RSS
40. zk., 2011ko otsailaren 28a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Ingurumen eta Lurralde Antolamendu Saila
1032
EBAZPENA, 2008ko apirilaren 30ekoa, Ingurumeneko sailburuordearena, Befesa Zinc Amorebieta SA enpresari ingurumeneko baimen bateratua emateko dena, Amorebieta-Etxanoko (Bizkaia) udalerrian zink-hondakinak berreskuratu eta eraldatu ditzan.
AURREKARIAK
2006ko abenduaren 1ean, Befesa Zinc Amorebieta SA enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2006 Legeak xedatutakoaren arabera, Amorebieta-Etxanoko (Bizkaia) udalerrian zink-hondakinak berreskuratu eta eraldatzeko jarduerarako. Eskaerarekin batera proiektuak Amorebieta-Etxanoko hirigintza-plangintzarekin duen bateragarritasunari buruzko 2006ko urriaren 3ko udal-txostena bidali du sustatzaileak, eta ondorengo agiri teknikoak:
- Proiektu teknikoa (2006ko azaroa).
- Laburpen ez-teknikoa (2006ko azaroa).
Erreferentziako baimena eskatzeko unean, Befesa Zinc Amorebieta SA enpresak, besteak beste, jarduerarako 2000ko otsailaren 1eko baimena zuen. Baimen hori zink-hondakinak berreskuratzeko jarduerarako eman zen. Halaber, enpresa sustatzaileak baimen hauek zituen: ibilgura isurtzeko 2005eko urtarrilaren 11ko baimena; putzuko urak biltzeko 2002ko abuztuaren 19ko baimena; atmosferan kutsadura sor dezakeen jardueraren 2001eko uztailaren 4ko baimena; hondakin arriskutsu eta ez-arriskutsuen kudeatzailearen baimenak, 1994ko maiatzaren 23koa eta 2004ko ekainaren 2koa, hurrenez hurren; hondakin arriskutsuen ekoizle txikien erregistroko inskripzioa eta hondakin geldoen ekoizleen erregistroko inskripzioa, 2003ko urriaren 15ekoa eta 2002ko ekainaren 5ekoa, eta ondorengo handitze eta berritzeak, hondakinen arloan indarrean dagoen araudiak xedatutakoari jarraituz.
2006ko abenduaren 5ean, Ingurumenaren Kalitatearen Zuzendaritzak prozeduran parte hartzen duten hainbat organori txostenak eskatu zizkion, ingurumen organoak proiektua jendaurrean jartzeko agindu zezan. Zehazki, Amorebieta-Etxanoko Udalari eta Eusko Jaurlaritzako Osasun Sailari eskatu zitzaien.
2007ko otsailaren 14an eta 2007ko irailaren 28an, ingurumen organoak agiri osagarriak txertatzeko eskatu zion sustatzaileari, eta espedientea 2007ko urriaren 22an osatu zen.
Aurkeztutako agiriak nahikoa zirela egiaztatu ondoren, Ingurumen sailburuordeak 2008ko azaroaren 14an emandako ebazpenaren bidez, jendaurrean jarri zen 30 egun balioduneko epean, Befesa Zinc Amorebieta SA enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko abenduaren 3an. Era berean, Euskal Autonomia Erkidegoko bi egunkaritan argitaratu zen 2007ko abenduaren 2an, eta ondoko auzokide bakoitzari jakinarazpena bidali zitzaion.
Jendaurrean jartzeko izapidetze-epea bete ondoren, alegaziorik aurkeztu ez zela baieztatu zen.
Uztailaren 1eko 16/2002 Legearen 17. eta 18. artikuluetan xedatutakoa betez, 2008ko martxoaren 6an Ingurumenaren Kalitatearen Zuzendaritzak txostenak eskatu zizkien Amorebieta-Etxanoko Udalari, Eusko Jaurlaritzako Osasun Sailari eta Iparraldeko Ur Konfederazioari, espedientean ageri den emaitza jasoz.
2008ko apirilaren 15ean, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Befesa Zinc Amorebieta SA enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituz.
2008ko apirilaren 29an sustatzailearen jakinarazpena jaso zen. Jakinarazpen horretan hainbat ohar egiten ziren Ingurumeneko Baimen Bateratuaren ebazpen-proposamenari buruz.
ZUZENBIDEKO OINARRIAK
Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.
Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.
16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Befesa Zinc Amorebieta SA enpresaren kasuan, baimen hauek guztiak behar ditu: hondakin arriskutsu eta ez-arriskutsuen sortzaileak eta kudeatzaileak behar dituen baimenak; ibilgura isurketak egiteko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta horri aurre hartzeari dagozkionak. Era berean, beste administrazio eta erakunde eskudun batzuk kasuan kasu txostenak luzatuz egindako parte-hartzea egiaztatu da espedientean.
16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Baldintza teknikoak aplikatuz, Befesa Zinc Amorebieta SA enpresari dagokion ingurumeneko baimen bateratuak barne hartu ditu Euskal Autonomia Erkidegoko ingurumena babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Amorebieta-Etxanoko Udalaren eta Eusko Jaurlaritzako Osasun Sailaren txostenak.
Azkenik, instalazioak gehienez isur ditzakeen gai kutsagarrien muga-balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika onenen erabilera eta aplikatzekoa den arloko legerian ezarritako neurriak eta baldintzak. Bereziki Europako Batzordearen BREF agiri hauen edukia hartu da kontuan: burdinarena ez den metalurgiarena, «Reference Document on Best Available Techniques in the Non Ferrous Metals Industries», 2001eko abendukoa, eta hondakin-kudeatzaileena, «Reference Document on the best available techniques for the waste treatment industries», 2006ko abuztukoa. Gainera, sektoreko araudiei dagokienez, kasu honetan bereziki aplikatzekoa da hondakinei buruzko apirilaren 21eko 10/1998 Legea.
Espedienteko txostenak aztertu ondoren, ebazpen-proposamena sinatu eta Befesa Zinc Amorebieta SA enpresak sustatutako proiektuak bete beharreko baldintzak ezarri ziren.
Goian adierazitako izapideak amaitu dira, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da, eta organo hau da ingurumeneko baimen bateratu hau emateko eskuduna, aipatutako araudiaren 13. artikuluak eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluak ezarritakoari jarraituz.
Organo hau da ingurumeneko baimen bateratu hau emateko eskuduna, aipatutako legearen 13. artikuluan eta urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duenaren 9. artikuluan ezarritakoari jarraituz.
