Euskal Herriko Agintaritzaren Aldizkaria

64. zk., 2011ko apirilaren 1a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Barakaldoko Lehen Auzialdiko 2 Zenbakiko Epaitegia

1886

EDIKTUA, dirua erreklamatzeko bideratutako 1006/09 prozedura arruntaren ondoriozkoa.

Barakaldoko Lehen Auzialdiko 2 zenbakiko Epaitegia (Bizkaia).

Judizioa: 1006/09 prozedura arrunta.

Demandatzailea: Basauriko Ibaigane kaleko 9. zenbakiko Jabekideen Erkidegoa.

Abokatua: Jose Luis Puente Calera.

Procurador: Maria Luisa Gutierrez Ontoria.

Demandatua: Createcnia Construcción Rehabilitación e Inspección Técnica -La Contratista-.

Gaia: dirua erreklamatzea.

Judizio horretan epaia eman da, eta honakoa da epaitza:

Auzi-ihesean den Createcnia Construcción Rehabilitación e Inspección Técnica de Inmuebles SL baltzuaren aurka, José Luis Puente Calera letratua zela, Basauriko Ibaigane kaleko 9. zenbakiko Jabekideen Erkidegoaren izenean eta ordez María Luisa Gutiérrez Notoria prokuradoreak aurkeztutako demanda partez baiesten dut; 2006ko urtarrilaren 27an, parteek sinatutako kontratua suntsitua dela erabakitzen dut, eta demandatutako baltzua honakoetara kondenatzen dut: aipatu deklarazioa onartzera eta Basauriko Ibaigane kaleko 9. zenbakiko Jabekideen Erkidegoa auzi-jartzaileari pagatzera epaia betearazteko aldian finkatuko den kopurua, hain justu ere zuzendu beharreko konponketen kostua dela-eta, betiere 2009ko otsailaren 27an Francisco Alonso Padrones peritu teknikoak prestatutako peritu-txostenarekin bat etorriaz; aipatu kopuruak legezko interesak sortuko ditu, luzatze-txostena ematen denetik harakoak.

Alderdi bakoitzak berak eragindako kostuak ordaindu beharko ditu eta komunak, erdibana.

Epai honen berri eman alderdiei, eta jakinarazi bost eguneko epean apelazio-errekurtsoa aurkez dezaketela; Bizkaiko Probintzia Auzitegiak ebatziko du errekurtsoa. Hala agintzen da 2000ko urtarrilaren 7ko Prozedura Zibilari buruzko Legearen 455. artikuluan.

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4686000004117709. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan egiaztatu egin beharko da zainpean jarritako diru-zenbatekoa (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Horrela, bada, lehen auzialdian emandako epai honen bidez erabaki, agindu eta izenpetu dut.

Createcnia Construcción Rehabilitación e Inspección Técnica -La Contratista- demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa interesdunaren eskura dago, epaitegi honetako bulego judizialean.

Barakaldo (Bizkaia), 2011ko martxoaren 1a.

IDAZKARI JUDIZIALA.