Euskal Herriko Agintaritzaren Aldizkaria

38. zk., 2011ko otsailaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ingurumen eta Lurralde Antolamendu Saila

968

EBAZPENA, 2008ko apirilaren 18koa, Ingurumen Sailburuordearena, Industrias Galycas SAri ingurumen-baimen bateratua ematen diona, Vitoria-Gasteizko udalerrian (Araba) alanbrea trefilatzeko instalazioetan jardun ahal dezan.

AURREKARIAK

2006ko abenduaren 22an, Industrias Galycas SA enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Vitoria-Gasteizko udalerrian (Araba) alanbrea trefilatzeko. Ondorengo agiri teknikoak erantsi zitzaizkion eskaerari:

- Oinarrizko proiektua: memoria eta planoak.

- Oinarrizko proiektua: eranskinak.

- Laburpen ez-teknikoa.

- A agiria. Isilpekoa.

- B agiria: 1254/1999 Errege Dekretuari dagokion gai arriskutsuen adierazpena.

- Hirigintza-txostena.

Erreferentziako baimena eskatzeko unean, Industrias Galycas SA enpresak, besteak beste, jarduerarako 2003ko apirilaren 9ko baimena zuen burdinazko eta altzairuzko alanbrea trefilatzeko. Halaber, enpresa sustatzaileak baimen hauek zituen: Gasteizko Udal Uren (AMVISA) kolektorera isurtzeko baimena, jarduerarako baimenarekin batera emana; hondakin arriskutsuen ekoizle izateko baimena, Ingurumen Sailburuordetzak 2004ko urtarrilaren 22an emana eta 2006ko martxoaren 2an aldatua; hondakin geldoen ekoizleen inskripzioa, 2002ko urtarrilaren 15ekoa,;eta atmosferan kutsadura sor dezakeen jardueraren inskripzioa.

2007ko urtarrilaren 30ean, Ingurumenaren Kalitatearen Zuzendaritzak prozeduran parte hartzen duten hainbat organori txostenak eskatu zizkion, ingurumen organoak proiektua jendaurrean jartzeko izapidea agindu zezan. Zehazki, Vitoria-Gasteizko Udalari eta Eusko Jaurlaritzako Osasun Sailari egin zitzaien kontsulta.

2007ko martxoaren 2an ingurumen organoak agiri osagarriak eskatu zizkion sustatzaileari; espedientea 2007ko azaroaren 7an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako Ebazpenaren bidez, jendaurrean jarri zen 30 egun balioduneko epean Industrias Galycas SA enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian eta Arabako Aldizkari Ofizialean argitaratu ziren, bietan 2007ko abenduaren 3an. Era berean, Euskal Autonomia Erkidegoko bi egunkaritan argitaratu zen 2007ko abenduaren 2an, eta ondoko auzokide bakoitzari jakinarazpena bidali zitzaion.

Jendaurrean jartzeko izapidetze-epea bete ondoren, alegazio-idazkirik aurkeztu ez zela egiaztatu da.

Uztailaren 1eko 16/2002 Legearen 17. eta 18. artikuluetan xedatutakoa betez, 2007ko urtarrilaren 14an Ingurumenaren Kalitatearen Zuzendaritzak txostenak eskatu zizkien Vitoria-Gasteizko Udalari eta Eusko Jaurlaritzako Osasun Sailari, espedientean ageri den emaitza jasoz.

2008ko otsailaren 22an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Industrias Galycas SA enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2008ko martxoaren 7an sustatzailearen jakinarazpena jaso zen. Jakinarazpen horretan hainbat ohar egiten ziren Ingurumeneko Baimen Bateratuaren ebazpen-proposamenari buruz.

ZUZENBIDEKO OINARRIAK

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

Uztailaren 1eko 16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua aplika daitekeen instalazio guztietan betetzen dela bermatzeko; horretarako, baimena emateko parte hartuko duten herri-administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Industrias Galycas SA enpresaren kasuan, baimen hauek guztiak behar ditu: hondakin arriskutsu eta ez-arriskutsuak sortzeko baimena; saneamendu-sare orokorrera isurketak egiteko baimena; eta ingurumen-izaerako beste zehaztapenen artean, atmosferaren kutsadurari dagozkionak eta lurzoruaren kutsadura prebenitu eta hari aurrea hartzeari dagozkionak.

Uztailaren 1eko 16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak Jarduera Gogaikarri, Osasungaitz, Kaltegarri eta Arriskutsuei buruzko azaroaren 30eko 2414/1961 Dekretuak aurreikusten duen jarduera sailkatuetarako udal-baimenaren prozedura ordezkatzen du; ez du ordezkatzen, ordea, udal-agintaritzak emango duen behin betiko ebazpena.

Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Industrias Galycas SA enpresari dagokion ingurumeneko baimen bateratuaren prozedurak barne hartu ditu Euskal Herriko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Vitoria-Gasteizko Udalaren eta Eusko Jaurlaritzako Osasun Sailaren txostenak.

Azkenik, instalazioak isur ditzakeen gai kutsagarrien gehienezko balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika erabilgarri onenak eta aplikatzekoa den arloko legerian ezarritako neurriak eta baldintzak. Zehazki, Europako Batzordearen erreferentziako agiri baten, zehazki, galdaketaren sektorerako 2006ko abuztuko BREF agiriaren (Reference Document on Best Available Techniques for the Surface Treatment of Metals and Plastics) edukia hartu da kontuan.

Espedienteko txostenak aztertu ondoren, ebazpen-proposamena sinatu eta Industrias Galycas SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Ildo horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzerakoan.

Organo hau da ingurumen-baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko otsailaren 18an emandako Ebazpen-proposamena; otsailaren 27ko 5/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplikatzeko den gainerako araudia,

EBATZI DUT:

Lehenengoa.- Helbide soziala Vitoria-Gasteizko udalerriko (Araba) Gamarrako Atea kaleko 48. zenbakian eta IFK: A - 48032734 duen Industrias Galycas SA enpresari ingurumene-baimen bateratua ematea, aipatutako helbideko alanbrea trefilatzeko instalaziorako, ebazpen honen bigarren ataleko baldintzekin.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.6 kategorian sartuta dago, «Metalen eta plastikozko materialen azala prozedura elektrolitiko edo kimiko bidez tratatzeko instalazioak, tratamendurako erabilitako kubeten edo lerro osoen bolumena 30 m3-tik gorakoa denean» izenekoan.

Industrias Galycas SA enpresak ondoren deskribatuko den jarduerarako eskatzen du ingurumene-baimen bateratua:

Instalazioa Arabako Vitoria-Gasteizko Gamarrako Atea kaleko 48. zenbakian dago.

Urteko ekoizpena 36.859 tonakoa da.

Prozesuaren deskribapena.

Bi motako energiak erabiltzen ditu jarduerak:

- Energia elektrikoa: energia elektrikoaren ekoizte-prozesu guztietan, argiterian eta bulegoko ekipoetan erabiltzen da. 9.456.154 KWh inguru kontsumitzen dira.