Ondorengo araudia ikusi da: Ingurumen eta Lurralde Antolamendu Sailak 2008ko apirilaren 15ean emandako ebazpen-proposamena; Euskal Herriko Ingurumena Babesteari buruzko otsailaren 27ko 3/1998 Lege Orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; Legea burutzeko araudia onartzen duen irailaren 30eko 1131/1988 Errege Dekretua; Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretua; Herri Administrazioen Araubide Juridikoa eta Administrazio Prozedura Erkideari buruzko azaroaren 26ko 30/1992 Legea, eta aplika daitekeen gainerako araudia,
EBATZI DUT:
Lehenengoa.- Helbide soziala Amorebieta-Etxanoko (Bizkaia) udalerriko Euba auzoko z./g.an eta IFK: A-48137657 duen Befesa Zinc Amorebieta SA enpresari ingurumeneko baimen bateratua ematea zink-hondakinak berreskuratu eta eraldatzeko, ebazpen honen bigarren atalean ezarritako baldintzekin.
Era berean, ingurumeneko baimen bateratu hau eman da, uztailaren 1eko 16/2002 Legearen 19. artikuluaren arabera, Arroko Erakundeak landu beharreko txostenaren emaitzei kalterik egin gabe.
Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.5.b kategorian sartuta dago, «metal ez-ferrosoak, aleazioa eta berreskuratutako produktuak (fintzea, galdategian moldekatzea) barne, galdatzeko instalazioak, egunero berun eta kadmiorako 4 tona baino gehiago, edo gainerako metaletarako 20 tonako galdatze-ahalmena dutenak», eta 5.1 kategorian, «Hondakin arriskutsuak baliotzea (10 t/eguneko ahalmena)».
Fabrikaren jarduera batik bat beroko galbanizazioko, eraikuntzako eta zama-injekzioko hondakinetan dagoen zinka berreskuratzea da, prozesu metalurgikoen bidez (kudeaketa-eragiketaren R4 kodea).
Birziklatzeko ahalmena urtean 12.000 t hondakin ingurukoa da.
Instalazioko ekoizte-lerroetan garatutako ekoizte-prozesuak, zink-errautsak, zink-txatarra, zama-hondakinak eta zink-hautsa bezalako lehengaiak erabiliz, hauek dira:
- Ehotzea: zati batean hautsa diren materialak ehotzeko prozesutik igarotzen dira. Inpaktuzko hiru errota ditu, kolpatu eta zati metalikoa eta hautsezkoa bereizteko. Zati metalikoa kutxetan jartzen da, ondoren galdatzeko. Hautsezko zatia mahuka-iragazki batera xurgatzen da eta tobera batean geratzen da.
- Galdaketa: material metalikoak bi labe birakaritan galdatzen dira, eta galda lingote-ontzi batzuetara isurtzen da, 25 eta 30 kg arteko zinkezko edo zamazko lingoteak, edo 900 kg inguruko junboak lortzeko. Lingote eta junbo horiek beroko galbanizazioko edo zama-injekzioko enpresei saltzen zaizkie hurrenez hurren.
- Erredukzio/oxidazioa: red-ox prozesuaren bidez, oxido-labe birakari batean zink oxidoa lortzen da, zink-katodo eta zink-hautsetako zink-errauts xeheak (<1mm) erabiliz.
Erabilitako energia-baliabideak erregaien (gas naturala eta gasolioa) eta energia elektrikoaren erabileratik datoz. Gas naturala labeen erregailuetan erabiltzen da eta urtean 6.763.149 kWh kontsumitzen da. Gasolioa barne-garraiorako erabiltzen da, eta urtean 11.916 litro kontsumitzen dira. Energia elektrikoa fabrikaren funtzionamendu orokorrean erabiltzen da, eta urtean 1.454.262 kWh kontsumitzen dira.
Ura erabilera sanitariorako baino ez da erabiltzen eta putzu propiokoa da. Instalazioan sortutako hondakin-urak ur sanitarioak dira, eta hobi septikotik eta kontrol-kutxeta independente batetik igaro ondoren Ibaizabal ibaira isurtzen dira.
Halaber, euri-urak sortzen dira instalazioan, 1. pabiloiko eta 2. pabiloiko teilatuetan eta patioan. Ur horiek ez dute kutsadurarik, instalazioan burutzen den prebentziozko mantentze-lanen ondorioz. Lan horiek barne-instalazioak eta kanpoko patioa egunero ekortzeko makinaz garbitzea, eta sei hilean behin euri-uren kutxetak eta hodi-zorrotenak garbitzea dira. Euri-ur garbiak, dagozkien kontrol-kutxetatik igaro ondoren, Ibaizabal ibaira isurtzen dira baterako kolektore baten bidez, ur sanitarioekin batera.
Instalazioak atmosferara isurtzen duten sei foku ditu: 1. oxido-iragazkia, 2. oxido-iragazkia, 3. oxido-iragazkia, inpaktuzko errota, labe birakariak eta «errauts-deskarga». Tratamendu-sistema gisa mahuka-iragazkiak daude foku guztietan.
Hondakin arriskutsuak sortzen dituen prozesu nagusia mantentze-lanak dira. Izan ere, besteak beste, olio-iragazkiak, olio erabiliak, xurgatzaile kutsatuak edo mahuka-iragazkiak sortzen dira, eta azken horiek ekoizte-prozesuan autokudeatzen dira. Sortutako hondakin geldo nagusiak obra-hondakinak eta txatarra dira.
Ekoizte-prozesuek BREF agiri hauetako teknika erabilgarri onenak ditu: burdinarena ez den metalurgiarena, «Reference Document on Best Available Techniques in the Non Ferrous Metals Industries», 2001eko abendukoa, prozesuak kontrolatzeko sistemak (bereziki tenperaturaren kontrola) eta mahuka-iragazkiak erabiliz xurgatzeko eta arazteko sistemak erabiltzeari dagokionez; eta hondakin-kudeatzaileena, «Reference Document on the best available techniques for the waste treatment industries», 2006ko abuztukoa. Horrela, kutsaduraren prebentzio eta kontrol integratuari buruz indarrean den araudian ingurumena orokorrean babesteko helburuak beteko dira.
Bigarrena.- Befesa Zinc Amorebieta SA enpresak Amorebieta-Etxanoko (Bizkaia) udalerrian sustatutako zink-hondakinak berreskuratu eta eraldatzeko jarduera ustiatzeko baldintza eta betekizun hauek ezartzea:
A) Erantzukizun zibileko aseguru bat egin beharko da, 750.000 euroko zenbatekoaz, ondorengoak estaliko dituena: hirugarren pertsonei edo horien ondasunei sortutako balizko kalteengatiko kalte-ordainak, eta baimen honek onartutako jardueraren ondorioz ingurumen aldatua konpondu eta berreskuratzeko kostuak.
Aseguru horren zenbatekoa urtero eguneratuko da, aurreko 12 hilabeteetako kontsumo-prezioen indizearen arabera (KPI) handituz.
