233. zk., 2011ko abenduaren 12a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
XEDAPEN OROKORRAK
Ekonomia eta Ogasun Saila
Hezkuntza, Unibertsitate eta Ikerketa Saila
5925
238/2011 DEKRETUA, azaroaren 22koa, Euskal Autonomia Erkidegoko Administrazioaren 2011ko ekitaldiko aurrekontuko zenbait programatan diru-sarrerak lortu direla-eta, Hezkuntza, Unibertsitate eta Ikerketa Sailaren zenbait programatan 689.291,05 euroko kredituak gaitzen dituena.
Euskal Autonomia Erkidegoko lanbide-heziketako ikastetxeetan, goi-mailako tituludun txiletarren perfekzionamendua sustatzeko, Hezkuntza, Unibertsitate eta Ikerketa Sailak eta Txileko Hezkuntza Ministerioak sinatutako hezkuntza-lankidetzarako hitzarmen dela-eta, 322.493,14 euro diru-sarrera osagarriak lortu dira.
Bestalde, Etengabeko Hezkuntzarako Programa Europarraren markoan, OSA (One Step Ahead) proiektua garatzeko, Regione Toscana-k eta Hezkuntza, Unibertsitate eta Ikerketa Sailak sinatutako lankidetza-hitzarmena dela-eta, 17.144,40 euroko diru-sarrera osagarriak lortu dira.
Azkenik, Goi Mailako Hezkuntzaren Espazio Europarrari unibertsitate-erakundeak egokitzeko, 2011ko ekitaldi ekonomikorako diru-laguntzari dagokionez, badira konpromisoak: Hezkuntza Ministeriotiko diru-sarrerak, 349.653,51 euro zenbatekoa egiten dutenak, ekartzeko.
Goian aipatutako kredituak -689.291,05 eurokoak- gaitzea eskatzen du Hezkuntza, Unibertsitate eta Ikerketa Sailak.
Horiek horrela, gaitu egingo dira kreditu horiek, 1/2011 Legegintza Dekretuaren 82. eta 83. artikuluak betez (1/2011 Legegintzako Dekretua, maiatzaren 24koa, Euskadiko aurrekontu-araubidearen arloan indarrean diren lege-xedapenen testu bategina onartzen duena eta Euskal Autonomia Erkidegoko sektore publikoko fundazio eta partzuergoei aplikatu beharreko aurrekontu-araubidea arautzen duena).
Ondorioz, Hezkuntza, Unibertsitate eta Ikerketako sailburuaren eta Ekonomia eta Ogasuneko sailburuaren proposamenez, eta Jaurlaritzaren Kontseiluak 2011ko azaroaren 22an egindako bilkuran aztertu eta onartu ondoren, hauxe
XEDATU DUT:
1. artikulua.- Euskal Autonomia Erkidegoko Administrazio Orokorraren 2011ko ekitaldiko aurrekontuan kreditu batzuk gaitzea onartzea, gastuen egoera-orri honetan:
(Ikus .PDF)
Diru-sarreren ondorengo egoera-orrian kopuru bereko diru-sarrerak lortzetik sortu dira kreditu horiek:
(Ikus .PDF)
Euskal Autonomia Erkidegoko lanbide-heziketako ikastetxeetan, goi-mailako tituludun txiletarren perfekzionamendua sustatzetik datozen gastuak finantzatzeko erabiliko dira funtsak.
2. artikulua.- Euskal Autonomia Erkidegoko Administrazio Orokorraren 2011ko ekitaldiko aurrekontuan kreditu batzuk gaitzea onartzea, gastuen egoera-orri honetan:
(Ikus .PDF)
Diru-sarreren ondorengo egoera-orrian kopuru bereko diru-sarrerak lortzetik sortu dira kreditu horiek:
(Ikus .PDF)
Etengabeko Hezkuntzarako Programa Europarraren markoan, OSA (One Step Ahead) proiektua garatzeko diren jarduerak finantzatzeko erabiliko dira funtsak.
3. artikulua.- Euskal Autonomia Erkidegoko Administrazio Orokorraren 2011ko ekitaldiko aurrekontuan kreditu batzuk gaitzea onartzea, gastuen egoera-orri honetan:
(Ikus .PDF)
Diru-sarreren ondorengo egoera-orrian kopuru bereko diru-sarrerak lortzetik sortu dira kreditu horiek:
(Ikus .PDF)
Unibertsitate-erakundeak Goi Mailako Hezkuntzaren Espazio Europarrari unibertsitate-erakundeak egokitzeko erabiliko dira funtsak.
AZKEN XEDAPENA
Dekretu hau Euskal Herriko Agintaritzaren Aldizkarian argitaratu eta biharamunean jarriko da indarrean.
Vitoria-Gasteizen, 2011ko azaroaren 22an.
Lehendakaria,
FRANCISCO JAVIER LÓPEZ ÁLVAREZ.
Ekonomia eta Ogasuneko sailburua,
CARLOS AGUIRRE ARANA.
Hezkuntza, Unibertsitate eta Ikerketako sailburua,
MARÍA ISABEL CELAÁ DIÉGUEZ.