- Gas naturala: lurrun-galdararako erregai gisa erabiltzen da. Lurruna azal-tratamenduko bainuak berotzeko erabiltzen da gero. Urtean 2.590.632 KWh inguru kontsumitzen dira.

- Erregaiak: instalazioan bi erregai likido mota kontsumitzen dira:

1.- A gasolioa: orgatila jasotzaileetarako erregai gisa erabiltzen da. Urtean 23.233 litro kontsumitzen dira.

2.- C gasolioa: berogailurako erregai gisa erabiltzen da. Urtean 3.383 litro kontsumitzen dira.

Industrias Galycas SA enpresaren ekoizte-prozesuak eragiketa hauek hartzen ditu barne:

- Lehengaiak hartu eta biltegiratzea: lehengai gisa erabiliko diren alanbroi-bobinak kanpoan biltegiratzen dira hormigoizko zola gainean, eta ilaretan taldekatuta daude, lodieraren eta konposizio kimikoaren arabera.

- Desugerketa: desugertze-prozesuak bi azpiprozesu ditu:

a) Desugerketa: alanbroi-bobinak azido klorhidrikozko bainuetan murgilduz egiten da desugerketa. Desugerketarako bi upel ditu: lehena azido klorhidriko ahulekoa da, eta bigarren upelak azido klorhidrikozko bainu gogor bat du. Alanbroi-bobinek ezarritako hurrenkerari jarraitzen diote: lehen desugerketa ahula da, eta bigarrena, gogorra.

Desugerketaren ondoren, alanbroia presiozko dutxaz garbitzen da, eta garbiketa bikoitza egiten zaio, materialaren aitzinamendu-hurrenkeran kokatutako hiru upeletan murgilduz.

b) Estaldura: fosfatatzeko, borax- eta kare-upelak ditu. Sortuko duen azken produktuaren arabera, tratamendu ezberdina ematen zaio. Materialak dagokion tratamendua jaso ondoren, presiozko dutxaz garbitu eta azken ur-upelean murgiltzen da. Azkenik, alanbroiak boroztatzeko (borax-upelean murgilduta) edo kareztatzeko (kaltzio hidroxidozko upelean murgilduta) tratamendu bat hartzen du.

- Trefilaketa: trefilaketa gauzatzen da, diametro, konposizio kimiko eta ezaugarri mekaniko definituetatik abiatuz elkarren ondoko sekzio-murrizketen bidez sekzio zirkularreko alanbre bat lortzeko, aurrez desugertze-prozesuan azala prestatuta. Trefilaketa zenbait urratseko trefilagailuetan burutzen da. Ilara eta bobina urez eta airez hoztuta daude, sortutako beroa xahutu eta alanbrean gehiegizko tenperatura saihesteko, horrek eragin txarra izango bailuke prozesuan eta materialaren ezaugarri mekanikoetan.

Alanbre eta ilara arteko lubrifikazioa ilara-euskarrien kutxan jartzen diren trefilatzeko xaboien bidez lortzen da. Trefilatzeko xaboiak kaltzio, sodio edo estearato mistoak dira, zenbait gehigarri dituztenak, eta ezaugarri ezberdinak dituzte lubrifikazio-ahalmenari eta alanbreko azken hondakin motari dagokienez.

Trefilatzeko eragiketari jarraitutasuna emateko, bobina bat erresistentzia-topekako soldadura bidez bestearekin lotuz.

- Paketatzea: trefilaketa-bobina makinaren irteeran jasotzen da formatu ezberdinetako unitateetan, produktu bukatu motaren eta bezeroaren eskakizunen arabera.

Industrias Galycas SA enpresak isuri atmosferikoen 7 foku ditu, prozesu ezberdinen arabera sailkatuta:

- Lurrun-galdara: lurrun-galdararen erauzketa-fokua, azal-tratamenduko bainuak berotzeko erabilia.

- Desugerketa: sei foku ditu, honela banatuta:

1.- HCl-zko garbiketa-dorreko erauzketa.

2.- Borax-upeleko erauzketa.

3.- Zink-fosfatatzeko erauzketa (1. upela).

4.- Zink-fosfatatzeko erauzketa (2. upela).

5.- Kare-upeleko erauzketa.

6.- Desugerketa-pabiloiari dagokion baterako erauzketa.

Industrias Galycas SA enpresan isuri hauek egiten dira uretara:

- PV1 isurketa: isurketa AMVISA Ur Partzuergoaren kolektorera egiten da. Hiru fluxuz osatuta dago:

a) Komunetako ur beltzak.

b) Lur zatiaren hego-ekialdeko euri-urak.

c) Industriako hondakin-ur araztuak. Industria-urak fluxu hauez osatzen dira:

1.- Desugerketa-dutxako garbiketa.

2.- Desugerketa-instalazioaren eta araztegiaren arteko estoldetara doazen ur guztiak, eta balantzaren ondokoak, hots, euri-urak, produktu kimikoen balizko jarioak.

- PV2 isurketa: isurketa AMVISA Ur Partzuergoaren kolektorera egiten da. Bi fluxuz osatzen da:

a) Aldagela eta komunetako ur beltzak.

b) Lur zatiaren hego-mendebaldeko euri-urak.

- PV3 isurketa: isurketa AMVISA Ur Partzuergoaren kolektorera egiten da. Bi fluxuz osatzen da:

a) Bulego berrietako ur beltzak.

b) Lur zatiaren iparraldeko euri-urak.

Industrias Galycas SA enpresak aurkeztutako proiektuak, besteak beste, teknika erabilgarri onenak (TEO) izan daitezkeen ondorengo neurriak barneratzen ditu: ISO 14.001 arauaren araberako ziurtagiria du; azal-tratamenduko instalazioan hustubideak ditu; kako-formako bastidoreak ditu arrasteak murriztu eta korrontearen eraginkortasuna areagotzeko; upelek presiozko aire bidezko irabiatze-sistema bat dute; termostatoak dituzte bainuetako tenperaturari eusteko; bainuen konposizioaren eguneroko analisia eta kontrola; arrastea murriztea, piezak bainuaren gainean bertan esekiz, tanta-jarioa desagertu arte; garbiketa-dorrea du desugerketa-upeletako isuriak murrizteko.

Bigarrena.- Industrias Galycas SA enpresak Vitoria-Gasteizko udalerrian alanbrea trefilatzeko instalazioa ustiatzeko ondorengo baldintzak eta eskakizunak jartzea:

A) Administrazioarekiko harremanen arduradunari buruz emandako datuetan aldaketarik badago, Industrias Galycas SA enpresak aldaketa horien berri emango du Ingurumen Sailburuordetzan.

B) Neurri babesle eta zuzentzaileak sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

B.1.- Instalazioaren funtzionamendurako baldintza orokorrak.

B.1.1.- Airearen kalitatea babesteko baldintzak.

B.1.1.1.- Baldintza orokorrak.