B) Fidantza-prestazioa 70.000 euroko zenbatekoaz, uztailaren 20ko 833/1988 Errege Dekretuaren 28. artikuluaren 2. atalean ezarritako baldintzetan, eta artikulu horren 3. atalean aurreikusitako edozein modutan eratu ahal izango da. Fidantza horren zenbatekoa tratamenduaren gehienezko gaitasunaren arabera ezartzen da; 12.000 t/urteko kopurua ezarri da.
Fidantza horren zenbatekoa urtero eguneratu ahal izango da, aurreko 12 hilabeteetako kontsumo-prezioen indizearen arabera (KPI) handituz.
C) Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Befesa Zinc Amorebieta SA enpresak aldaketa horien berri emango du.
D) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:
D.1.- Befesa Aluminio Amorebieta, S.A. enpresak kudeatu beharreko hondakinak hartu, ikuskatu eta biltegiratzeko baldintzak eta kontrolak.
Atal honetan adierazitako hondakin onargarrien artetik fabrikan tratatuko den hondakin berri bakoitzarekin, Befesa Aluminio Amorebieta, S.A. enpresak hasierako karakterizazio bat egingo du, hori Amorebieta-Etxanoko instalazioetan tratatzeko aukera egiaztatzearren.
Aipatu karakterizazioa egin ondoren, Ingurumen Sailburuordetza honen onespen zehatza eskatu beharko du. Eskaera horrekin batera, egindako karakterizazioaren emaitzak, hondakina onartzeko parametro mugatzaile edo baldintzatzaileen eta behar izanez gero, partida bakoitza jaso aurretik aztertu beharrekoen proposamena aurkeztuko beharko du.
Hondakin jakin bat onartzeko aukera egiaztatu ondoren, Befesa Zinc Amorebieta SA enpresak hondakin horren titularrari onarpena ziurtatzen duen agiria igorriko dio, onarpen horren baldintzak ezarriz.
Hondakinak onartu eta jasotzeko aukera egiaztatzeko xedearekin, Befesa Zinc Amorebieta SA enpresak hondakin horiek onartzeko parametroen egiaztapena ahalbidetuko duten baliabide tekniko eta giza baliabideak eskuragarri izan beharko ditu une oro. Onarpena baldintzatzen duten parametro horiek ezartzea, kasu guztietan eta hondakin-partida bakoitzerako, metodo homologatuaren bidez egingo da; zentroaren langile-taldeko kide den laborategiko buru batek gainbegiratu beharko du eta espezializatutako goi-mailako tituluduna izan beharko da.
Befesa Zinc Amorebieta SA enpresak dituen ekipoen zerrenda aurkeztu beharko du, horien kalibratze-metodoen inguruko informazioa gehituz. Era berean, hondakinak onartzeko parametro bakoitzerako, erabilitako analisi-metodoak eta neurketaren zehaztasuna aurkeztu beharko dira.
Baimen honetan adierazitakoak ez diren hondakinak ez dira onartuko. Dena dela, kudeatu beharreko hondakinak zabaldu nahi izanez gero, aldez aurretik Ingurumen Sailburuordetzaren onespena beharrezkoa izango da, Ebazpen honen J) atalean adierazitakoa betez.
B.1.1.- Hondakin onargarriak.
Befesa Aluminio Amorebieta SA enpresaren instalazioetan ondoren identifikatutako hondakinak onartuko dira, beti ere organo honek atal honetan adierazitakoari jarraiki balidatutako onarpen-agirian ezarritako onartze-irizpideak betetzen baditu.
D.1.1.1.- Hondakin arriskutsu onargarriak.
Hondakin mota HEZ kodea
Gas-tratamenduko hondakin solidoak 10 05 05
Partikulak, gas-efluenteetatik eratorriak eta gai arriskutsuak dituztenak. 10 09 09
Gas-tratamenduko hondakin solidoak 11 05 03
Uztailaren 20ko 833/1988 Errege Dekretuaren I. eranskineko III. taulak jasotzen duenaren arabera bestelako hondakin arriskutsu mota generikoen nahasketari egoztekoa den kutsadura duten hondakinak ez dira hondakin arriskutsuen plantan onartuko, hondakin onargarrien izendapenaren barruan izan daitezkeen arren.
Befesa Zinc Amorebieta SA enpresak, halaber, bere ekoizte-prozesuan sortutako hondakin arriskutsu hauek autokudeatu ahal izango ditu: mahuka-iragazki erabiliak.
D.1.1.2.- Hondakin ez-arriskutsu onargarriak.
Hondakin mota HEZ kodea
Lehenengo eta bigarren mailako produkzioko zepak 10 05 01
Bestelako partikulak eta hautsa 10 05 04
10 05 10 kodean zehaztutakoak ez diren galautsak eta aparrak 10 05 11
Beste kategoria batean zehaztu gabeko hondakinak 10 05 99
Galbanizazio-matak 11 05 01
Zink-errautsak 11 05 02
Beste kategoria batean zehaztu gabeko hondakinak 11 05 99
Burdinarik gabeko metalen karraka-hautsak eta txirbilak 12 01 03
Burdinarik gabeko metalen hautsa eta partikulak 12 01 04
Burdinarik gabeko metalak 16 01 18
Zinka 17 04 04
Burdinarik gabeko hondakinak 19 10 02
Burdinarik gabeko metalak 19 12 03
Metalak 20 01 40
D.2.- Hondakinen sarrera-kontrola.
a) Fabrikara tratamendua jasotzera iristen diren hondakinen kontrola egin beharko da, hondakin horiek Ebazpen honetako baldintzen arabera fabrikan onartuko direla bermatzeko. Kontrol hori Ingurumen Sailburuordetza honek onetsitako onarpen-agirian ezarritako egiaztapena izango da.
b) Hondakina hartu aurretik, onarpen-agiri horretan adierazitako baldintzak betetzen direla egiaztatu beharko da. Hartu behar diren hondakin arriskutsuak formalizatzeko, kudeatzaileari dagokion atala bete beharko da kontrol eta jarraipenerako agirian, edo honen baliokidea den agiri ofizialean.
c) Onarpenerako parametro mugatzaileak betetzen ez dituelako instalazioan hartu ezin den hondakin-partida bat izanez gero, berehala jakinarazi beharko zaio Ingurumen Sailburuordetzari. Horrekin batera, jatorria, kopurua, enpresa garraiatzailea, bazterketaren arrazoia, baztertutako hondakinaren helmuga eta bestelako gorabeherei buruzko datuak eman beharko dira.
d) a) atalean adierazitako kontrolen osagarri gisa, fabrikan kudeatutako hondakin arriskutsu mota bakoitzaren karakterizazioa egingo da urtero (jatorri desberdin bakoitzeko karakterizazio bat). Karakterizazio hori kanpoko laborategi batek egin beharko du. Informazioa Ingurumen Sailburuordetzara bidaliko da urtero.
e) Befesa Zinc Amorebieta SA enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, bost urtean gutxienez.
f) Aurreko atalean aipatutako agiriak ingurumen-organoari bidaliko zaizkio, ahal bada, erakundeentzako IKS-L03 Sistemaren bertsioa erabilita.
g) Befesa Zinc Amorebieta SA enpresak egiaztatu beharko du hondakin arriskutsuak Amorebieta-Etxanoko udalerrian kokatutako instalazioetara eramateko erabiliko den garraioak horrelako gaiak garraiatzeko indarrean den legeriak ezarritako baldintzak betetzen dituela. Horren inguruan antzematen den gorabehera oro berehala jakinarazi beharko dio Ingurumen Sailburuordetzari, beharrezkoak diren neurriak har ditzan.
