219. zk., 2011ko azaroaren 18a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
Hezkuntza, Unibertsitate eta Ikerketa Saila
5619
AGINDUA, 2011ko urriaren 18koa, Hezkuntza, Unibertsitate eta Ikerketako sailburuarena, Donostia-San Sebastiángo CPES San Miguel-Fundación Vda. Elizaran BHIP ikastetxe pribatuaren2011-2012 ikasturteko plangintza aldatzeko dena.
Hezkuntza, Unibertsitate eta Ikerketako sailburuaren 2010eko ekainaren 8ko Aginduaren bidez, 2011-2012 ikasturterako plangintza aldatzea eskatzeko inprimakiak eta 2010-2011 ikasturterako zenbat ikasgela itunduko diren onartu eta argitara eman ziren; era berean, eskabideak aurkezteko egutegia ere onartu eta argitara eman zen.
Donostiako CPES San Miguel-Fundación Vda. Elizaran BHIP ikastetxe pribatuaren 2011-2012 ikasturteko plangintza aldatu egingo da, eta aurrerantzean maila ertaineko prestakuntzako bi ziklo gehiago izango ditu. Bi ziklo horiek ez dira orain arte onartu, ordezkatzeko asmoa egon delako. Ordezkapen hori egin ez zenez, eta kontuan izanda ikastetxe horrek lanbide heziketaren arloan betetzen dituen eskolatze premiak, aldatu egiten da Hezkuntza, Unibertsitate eta Ikerketako sailburuaren 2011ko martxoaren 17ko Agindua. Agindu horren bidez ebatzi egiten da Batxilergoaren, Lanbide Heziketaren, Zereginen Ikaskuntzaren eta Hasierako Lanbide Prestakuntzako Programen mailetan ikastetxe pribatuetarako 2011-2012 ikasturterako plangintzaren aldaketa.
EBATZI DUT:
Hezkuntza, Unibertsitate eta Ikerketako sailburuaren 2011ko martxoaren 17ko Aginduaren I. eranskina aldatzea; eta Donostiako CPES San Miguel-Fundación Vda. Elizaran BHIP ikastetxe pribatuaren 2011-2012 ikasturteko plangintza eranskin horretan adierazitakoa izango da. Agindu horren bidez ebatzi egiten da Batxilergoaren, Lanbide Heziketaren, Zereginen Ikaskuntzaren eta Hasierako Lanbide Prestakuntzako Programen mailetan ikastetxe pribatuetarako 2011-2012 ikasturterako plangintzaren aldaketa.
Vitoria-Gasteiz, 2011ko urriaren 18a.
Hezkuntza, Unibertsitate eta Ikerketako sailburua,
MARÍA ISABEL CELAÁ DIÉGUEZ.
(Ikus .PDF)