Industrias Galycas SA enpresak Vitoria-Gasteizko udalerrian duen instalazioa ustiatzean egingo diren isuri atmosferikoek ez dituzte ebazpen honetan ezarritako muga-balioak gaindituko.

Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren. Arau orokor hori bete beharrik ez dute izango isuri ez-zarratuak biltzea teknikoki eta/edo ekonomikoki bideragarria ez denean, edota kalte urria eragiten dutela egiaztatzen denean.

Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako eta gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

B.1.1.2.- Fokuak identifikatzea. Katalogazioa.

Industrias Galycas SA enpresak Vitoria-Gasteizko udalerrian duen instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

Foku zk. Foku-kodea Isurtze-fokuaren izena Garaiera (m) Barne-diametroa (m) Katalogazioa UTM koordenatuak

Taldea X Y

1 1000311-01 Garbiketa-dorrea Desugerketa 12 1,09 C 528068 4746341

2 1000311-02 Lurrun-galdara Desugerketa 9 0,45 C 528043 4746369

3 1000311-03 Borax-tratamenduko erauzketa Desugerketa 7.66 0,44 C 528052 4746368

4 1000311-04 Zink-fosfatatzeko erauzketa 1. desugerketako upela 7.66 0,33 C 528053 4746365

5 1000311-05 Zink-fosfatatzeko erauzketa 2. desugerketako upela 7.66 0,33 C 528055 4746363

6 1000311-06 Kare-tratamenduko erauzketa Desugerketa 7.66 0,44 C 528056 4746361

7 1000311-07 Baterako erauzketa (sabaia) Desugerketa 7.66 0,33 C 528055 4746356

B.1.1.3.- Isurtzeko muga-balioak.

Instalazioa ustiatzean atmosferara egingo diren isuriek ez dituzte isurtzeko muga-balio hauek gaindituko:

Fokuak Substantziak Isurtzeko muga-balioak

1. fokua Azido klorhidrikoa (HCl) 30 mg/Nm3

Guztizko partikulak 30 mg/Nm3

2. fokua Karbono monoxidoa (CO) 500 ppm

Nitrogeno oxidoak (NOx) 300 ppm

3. fokua Guztizko partikulak 30 mg/Nm3

4. fokua Guztizko partikulak 30 mg/Nm3

5. fokua Guztizko partikulak 30 mg/Nm3

6. fokua Guztizko partikulak 150 mg/Nm3

7. fokua Guztizko partikulak 30 mg/Nm3

Isurtzeko muga-balioak baldintza hauei buruzkoak dira: 273 K-ko tenperatura, 101,3 kPa-ko presioa eta gas lehorra.

Neurtutako parametroek ez dituzte isurtzeko muga-balioak gaindituko arauzko aldizkako ikuskapenetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi horretako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

B.1.1.4.- Gasak bildu eta husteko sistemak.

Fokuetako hondar-gasak kanporatzeko tximiniak ez dira egongo B.1.1.2 atalean ezarritako goreneko kotatik behera. Tximiniek, Industria Ministerioaren 1976ko urriaren 18ko Agindua, industriak atmosferan sortzen duen kutsadura saihestu eta zuzentzekoan ezarritako baldintzak beteko dituzte; horrela, besteak beste, laginak hartzeko puntuetara iristeko sarbide seguru eta errazak izango dituzte.

Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

L1 e" 8D eta L2 e" 2D distantziak betetzen ez diren fokuetan, inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

B.1.2.- AMVISA Ur Partzuergoaren saneamendu-sarera isurketak egiteko baldintzak.

B.1.2.1.- Isurketen sailkapena, jatorria, ingurune hartzailea eta kokapena.

Isurketa sortzen duen jarduera mota nagusia: Hotzeko trefilaketa.

Jarduera-taldea: 2.

Mota-taldea-EJSN: 1-2-27340.

Isurketa-puntua Hondakin-ur mota Isurketaren jatorria Ingurune hartzailea Isurketa-puntuaren UTM koordenatuak

X Y

PV-1.2 Industriako hondakin-ura Desugertze kimikoa AMVISAren ur-kolektorea

PV-1 Industriako hondakin-ura + Euri-urak Araztegian tratatutako industriako hondakin-urei eta lur zatiaren hego-ekialdeko euri-ur zikinei dagokien isurketa AMVISAren ur-kolektorea 528029 4746410

PV-2 Euri-urak Lur zatiaren hego-mendebaldeko euri-ur zikinak AMVISAren ur-kolektorea 527914 4746390

PV-3 Euri-urak Lur zatiaren iparraldeko euri-ur zikinak AMVISAren ur-kolektorea 527994 4746474

Sustatzaileak PV-1.2 isurketa-puntuaren UTM koordenatuak adierazi behar ditu.

B.1.2.2.- Gehienez isur daitezkeen emari eta bolumenak.

a) PV-1.2 isurketa (industriako hondakin-ura).

Sustatzaileak PV-1.2 isurketaren urteko gehienezko bolumena eta orduko puntako emaria aurkeztu behar ditu.

b) PV-1 isurketa (industria-urak eta euri-ur zikinak).

Orduko puntako emaria 0,33 l/s

Eguneko gehienezko bolumena 28,37 m3/egun

Urteko gehienezko bolumena 8311,89 m3/urte

PV-2 isurketa (kutsatuta egon daitezkeen euri-urak).

c) Sustatzaileak PV-2 isurketaren urteko gehienezko bolumena eta orduko puntako emaria aurkeztu behar ditu.

d) PV-3 isurketa (kutsatuta egon daitezkeen euri-urak).

Sustatzaileak PV-3 isurketaren urteko gehienezko bolumena eta orduko puntako emaria aurkeztu behar ditu.

B.1.2.3.- Isurketaren muga-balioak.

Gasteizko Udal Urak enpresaren saneamendu-sarera doazen isurketei buruzko araudian agertzen diren mugak eta baldintzak bete beharko ditu azken isurketak, erakunde horrek aintzat har ditzakeen zehaztapen, aldaketa edo salbuespenekin.

Ezingo dira diluzio-teknikak erabili isurtzeko muga-balioak lortzeko.

B.1.2.4.- Arazketa- eta hustuketa-instalazioak:

Sustatzaileak aurkeztutako agirien arabera, arazketa-instalazioek edo hondakin-urak zuzentzeko neurriek jarduera hauek hartuko dituzte barne funtsean:

Arazketa-instalazioa eragiketa hauetaz osatutako prozesu fisiko eta kimiko bat da:

- Industriako hondakin-uraren sarrera-putzua (batik bat azal-tratamenduko prozesuko garbiketa-ura).

- Neutralizazioa-aurreoxidazioa: aire-injekzioak kanpoko kare-ekarpenaren bidez dekantatzen ditu hidroxidoak. Karea gehitzeak pH-a areagotzea dakar, eta aldi berean, metal astunak prezipitatzen dira.

- Malutatzea: metal astunen hidroxidoak erraz dekantatzen dira. Prozesu hori errazteko, malutatzailea gehitzen da.