D.1.3.- Zamalanak.
a) Hondakin arriskutsuen fabrikako zamalanak gai arriskutsuak errepidez manipulatzeko eskatutako segurtasun-baldintzak betez egingo dira.
b) Fabrikako hondakinen zamalanak eta manipulazioa, eta ekipoen estankotasuna, isuri barreiatuak edo kontrolatu gabeak egotea saihestu, edo bestela, ahalik eta gehien murriztu beharko dituzte.
D.1.4.- Hartutako hondakinak biltegiratzea.
a) Tratatu beharreko hondakinak biltegiratzeko instalazioek lurzoru estankoak izan behar dituzte, aurreikusitako karga guztiak jasateko eta horien isuri edo ihesak atxikitzeko gaitasunarekin. Hondakin onargarrien mota generiko bakoitzerako biltegiratze-gune bereiziak izango dira.
b) Fabrikan onartutako hondakinen biltegiratzea euria sartzea eta haizeak arrastatzea saihesteko moduan egin beharko da.
c) Hautsezko hondakinak eta soltean hartutakoak siloetan eta pabiloiaren barruan biltegiratuko dira, tratatu arte.
d) Egoera fisiko likidoan edo oretsuan dauden edo oso bustita daudelako isuriak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isuriak kanpora irten ez daitezen. Biltzeko sistema horiek bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.
e) Biltegiratutako hondakin arriskutsuen ontzi guztiek etiketatuta egon beharko dute, eta etiketak argia, irakurtzeko modukoa eta ezabaezina izan beharko du. Etiketan, gutxienez, dituen hondakinen identifikazio-kodea, ontziratze-data eta hondakin horiek dituzten arriskuen izaera agertu behar dira.
f) Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Amorebieta-Etxanoko Udalean.
D.1.5.- Kudeatutako hondakinen datuen erregistroa.
Hondakinei buruzko apirilaren 21eko 10/1998 Legearen 13.3 artikuluan ezarritakoari jarraiki, Befesa Zinc Amorebieta SA enpresak esku hartzen duen eragiketen agiri-erregistro bat egin beharko du. Erregistro horretan datu hauek agertu behar dira: kopuruak, izaera, tratamendurako diren hondakinen konposizioa eta identifikazio-kodea; hondakinaren jatorria eta zein prozesutatik datorren; enpresa sortzailea eta enpresa garraiatzailea; hondakin-partida bakoitzaren onarpen- eta jasotze-datak; hartutako hondakin arriskutsuen partida bakoitzerako kontrol eta jarraipenerako agiriaren erreferentzia-zenbakia; hartutako hondakinek fabrikan duten kokapena; biltegiratze-aldia eta datak; tratamendu-eragiketak, datak, kontrolerako parametroak eta prozesuari buruzko datuak. Halaber, baztertutako hondakin-partidei buruzko datuak gehituko dira erregistroan (jatorria, kopurua, enpresa garraiatzailea, bazterketaren arrazoiak eta helmuga alternatiboa).
Ebazpen honetako D.1.2 atalean aipatutako karakterizazio-analisien emaitzak atal honetan araututako erregistroan jasoko dira, eta baita Befesa Aluminio Amorebieta SA enpresak egin ditzakeen kontrasteko horiek ere.
Befesa Zinc Amorebieta SA enpresak gauzatutako kudeaketa-jardueren txostena aurkeztu beharko du hilero Eusko Jaurlaritzako Ingurumen eta Lurralde Antolamendu Saileko Ingurumen Sailburuordetzan. Atal honetan adierazitako erregistroaren laburpena izango da.
Halaber, jardueren urteroko memoria aurkeztu beharko da urte bakoitzeko martxoaren 1a baino lehen, uztailaren 20ko 833/1988 Errege Dekretuaren 38. eta 39. artikuluetan ezarritakoari jarraituz.
D.2.- Instalazioaren jardunerako baldintza orokorrak.
D.2.1.- Airearen kalitatea babesteko baldintzak.
D.2.1.1.-Baldintza orokorrak.
Befesa Zinc Amorebieta SA instalazioa ustiatzean atmosferara egingo diren isuriek ez dituzte Ebazpen honetan ezarritako muga-balioak gaindituko.
Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.
Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.
Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.
D.2.1.2.- Fokuak identifikatzea. Katalogazioa.
Befesa Zinc Amorebieta SA enpresaren instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:
(Ikus .PDF)
Gainera, isuri barreiatuak sortzen dira beroko galbanizazioko ehotze- eta bahetze-prozesuetako toberetako zink-errautsak kargatzean. Prozesu etena da, bertan zink-errauts xehe esekiak sortzen dira, eta dekantatu ondoren bildu eta ekoizte-prozesuan berrerabiltzen dira.
D.2.1.3.- Isurtzeko muga-balioak.
Instalazioa ustiatzean atmosferara egingo diren isuriek ez dituzte isurtzeko muga-balio hauek gaindituko:
(Ikus .PDF)
Balio horiek baldintza hauek dituzte: 273 şK-eko tenperatura, 101,3 kPa-ko presioa eta gas lehorra.
Gehienez onar daitezkeen balioek ez dituzte isurtzeko muga-balioak gaindituko arauz egingo diren aldizkako ikuskaritzetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.
D.2.1.4.- Gasak biltzeko eta husteko sistemak.
Fokuetako gas-hondarrak kanporatzeko tximiniek ez dute D.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.
Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 e" 8D eta L2 e" 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliozkotasuna justifikatzea eskatuko da.
Isuri barreiatuak minimizatzearren, iragazki bat jarriko da errautsak oxido-labean kargatzean sortzen diren isuri barreiatuak xurgatzeko, eta baita errotaren eta bahearen toberan sortzen diren isuri barreiatuetarako ere.
D.2.2.- Ibilgura isurketak egiteko baldintzak.
Isurketa sortzen duen jarduera mota nagusia: hondakinen eta zink-txatarraren eta zamaren fabrika.
Taldea: metalak.
Mota-taldea-EJSN: 1-2-37.10.
D.2.2.1.- Isurketen sailkapena, jatorria, ingurune hartzailea eta kokapena.
