Euskal Herriko Agintaritzaren Aldizkaria

56. zk., 2010eko martxoaren 24a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Justizia eta Herri Administrazio Saila

1723

AGINDUA, 2010eko martxoaren 8koa, Justizia eta Herri Administrazioko sailburuarena, azaroaren 10eko JUS/3339/2008 Aginduaz Euskal Autonomia Erkidegoan dei egindako hautaprobak gainditu dituzten Justizia Administrazioko Prozesu eta Administrazio Izapidetzako Kidegoko funtzionarioei (barne-sustapeneko txanda) lantokiak esleitzeko dena.

Justizia Administrazioaren Zerbitzupeko Funtzionarioak Lanera Sartzeko, Lanpostuak Hornitzeko eta Lanpostuz Igotzeko Arautegia onartzen duen abenduaren 7ko 1451/2005 Errege Dekretuko 28 eta 29. artikuluetan ezarritakoa betez, 2010eko martxoaren 8ko Aginduaren bidez Prozesu eta Administrazio Izapidetzako Kidegoko karrerako funtzionario izendatu diren Justizia Administrazioko Prozesu eta Administrazio Izapidetzako Kidegoko funtzionarioei (barne sustapeneko txanda) I. eranskinean zerrendatzen diren organo judizial eta fiskaletan lantokiak esleitzea ebatzi dut, honakoak kontuan hartuta:

Lehenengoa.- Agindu honen bidez lantokia esleitzen zaien Prozesu eta Administrazio Izapidetzako Kidegoko funtzionarioek egutegiko hogei eguneko epean hartu beharko dute jabetzan haien kargua, agindu hau Euskal Herriko Agintaritzaren Aldizkarian argitaratu eta biharamunetik zenbatzen hasita, edo, Euskal Herriko Agintaritzaren Aldizkarian eta Estatuko Aldizkari Ofizialean batera argitaratu ezean, Estatuko Aldizkari Ofizialean argitaratzen den egunetik zenbatzen hasita, aipatutako errege-dekretuko 29. artikuluan xedatutakoaren arabera.

Lanpostu-jabetzea Bulego Judizial eta Fiskalaren zuzendariaren edo hark eskuordetutako funtzionarioaren aurrean egingo da, Araba edo Gipuzkoako EATetan, esleitutako lantokiari dagokion lurraldearen arabera.

Bigarrena.- Agindu honen bidez lantokia esleitu zaien eta Laguntza Judizialeko Kidegoan lanean jarraitzea erabakitzen duten funtzionarioek ez dute esleitutako lanpostua jabetzan hartzera joan beharrik izango. Nahikoa izango da hartutako erabakia lehenengo idatz-zatian adierazitako epean Bulego Judizial eta Fiskalaren Zuzendaritzari jakinaraztea, zuzendaritza horrek Botere Judizialaren uztailaren 1eko 6/1985 Lege Organikoaren 506.d) artikuluan aurreikusitako borondatezko eszedentzia aitortu diezaien. Borondatezko eszedentzia aitortzeko ebazpenaren kopia Justizia Administrazioko Giza Baliabideen Zuzendariordetza Nagusiko Langileen Erregistro Nagusira bidaliko da.

Hirugarrena.- Prozesu eta Administrazio Izapidetzako Kidegoan sartzea erabakitzen duten funtzionarioek Justizia Administrazioan emandako zerbitzuetan hutsunerik sortu nahi ez badute -lanpostuaz jabetzeko beharrezkoa den denbora kontuan izanik- egun Laguntza Judizialaren Kidegoan betetzen duten funtzionario-lantokia Euskal Autonomia Erkidegoan badago, karguaz jabetzeko egun bateko baimen ordaindua eskatu ahal izango diote Bulego Judizial eta Fiskalaren Zuzendaritzari udalerri-aldaketarik ez baldin badago, edo bi egunekoa udalerri-aldaketa badago, Kanariar Uharteetara, Balear Uharteetara, Ceutara edo Melillara joan behar direnen kasuan izan ezik; horiek gehienez hiru egun hartu ahal izango dituzte kargu berriaz jabetzeko.

Bulego Judizial eta Fiskalaren Zuzendaritzak lanpostuaz jabetzeari buruzko eta egindako aukerari buruzko aktaren kopia helaraziko dio Justizia Administrazioko Giza Baliabideen Zuzendariordetza Nagusiko Langileen Erregistro Nagusiari.

Funtzionarioak beste lurralde-kudeatzailetza batetik edo giza baliabideen gaineko eskumena duen beste autonomia-erkidego batetik badatoz eta lanpostu berria aukeratzen badute, agiri horiek organo horietara helarazi beharko dira, Prozesu eta Administrazio Izapidetzako Kidegoan lanpostuaz jabetzen diren data berean Laguntza Judizialaren Kidegoan borondatezko eszedentzia eta kargugabetze automatikoa ofizioz eman diezaieten, horrela ordainsarietan etenaldirik ez gertatzeko.