Dekantagailua eta lodigarria: orrizko dekantagailu bat du, lohiak uretatik bereizteko.

- Iragazki-prentsa.

Hartutako neurri zuzentzaileak nahikoak ez direla ikusiz gero, Industrias Galycas SA enpresak behar beste aldaketa egingo ditu isurketa baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Aurkeztutako agirien arabera, kontrol-kutxeta bat jarriko da baimendutako hondakin-ur mota bakoitzerako; kutxeta horiek isurketaren lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala dagokionean.

B.1.3.- Instalazioan sortutako hondakinak egoki kudeatzen direla bermatzeko baldintzak.

Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

Espresuki debekatuta dago sortzen diren tipologia desberdineko hondakinak elkarrekin edo beste hondakin edo efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Hondakinak biltegiratzeko guneak edo guneek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Vitoria-Gasteizko Udalean.

B.1.3.1.- Hondakin Arriskutsuak.

Sustatzaileak adierazitako hondakin arriskutsuak hauek dira:

● 1. Prozesua: «Desugerketa».

- 1. hondakina: «Kloruro ferroso diluitua».

Identifikazioa: A48032734/100002313/1/1.

Hondakinaren kodea: Q8//D9//L27//C23//H8//A231(2)//B3137.

HEZ: 110105.

Urtean sortutako kantitatea: 1.320 tona.

Desugerketa-bainuak birjartzean sortzen da; azido klorhidrikoa du.

Prozesuan integratutako 25 m3-ko andelean bildu eta biltegiratzen da, eta zuzenean erretiratzen du kudeatzaile baimenduak.

- 2. hondakina: «Fosfatatzeko lohiak».

Identifikazioa: A48032734/100002313/1/2.

Hondakinaren kodea: Q7//D9//L27//C23//H6//A231(2)//B3137.

HEZ: 110108.

Urtean sortutako kantitatea: 40 tona.

Lohiak fosfatatzeko bainuetatik erauztean sortzen da; burdina-fosfatoaren disoluzio bat da.

Hondakinarentzat identifikatutako kanpo-andelean biltzen da ponpatze bidez, kudeatzaile baimendu bati bidaltzeko.

- 3. hondakina: «Kare-lohiak».

Identifikazioa: A48032734/100002313/1/3.

Hondakinaren kodea: Q7//D9//L27//C24//H8//A231(2)//B3137.

HEZ: 060201.

Urtean sortutako kantitatea: 5 tona.

Kareztatzeko bainua birjartzean sortzen da; kaltzio hidroxidoa da.

Erabilera-puntutik zuzenean erretiratzen da, kudeatzaile baimenduari bidaltzeko.

- 4. hondakina: «Fosfatatzeko lohi iragaziak».

Identifikazioa: A48032734/100002313/1/4.

Hondakinaren kodea: Q7//D9//S27//C23//H6//A231(2)//B3137.

HEZ: 110108.

Urtean sortutako kantitatea: 100 tona.

Fosfatatzeko upela iragazteko instalazioan sortzen da; burdina fosfatoa duten prentsa-iragazkiko lohiak dira.

Hondakinarentzat identifikatutako edukiontzian biltzen da, kudeatzaile baimendu bati bidaltzeko.

- 5. hondakina: «Borax-disoluzioa».

Identifikazioa: A48032734/100002313/1/5.

Hondakinaren kodea: Q7//D9//L21//C24//H5//A231(2)//B3137.

HEZ: 110107.

Urtean sortutako kantitatea: 50 tona.

Borax-bainuaren upela garbitzean sortzen da.

Upeletik zuzenean biltzen da kudeatzaile baimenduari entregatzeko.

● 2. Prozesua: «Trefilaketa».

- 1. hondakina: «Detergente labaingarri erabilia».

Identifikazioa: A48032734/100002313/2/1.

Hondakinaren kodea: Q7//R2/L-P5//C43//H3B/5//A231(2)//B3125.

HEZ: 140603.

Urtean sortutako kantitatea: 2 tona.

Detergente labaingarria tanta-jario bidez alanbrearen gainean aplikatzean sortzen da; 1, 3, 5 trimetil bentzenoa, isopropil bentzenoa, mesitilenoa eta xilenoa dituen nafta aromatiko bat da.

Hondakinarentzat identifikatutako 1.000 litroko putzupadan bildu, eta horretarako berariazko tokian biltegiratzen da.

- 2. hondakina: «Trefilatzeko xaboi erabilia».

Identifikazioa: A48032734/100002313/2/2.

Hondakinaren kodea: Q8//D9/S19//C24//H4//A231(2)//B3125.

HEZ: 120112.

Urtean sortutako kantitatea: 40 tona.

Trefilatze-prozesuan sortzen da, trefilagailuetan lubrifikatzaile gisa erabilitako xaboia erretzen denean.

Hondakinarentzat identifikatutako big-bagean bildu, eta horretarako berariazko tokian biltegiratzen da.

● 3. Prozesua: «Gas efluenteak araztea».

Lurrun azidoen garbiketako urak birzirkulatu egiten dira; zati bat garbiketa-dorrera, eta gainerakoa desugertze azidoko upeletan berrerabiltzen da.

● 4 prozesua: «Hondakin uren tratamendua».

- 1. hondakina: «Bainu-hondoko lohiak».

Identifikazioa: A48032734/100002313/4/1

Hondakinaren kodea: Q8//D9/L27//C24//H5//A231(2)//B0006.

HEZ: 110109.

Urtean sortutako kantitatea: 8.000 kilogramo.

Araztegiko sarrera-putzua garbitzean sortzen da.

Sortzen den puntutik zuzenean erretiratzen da, baimendutako kudeatzaileari bidaltzeko.

- 2. hondakina: «Polimero anionikoaren disoluzio anionikoa».

Identifikazioa: A48032734/100002313/4/2.

Hondakinaren kodea: Q7//D9/L21//C24//H4//A231(2)//B0006.

HEZ: 190211.

Urtean sortutako kantitatea: 1.500 kilogramo.

Azaleko urak arazteko tratamenduaren prozesuan sortzen da malutatzailearen formulazio okerraren ondorioz. Eraginik gabeko nahasketa bat sortzen da.

Prozesu honetan garbiketa-uretako araztegiko opilak sortzen dira, aurkeztutako analisiaren arabera hondakin ez-arriskutsu gisa kudea daitezkeenak, puntu honen «s» atalean ezarritako jarraipenerako neurriak hartuta.

Modu berean, hondakin arriskutsuak sortzen dira. Horiek beste prozesu batzuetako izen bereko hondakin arriskutsuekin kudeatzen dira, guztiak batera kodetuta Zerbitzu Orokorren prozesuan.

● 5. Prozesua: «Zerbitzu orokorrak».

- 1. hondakina: «Olio erabiliak».

Identifikazioa: A48032734/100002313/5/1.

Hondakinaren kodea: Q7//R13//L8//C51//H5/6//A231(2)//B0019.