(Ikus .PDF)
D.2.2.2.- Gehienez isur daitezkeen emari eta bolumenak.
a) 1. isurketa: ur sanitarioak.
Orduko puntako emaria 0,18 m3/h (0,050 l/s)
Eguneko gehienezko bolumena 1,50 m3
Urteko gehienezko bolumena 320 m3
D.2.2.3.- Isurtzeko muga-balioak.
Ibilgurako isurien ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko balioekin:
a) 1. isurketa: ur sanitarioak.
Parametroak Isurtzeko muga-balioak
pH-a 6,6 - 9,5
Solido esekiak (mg/l) 80 mg/l
OEK (mg/l) 160 mg/l
Amonioa (NH4+) (mg/l) 15 mg/l
Olioak eta koipeak (mg/l) 20 mg/l
Fosforoa guztira (mg/l) 10 mg/l
Detergenteak 2 mg/l
Ezin dira diluzio-teknikak erabili isurtzeko muga-balioak lortzeko.
Ondorengo mantentze-lanak burutu beharko dira, teilatuetako zorrotenetako eta patioko euri-urak kutsadurarik gabe egon daitezen:
- Barne-instalazioak eta kanpoko patioa egunero ekortzeko makinaz garbitzea.
- Kutxetak eta hodi-zorrotenak sei hilean behin garbitzea.
Halaber, sei hilean behin instalazioan sortutako euri-urei buruz erakunde laguntzaileak egindako analisia igorriko da Uraren Euskal Agentziako Mendebaldeko Kantauriar Arroen Bulegora, euri-urek kutsadurarik arrastatzen ez dutela egiaztatzeko.
Hartutako neurri zuzentzaileak nahikoak ez direla ikusiz gero, Befesa Zinc Amorebieta SA enpresak beharrezko arazketa-sistemak instalatu beharko ditu isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.
Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak kasuan kasu tratamendu egokia egin beharko du, isurketaren ondorioz aipatutako kalitate-helburuak urratzen ez direla ziurtatzeko.
Baimen honek ez du baimentzen baldintza honetan esplizituki adierazitako beste substantzia batzuk isurtzea, bereziki gai arriskutsuak izenekoak badira (Uren abuztuaren 2ko 29/1985 Legearen atariko, I., IV., V., VI. eta VIII. tituluak garatzen dituen Jabari Publiko Hidraulikoaren Erregelamendua onartzen duen apirilaren 11ko 849/1986 Errege Dekretua aldatzen duen maiatzaren 23ko 606/2003 Errege Dekretuaren hirugarren xedapen gehigarriak aipatzen ditu gai horiek).
D.2.2.4.- Araztu eta husteko instalazioak.
Arazketa-instalazioek edo hondakin-urak zuzentzeko neurriek jarduera hauek barne hartuko dituzte funtsean:
- Bi gorputzeko hobi septikoa ur sanitarioak tratatzeko.
Hartutako neurri zuzentzaileak nahikoak ez direla ikusiz gero, Befesa Zinc Amorebieta SA enpresak behar beste aldaketa egingo ditu arazteko instalazioetan, isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik, eta behar izanez gero, baimena aldatzeko ere eskatuko du.
Aurkeztutako agirien arabera, baimendutako industria-uraren isurketak kontrolatzeko kutxeta bat jarriko da; kutxeta horrek isurketen lagin esanguratsuak lortzeko beharrezkoak diren ezaugarri guztiak izango ditu. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.
D.2.2.5.- Isurien kontrol-kanona.
Uraren Legearen Testu Bateginaren 113. artikulua eta Jabari Publiko Hidraulikoaren Araudiko (606/2003 Errege Dekretua) 291. artikulua aplikatuz, hau da isurien kontrol-kanonari dagokion zenbatekoa:
(IKK): Isurien Kontrol-kanona = V x Pu.
Pu = Pb x Km.
Km = K2 x K3 x K4.
Honela ulertuta:
V = Isurketa baimenduaren bolumena (m3/urte).
Pu = Isurketaren kontroleko prezio unitarioa.
Po = Oinarrizko prezioa m3-ko isurketaren izaeraren arabera.
Km = Isurketaren maiorazioko edo minorazioko koefizientea.
K2 = Isurketaren ezaugarrien araberako koefizientea.
K3 = Isurketaren kutsadura-mailaren araberako koefizientea.
K4 = Ingurune hartzailearen ingurumen-kalitatearen araberako koefizientea.
1. isurketa: ur sanitarioak:
V: Bolumena:
Po: Hondakin-ura: Hiri-hondakinak
K2: 1.999 biztanle baliokide gehienez
K3: Tratamendu egokia
K4: Kategoria-eremua: I V = 320 m3/ urte
Po = 0,01202 € /m3
K2 = 1,0
K3 = 0,5
K4 = 1,25
Km = 1,0 x 0,5 x 1,25 = 0,62500.
Pu = 0,62500 x 0,01202 = 0,00751 euro/m3.
Isurien Kontrol Kanona = 0,00751 320 = 2,40 euro/urte.
Zenbateko hori ez da aldatuko isurtzeko baimena edo isurien kontrol-kanonaren kalkulua osatzen duten faktoreetako bat aldatzen ez diren artean.
Urte natural bakoitza amaitu ondoren, titularrari urte horri dagokion likidazioa bidaliko zaio.
Isurien kontrol-kanona ez da lotuta egongo saneamendu- eta arazte-lanak finantzatzeko autonomia-erkidegoek edo udalek ezar ditzaketen kanonekin edo zergekin (TRLAren 113.7. artikulua).
D.2.3.- Instalazioan sortutako hondakinak egoki kudeatzen direla bermatzeko baldintzak.
Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.
Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.
Hondakinen kudeaketari buruzko printzipio hierarkikoei jarraituz, hondakin oro balioztatu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek balioztatzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira balioztatzeko beste modu material edo energetikoren aurretik.
Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.
Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.
Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isuriak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isuriak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.
Hondakinek desagertu, galdu eta ihes egingo balute, berehala jakinaraziko da gertatutakoa Ingurumen Sailburuordetzan eta Amorebieta-Etxanoko Udalean.
D.2.3.1.- Hondakin arriskutsuak.
Sustatzaileak adierazitako hondakin arriskutsuak hauek dira:
● 1. prozesua: «Zerbitzu orokorrak».
- 1. hondakina: «Olio erabilia».
Identifikazioa: A 48137657/2800012895/1/1.
Hondakinaren kodea: Q8//R1//L8//C51//H5/6//A223//B0019.
HEZ: 130208.
Urtean sortutako kantitatea: 60 kg.
Mantentze-lan orokorretan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 2. hondakina: «Gai arriskutsuekin kutsatutako solidoak».
Identifikazioa: A 48137657/2800012895/1/2.
