RSS
232. zk., 2011ko abenduaren 9a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
Irungo Lehen Auzialdiko eta Instrukzioko 2 Zenbakiko Zuzeneko Laguntza Emateko Unitate Prozesala
5915
EDIKTUA, gurasoen eta seme-alaben arteko neurriei buruzko 507/08 prozeduraren ondoriozkoa.
JAKINARAZPEN-ZEDULA
Irungo Lehen Auzialdiko 2 zenbakiko Epaitegian (Gipuzkoa) bideratutako ezkontzaz kanpoko seme-alabenganako neurrietarako 507/08 prozeduran epaia eman da. Maria Soledad Oria Irastorzak sustatu du prozedura Kristian Barrios Iraolaren aurka, guraso eta seme-alaben arteko neurriei buruz. Hona hemen epaiaren idazpurua eta epaitza, kopiatuta:
47/10 EPAIA
Epailea: Saioa Irigaray del Molino.
Lekua: Irun (Gipuzkoa).
Data: bi mila eta hamarreko ekainaren hamarra.
Alderdi demandatzailea: Maria Soledad Oria Irastorza.
Abokatua: Antonio Renteria Arocena.
Prokuradorea: Miren Mugica Bolumburu
Alderdi demandatua: Kristian Barrios Iraola.
Abokatua.
Prokuradorea.
Judizioaren gaia: guraso eta seme-alaben arteko neurriak.
Nik, Saioa Irigaray del Molino, Irungo eta bere barrutiko Lehen Auzialdiko 2 zenbakiko Epaitegiko epaile ordezko naizen aldetik, ikusi ditut guraso eta seme-alaben arteko harremanak, elikagaien inguruko neurri eta neurri pertsonalak arautzeko bideratutako 507/08 familiako hitzezko judizioaren autoak, non alderdi izan diren honako hauek: Maria Soledad Oria Irastorza demandatzailea, Miren Múgica Bolumburu epaitegietako prokuradoreak ordezkatuta eta Antonio Rentería Arocena abokatuak lagunduta; eta Kristian Barrios Iraola demandatua, auzi-ihesean dagoena.
EPAITZA
Baietsi egiten dut zati batean Miren Múgica Bolumburu epaitegietako prokuradoreak, Maria Soledad Oria Irastorzaren izenean eta ordezkaritzan aurkeztu duen demanda, auzi-ihesean den Kristian Barrios Iraolaren aurkakoa; horrenbestez, bien adin txikiko seme-alabei dagokienez honako neurri hauek erabaki ditut:
1.- Bien seme-alaben zaintza eta babespea amari esleitzen zaio -Oria Irastorza andrea-; berak izango du eguneroko jardunean guraso-ahala, zeina bi gurasoek partekatuko baitute, eta, kontsultatzea ezinezkoa den kasuetan izan ezik, adingabekoei dagokienez erabaki garrantzitsuak hartu behar badira, beste gurasoaren -Barrios Iraola jauna- baimena beharko du, betiere gurasoen desadostasun kasuetan legez ezarritakoa kaltetu gabe.
Bi gurasoek izango dute haurrak eskolan nola dabiltzan jakiteko eskubidea; hori kontuan hartu behar dute haurrak doazen eskolan.
2.- Kristian Barrios Iraola aitaren alde bisita-erregimen hau ezartzen da:
- Barrios Iraola jauna adingabeekin egon ahal izango da asteazkenetan 17:30etik 19:30era, eta familiako etxetik jaso eta bertan utziko ditu; ezinezkoa bada toki horretan jaso eta uztea, elkargunea izango da, subsidiarioki, adingabeek jaso eta uzteko tokia.
Era berean, bere seme-alaba adingabeekin egon ahal izango da larunbatetan, 10:00etatik 13:00etara, lehen esandako toki berean adingabeak jaso eta utzita, hau da, orokorrean amaren etxean eta subsidiarioki elkargunean.
Dena den, goragoko paragrafoetan ezarritakoa errespetaturik, euren arteko adostasuna delarik, bisita-erregimenean aldaketak egitea erabaki dezakete gurasoek, betiere, seme-alabekin bat etorriaz, seme-alabek 12 urte edo gehiago dituztenean, eta haientzat onena zer den kontuan izanik.
Aita edozein bitartekoz komunika daiteke adingabekoekin (telefonoa, posta....), betiere eskubide horretaz abusatu gabe eta adingabeen ikasketa- eta atseden-aldiak errespetaturik. Beste gurasoari bien seme alaben konpainian egotea dagokion epealdietan eskubide berbera izango du zaintza duen gurasoak.
Helbidean edo harremanetarako telefonoan aldaketarik izanez gero, jakinarazi egin beharko diote gurasoek elkarri.
3.- Kristian Barrios aitak hilero 350 euro ordainduko ditu seme-alaba bakoitzaren mantenu-pentsiorako, eta ordainketa hilaren lehen bost egunetan egin beharko du, amak zehazten duen kontu-korrontean edo aurrezki-kontuan. Diru-kopuru hori urtero eguneratuko da, urtarrilean, Estatistikako Institutu Nazionalak edo hori ordezten duen erakundeak estatu osorako prestatutako aurreko urteko kontsumoko prezioen indizearen gehikuntzaren indizea aplikatuz.
Seme-alaben aparteko gastuak gurasoek ordainduko dituzte erdibana.
Eta halakotzat joko dira: beharrezko diren eskola partikularrak, eskolaz kanpoko jarduerak, Gizarte Segurantzak edo edozein aseguru-motak onartzen ez dituen gastu medikoak edo sanitarioak, eta horien antzekoak diren gastu medikoak edo prestakuntzarakoak.
Behar bezala egiaztatu beharko dira eta bi gurasoek elkarrekin adostu beharko dituzte edo, adostasunik ez bada, epaileak eman beharko du horretarako baimena, bi kasuetan aurretiaz. Kontsulta egin dela eta gastuak onetsi direla egiaztatzeko, nahikoa izango da, eskuko telefonoko mezua edo mezu elektronikoa (kasu horretan, bi aldeek hala hitzartzen badute beren helbideak elkarri emanez). Onargarri izango dira, orobat, zuzenbidean onartutako beste bideak.
Premiazko diren presako gastuei dagokienez, aldez aurretik ezin bada, aski izango da beste gurasoari ondoren jakinaraztea.
Mantenua ordaintzeko obligazioa etengo da seme-alabak adin nagusiko eta ekonomikoki burujabeak direnean, betiere KZeko 150. eta 152. artikuluetako amaitze-kausei kalterik egin gabe.
Kostuak ez zaizkio berariaz inori ezartzen.
Aurka egiteko modua: apelazio-errekurtsoa aurkeztuz, Gipuzkoako Probintzia Auzitegiari zuzenduta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan jakinarazpena egin eta biharamunetik bost egun balioduneko epean. Idazki horretan, bestalde, honako hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 457.2 artikulua).
Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 1871 0000 00 0507 08. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri izana egiaztatu beharko da (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena.- Epaiari dagokion egunean, jendaurreko entzunaldia egiten ari zelarik, epaileak -epaia eman zuen berberak- eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Irunen (Gipuzkoa), bi mila eta hamarreko ekainaren hamarrean.
Kristian Barrios Iraola demandatuari behar bezala jakinarazteko ematen eta sinatzen dut ediktu hau, Irunen (Gipuzkoa), bi mila eta hamarreko ekainaren hamarrean.
IDAZKARIA.