HEZ: 130110.

Urtean sortutako kantitatea: 4 tona.

Makina eta instalazioetan olioa birjartzeko eragiketetan sortzen dira; olio hidrauliko eta engranaje erabiliak dira.

Hondakinarentzat identifikatutako putzupadan bildu, eta horretarako berariazko tokian biltegiratzen da.

- 2. hondakina: «Berunezko bateriak».

Identifikazioa: A48032734/100002313/5/2.

Hondakinaren kodea: Q6//R13//S37//C18/23//H8//A231(2)//B0019.

HEZ: 060601.

Urtean sortutako kantitatea: 20 kilogramo.

Beruna eta soluzio azidoa duten bateria erabiliak berritzean sortzen da.

Hondakin hori identifikatzeko edukiontzian biltzen da, hondakin-biltegian.

- 3. hondakina: «Merkurioa duten pilak».

Identifikazioa: A48032734/100002313/5/3.

Hondakinaren kodea: Q6//R13//S37//C16/222//H6//A231(2)//B0019.

HEZ: 160603.

Urtean sortutako kantitatea: 0.5 kilogramo.

Merkurioa duten pila agortuak biltzean sortzen da.

Hondakinarentzat identifikatutako edukiontzian biltzen dira berariaz adierazitako eremuan.

- 4. hondakina: «Fluoreszenteak».

Identifikazioa: A48032734/100002313/5/4.

Hondakinaren kodea: Q6//R13//S40//C16//H6/14//A231(2)//B0019.

HEZ: 200121.

Urtean sortutako kantitatea: 50 kilogramo.

Merkurioa duten lanparak aldatzeko eragiketetan sortzen da.

Hondakin-biltegian hondakin horrentzako identifikatutako bidoian biltzen da.

- 5. hondakina: «PCB eta PCTak dituzten transformadoreak eta kondentsadoreak».

Identifikazioa: A48032734/100002313/5/5.

Hondakinaren kodea: Q12//D13//S-L10//C32//H6/7//A231//B0019.

HEZ: 160209.

Urtean sortutako kantitatea: Hondakin puntuala.

- 6. hondakina: «Tresna elektriko eta elektronikoak».

Identifikazioa: A48032734/100002313/5/6.

Hondakinaren kodea: Q14//R13//S40//C6/18//H6/14//A231(2)//B0019.

HEZ: 160213.

Urtean sortutako kantitatea: Hondakin puntuala.

Ekipo elektrikoak eta elektronikoak birjartzeko eragiketetan sortzen da; baztertutako ekipo ofimatikoak dira.

Hondakinarentzat identifikatutako eremuan biltzen da, hondakin arriskutsuen biltegian.

- 7. hondakina: «Disolbatzaile organiko ez-halogenatua».

Identifikazioa: A48032734/100002313/5/7.

Hondakinaren kodea: Q7//R13//L5//C41//H3b/5//A231(2)//B0019.

HEZ: 140603.

Urtean sortutako kantitatea: 330 kilogramo.

Piezak garbitzean sortzen da. Olioak eta koipeak dituen disolbatzaile organiko ez-halogenatua da.

Erabilera-puntutik zuzenean erretiratzen da, kudeatzaile baimenduari bidaltzeko.

- 8. hondakina: «Trapu eta xurgatzaile kutsatuak».

Identifikazioa: A48032734/100002313/5/8.

Hondakinaren kodea: Q5//D15//S34//C41/51//H5//A231(2)//B0019.

HEZ: 150202.

Urtean sortutako kantitatea: 1.5 tona.

Xurgatzaileak eta ehunak biltzean sortzen dira; olioz, disolbatzailez eta bestelako kutsagarriz bustitako trapuak, eskularruak, paperezko zakuak eta xurgatzaileak dira.

Hondakin hori identifikatzeko bidoian biltzen da sortzen den lekuan edo lekuetan, eta bete ondoren, hondakin-biltegira eramaten da.

- 9. hondakina: «Metalezko ontziak».

Identifikazioa: A48032734/100002313/5/9.

Hondakinaren kodea: Q5//R13//S36//C41/51//H5//A231(2)//B0019.

HEZ: 150110.

Urtean sortutako kantitatea: 200 kilogramo.

Ontzi hutsak biltzean sortzen da; olioak, pinturak edo beste kutsatzaileak eduki dituzten metalezko ontziak dira.

Hondakinarentzat identifikatutako bidoian jasotzen da, sortzen den postuetan. Bete ondoren, hondakin-biltegira eramaten da.

- 10. hondakina: «Lubrifikatzaileak izan dituzten metalezko bidoi hutsak».

Identifikazioa: A48032734/100002313/5/10.

Hondakinaren kodea: Q5//R13//S36//C51//H5//A231(2)//B0019.

HEZ: 150110.

Urtean sortutako kantitatea: 680 kilogramo.

Ontzi hutsak biltzean sortzen da; olio lubrifikatzaileak eduki dituzten metalezko ontziak dira.

Hondakin horrentzat identifikatutako lekuan biltzen da hondakin-biltegian.

- 11. hondakina: «Plastikozko ontziak».

Identifikazioa: A48032734/100002313/5/11.

Hondakinaren kodea: Q5//R13//S36//C23/24/41/51//H5//A231(2)//B0019.

HEZ: 150110.

Urtean sortutako kantitatea: 200 kilogramo.

Ontzi hutsak biltzean sortzen da; produktu kimikoak, lubrifikatzaileak eta pinturak eduki dituzten plastikozko ontziak dira.

Hondakin horrentzako identifikatutako bidoian biltzen da sortzen den postuetan, eta bete ondoren, hondakin-biltegira eramaten da.

- 12. hondakina: «Aerosolak».

Identifikazioa: A48032734/100002313/5/12.

Hondakinaren kodea: Q5//R13//S-G36//C41/51//H3b/5//A231(2)//B0019.

HEZ: 160504.

Urtean sortutako kantitatea: 200 kilogramo.

Ontzi hutsak biltzean sortzen da; lubrifikatzaileak eta pinturak eduki dituzten aerosolak dira.

Hondakin horrentzako identifikatutako bidoian biltzen da sortzen den postuetan, eta bete ondoren, hondakin-biltegira eramaten da.

- 13. hondakina: «Uralitazko plakak».

Identifikazioa: A48032734/100002313/5/13.

Hondakinaren kodea: Q7//D15//S21//C25//H7//A231(2)//B0019.

HEZ: 170605.

Urtean sortutako kantitatea: noizean behin.

Fabrikaren estalkiak noizbehinka konpontzean sortzen da.

Hondakin horrentzat identifikatutako big bagean biltzen da, horretarako berariazko eremuan.

- 14. hondakina: «PCBak dituzten kutsatu gabeko transformadoreak».

Identifikazioa: A48032734/100002313/5/14.

Hondakinaren kodea: Q7//R13//S-L81//C51//H5//A231(2)//B0019.

HEZ: 160213.