Hondakinaren kodea: Q5//D15//S34//C51//H5//A223//B0019.
HEZ: 150202.
Urtean sortutako kantitatea: 50 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 3. hondakina: «Metalezko ontzi hutsak (gai arriskutsuekin kutsatuak)».
Identifikazioa: A 48137657/2800012895/1/3.
Hondakinaren kodea: Q05//R13//S36//C43/51//H5//A223//B0019.
HEZ: 150110.
Urtean sortutako kantitatea: 50 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 4. hondakina: «Plastikozko ontzi hutsak (gai arriskutsuekin kutsatuak)».
Identifikazioa: A 48137657/2800012895/1/4.
Hondakinaren kodea: Q05//R13//S36//C43/51//H5//A223//B0019.
HEZ: 150110.
Urtean sortutako kantitatea: 50 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 5. hondakina: «Berun azidozko bateriak».
Identifikazioa: A 48137657/2800012895/1/5.
Hondakinaren kodea: Q06//R13//S37//C18/23//H08//A223//B0019.
HEZ: 160601.
Urtean sortutako kantitatea: 5 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 6. hondakina: «Merkurioa duten pilak».
Identifikazioa: A 48137657/2800012895/1/9.
Hondakinaren kodea: Q6//R4//S37//C16/22//H6//A223//B0019.
HEZ: 160603.
Urtean sortutako kantitatea: 0,01 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 7. hondakina: «Hodi fluoreszenteak».
Identifikazioa: A 48137657/2800012895/1/8 .
Hondakinaren kodea: Q06//R13//S40//C16//H06/14//A223//B0019.
HEZ: 200121.
Urtean sortutako kantitatea: 5 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 8. hondakina: « Baterias de Ni-Cd».
Identifikazioa: A 48137657/2800012895/1/9.
Hondakinaren kodea: Q6//R13//S37//C5/11/24//H6/8//A210//B0019.
HEZ: 160602.
Urtean sortutako kantitatea: 1 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 9. hondakina: «Mahuka-iragazki erabiliak».
Identifikazioa: A 48137657/2800012895/1/10.
Hondakinaren kodea: Q9//D15//S35//C7//H5//A223//B3221.
HEZ: 150202.
Urtean sortutako kantitatea: 100 mahuka.
Gasak arazteko instalazioan sortutako mahuka-iragazki erabiliak galdatze-labean sartuta autokudeatzen dira.
- 10. hondakina: «Aerosolak (gai arriskutsuekin kutsatuak)».
Identifikazioa: A 48137657/2800012895/1/11.
Hondakinaren kodea: Q14//D15//S-G36 //C41//H14//A223//B0019.
HEZ: 160504.
Urtean sortutako kantitatea: 47 kg.
Mantentze-lan orokorretan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
- 11. hondakina: «Olio-iragazkiak».
Identifikazioa: A 48137657/2800012895/1/12.
Hondakinaren kodea: Q07//R04//S40//C51//H14//A223//B0019.
HEZ: 160107.
Urtean sortutako kantitatea: 149 kg.
Mantentze-lanetan sortzen da. Hondakinarentzat identifikatutako bidoian jasotzen da sortzen den lekuan edo lekuetan, eta bete ondoren, hondakin-biltegira eramaten da, ondoren kudeatzeko.
Labeetan zepak eta gas-tratamenduan hondakin solidoak sortzea justifikatu beharko da. Justifikazioa kanpo-erakunde ziurtatuak horiei buruz egindako karakterizazio analitiko osoaren bidez egingo da. Baiezkoa bada, hondakinaren identifikazioari, kodeari, sortutako kantitateari, sortze-prozesuaren deskribapen orokorrari, manipulazioari eta biltegiratzeari buruzko datuak aurkeztuko dira.
a) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.
b) Prozesuan sortutako zepak biltegiratzeko parkeak egitura estalia izango du ahal dela, edo horrelakorik ezean, lurzoru estankoak eta jariatze-urak biltzeko sistema izango ditu.
c) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.
d) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.
e) Hondakin arriskutsuak gordetzeko denbora ezingo da 6 hilabetetik gorakoa izan.
f) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.
g) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Befesa Zinc Amorebieta SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.
h) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.
i) Instalazioan sortutako hondakin hau bertan autokudeatu ahal izango da: mahuka-iragazkiak, galdatze-labean sartuta, karga guztiaren pisuaren % 0,5 inoiz gainditu gabe.
j) Befesa Zinc Amorebieta SA enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.
k) Ekainaren 2ko 679/2006 Errege Dekretuan, industrian erabilitako olioaren kudeaketa arautzen duenean, aurreikusitako baimendutako kudeaketa-sistema bateratu bat ezartzen ez den bitartean, irailaren 29ko 259/1998 Dekretuaren, Euskal Autonomia Erkidegoan erabilitako olioaren kudeaketa arautzen duenaren, aurreikuspenak bete beharko ditu Befesa Zinc Amorebieta SA enpresak.
l) Ekipo elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.
m) Befesa Zinc Amorebieta SA enpresak poliklorobifeniloak eduki ditzaketen gailuak baldin baditu, abuztuaren 27ko 1378/1999 Errege Dekretua, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, eta errege dekretu hori aldatzen duen otsailaren 24ko 228/2006 Errege Dekretua bete beharko du.
n) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Befesa Zinc Amorebieta SA enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumenaren ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.
o) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.
p) Erregistro-liburu bat izango da instalazioan, «mahuka-iragazkiak» hondakin arriskutsuen dosifikazioa eta tratamendua jasotzeko, eta gutxienez datu hauek agerrarazteko:
- Kudeatutako hondakinen kantitateak, izaera, konposizioa eta identifikazio-kodea.
- Dosifikazio-maiztasuna eta -maila
- Tratamendu-jarduerak eta kontrol-parametroak.
- Tratamenduaren ondoren lortutako hondakinen kantitateak, izaera, konposizioa eta identifikazio-kodea.
- Horiei emandako kudeaketa, helmuga identifikatzeko datak eta datuak.
- Hilero, Ingurumen Sailburuordetzari bidaliko zaio kontrolerako erregistro horren kopia.
q) Aurreko e) eta f) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
r) Amiantoa duten hondakinak antzemanez gero, Befesa Zinc Amorebieta SA enpresak 108/1991 Errege Dekretuan (3. artikulua), amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.
D.2.3.2.- Hondakin ez-arriskutsuak.
