatu duen moduan, kontratazio atalak espedientea onesteak berekin dakar Administrazio klausulen eta oinarri teknikoen pleguak onestea.

Honenbestez, ezabatu egin beharko litzateke ez-betetze hau HKEEren Txostenetik.

- Txostenean zera esaten da: «Kateter periferiko laburrak, zain barruko infusio ekipoak eta odola ateratzeko ekipoak hornitzeko espedientea 3 milioi euroan esleitu zen; ez da justifikatzen behin-betiko bermea jartzetik» (III.1.6 atala, Osakidetza-Euskal Osasun Zerbitzua Entea). HKEEren txostena euskarritzen duten lan-paperetan jasoa dagoenaren arabera, «83. artikulua, 1. atala, oinarri hartuta behin-betiko bermea aurkeztetik salbuesten da. Salgaia ordainketa gauzatu aurretik entregatu dela egiaztatu da (SAP)».

Honenbestez, ezabatu egin beharko litzateke ez-betetze hau.

- Txostenean zera esaten da: «EJIE, S.A.k langileak kontratatzen ditu «Baliabideak lagatzeagatiko azpikontratazioa» moldepean, laguntza teknikoa emateko kontratu modura. Kontrol egokirik egin ezean, jokamolde honek egiturazko beharrizanen estaldura babes lezake dagokion langile kontrataziora jo gabe. 2008ko ekitaldian kontratatutako zenbatekoa 52 milioi eurokoa izan da; kopuru honek sozietateak duen langile gastuen aurrekontua bera gainditzen du (11 milioi euro)». (III.2.2.2). HKEEren euskarri diren laneko paperak aztertu ondoren, erasota utzi den lan bakarra urtean zehar kanpoko zerbitzuak idazpuruan guztira gastatutako zenbatekoa eskuratu izana da. Txostenean islatu den ondorioa eskuratzea bideratuko duen inongo azterlanik ez da egin. Bestalde, enpresak arrazoituz alegatu du jaurlaritzako sailen eskaera jakinei dagozkiela, edota puntako diren enpresek esklusibo dituzten «Know how» bidezko zerbitzuak. Ezinezkoa da adierazpen hauei aurka egitea gastuen azterketa xehaturik gauzatu gabe.

Honenbestez, ezabatu egin beharko litzateke ez-betetze hau.

- Txostenean esaten da «Baldintzen Pleguetan barne hartutako esleipen irizpideak orokorrak direla eta ez dituztela azpi-irizpideak zehazten; gerora, 130,8 milioi euroko 3 espedienteren esleipen txostenean baloratzen direnak (1, 4 eta 6 zk.)» (III.2.6 atala Eusko Trenbideak, S.A.). 1 zk.ko espedientean, 130,4 milioi euroko zenbatekoa egiten duenean, baldintzen pleguan aurreikusitako irizpideak prezioa, epea eta eskaintza teknikoa dira. Eskaintza teknikoari dagokionez (50 puntu 100 punturen gainean), Baldintza orokorren pleguak aurreikusten du ezaugarri teknikoen plegura berariaz igortzea eta hor zehaztasun osoz deskribatzen dira balioztatuko diren azpi-irizpideak. Prezioa eta epea irizpideari dagokionez, proportzionaltasun zorrotzeko irizpideak aplikatu dira esleipen txostenean.

Honenbestez, ezabatu egin beharko litzateke ez-betetze hau.

Horregatik guztiagatik,

Txostena aurrez adierazitako ideiak eta erabakiak aintzat hartuta erretiratu eta berregin behar zatekeen.

Azterketa dokumentala