Urtean sortutako kantitatea: noizean behin.

Instalazioetatik makinak erretiratu ondoren sortzen da.

- 15. hondakina: «Andel inpregnatuak».

Identifikazioa: A48032734/100002313/5/15.

Hondakinaren kodea: Q5//R13//S34-40//C41-51//H5-14//A231(2)//B0019.

HEZ: 150202.

Urtean sortutako kantitatea: noizean behin.

Urak arazteko instalazioa narriatzearen ondorioz sortzen da. Gai arriskutsuak izan dituzten andel narriatu batzuk dira.

- 16. hondakina: «Produktu iraungiak».

Identifikazioa: A48032734/100002313/5/16.

Hondakinaren kodea: Q3//D15//L40//C41-23//H6//A231(2)//B0019.

HEZ: 160507.

Urtean sortutako kantitatea: noizean behin.

Erabilitako lehengaien narriaduraren ondorioz sortzen da.

Sustatzaileak hondakin arriskutsu hauen sortutako kantitatea aurkeztu beharko du: PCB eta PCTak dituzten transformadoreak eta kondentsadoreak, PCBak dituzten kutsatu gabeko transformadoreak, andel inpregnatuak eta produktu iraungiak.

a) Hondakin arriskutsuak biltzeko sistemak bereiziak izango dira, duten tipologia dela-eta, jarioren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

b) Kare-lohiak, borax-disoluzioa eta bainu-hondoko lohiak hondakinak instalazioan sortzen diren andeletatik zuzenean bildu beharko dira, aurrez ontziratu edo biltegiratu gabe, kudeatzaile baimenduari entregatzeko.

c) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

d) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

e) Hondakin arriskutsuak ezingo da 6 hilabetetik gora biltegiratu.

f) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

g) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Industrias Galycas, SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

h) Egiaztatu egin beharko da hondakin arriskutsuak kudeatzaile baimenduaren instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

i) Industrias Galycas SA enpresak ekainaren 2ko 679/2006 Errege Dekretuari, industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

j) Ekainaren 2ko 679/2006 Errege Dekretuan, industrian erabilitako olioaren kudeaketa arautzen duenean, aurreikusitako baimendutako kudeaketa-sistema bateratu bat ezartzen ez den bitartean, irailaren 29ko 259/1998 Dekretuaren, Euskal Autonomia Erkidegoan erabilitako olioaren kudeaketa arautzen duenaren aurreikuspenak bete beharko ditu Industrias Galycas SA enpresak.

k) Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

l) Industrias Galycas SA enpresak poliklorobifeniloak eduki ditzaketen gailuak dituenez, nahitaez bete behar ditu 1999ko abuztuaren 27ko 1378/1999 Errege Dekretuaren, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, baldintzak eta errege dekretu hori aldatzen duen otsailaren 24ko 228/2006 Errege Dekretua; gero, azken ekitaldiari dagokion poliklorobifenilo edukia jakinarazi beharko du. Industrias Galycas SA enpresak poliklorobifeniloak dituen artean, nahitaez aurkeztu behar du urtero Errege Dekretu horrek araututako jakinarazpena.

m) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Industrias Galycas SA enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

n) Industrias Galycas SA enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

o) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

p) Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Industrias Galycas SA enpresak prebentziozko neurriak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

q) Aurreko f), g) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

r) Amiantoa duten hondakinak antzemanez gero, Industrias Galycas SA enpresak 108/1991 Errege Dekretuan, amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egitean segurtasun- eta osasun-arloan bete behar diren gutxieneko baldintzak.

s) «Bainu-hondoko lohiak» hondakina hondakin ez-arriskutsu gisa kudea daiteke. Denboran zehar jarraipena bermatzearren, hondakin horren aldizkako karakterizazioa aurkeztu behar da Ingurumen Sailburuordetzan, hasiera batean urtebeteko maiztasunarekin. Nolanahi ere, maiztasun hori aldatu ahal izango da analisien emaitzen arabera.

B.1.3.2.- Hondakin ez-arriskutsuak.

Sustatzaileak adierazitako hondakin ez-arriskutsuak hauek dira:

Hondakinaren izena HEZ kodea Zein prozesuri lotuta Zenbatetsitako ekoizpena (t)

Papera 150101 Paketatzea 1,74

Plastikoa 150102 Paketatzea

Zura 150103 Paketatzea 5,88

Txatarra 160117 Trefilaketa 653,63

Araztegiko opilak 190206 Hondakin-uren tratamendua 178,48

Industria-zaborra 200199 Zerbitzu Orokorrak 37

Burdinazko metalen hautsa eta partikulak 120102 Desugerketa mekanikoa 25

«Burdinazko metalen hautsa eta partikulak» hondakin ez-arriskutsua eta horri lotutako prozesua (desugerketa mekanikoa) sartzeak prozesuaren deskribapenean aldaketarik, isurtze-foku berririk, etab. dakarren adierazi behar du sustatzaileak. Horrela bada, sustatzaileak agiri berri apropos guztiak aurkeztu beharko ditu.

a) «Araztegiko opilak» hondakinaren kasuan, hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako B.1.3.1 atalean jasotako xedapenak aplikatuko dira.

b) B.1.3 atalean bereiztearen eta hondakinen kudeaketari buruzko printzipio hierarkikoen inguruan xedatutakoari jarraituz, industria-zaborra izeneko hondakinak ezingo du balioztu daitekeen hondakin-frakziorik izan. Horri dagokionez, egungo egoeran Euskal Autonomia Erkidegoan balioztu daitezkeen hondakin-frakzioak hauek dira: papera eta kartoia, zura, plastikoak, metal ferrikoak eta metal ez-ferrikoak.

c) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.

d) Hondakin horiek ezabatzeko direnean ezin dira urtebetetik gora biltegiratuta eduki. Hondakinen azken helburua baliotzea denean, 2 urtez biltegiratu ahal izango dira.

e) Oro har, hondakinak hustu aurretik, kudeatzaile baimendu batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua ebazpen honetako hondakinen kudeaketari buruzko printzipio hierarkikoei egokitzen zaiela. Industrias Galycas SA enpresak artxibategian erregistratu eta gorde beharko ditu onarpen-agiriak edo horien agiri ofizial baliokideak, horiek nahitaezkoak direnean, bost urtean gutxienez.

f) Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

g) Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

h) Aurreko e) eta f) (kudeatzaileak EAEn daudenean), eta g) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

B.1.4.- Lurzorua babesteko baldintzak.

Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Industrias Galycas SA enpresak lurzoruaren kalitatea sakonean aztertu beharko du ondorengo egoera baten aurrean:

a) Jarduera zabaltzea.

b) Obrak eragin dituzten proiektuak gauzatzea.

c) Jarduera behin betiko uztea.

d) Lurzoruaren kalifikazioa aldatzea.

B.1.5.- Zaratari buruzko baldintzak.

