Euskal Herriko Agintaritzaren Aldizkaria

232. zk., 2011ko abenduaren 9a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

Osasun eta Kontsumo Saila

5908

EBAZPENA, 2011ko azaroaren 30ekoa, Osasuneko sailburuordearena. Honen bidez, laguntzak ematen zaizkie beren jarduerak Euskal Autonomia Erkidegoan garatzen dituzten irabazi-asmorik gabeko gizarte-ekimeneko erakundeei, baldin eta jarduera horiek gaixoen kolektiboen eta haien familien bizi-kalitatea hobetzeko badira.

2011ko uztailaren 27ko Aginduak, Osasun eta Kontsumoko sailburuarenak, beren jarduerak Euskal Autonomia Erkidegoan gauzatzen dituzten irabazi-asmorik gabeko gizarte-ekimeneko erakundeei diru-laguntzak emateko denak, baldin eta jarduerak gaixoen kolektiboen eta haien familien bizi-kalitatea hobetzera bideratzen badituzte, xedatu du dagozkion laguntzak Osasuneko sailburuordearen ebazpenez emango direla. Proposamena, dena den, Osasun eta Kontsumoko sailburuak zeregin horretarako izendatutako Balorazio Batzordeak egingo du.

Batzorde horrek bilera egin zuen 2011ko azaroaren 14an, eta egin zuen proposamenaren arabera,

EBAZTEN DUT:

Lehenengoa.- Hemen zehaztutako elkarteei laguntza hauek ematea:

(Ikus .PDF)

Bigarrena.- Ondoren aipatzen diren elkarteei laguntzarik ez ematea, aurkeztu dituzten proiektuak ez datozelako bat deialdiaren xedearekin edo aurkeztutako proiektuek ez dutelako Aginduaren 14. artikuluan ezartzen den gutxieneko puntuazioa lortu.

(Ikus .PDF)

Hirugarrena.- Ebazpen honek ez du amaitzen administrazio-bidea, eta beraz, interesdunek gora jotzeko errekurtsoa aurkez diezaiokete Osasun eta Kontsumoko sailburuari, ebazpena EHAAn argitaratu eta hilabeteko epean, betiere urtarrilaren 13ko 4/1999 Legeak emandako idazketa duen 30/1992 Legeko 114. artikuluan eta hurrengoetan ezarritakoarekin bat etorriz.

Vitoria-Gasteiz, 2011ko azaroaren 30a.

Osasuneko sailburuordea,

JESÚS MARÍA FERNÁNDEZ DÍAZ.