Sustatzaileak adierazitako hondakin ez-arriskutsuak hauek dira:
Hondakinaren izena HEZ kodea Zein prozesuri lotuta Kalkulatutako ekoizpena (kg)
HHS 200199 Bulegoak 90
Papera eta kartoia 200101 Bulegoak 47
Tonerra 080313 Bulegoak 5
Plastikozko ontziak 150102 Bulegoak 40
Beira 200102 Bulegoak 6
Erregogorra 100599 Ekoizpena -
Txatarra 160117 Ekoizpena 47.360
Lohi beltzak 200304 Ekoizpena 17.120
Obra-hondakinak 170107 Ekoizpena 57.380
a) Obra-hondakinen kasuan, hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako D.2.3.1 atalean jasotako xedapenak aplikatuko dira.
b) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.
c) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua balioztatzea denean, 2 urtez gorde ahal izango dira.
d) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, proposatutako kudeaketa-bideak Ebazpen honek jasotako hondakinak kudeatzeko printzipio hierarkikoekin bat egiten duela justifikatu beharko da. Befesa Zinc Amorebieta SA enpresak onarpen-agiriak, edo horien agiri ofizial baliokideak artxiboan erregistratu eta gorde beharko ditu bost urtetan gutxienez, horiek aginduzkoak direnean.
e) Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.
f) Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.
g) Aipatutako d) eta e) (kudeatzaileak EAEn daudenean) eta f) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
D.2.4.- Lurzorua babesteko baldintzak.
Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Befesa Zinc Amorebieta SA enpresak honako zereginak izango ditu:
- Ekialdeko pabiloia egoera ezin hobean egongo da, leku horretan egiten den jarduerak ahalbidetzen duen neurrian. Partikulazko materiala zolaren gainean pilatzea saihestu, partikulazko materiala pabiloiaren kanpoaldera zabaltzea murrizteko.
- Txatarretarako bidoiak eta makinak pabiloiaren ekialdeko ezpondan ez biltegiratu. Ahal bada, gune hori estaltzea gomendatzen da, edo pabiloiaren barruan biltegiratu.
- Pabiloiaren kanpoaldeko prozesu osagarrietako partikulazko materiala zabaltzea saihestu, prozesu horiek barrualdean egin eta haizeak zabaltzea saihestuz.
- Instalazioen mantentze-lanak egokiak direla ziurtatu, ingurumenak izan ditzakeen arriskuak kontrolatu ahal izateko.
- Lurzoruaren kalitateari buruzko adierazpena abian jartzeko orduan lurzoruaren kutsadura prebenitu eta zuzentzeari buruzko 1/2005 Legearen 17. artikuluak jasotzen dituen inguruabarretako bat gertatuko balitz, enpresak Ingurumen Sailburuordetzari jakinarazi eta prozesutik sortutako ekintza guztiak burutu beharko ditu.
Befesa Zinc Amorebieta SA enpresak jarduera garatzen duen lur zatian lur-mugimenduak sustatzen baditu, enpresak hondeatu behar dituen materialen karakterizazioa egin beharko du, jardun kutsatzaileen ondorioz erasan diren egiaztatzearren eta, karakterizazio horren emaitzen arabera, horientzako kudeaketa-modu egokiena zehaztearren.
Karakterizazio horretan lortutako emaitzak, material horiek kudeatu aurretik Ingurumen Sailburuordetzara bidaliko dira, baloratzeko. Ingurumen-organoak, ebazpen arrazoitu bidez, lurzoruaren kalitatearen adierazpena egiteko prozedura hastea eskatu ahal izango du kutsadura-zantzurik antzemanez gero, lurzorua ez kutsatzeko eta kutsatutakoa garbitzeko otsailaren 4ko 1/2005 Legearen 17.6 artikuluan xedatutakoari jarraiki.
D.2.5.- Zaratari buruzko baldintzak.
Jarraian adierazitako zarata-mailak ez gainditzeko neurriak hartu eta instalatuko dira:
a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.
b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.
c) Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.
d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.
E) Ingurumena zaintzeko programa.
Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:
E.1.- Isuri atmosferikoak kontrolatzea.
a) Befesa Zinc Amorebieta SA enpresak isurien kontrola egin beharko du, informazio honi jarraituz:
Fokua Foku-kodea Fokuaren izena Neurtu beharreko parametroak Kontrolen maiztasuna
1 48002110-01 1. oxido-iragazkia Partikulak guztira; Zn + Pb + Cr + Cu + Mn; Ni + As; Cd + Hg eta SO2 Urtero KEB batek
2 48002110-02 2. oxido-iragazkia Partikulak guztira; Zn + Pb + Cr + Cu + Mn; Ni + As; Cd + Hg eta SO2 Urtero KEB batek
3 48002110-03 3. oxido-iragazkia Partikulak guztira; Zn + Pb + Cr + Cu + Mn; Ni + As; Cd + Hg eta SO2 Urtero KEB batek
4 48002110-04 Inpaktuzko errota Partikulak guztira; Zn + Pb + Cr + Cu + Mn; Ni + As; Cd + Hg Urtero KEB batek
5 48002110-05 Labe birakariak Partikulak guztira; CO, NOx, SO2, Zn + Pb + Cr + Cu + Mn; Ni + As; Cd + Hg ; SO2; Urtero KEB batek
Kloroaren konposatu ez-organikoak HCl gisa adieraziak, HF, karbono organikoa guztira (KOG), dioxinak eta furanoak Hasierako neurketa KEB batek
6 48002110-06 Errauts-deskarga Partikulak guztira; CO, NOx, SO2, Zn + Pb + Cr + Cu + Mn; Ni + As; Cd + Hg ; SO2; Urtero KEB batek
Kloroaren konposatu ez-organikoak HCl gisa adieraziak, HF, karbono organikoa guztira (KOG), dioxinak eta furanoak Hasierako neurketa KEB batek
(*) Emaitzen arabera, horren kontrolerako beharrezko aldia ezarriko da.
Aurreko atalean aipatutako aldizkako neurketa guztiak kontrol-erakunde baimendu batek (KEB) egin beharko ditu (ordubeteko hiru neurketa, gutxienez, zortzi orduan zehar neurtuta; eta dioxinak eta furanoak ere neurtzen direnean, 6-8 orduko neurketa bat), eta aldizkako kontrol horiei buruzko txostenak Ingurumen Sailburuordetza honek prestatutako «KEBen gutxieneko txostenean» ezarritakora egokitu beharko du. Nolanahi ere, isurien kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.
Arestian eskatutako parametro guztien neurketen KEB txostenak bidaliko dira. Parametroen neurketak ez izatekotan, edo Ebazpen honetan neurketak egiteko ezarritako maiztasuna baina zaharragoak badira, neurketak berriz egin beharko dira. Atmosferara egiten diren isurien ondorengo kontrolak, egindako azken neurketan adierazitako maiztasunarekin egingo dira.
E.1.1.- Lortutako emaitzen erregistroa.
Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskuragarri izango dute.
Foku bakoitzaren erregistro-liburuak behar bezala beteta igorri beharko ditu sustatzaileak. Behin horiek egiaztatuta, Sailburuordetzak zigilatu egingo ditu eta erabil ditzan igorriko dizkio sustatzaileari, goiko paragrafoak adierazitakoaren arabera.