Jarraian adierazitako zarata-mailak ez gainditzeko neurriak hartu eta instalatuko dira:

a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB(A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB(A) ere gehienezko balioetan.

b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB(A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB(A) ere gehienezko balioetan.

c) Era berean, zarata ezin da 60 dB(A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

C) Ingurumena zaintzeko programa.

Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

C.1.- Isuri atmosferikoak kontrolatzea.

a) Industrias Galycas SA enpresak isurien kontrola egin beharko du, informazio honi jarraituz:

Fokua Foku-kodea Fokuaren izena Neurtu beharreko parametroak Kontrolen maiztasuna

1 1000311-01 Garbiketa-dorrea Desugerketa HCl 3 urtean behin

Guztizko partikulak 5 urtean behin

2 1000311-02 Lurrun-galdara Desugerketa CO

NOx 5 urtean behin

3 1000311-03 Borax-tratamenduko erauzketa Desugerketa Guztizko partikulak 5 urtean behin

4 1000311-04 Zink-fosfatatzeko erauzketa 1. desugerketako upela Zn

Guztizko partikulak 5 urtean behin

5 1000311-05 Zink-fosfatatzeko erauzketa 2. desugerketako upela Zn

Guztizko partikulak 5 urtean behin

6 1000311-06 Kare-tratamenduko erauzketa Desugerketa Guztizko partikulak 5 urtean behin

7 1000311-07 Baterako erauzketa (sabaia) Desugerketa Zn

Guztizko partikulak 5 urtean behin

b) Goiko atalean adierazitako neurketa guztiak Kontrol Erakunde Baimendu (KEB) batek egin behar ditu (gutxienez, ordubeteko hiru neurketa, zortzi ordutan barrena neurtutakoak) eta aldizkako neurketa horiei dagozkien txostena, Ingurumen Sailburuordetzaren «KEBen gutxieneko txostenean» ezarritakoari egokitu behar zaio. Nolanahi ere, isurtzeen kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

c) Baimendutako kontrol erakundeak adierazitako parametro guztiak neurtu eta horien gainean egiten dituzten txostenak bidali beharko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurien ondorengo kontrolak egindako azken neurketarekiko adierazitako maiztasunarekin egingo dira.

C.1.1.- Lortutako emaitzak erregistratzea.

Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio hori eguneratuta egongo da, eta ingurumen-ikuskatzaileek eskuragarri izango dute.

C.2.- Isuritako uraren kalitatea kontrolatzea.

Derrigorrezkoa da ur tratatua neurtzeko pH-neurgailu jarraiki bat eta isuritako uren emari-neurgailu bat izatea, neurketaren tokiko adierazlea, beharrezko bi puntutan alarmak, eta datu historikoak gordetzeko eta kudeatzeko sistema informatizatua dutenak. Horiek Administrazioaren esku egon beharko dute gainera.

a) Analisi hauek egingo dira:

Isurketa-puntua Ingurune hartzailea Kontrolatu beharreko fluxua Kontrol-kutxetaren UTM koordenatuak Neurtu beharreko parametroak Kontrolen maiztasuna Kontrol mota

X Y

PV-1.2 Vitoria-Gasteizko saneamendu-sareko kolektoreak Industriako hondakin-ura Burdina Egunerokoa Barnekoa

Fosfatoak Astean 2 aldiz

Zinka Astean 2 aldiz

pH-a

Emaria Jarraikia

pH-a; eroankortasuna; solido solutuen guztizkoa; OEK; guztizko burdina; solido esekiak; zinka; fosfatoak Hiru hilero Kanpokoa

PRTR analisiak Urtekoa Kanpokoa

PV-1 Vitoria-Gasteizko saneamendu-sareko kolektoreak Euri-urak

528029 4746410 pH-a; OEB; OEK; olioak eta koipeak; detergente anionikoak; nitrogeno amoniakala; eroankortasuna; solido esekiak; Hiru hilero Kanpo-kontrola

PV-2 Vitoria-Gasteizko saneamendu-sareko kolektoreak Euri-urak 527914 4746390 pH-a; OEB; OEK; olioak eta koipeak; detergente anionikoak; nitrogeno amoniakala; eroankortasuna; solido esekiak; Hiru hilero Kanpo-kontrola

PV-3 Vitoria-Gasteizko saneamendu-sareko kolektoreak Euri-urak 527994 4746474 pH-a; OEB; OEK; olioak eta koipeak; detergente anionikoak; nitrogeno amoniakala; eroankortasuna; solido esekiak; Hiru hilero Kanpo-kontrola

Sustatzaileak PV-1.2 isurketa-puntuko isuriak kontrolatzeko kutxetaren UTM koordenatuak adierazi behar ditu.

b) Kanpoko kontrol bakoitza, bai laginak hartzea, bai ondorengo analisia, «erakunde laguntzaile» batek egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabeteko epean.

c) Laginketak kutsatzaile gehien sortzen den aldietan egingo dira.

d) Isurketak baimenean jarritako baldintza guztiak betetzen dituela ulertuko da, B.1.2.3 atalean adierazitako parametro guztientzat ezarritako mugak betetzen baditu.

e) Gainera, sustatzaileak pH-aren eta Zn-aren autokontrolak egingo ditu efluentean, eta hori egiaztatzea egokia bada, uren ikuskaritzaren esku egongo den erregistro-liburu batean idatziko ditu.

C.3.- Jardueraren adierazleak kontrolatzea.

Sustatzaileak jardueraren gaineko ondorengo parametro adierazleen jarraipena egingo du, ingurumenean duten eragina aztertzeko:

Adierazlea Unitatea

Energia elektrikoaren guztizko kontsumoa Kwh elektrizitate/t ekoitzi

Lurrun-galdarako gas naturalaren kontsumoa Nm3 gas natural/t ekoitzi

Guztizko ur-kontsumoa m3 sareko ur/t ekoitzi

Eguneko ur-kontsumoa m3 sareko ur/hileko egun

Desugerketako azido klorhidrikoaren kontsumoa Kg hcl/t ekoitzi

Kloruro ferroso diluitua hondakin arriskutsua sortzea Kg kloruro ferroso/t ekoitzi

Araztegiko opilak hondakin geldoa sortzea Kg araztegiko opil/t ekoitzi

C.4.- Zarataren kontrola.

Jarduera garatzen den lur zatiko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako C.6 atalean aipatzen den ingurumena zaintzeko programaren testu bateginarekin batera aurkeztuko da.

C.5.- Emaitzak kontrolatu eta bidaltzea.

Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Bidalketa urtero egingo da eta ingurumena zaintzeko programako emaitzekin batera, txosten bat aurkeztuko da. Txosten horretan adieraziko dira neurri babesle eta zuzentzaileen funtzionamendua, baita prozesuak eta ingurunearen kalitatea kontrolatzeko sistemak ere. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Arabako Ordezkaritza).

C.6.- Ingurumena zaintzeko programaren agiri bategina.

Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

D) Ezohiko egoeretarako prebentziozko neurriak eta jardunerako baldintzak.