Laugarrena.- Prozesu eta Administrazio Izapidetzako Kidegoko lanpostu berrian gelditzea aukeratzen duten funtzionarioek, lanpostuaz jabetzen direnetik, martxoaren 10eko 364/1995 Errege Dekretuko bosgarren xedapen gehigarrian ezarritako baimen ordaindua hartzeko eskubidea izango dute. Baimen horretatik agindu honetako hirugarren idatz-zatian aipatzen diren egunak kenduko dira.

Bosgarrena.- Onartutako hautagaiei esleitu zaizkien lanpostuak betetzen ari diren bitarteko funtzionarioek titularra lanpostuaz jabetzen den egunean utziko dute lanpostua.

Seigarrena.- Agindu honen bidez lantokia esleitzen zaien Prozesu eta Administrazio Izapidetzako Kidegoko funtzionarioek, kalifikazio-hurrenkera dela-eta lantokia derrigorrean esleitzen bazaie ere, agindu honen datatik zenbatzen hasita bi urte igaro arte ezin izango dute lekualdatze-lehiaketetan parte hartu. Bi urte horiek zenbatzeko, Botere Judizialaren uztailaren 1eko 6/1985 Lege Organikoko 529.3 artikuluko bigarren paragrafoan xedatutakoari jarraituko zaio.

Zazpigarrena.- 2010eko otsailaren 1eko Aginduaren bidez izangaiei eskaini eta Prozesu eta Administrazio Izapidetzako Kidegoan barne-sustapenaren bidezko izangai sartu berriei esleitu gabe utzitako plazek hutsik jarraituko dute, txanda libreko Prozesu eta Administrazio Kudeaketako Kidegoan sartzen diren izangaientzat gordeta.

Agindu honen aurka interesdunek aukerako berraztertzeko errekurtsoa aurkez diezaiokete Justizia eta Herri Administrazioko sailburuari hilabeteko epean; bestela, administrazioarekiko auzi-errekurtsoa aurkez dezakete, Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean. Agindua Estatuko Aldizkari Ofizialean argitaratu eta hurrengo egunetik aurrera zenbatuko dira epeak bi kasuetan.

Vitoria-Gasteiz, 2010eko martxoaren 8a.

Justizia eta Herri Administrazioko sailburua,

IDOIA MENDIA CUEVA.

I. ERANSKINA

Hurrenkera-zk. NAN Abizenak Izena Esleitutako destinoa Udalerria Probintzia

1 30663846 Santamaria Esnaola Amaia Lehen Auzialdiko 5. zk.ko Epaitegia Vitoria-Gasteiz Araba

2 13145202 Montoliu Ayala Teresa Emakumearen Aurkako Indarkeriaren Arloko 1. zk.ko Epaitegia Vitoria-Gasteiz Araba

3 30641330 Bardeci Unzaga Maria Asunción Lehen Auzialdiko 4. zk.ko Epaitegia Vitoria-Gasteiz Araba

4 30601160 Landa Aguirre Jesus Lehen Auzialdiko 4. zk.ko Epaitegia Vitoria-Gasteiz Araba

5 30630123 Cruz Gago Natalia De La Lehen Auzialdiko 3. zk.ko Epaitegia (Erregistro Zibila) Vitoria-Gasteiz Araba

6 30620279 Olazabal Pereda Alvaro Lehen Auzialdiko 4. zk.ko Epaitegia Vitoria-Gasteiz Araba

7 30591447 Gonzalo Tuñón Amalia Elena Lehen Auzialdiko 3. zk.ko Epaitegia (Erregistro Zibila) Vitoria-Gasteiz Araba

8 7854255 Román Hernández Jose Manuel Lehen Auzialdiko 2. zk.ko Epaitegia Vitoria-Gasteiz Araba

9 15388305 Perez Gallo Pedro Luis Probintzia Auzitegia - 2.sekzioa Donostia-San Sebastián Gipuzkoa

10 16043657 Collazos Lopez Maria Trinidad Lehen Auzialdiko 3. zk.ko Epaitegia (Erregistro Zibila) Vitoria-Gasteiz Araba

11 11921502 Garcia Blanco Sainz De La Maza Ana Probintzia Auzitegia - 3. sekzioa Donostia-San Sebastián Gipuzkoa

12 30639655 Garcia Abascal Ana Rosa Lehen Auzialdiko 1. zk.ko Epaitegia Donostia-San Sebastián Gipuzkoa

13 16278023 Durana Vegas Elena Zigor Arloko 1. zk.ko Epaitegia Vitoria-Gasteiz Araba

14 16265620 Loza Pedrosa Jesus Maria Zigor Arloko 1. zk.ko Epaitegia Vitoria-Gasteiz Araba

15 30634593 Fernandez Olmo Ricardo Zigor Arloko 1. zk.ko Epaitegia Vitoria-Gasteiz Araba