E.2.- Isuritako uraren kalitatea kontrolatzea.
a) Sustatzaileak aurkeztu dituen agirien arabera, ondorengo analisiak egingo dira:
Isurketa-puntua Kontrolatu beharreko fluxua Neurtu beharreko parametroak Kontrolen maiztasuna Kontrol mota
1 Ur sanitarioak pH-a, solido esekiak, OEK, amonioa, olioak eta koipeak, fosforoa guztira Hiru hilero Kanpokoa
- Euri-urak pH-a, solido esekiak, Zn, olioak eta koipeak Hilean behin (euria ari duenean) Kanpokoa
b) Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek egin eta egiaztatuko du, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.
c) Laginketak kutsatzaile gehien sortzen den aldietan egingo dira beti. Isurien kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.
d) Isuriak baimenean jarritako baldintza guztiak betetzen dituela ulertuko da, D.2.2.3 ataleko parametro guztientzat ezarritako mugak betetzen badituzte.
E.3.- Jardueraren adierazleak kontrolatzea.
Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:
(Ikus .PDF)
E.4.- Zarataren kontrola.
Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.
Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako E.6 atalean aipatzen den ingurumena zaintzeko programaren testu bateginarekin batera aurkeztuko da.
E.5.- Emaitzak kontrolatu eta bidaltzea.
Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.
E.6.- Ingurumena zaintzeko programaren agiri bategina.
Sustatzaileak ingurumena zaintzeko programaren agiri bategina landu beharko du, ingurumenaren gaineko eraginari buruzko azterlanean eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.
Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).
F) Ezohiko egoeretarako prebentziozko neurriak eta jardunerako baldintzak.
F.1.- Fabrika gelditzeko eta abiarazteko eragiketak eta mantentze-lanetarako programatutako eragiketak.
Programatutako urteko mantentze-lanei dagokienez, isurien eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.
F.2.- Jarduera uztea.
Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27,45 epigrafea), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Befesa Zinc Amorebieta SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.
F.3.- Ezohiko jardunean aplikatzeko prebentziozko neurriak eta jarduerak.
Oinarrizko Proiektuko 1.11 atalean egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:
a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.
b) Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.
c) Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.
d) Era berean, ustiapenari buruzko eskuliburu bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.
e) Erregaiak, hautsezko gaiak eta hondakinak, besteak beste, maneiatzeak lurzorua eta ura kutsa ditzake. Beraz, isuriak, jarioak edo ihesak gertatzeko arriskua izan dezaketen azalera guztiak irazgaiztuko dira.
f) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.
g) Hautsezko materialak haizetik hobekien babestutako tokietan biltegiratuko dira, material-piloen garaierak euste-hormen garaiera gainditzea ekidinez, eta haize gogorra dabilenean materialak manipulatzea ekidingo da.
h) Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
i) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.
j) Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.
k) Hobi septikoaren sistemak garbitze- eta mantentze-lan egokia izango du errendimendu ona ziurtatzeko. Aldizka enpresa espezializatu batek erretiratuko ditu pilatutako solido eta lohiak, eta iragazki biologikoaren ohantzea garbituko du, eta garbiketan arrastatutako solidoak ibilgura hustea saihestuko da.
l) Urtean behin instalazio horien garbiketaren eta mantentze-lanen fakturaren kopia bat bidaliko da.
m) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.
n) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko.
o) Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, kontrolik gabeko isuri atmosferikoa, sutea, jarioak edo isuriak), gorabehera edo ezohiko gertaera horren berri eman beharko dio berehala Ingurumen Sailburuordetzari.
p) Gorabehera edo arazo larriren bat edo ustekabeko isuriren bat egonez gero, SOS Deiak eta udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:
- Gertakari-mota.
- Gertakaria non, zergatik eta zein ordutan gertatu den.
- Iraupena.
- Ustekabeko isuria izanez gero, emaria eta isuritako gaiak.
- Mailak gainditu badira, isurketei buruzko datuak.
- Eragindako kalteen balioespena.
- Hartutako neurri zuzentzaileak.
- Berriro gerta ez dadin aurreikusitako neurriak.
- Prebentziozko neurriak eraginkortasunez aplikatzeko ezarritako epeak.
q) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
G) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta edo ofizioz aldaraz daitezke, ingurumena zaintzeko programan lortutako emaitzetan oinarrituta.
H) Urtean behin Befesa Zinc Amorebieta SA enpresak Ingurumen Sailburuordetzari jakinaraziko dizkio atmosferara eta uretara egindako isuriei eta sortu dituen hondakinei buruzko datuak, E-PRTR-Euskadi botatako eta eskualdatutako kutsagarrien Europako Inbentarioa landu eta eguneratzeko, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren 20ko 508/2007 Errege Dekretuari jarraituz.
Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi-net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.
Halaber, Ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.
Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.
I) 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.
J) Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.
Hirugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: A (erantzukizun zibileko asegurua), B (fidantza), D.2.3 (hondakin arriskutsu eta ez-arriskutsuak onartzeko agiriak, eta hondakin arriskutsu eta ez-arriskutsuak erregistratzeko eredua), (labeetan zepak eta gas-tratamenduan hondakin solidoak sortzearen justifikazioa, eta hala badagokio, hondakinaren identifikazioa, kodea, sortutako kantitatea, sortze-prozesuaren deskribapen orokorra, manipulazioa eta biltegiratzea), D.2.4 (lurzorua babesteko neurriak), E.1 (KEB txostenak) (isuri atmosferikoak erregistratzeko eredua), E.6 (ingurumena zaintzeko programaren agiri bategina), F.3 (larrialdi-kasuetarako eskuragarri dauden materialen zerrenda).
Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.
Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.
Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.
Laugarrena.- Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.
Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.
Bosgarrena.- Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.
Seigarrena.- Befesa Zinc Amorebieta SA enpresak Ebazpen honen xede den zink-hondakinak berreskuratu eta eraldatzeko jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, horrek onar dezan.
Zazpigarrena.- Baimen honek balioa galduko du kausa hauek gertatzen direnean:
- Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.
- Befesa Zinc Amorebieta SA enpresaren nortasun juridikoa bukatzea, indarrean dagoen araudian ezarritako kasuetan.
- Baimena indarrean jartzen dela adierazten duen ebazpenean xedatutakoak.
Zortzigarrena.- Ebazpen honen edukia jakinaraztea Befesa Zinc Amorebieta SA enpresari, Amorebieta-Etxanoko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.
Bederatzigarrena.- Ebazpen hau Euskal Herriko Agintaritzaren Aldizkarian argitaratzeko agintzea.
Hamargarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).
Vitoria-Gasteiz, 2008ko apirilaren 30a.
Ingurumeneko sailburuordea,
IBON GALARRAGA GALLASTEGUI.