D.1.- Instalazioa gelditzeko eta abiarazteko eragiketak eta mantentze-lanetarako programatutako eragiketak.

Urteko programatutako mantentze-lanei dagokienez, ezohiko egoeretako isuririk eta sortutako hondakinik ez egotea justifikatu beharko du enpresak.

D.2.- Jarduera uztea.

Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27340 epigrafea «Hotzeko trefilaketa»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Industrias Galycas SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

D.3.- Ezohiko jardunean aplikatzeko prebentziozko neurriak eta jarduerak.

Ebazpen honen B eta C ataletan jasotako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

b) Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, lurzorua kutsa dezakeen edozein egoerari aurrea hartzeko.

c) Goian aipatutako prebentziozko mantentze-lanen eskuliburuan, atmosferaren kutsadurari aurre hartzeko eta zuzentzeko (arazketa, minimizazioa, eta abar) sistemen egoera ona gehitu behar dira.

d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

e) Desugerketako azidoak, fosfatatzaileak eta horien hondakinak, besteak beste, eta olioak maneiatzeak eta lurzorua ura kutsa ditzake. Beraz, isuriak, jarioak edo ihesak gertatzeko arriskua izan dezaketen azalera guztiak irazgaiztuko dira.

f) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

g) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

h) Pabiloien barruan zolak garbitzean sortutako ura tratamendu-lerrora bidaliko da.

i) Andel edo putzuen hondoan pilatzen diren solidoak ez dira ibilgura hustuko aldizkako garbitze-lanetan zehar; behar bezala kudeatuko dira edo zabortegi baimendura eramango dira.

j) Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, andel iragazgaitzetan eta hondoan hustubiderik ez dutenetan biltegiratuko dira.

k) Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen eremuetan.

l) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

m) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko. Kasu honetan, baldintza hauek azpimarratu behar dira:

Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

Hausturen, ustekabeko gainezkaldien eta abarren ondorioz gerta daitezkeen jarioei eusteko, gasolioa biltegiratzeko eta manipulatzeko instalazioak modu egokian isolatuko dira.

Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei dagokienez.

Halaber, prozesuaren funtzionamendu egokiaren ustiapen- eta zaintza-eskuliburua izango da. Aldizka egindako mantentze-lanen eta kontrolen eragiketak, zein antzemandako gorabeherak jasoko dira bertan, eta enpresa espezializaturen bat bertaratzea aholkatzen da.

Hondakin-ura ezingo da «by-pass» bidez isuri arazketa-instalazioetan.

n) Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, azal-tratamenduko hausturak edo jarioak, araztegiak edo B.1.1.2 atalean adierazitako erauzketa-fokuek gaizki funtzionatzea), enpresak gorabehera edo ezohiko gertaera horren berri eman beharko dio Ingurumen Sailburuordetzari.

o) Gertakari edo arazo larriren bat edo atmosferara ustekabeko isuriren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, datu hauek agertuko dira:

- Gertakari mota.

- Gertakaria non, zergatik eta zer ordutan gertatu den.

- Iraupena.

- Ustekabeko isuria bada, emaria eta isuritako gaiak.

- Mugak gaindituz gero, isuriei buruzko datuak.

- Eragindako kalteen balioespena.

- Hartutako neurri zuzentzaileak.

- Prebentziozko neurriak berriro gerta ez dadin.

- Prebentzio-neurriak eraginkortasunez aplikatzeko ezarritako epeak.

p) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

E) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta edo ofizioz aldaraz daitezke, ingurumena zaintzeko programan lortutako emaitzetan oinarrituta.

F) Urtean behin Industrias Galycas SA enpresak Ingurumen Sailburuordetzari jakinaraziko dizkio atmosferara eta uretara egindako isuriei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko apirilaren 20ko 508/2007 Errege Dekretuaren, E-PRTR Erregelamenduko eta ingurumeneko baimen bateratuetako isurien gaineko informazioa ematea arautzen duenari jarraituz.

Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

G) 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE Erregelamenduan erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

H) Ingurumen-baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

Hirugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako Bigarren ataleko puntu hauetan ezarritako baldintzak betetzen direla: B.1.3.1.f eta B.1.3.2.e (Hondakin arriskutsu eta ez-arriskutsuen onarpen-agiriak); B.1.3.1.o eta B.1.3.2.g (Hondakin arriskutsu eta ez-arriskutsuen erregistro-eredua); B.1.3.1.l (Azken ekitaldian PCBak izatearen aitorpena); B.1.3.1.s (Bainu-hondoko lohiak hondakinaren karakterizazioa); B.1.3.2.a (HEZen ispilu-sarrera duten hondakinen karakterizazioa); C.1 (Isuri atmosferikoen kontrola); C.1.1 (Isuri atmosferikoen erregistro-eredua); C.2 (Adierazitako neurketa-ekipo jarraikiak sartu direla egiaztatzeko agiria); C.4 (Zarataren kontrola); C.6 (Ingurumena zaintzeko programaren agiri bategina); D.1 (Mantentze-lanetako isuri eta hondakinen balioespena); D.3.a (Prebentziozko mantentze-lanen eskuliburua); D.3.g (Larrialdi-kasuetarako materialen zerrenda); D.3.p (Suteen aurkako babesaren ziurtagiriak).

Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

Atal honetako baldintza horiek guztiak betetzeko 6 hilabeteko epea ezarri da, ingurumen-baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den biharamunetik kontatzen hasita.

Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

Laugarrena.- Ingurumen-baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

Bosgarrena.- Edonola ere, ingurumen-baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

Seigarrena.- Industrias Galycas SA enpresak ebazpen honen xede den alanbrea trefilatzeko jardueran titulartasun-aldaketarik eginez gero, aldaketa hori jakinarazi beharko du, Ingurumen Sailburuordetzak onar dezan.

Zazpigarrena.- Baimen honek balioa galduko du kausa hauek gertatzen direnean:

- Epearen barruan ez egiaztatzea ebazpen honetako hirugarren atalean ingurumen-baimen bateratuak ondorioak izan ditzan, ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

- Industrias Galycas SA enpresaren nortasun juridikoa bukatzea, indarrean dagoen araudian ezarritako kasuetan.

- Baimena indarrean jartzen dela adierazten duen ebazpenean xedatutakoak.

Zortzigarrena.- Ebazpen honen edukia jakinaraztea Industrias Galycas SA enpresari, Vitoria-Gasteizko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

Bederatzigarrena.- Ebazpen hau Euskal Herriko Agintaritzaren Aldizkarian argitaratzeko agintzea.

Hamargarrena.- Ebazpen honek ez du agortzen administrazio-bidea; horrenbestez, gora jotzeko errekurtsoa aurkez daiteke Ingurumen eta Lurralde Antolamendu sailburuaren aurrean, hilabeteko epean, ebazpen hau jakinarazi eta hurrengo egunetik kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2008ko apirilaren 18a.

Ingurumeneko sailburuordea,

IBON GALARRAGA GALLASTEGUI.

Azterketa dokumentala