Euskal Herriko Agintaritzaren Aldizkaria

213. zk., 2009ko azaroaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Osasun eta Kontsumo Saila

5931

4838/2009 EBAZPENA, urriaren 15ekoa, Osakidetza-Euskal Osasun Zerbitzuko zuzendari nagusiarena, Osakidetza-Euskal Osasun Zerbitzuko zuzendari nagusiaren apirilaren 21eko 1452/2009 Ebazpena aldatzen duena, medikuen kategorian (Kirurgia Plastiko, Estetiko eta Konpontzaileko mediku espezialista lanpostu funtzionala) Osakidetza-Euskal Osasun Zerbitzuko zerbitzu sanitarioetako erakundeetan lotura estatutarioa lortzeko pertsonalaren hautatze-probetarako kalifikazio epaimahaiari dagokionez.

Indarrean den legediak izendatzen dizkidan ahalmenak erabiliz, hau

EBATZI DUT:

Lehenengoa.- Osakidetza-Euskal Osasun Zerbi­tzuko zuzendari nagusiaren apirilaren 21eko 1452/2009 Ebazpena aldatzea, medikuen kategorian (Kirurgia Plastiko, Estetiko eta Konpontzaileko mediku espezialista lanpostu funtzionala) lotura estatutarioa lortzeko pertsonalaren hautatze-probetarako kalifikazio epaimahaiari dagokionez. Ebazpen horretan honako hau zuzendu behar da:

a) Alfredo Enrique Martínez Florez jauna hiru­garren mahaikide titular izateko egin zen izendapena ezeztatzea, kide horrek prozesuan parte har ez dezan arrazoiak daudelako, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 28. artikuluari eta harekin bat datozen artikuluei jarraiki.

Bigarrena.- Ebazpen hau EHAAn argitaratzeko agintzea.

Hirugarrena.- Deialdiko oinarri orokorretako 22. oinarrian ezarritakoaren babesean, ebazpen honen aurka gora jotzeko errekurtsoa aurkeztu ahal izango zaio Osakidetza-Euskal Osasun Zerbitzuko Administrazio Kontseiluari. Horretarako hilabete izango da ebazpen hau EHAAn argitaratu eta biharamunetik hasita.

Vitoria-Gasteiz, 2009ko urriaren 15a.

Osakidetza-Euskal Osasun Zerbitzuko zuzendari nagusia,

JULIÁN PÉREZ GIL.